شكون عندها وصفة البيتزا كيما اللي تتباع؟

[amel-oran]

MERCI CHOKRANE

[حكيمة وهران]

بارك الله فيكم موضوع شيق

[حكيمة وهران]

بارك الله فيكم موضوع شيق

[sosoinfo]

المشاركة الأصلية كتبت بواسطة MinaNina ADEL

السلام و عليكم اختي إلهام07
اما بعد سوف اقدم لكي الوصفة الحقيقية لعجينة البيتزا و لكن يجب اتعلمي بعض الامور و هي
اولا لازم يكون عندك الفرن كيما تاعي الملقب بفرن سعادة راهم كاين في الاسواق بعدة احجام بما انو انا اصنع حلويات تقليدية عندي واحد كبير لكن يوجد هنال باحجام صعيرة و انا انصحكي بهذا الفرن لانه رائع
ثانيا لما تطبخي البيتزا لازم تطيب فوق لحديدة تع الفرن كيما كيما يطيبوها تع بارا واضخ اختي
ثالثا سوف اقدم لكي الوصفة
كيلو فرينة
ملعقة اكل خميرة خبز
ملعقة اكل ميزينة
ملعقة اكل حليب لاحظة
ملعقة اكل ممسوحة ملح
ملعقة اكل سكر
خلطي كامل المكونات الجافة ثم اضيفي كاس تع الشاي و نصف زيت حكيها مليح بين يديك وجمعيها بالماء الدافئ وعجنيها مدة 10 دقائق خليها تخمر حوالي 20د عاودي كسرها وعملي des bulles كيما تع بارا وحضري صلصة تاعك و بداي طيبي
والله غير وصفة رائعة في الاخير ادعولي بالشفاء

salam momkin ya okhti tsawrilna four nta3ak w tna3tiholna w rabi yhafdekk w ychafiiik nchllhh

[imane 17]

بارك الله فيك

[mihra]

يعطيك الصحة باارك الله فيك هاايلة تسلم الاياادي

[إلهام07]

شكرا لكل من حاولت المساعدة ...ألف شكر وكل المعلومات اللي حطيتوهالي أخذتها بعين الحسبان وإن شاء الله نجربها
الموضوع قديم والحمد لله بفضل الله ثم مساعدةا الاخوات البيتزا نتاعي راهي وخير من نتاع برا والحمد لله شكرا اخواتي
ولكن هذا لا يمنع أنني نزيد نجرب حوايج جدد لأنني نحب دائما نستكشف طرق جديدة

.....تحياتي

وهذي صورة البيتزا نتاعي ضرك :

[زنجبيل11]

المشاركة الأصلية كتبت بواسطة إلهام07

شكرا لكل من حاولت المساعدة ...ألف شكر وكل المعلومات اللي حطيتوهالي أخذتها بعين الحسبان وإن شاء الله نجربها
الموضوع قديم والحمد لله بفضل الله ثم مساعدةا الاخوات البيتزا نتاعي راهي وخير من نتاع برا والحمد لله شكرا اخواتي
ولكن هذا لا يمنع أنني نزيد نجرب حوايج جدد لأنني نحب دائما نستكشف طرق جديدة

.....تحياتي

وهذي صورة البيتزا نتاعي ضرك :

الهام اعجبتني البيتزا منظرها روعة
كيفاش عملتيها ممكن

[hananelove]

السلام عليكم
انا سقسيت واحد يبع برا البيتزا على السر قلي المشكل ماراهوش فالمكونات المشكل فالفرن لان فرن الخباز برا special مش كيما تاع الدار هدا هو المشكل

[malika38]

السلام عليكم
جربت هاد البيتزا و خرجت روعة
طبعا اخدتها من منتدانل الغالي
و شكرا للاخت لي حطتها الف شكر
نصف كاس ماء دافي+نصف كاس حليب دافي+حبة بيض+ملح+نصف م ك خميرة الخبز+ نصف م ك سكر + 1 خميرة كيميائية
تخلطي الكل مع بعض و تلميها بالفرينة و تعجني غير شوي و تخليها تخمر ثم تفشيها وتخبزي هاد المقادير جيك 2 خبزات كبار تحطي الصلصة كيما اتحبي و دخليها تطيب من تحت كي تحمار اشعلي من فوق
وبصحتك مسبقااااااا

[kamili1]

يعطيك الصحة

[قاسم بني هاني]

الف شكرا على الموضوع الرائع

[malek.rouh]

المشكل رانا متافقين علييه وهو حرارة الفرن
على هذا انا عندي الحل
وهو وضع حجرة نتاع ماربر وهو هذاك الكلاج الي يديروه للبوطاجيات نتاع الكوزينه في الفرن فوق لحديدة نتاع النار مباشرة
وتشعلو عليها النار حتى يسخن ملييح
من بعد تحطو عليه البيتزا طييب روعة
هذي النصيحة من عند أستاذ في الطبخ

[منى2009]

ممكن تعطينا الوصفة الي في الصورة يا الهااام
باينة تهبل

[مرام]

السر هو انو لازم تطيب هي الفرن تاع الغاز مش تاع الكهرباء
لازم يكون سخون بزاف وهذيك النار هي لي تخليها تجي خفيفة
وتطيب ثم ثم وتجي كيما تاع برا
اختي جربت وصفة لقاتها هنا في المنتدى جاتها كيما تاع برا
اسمها بيتزا ايطالية نسيت مولاتها اذا لقيت الرابط راني نحطو