♥♥واش طيبتي اليوم ؟؟؟؟؟؟؟؟؟الجزء23♥♥

[بريق الامل&]

سلام عليكم يالبنات يا الطبخات الشاطرات



كل مرة نجربو حاجة نحطوها ولا غداء مليح ولا عرضة ا نحطو
لبعضانا نقرعجو
وزيد نمدو أفكار لبعضانا ساعات مانلقاو مانطيبو هك نوليو نعادو
على بعض
نستفادو من بعضنا في الاطباق اليومية
ولي دارت حاجة مليحة تحطهالنا وبالاك وحدوخرا طبقتها هكا رانا
نتعلمو
مرات نطيبو عفسات شابين مي مانصورش
دوماج كليتوها هههههههه ماعليش المرة الجاية صوريها
وعلاه مانصوّريش ساعة على ساعة الحوايج لي نطيّبهم؟؟

اي وحدة حبت تحط فطور او عشاء تحلية او قاطو جرباتو تتفضل

معجبنات تقليدية الى غير ذلك
عصرية اكلات خفيفة ثاني تتفضل
عصائر حلويات
مشرية مقلية في الكوشة تتفضل
ههههههههه
يعني ماشي لازم تحطو كل يوم
تنجحي حطي ما تنجحيش ثاني حطي ما تحشميش
وصفة تاعك ولا طبقتيها منا من المنتدى حطيها
وصفة جديدة درتيها
او قديمة تعرفيها حطيها
هنا كوزينتنا حقل تجاربنا
انت جربتيها وريهالي حتى انا نجربها
ولي حبت دير الطبق موضوع خاص اهلا وسهلا
ادير وتحط الرابط ونروحو نزوروها ونشجعوها
صوّرتها من قبل قديمة و مالقيتش وقت باه تحطّيها
معليش حطيها ضركا كيتفكرتيها هههههههههه
ما طيبتيش ليوم كليتي برا معليش
الموضوع مفتوح للتجارب والحروب الكوزينية

ولي تحب تاكل
تتقدم ماتحشمش
قولو بسم الله
اسمعي ما تقعديش تشوفي من بعيد
ادخلي قولي وش طيبتي
بلا صور معليش ما عندكش الة تصوير معليش
بلاك تربحي علينا وتشري وحدة وتولي تشاركينا بصورك
بلاك انت حاجة تعرفي اطيبيها حنا ما نعرفوهاش وريهالنا علاش لالا

بصحتكم