طريقة عمل الغرس في البيت نقي ومضمون

[البحر الصافي]

بسم الله الرحمن الرحيم
الطريقة هي كالاتي
اولا لازم تشري هده النوعية تاع التمر لي يصلح غرس والبائع يوريلك

نقيه من الحبات اليابسين ومن جميع الشوائب ومن بعد اغسليه بهده الطريقة


اغسليه مرتين وخلاص وحطيه في كورباي يقطر مليح

وغطيه وخليه ينشف مرة على مرة حركيه يعني هزي الكورباي بيدك لازم ينشف مليح انا غسلتو الصباح منغدوة لعشية لقيتو نشف عندنا الحال سخون
كي ينشف وجدي بيدون انا استعملت نتاع الزيتون الاخظر كبير
نحيلو هديك القطميرة باش تتهني منها مرة اخرى وما تعبكش

لوحي في البيدون كمية ورصي بيدك مليح وزيدي عاودي حتى تكملي الكمية كل انا كاجو عمرلي بيدون الزيتون والحمد لله

ملسيه مليح من فوق لازم ماتكونش فراغات باش ما يسوسش

وفي الاخير غطيه بالبلاستيك الغدائي واغلقيه بالغطاء
واستمتعي بغرس نقي وخدمة يديك احسن
نطلب من لي قرا الموضوع وعجبو يدعيلي بالشفاء والنجاح والصلاح لوليدات وان شاء الله يكون هدا المجهود صدقة جارية لاني تعبت في وضع الصور وكلش لوجه الله
ملاحظة الغرس هدا ما يصرالو والو في الشتاء ما تخافيش وكي يبدا الحال يسخن لي بقالك في البيدون نقيه وارحيه كان حبيتي وديريه في الفريجيدار