وصفات الحلويات المجربة للعيد ان شاء الله

[فايزة44]

المشاركة الأصلية كتبت بواسطة أم عبير

الاخت فايزة حبيت نسقسيك عن اي شكولا للقللاصاج تستعمليها و شكرا على الوصفات

اهلين حبيبتتي ام عبير انا نستعمل لابات اقلاص موكا

[بشرى2008]

جربت نتاع ام اماني صح رووووووووووووووووووووووووعة

[الأمنيات]

اختي فايزة ربي يجازيك ممكن رابط وصفة المشماش حلوة درتيها انتي وراها دريرتها ام رامي مشيمشة ما لقيتش الرابط
الفندو نقدر نديره وحدي ادا نعم اعطيني طريقة سهلة

[aouatif96]

https://www.djelfa.info/vb/showthread.php?t=11640


bissat el rih

[نور الهدى06]

الذ قطايف بنواد كوكو

هذي القطايف لذيذة جداااا وانا كل عيد نديرها وفي كل المناسبات السعيدة على ضمانتي ذوقها اكثر من رائع

المقادير
la pate:كيما تاع البقلاوة mais زيديلها كيلة نشا باه تجي رطبة وتقرمش وتهبل 4 كيلات بكيلة +الكيلة تاع النشا وفاني وملح وبلي بماء بارد
ادهني plat au four بالزبدة اعملي 3طبقات اكيد تكوني حليتيها بالمنوار ولكانك فحلة اخدمي الدويدة تاع لقطايف تكوني رشتي برشا نشا ومرغتيها باه متعجنش ولكانك تعبانة روحي لsuperettes اشريها bon
الحشو : رطل نواد كوكو
رطل سكر
4حبات قارص برش +عصير
2م/ك زبدة ذايبة
4 بيض
1خميرة قاطو
التحضير :حطي الكوك والسكر والزبدة والقارص والخميرة والفاني خلطي بالمغرف لا تستعملي ابدا يدك متعجنيهاش باه متعجنش وكسري البيض اضربيه بالفرشيطة وخلطيه مع اخرين بالمغرف منعاودش ممكن تزيدي صفار او بيضة لا تكون جارية ولا تتفتت لضمان التماسك
صبيه فوق العجينة واعدلي بالمغرف والقطايف من لفوق قصيها وهي نية كون طيب وتقصيها الجزء العلوي يفصل عن الجزء السفلي من الحشو وتتكسر ok السكين اما سخنيه في النار او دخليه في الزبدة باه يمشي وصبي الزبدة ياسر
طيب 180درجة ساعة غير ربع وعسليها ياسر اقل من البقلاوة شويةبرك
العسل معاه برشا عصير قارص مخلطين يمد نكهة رائعة تخليه تبرد وتقطعيها وتحطيها في ناب وكيسات بيضاء اللون
ولي تحب نعطيها مقاديرقد plat مقروط او نصفه للمناسبات

[نور الهدى06]

بوتي فور يذوب في الفم احسن من تاع الخباز
500 غ زبدة لابال
بيضة +صفار
كاس سكر ارطب
2 مغارف صغار فاني تاع الميزان
نصف فنجان زيت
لا تحتوي على خميرة
2 م/ك حليب سائل +م/ك لحظة
برش 2 قارص انا نزيدلها م/ص شيكوري
900غ فرينة نحي 100غ تاع فرينة ونحط في مكانه 100غ نشا
السر باه تخرج في لابوش ادوي هو التشياح لازم طرية باه تمشي
ادا عملت 250غ زبدة الفرينة تكون 450غ
الطريقة
تخلطي الزبدة الي تكونيdeja نحيتيها من الثلاجة اي طرية بالباتور وتزيدي السكر بالتدريج ثم البيضة حتى تدوب ثم الصفار تم 2محليب سائل وتخلطي تم م لحظة تم المنكهات ضربة خفيفة بالباتور باه متروحش النكهة Juste يدخلو وهنا طفيه وبمغرف حطب زيدي الفرينة المغربلة بالتدريج حداري تعجنيها توقفي اصابعك كالفوي ودخلي الفرينة تكون طرية ترتاح شوية برك ميز ملميتي المطبخ ووجتي الصنيوة لا تدهنيها حطي في لابوش
انا نحب نستعمل لادوي مشرشفة ياسر مسننة وتوقفيها وتخرجي اصابع او وريدات او ****ياج من الاسفل الى الاعلى كي تاتي bonbee
تقريبا كل اسبوع نعملها لزوجي باه يفطر بها كل يوم ونفضل الوريدات باه منزيدش نلصق secs تاع حليب
خليها ترتاح باه تحكم la forme وميروحوش الروسومات في الطياب جربي وحدة ادا هبطت زيدي شوية فرينة حتى توالفي عليها الوريدات حطي في الوسط سوغيز او اي نوع مكسرات وكطيب ادهنيها بالناباج لتصبح لامعة والاصابع حلي علبة معجون معاها علبة شمية تاع الامنيوم الصغيرة لتعطيها دوق لديد ولصقي 1مع1 والراس اغطسيه في chocolat او في خليط المعجون ثم في نواد كوكو ملون او فستق مرحي

[نور الهدى06]

السلام عليكم حبيباتي حبيت نحطلكم هذي الوصفة لانها رائعة جدا ودائما يطلبو مني نخدمها عطاتهالي صديقة ليا يمكن تعملوها مع صينية القهوة تاع رمضان او في العيد مع عصير
المقادير:6 بيض
180غ سكر عادي
125غ حليب سائل
125غ زيت
1 م/ص فاني
2خميرة حلوى
400غ فرينة
الشاربات:رطل سكر
لترماء
1م/ص فاني
قطعة صغيرة شب
التزيين :لا جولي مربى المشمش لوز افلي
التحضير:مثل طريقة الموسكوتشو نضرب البيض والسكر حتى يتضاعف الحجم ويعمل pike عصفور ثم حليب ثم زيت ثم فاني وخلطي الفرينة مع الخميرة وغربليها وزديها بالمغرف بتاني كي لا يتكسر لنا الخليط
ثم ناخذ قوالب صغيرة تاع بابا a savarain ندهنهم بالزبدة ونعمر 3ارباع ثم ندخلهم فرن ساخن 160 درجة تقريبا 30 دقيقة عينك ميزانك نار هادئة لا قوية لانهم يحمارو ويبقاو من الدخل عجينة
كيطيب ويصبح ذهبي ننزعهم تكون الشاربات باردة طيب من قبل تكون خفيفة
ننزعهم من المول ونغطسهم مباشرة في الشاربات لا نتركهم كثيرا حذاري ثم نقطرهم ثم نطليهم بلا جولي الساخنة وفي تلك الحفرة في الوسط نعمل مربى وعلى الطروف شرائح لوز وتقدم في قوالب بلاستيك خاصة بالبابا ونضعهم في الثلاجة و تقدم باردة
نعمل فراز طايب في سيرو خاثر في القالب ثم فلان فراز يكون عاقد يبرد من قبل ثم نحط فوقها حبة اليويو واستعمل مربى فراز او بنان وكريمة بنان

[نور الهدى06]

طلية ناجحة وطرية
القلاصاج باه يبقى طري وميوليش حجرة ننصحك متعمليش تاع بياض البيض هذا هو لييباس
نعطيك القلاصاج تاعي مثل الفوندو يكون طري لا يولي حجرة
المقادير:كاس تاي للكل :يكفي ل :45/50 كعبة
كاس تاي حليب
كاس تاي ماء زهر
قليل فاني
ملون ابيض تاع الميزان
هذه المقادير تهز حوالي سشية سكر ارطب المرجان
لا تخلطي بالفرشيطة بل الافضل بيدك
تجربي بالكعبة ادا طاح زيدي السكر ملزمش تبقى شفافة
لازم قلاصاج شاد روحو

[aouatif96]

akbar tajmi3 lil halawiyate djelfa
atamana an yanfa3akoum
https://www.djelfa.info/vb/showthread.php?t=1078556

[فايزة44]

بوركت اختي مينوشة الله يفرحك ، نسستناوا المزيد من وصفاتك المميزة

اختي aouatif96 بارك الله فيك

[منى 92]

سلام اختي فايزة
صح فطورك
ممكن كيفية تحضير الشكولاطة البيضاء
واي نوع نختار انا جربت تع القطعة اي بالميزان وماصلحتليش كي نديرها في حمام مائي تصبح سايلة
وشكرا
اختي فايزة جاوبيني تعيشي

[نور الهدى06]

لا شكر على واجب حبيبتي فايزة وشكرا على الموضوع الرائع

[صابرة2013]

بوركت أختي فايزة موضوع مميز

[انا حبة سكر]

الله يعلى من شانكم
وربي يقبل عليكم
شكرا جزيلا
صحا رمضانكم

[فايزة44]

المشاركة الأصلية كتبت بواسطة ladymillion

كورني الجلجلان



500غ فرينة
250 غ جلجلان محمصة
90 غ زبدة ذايبة وباردة
م ك سكر ناعم
رسة ملح
بيضة
تلمي العجينة بماء زهر
وخليها ترتاح نصف ساعة
وحليها تكون رقيقة شوي واطبعيها دائرة بقطر 7سم وروليها عاى المورني وغلقي بالماء يساعد على غلقها وما تتحلش في الزيت واقليها في زيت سخونة ومن بعد الكورني راح يتنزع بالشوي كملي نهيح وهو في الزيت بات تتحمر من داخل كي تتحمر الحبة انزعيها من الزيت الى العسل مباشرة العسل مع شوي ماء زهر
الحشوة :
150 لوز محمص ومرحي ماشي رطب (( او كاوكاو ))
150 جلجلان محمصة
بيسكوي مرحي ماشي بزاف
150غ حلوة الترك مرحية مع البسكوي
2 م ك كراميل
ولمي هاذ الحشوة بعسل سخون

واحشي الكورنيات ومن فوق مرمديها كيما تحبي كاوكاو أو فستق او جلجلان

امممممممممممممم يهبل شكررررا على الوصفة