||.. شفت بعيني ما قآلي أحد ..|| - الصفحة 5

salima14 · 2012-06-27, 15:29

أنا نحكيلكم موقف صرالي جامي نسيتو ا
كل صيف نهبط للبلاد نفوت العطلة عند دارنا
هنا في مطار فرانسا الأولوية بالمرور إلى قاعة
الإنتظار والنزول من الطائرة والخروج للمعاقين
والنساء الحوامل والشيوخ والأمهات اللي عندهم
أطفال صغار وحد المرة كنت حاملة وسفر طارئ
فمطار فرنسا مررت السهم حتى للطائرة قلعت الطائرة
وصلنا لدزاير هبطت رحت وين يكاشو لي باسبور
كانو بزاف ناس قدامي رحت تقدمت أنا لولا ونطلب
فالسماح سمحولي كامل كي وصلت عند الشرطي
قاللي وش جابك نتي من طرف الصف قتلو أنا حاملة
ناض وقالي أرجعي لبلاصتك هنا قاع كيف كيف لا
حامل لا معوق ههههههه لا يديك لا يجيبك حشمت تبهديلة
غاضتني بكيت لوكان كان عندي كلاش نفرغو فيه
ومازلت عاقلة على وجهو هذي 3سنين الله لا يربحوا

salima14 · 2012-06-27, 15:36

مزاااال نزيد نحكيلكم واش شفت بعيني شكرا على الموضوع

الهـ ع ـاشمي · 2012-06-27, 15:58

بارك الله فيك اختي معا إلى الله

أنا سمعتها بوذني هاذ الهدرة في التيليفون

هذا نص الحوار

--------------------------------------------------------------------------------------

إنقطع أول أمس 25/06 /2012 التيار الكهربائي في كل من العلية والطيبين والحجيرة على الساعة الواحدة ظهرا.... في درجة حرارة كانت تقارب ال 50 درجة.
فر ذلك إتصلنا بسونلغاز تقرت على الرقم :029.67.17.16

أجاب
العون المكلف : وييييي
kamikaz30 : يا خويا ما فيكمش قاع رحمة ربي أنتم.. ما تقولش عجايز مرضى... أطفال رضع ....
العون المكلف : واش من بلاصة ؟؟؟
kamikaz30 : العلية ...... واش كاين عطل ؟؟؟؟
العون المكلف : لا ماكاين لا عطل لا والو حنا كوبيناها..
kamikaz30 : وتقول فيها وعاجيك الحال؟؟
العون المكلف : والله خاطيني أنا يا خويا جا امر من فوق من مسؤول قالي كوبي كوبيت
kamikaz30 : شكون هذا لي قلك كوبي أعطيني أسمو
العون المكلف : لا ما نقدرش نعطيك اسمو إسمحلي ...
kamikaz30 : نتا ماكش راجل وبأشكال كيما نتا قعدت ورقلة متاخرة.

------------------------------------------------------------------

إذن إذا راك راجل أيها المسؤول الذي امرت وستأمر بقطع الكهرباء قول أنا..... ونتوما الخدامة في سونلغاز اولاد ورقلة وتقرت كونوا رجالة وقولوا كلمة الحق... أرفع راسك يلعن ذاك الوجه....
---------------------------------------------------------------------------------------------------------------------

ويا حيوان اللي أسمك بوكرفة المدعو '' بوطرفة '' ال pdg تاع سونلغاز

إذا راك راجل اهبط لورقلة

آآآي مش شركة تاع باباك يا بوكرفة

Dj BoBo · 2012-06-27, 16:33

معاً إلى الله · 2012-10-02, 23:30

بااارك الله في كلّ من سرد لنا قصّة رآها بأمّ عينه ..
شكرااا جزيلاااا على مروركم الكريم .. و تنويركم للموضوع ..
==================

أمّآ أنا شفت بعيني ما قالي أحد .. o_0
أمس .. نعم أمس في هاذ الوقت بالتقريب ..
سمعتُ طلقات الرصاص X_X .. و صراخ و كلام مشوّش ..
أطفأت الضّوء و توجّهتُ نحو النافذة [ لأقرعج ] .. ^^
و رأيتُ بأمّ عيني مشهدااا و لا في السينما ..

كان مجموعة من الشباب .. أمسكو بشاااب و كتّفوه ..
و يقولون له : أطلق أطلق أطلق .... حاب تقتلنا !!!
واحد حكمو من رقبته و الآخر أمسك بيده و الثالث يضربه بركلات الى بطنه ..
ثمّ بدأ الرصاص يتطاير .. !!!
من بعد باش فهمت أنو ذاك الشاب الممسَك به .. كان يحمل [ كابوسة ] .. ~_~
و من ضغطهم عليه بدا يطلق [ في المليان ] .. على قول اخواننا المصريين ^^
السيد مزال محبش يطلق السلاح و هم مزال مكتفينوا ..
و يجي آخر بلوح غليظ .. و ينهال عليه ضربااا .. o_0
و في الأخير و أنّهم عرفوا أو أحسوا بقدوم الشرطة ( ربّما أحد بلّغ أكيد ) ..
ترّفقوا و هربوا كلّهم ..

كلّ هذا كان تحت مرأى عيني .. لم أعرف هل أصدّق أم لا أصدّق ..
و لستُ أدري ما السبب .. !!
كلّ ما تيقّنتُ به أنّ الدنيا لم تعد بخير .. و ما بقاااش لمااان في أرض ربّي ..
الله المستعااان ..
الله يقينا شرّ الأشرار .. و يحمينا من كلّ فتن .. و يحفظ أهااالينا يااا رب ..

سلااامي و سلااامة عيووونكم و ما تشوفوا الّآ خير ..

سليلة الغرباء · 2012-10-03, 08:24

شفت بعيني ماقالي أحد القمامة ترمى في طريق المارة وبجانبها حاوية القمامة فارغة

معاً إلى الله · 2012-10-03, 14:24

اقتباس:

المشاركة الأصلية كتبت بواسطة سليلة الغرباء

شفت بعيني ماقالي أحد القمامة ترمى في طريق المارة وبجانبها حاوية القمامة فارغة

مام أنا شفتها بعيني ...

إلى متى نبقاوا نشوفوا غير بعينينا ..
أليس واجبااا عليناا أن نتحرّك .. و نحاول التغيير .. !!!

أختي الكريمة بوووركتِ على المشاااركة ..
ما شفت عينيكِ شرّ ..

الاصيلة · 2012-10-03, 15:24

المشكل كاين ياسر مواقف نشوفوهم يوميا تندمي لي شفتيهم بصح المشكل الاكبر لما تشوفي و متقدريش تتحركي
مثلا انا مرة شفت العجوز تخدم في شغل الدار و الكنة قاعدة تتفرج في التلفزيون

الأمنيات · 2012-10-03, 16:07

اقتباس:

المشاركة الأصلية كتبت بواسطة الاصيلة

المشكل كاين ياسر مواقف نشوفوهم يوميا تندمي لي شفتيهم بصح المشكل الاكبر لما تشوفي و متقدريش تتحركي
مثلا انا مرة شفت العجوز تخدم في شغل الدار و الكنة قاعدة تتفرج في التلفزيون

هل حدثت امامك اذا امامك كان لازم تتكلمي ....صراحة في هذه المواقف لا اسكت حتى وان لقيت ما لا يسرني
اقول كلمة حق حتى وان كانت اختي لا احب مثل هذا التصرف
الله يهدي
شفنا وسمعنا وعشنا شوي يا للعجب

الاصيلة · 2012-10-03, 16:35

اقتباس:

المشاركة الأصلية كتبت بواسطة الأمنيات

هل حدثت امامك اذا امامك كان لازم تتكلمي ....صراحة في هذه المواقف لا اسكت حتى وان لقيت ما لا يسرني
اقول كلمة حق حتى وان كانت اختي لا احب مثل هذا التصرف
الله يهدي
شفنا وسمعنا وعشنا شوي يا للعجب

اختي حاولت نتكلم العجوز منعتني وقالتلي مانيش حبا المشاكل و المشكل الاكبر انو ابنها جاء قعد مع مرتو يتفرج في التلفزيون

سأضل أحلم · 2012-10-03, 23:11

شفت بعيني وراني متأكدة بلي نتوما gاع شفتوها راجل فايت50 سنة رافد 3 باكيات مناديل ورقية papier mouchoirs يبيع فيهم 10 دج للواحد
أنا اللي حيرني شحال حيربح مسكين فيهم
ربي يجيب الخير

بساوى · 2012-10-03, 23:35

رحت للعرس لفت انتباهي امرة ترقص عجب امام الكامراءواللباس الضيق و المكياج كومبلي وكي جات مروحه لبست نقاب غير عينها يبانو .
رحت للمطار لاستقبال احد اقاربي جاء من الحج واول ما وصل طلب من احد الرجال سجاره واصبح يدخن والنسوه يزغردن لقدومه .
شفت نسوه قاعدين في العرس دايرين المكياج كي قالت لهم مولات العرس ارواحو تتعشاو قالولها رانا صايمين للاجر ههههههههههههه والله الدنيا فيها لعجب .

الزبرجد · 2012-10-03, 23:49

أردت التسجيل هذه السنة و في الجامعة التي تخرجت منها فطلبو مني ملف يتكون مما يلي :

نسخة طبق الاصل لكشف الباكالوريا
نسخة من الديبلوم
استمارة تملأها على مستوى الكلية التي تريد التسجيل بها

و قيل انه بعد دراسة الملفات يصدر القرار

و اليوم لما ذهبت للاستفسار قيل لي ان كل الملفات رفضت بناء على تعليمة صادرة عن الوزارة الوصية

فطلبت من مدير الدراسات أن يعطيني نسخة عن التعليمة فأجابني أنها وصلته شفهيا فقط

مدير دراسات كلية العلوم القانونية و الادارية يطبق تعليمة وصلته شفهيا

العبارة الأخير نطقتها مثلما نطق عبد الحميد كشك بعبارة : امرأة في السبعين من عمرها تقول ؛خذني بحنانك خذني ؛

فتـ حييةـاة · 2012-10-04, 01:10

شخص جاء عند اخي وطلب منه كامرا ..........لماذا ؟؟؟

اخوه عنده حوالي 24 سنة يحتضر وماحبش يفوت تلك اللحظات التاريخية ؟؟؟

عجب انا حرت
ممكن تبانلكم مش غريبة انا بانتلي اغرب من الغرائب

gomplayer · 2012-10-04, 01:13

شكرا على الموضوع الرائع، التقرعيج مفيد للصحة حسب بعض الخبراء