الدورة الثامنة "الرقي بمدبرة منزل مثالية " - الصفحة 5

meriem hanin · 2012-09-11, 18:51

السلام عليكم كيف الاحوال توحشتكم ياالغاليات

اقتباس:

واللي خابة تدخل كرشها تسيق بيديها وتنحني انا هادي المعلومة اعطاتهالي الطبيبة

الله يبااااارك على بنت قسنطينة كيفك كيف النحلة شاااطرة ما شاء الله
ربي يباركلك في نشاطاتك و يعينك على ادارة البيت و يحفظلك وليداتك راكي عاجبني يا وفاء سعاد نتمنى تواصلي على هاذ الطريق و فرحت اكثر لما شفت انو التقرير كتبتيه في هاذاك الوقت الباكرو زيد غسلتي الصوف و سيقتي و رايحة تعاوني الوليدات في تغليف الكتابات و الله ماخليتيني ما نقول خموس خموس خموس عليك عجبتني المعلومة الي مديتيهالنا لاول مرة نسمع بيها و هاذي نوصي بيها ماما زيادة على التمارين الي مدتهملنا الاخت ميمي ههه تحياتي الحاااارة ليك و لكل ناس قسنطينة العالية
شهرزاد ما شاء الله عليك راكي كتبتيلنا كاما التقريرات نتاوعك و الله شوقتيني باش نشوف الكوزينة كيفاش ولات ان شاء الله ربي يعينك على حفظ سورة البقرة و انا كذلك تحفزت لهاذ الامر و باذن الله رايحة نبدا معاك ابتداء من يوم الخميس و نديرو منافسة واش رايك
بالنسبة لحلقك نقولك لاباس عليك حبيبتي و جربي العسل مع الليمون طعمها روووعة و تفيدك كثييير انا مداريا نديرها
بوسيلي الكتكوتة دعاء و ربي يحفظلك وليداتك و زوجك ياااارب

Lili rose اختي الغالية عجبتني الوقفة الي كتبتيها خاصة مين قلتي قيمة الحياة هي فيما نعمل وننجز ،،، حتى لو كانت نسبه النجاح 1 %

هاذي هي الفكرة الي لازم نركزو عليها و هي انو مهما كانت نسبة النجاح و لو قليلة فهي التي تصنع الفرق مع مرور الزمن يعني حنا رانا نسعاو باش نغيرو من انفسنا و من حياتنا نحو الافضل بالتدريج
فبارك الله فيك
علابالي بلي كنتى مشاركة في دورة للكروشي و شفت بعض تطبيقات مااااشاء الله زيدي قولينا على هاذ القاطو باش نسييوه و ندعولك كاااامل بالخير
المنظفات الي ذكرتيهم جاو في وقتهم كنت نحوس عليهم شكرا جزيلا ليك
سلمي على الوالدة الكريمة و قوليلها بصحتها القندورة
ميمي بنت الجزائر الغالية

اقتباس:

البنات واش رايكم كل أسبوع نحيو سنة من سنن الرسول عليه أفضل الصلاة و السلاة و هكذاك نمشيو عليها أسبوع كامل حتى نتعودوا و من بعد نبدو في سنة جديدة
اللي موافقين يرفعوا أصابعهم
كذلك نطوروا من أنفسنا مثلا نتعلموا لغات أو مهنة يدوية نشغلوا بيها فراغنا و طبعا لا ننسى حفظ القرآن و لو آية

بارك الله فيك حبيبتي الغالية يسقسي عليك الخير ان شاء الله كنت مشغولة اليوم بالتسجيلات الجامعية
تعجبوني بزاااف كي تمدو افكار كيما هاذو و بما اننا نحكيو على صلاة الفجر فتحدي هاذ الاسبوع و الاسبوع الجاي هو صلاة الفجر و لازم كل وحدة كي تكتب تطبيقها تاكدلنا بالخط الاحمر انها قامت لصلاة الفجر -الا للعذر الشرعي طبعا- و بعدها نقترحو سنة اخرى و نداومو عليها طيلة الاسبوع (ارجو منكن مناقشة الفكرة) جزاك الله خيرا و جعل تحفيزك لنا في ميزان حسناتك

meriem hanin · 2012-09-11, 19:00

و الله و الله - و الله على ما اقول شهيد - ماتقدروش تتصورو شحال فرحت كي قريت تقريراتكم وحدة بوحدة
عجبتني روح التعاون الي بناتكم و النصائح و كيفاش كل وحدة تشاور في وحدة و تمدلها في اراء و زيد نشاطكم الراااااائع في البيت واحياؤكم لسنة النبي المصطفى صلى الله عليه و سلم و رغبتكن و محافظتكن على حفظ القران
بارك الله فيكم و ان شاء الله كل حرف راكم تكتبوه يكون في ميزان حسناتكم
لو كان بيننا صلى الله عليه و سلم لافتخر بك انتي - ابنته عليه الصلاة و السلام- لانك تسعين لتطبيق سنته و تحافظين على فرائض الرحمان و تعملين جاهدة لتربية اولادك و العناية بزوجك و جعل بيتك روضة من رياض الجنة
انا فخورة فخورة فخورة جدا لاني معكن و بينكن
احبكم في الله و ان شاء الله ملتقنا في الفردوس الاعلى يااااارب

chahrazedberrichi · 2012-09-11, 19:11

امين يا رب الفردوس الفردوس ونعم الصحبة صحبتكن يا نحلاتي الغاليات

وفاء سعاد · 2012-09-12, 05:15

صباح الخير عليكم يا البنات وكيفاه اصبحتم ويبارك فيك يااختي مريم وبعض من ناس قسنطينة راهم يسالو عليك ويدعيولك وراني رايحة ندوش ونبدا الصلاة ونقرا ماتيسر من القران الكريم وكي نضت الخاجة الاولي اللي درتها شربت الماء هو الاول لانه عنده فوائد جمة ومنها ادخال البطن قبل مانفطر بساعة نديرها ونروح للكوزينة نفطر انا وابني وعمره 3سنوات والاولاد يروحو للمدرسة ونغسل الماعن وندير الغداء بصح مازلت ماخممتش واش ندير نمباعد ونفكر ونمسح الغبرة تاع البيوت ونسيقهم ونزيد معاهم الكوزينة والحمام والمرحاض ولكان زادت ضهرت خدمة نديرها

بنت الجزاير الغالية · 2012-09-12, 08:18

أسعد الله صباحكن يا أحلى صحبة

هذي الورود هدية مني ليكم
أحبكم في الله

واش راكم كامل إن شاء الله تكونوا بخير

مريومة مبروك التسجيل و بالتوفيق إن شاء الله و قتاه تدخلوا تقروا ؟

وفاء يعطيك الصح أختي و ربي ينجح وليداتك إن شاء الله أنا تاني عندي زوج يقروا و اليوم نبدأ نغلف الكتب راهم خير ربي
شهرزاد تقريرك يشجع و راني معاك في غسيل القش باليدين تحسيه نضيف و نتاع المشينة نحط غير الحوايج الكبار كيما الكبابط و الكوفرليات

تقريري بالأمس نضت الصباح صليت الصبح و قريت أذكار الصباح و نطيب في الفطور و نراجع في اللي حفظته راني في زوج أحزاب غير ربع اليوم نكمله هاذاك الربع بإذن الله
و حطيت الغداء يطيب لوبيا و درت معاها كسرة خميرة و و البيت راه يتهوى و ندخل بالبيت نطلع فراشها يتهوى و نكنسها و نمسح غبرتها و نسيقها و نقفلها و نروح للي بعدها حتى كملتهم و رحت للدوش غسلت فراش بيت ولادي و لي نابرون و المخايد و دخلت توضيت و صليت واتغديت و ريحت شوي و في العشية عندي واحد البيت كنت دايرتها بيت ألعاب للولاد فرزتهم كامل كانت فوضى لأقصى درجة يالله لميتهم و المكسر رميته و نضفت البيت و غلقتها و باقي الوقت عادي مع الأولاد و النت و الزوج

بنت الجزاير الغالية · 2012-09-12, 08:23

عن أبي هريرة - رضي الله عنه - قال: قال رسول الله - صلى الله عليه وسلم -:

«من قال: لا إله إلا الله وحده لا شريك له، له الملك وله الحمد،

وهو على كل شيءٍ قدير في أول يومه مائة مرة؛ كانت له عِدل عشر رقابٍ،

وكُتِبَت له مائةُ حسنة، ومُحِيَت عنه مائةُ سيئة،

وكانت له حِرزًا من الشيطان يومه ذلك حتى يُمسِي،

ولم يأتِ أحدٌ بأفضل مما جاء به إلا أحدٌ عمِلَ أكثر من ذلك»؛

رواه البخاري ومسلم.

يالله نقروهم و الله ما يا خدوش أكثر من ربع ساعة

زينب الهلالي · 2012-09-12, 11:00

السلام عليكم
حراير الجزائر
والله اسمحولي طبيعة عملي تصعب على الرد المنتظم فأنا مترجمة عبر النت وكذلك أقدم دروس الدعم في المنزل
وهذا يضع علي حملا إضافيا على الأشغال العادية
طبعا يومي يا البنات يبدأ حقيقة قبل الفجر بنصف ساعة أتوضا فيها وأصلي تقربا لله حتى صلاة الصبح أأديها ثم أنطلق بعد الأذكار إلى المطبخ أحضر الفطور قبل أن يستيقظ الأبناء ويعود الزوج من المسجد وهنا أتوقف لأشدد عليكن يا نساء لا تتهاونوا في تشجيع الزوج على الصلاة في المسجد خاصة صلاتي الصبح والمغرب ولك أيتها المرأة المسلمة أجرا لا يعادله أجر وإن اللذة والفرحة التي تشعر بها المرأة حين يعود الزوج من بيت الرحمن تملؤك حيوية ونشاطا طول اليوم عن تجربة,,,,,,,,,
بعد الإفطار وتحضير الأولاد يجب أن يكرر أولادي ما يحفظونه كاملا من السور قبل أن يذهبوا للمدرسة بالنسبة لابنتي 2 فواحدة تحفظ حزبا والأخرى حزبان إلا قليلا ...
أما ولدي 3 سنوات ونصف فيواصل المراجعة معي وهو يحفظ الآن القصار جميع وسورة الملك وصفحتان من سورة ياسين .....
لا تستغربوا لماذا اخترت هته السور :
سورة الملك وما أدراك ما سورة الملك إنها المنجية من عذاب القبر وقد أوصانا الحبيب صلى الله عليه وسلم أن نحفظها ونقرأها كل ليلة قبل النوم بل إن من يحفظها مستحيل أن ينساها كبقية السور وهذا مجرب 100 بالمئة .....
أما سورة ياسين فهي حكاية عجيبة معي ومع ولدي العزيز أحكيها في حلقة قادمة إن شاء الله .......

أشغال المنزل العادية من تنظيف وطبخ وغيره أقوم به غالبا قبل الثامنة صباحا إي حين أراجع لاولادي لست جالسة بل أقوم في نفس الوقت بأعمالي الكثيرة فأجد نفسي بعد خروج الأولاد للمدرسة متفرغة تقريبا لتريس الأطفال في المنزل ثم أنصرف لترجمة الأعمال الموكلة إلي أحيانا كثيرة وأحيانا مرتاحة وكذلك أقوم بدراسة مواد أخرى تخص عملي .....
وحين يعود الأولاد مثل الآن أقوم لأسألهم بدقة عن يومهم الدراسي و أراجع لهم ما تعلموه في المدرسة ثم الغداء والقلولة ....ز
ألقاكم في يوم جديد
وشكرا لتفاعلكم وتشجيعكم ....

meriem hanin · 2012-09-12, 11:32

مع شعاع الشمس الذي يصبح علينا
و مع نسيم الزهور الذي يعطر صباحنا
و مع تغريدة العصافير التي تنعش اسماعنا
ازف لكم احلى صباح فصباحكم سعيد

pomaria_aindefla · 2012-09-12, 12:40

اقتباس:

المشاركة الأصلية كتبت بواسطة بنت الجزاير الغالية

أسعد الله صباحكن واش راكم كااااااااااااااامل يا الفحلات ربي يبارك راكم طايحين في الكوزينة أنفض أنفض هههههههه
المهم أنا الكوزينة نفضتها يوم ثاني عيد و الثالث و الرابع كل يوم حاجة راهي تشعل الحمد لله
أختي شهرزاد حسيت بيك على صلاة الفجر أنا تاني أمس كنت في غاية السعادة و كان يوم رااااااااااااااااااااااااااااااااااااااائع بمعنى الكلمة
البنات واش رايكم كل أسبوع نحيو سنة من سنن الرسول عليه أفضل الصلاة و السلاة و هكذاك نمشيو عليها أسبوع كامل حتى نتعودوا و من بعد نبدو في سنة جديدة
اللي موافقين يرفعوا أصابعهم
كذلك نطوروا من أنفسنا مثلا نتعلموا لغات أو مهنة يدوية نشغلوا بيها فراغنا و طبعا لا ننسى حفظ القرآن و لو آية
في انتضار ردودكن يا الغاليات
مريومة ترجعيلنا بالسلامة
زينب الهلالي ربي يطمنا عليك
ليلو تعبيراتك رائعة و تفتح النفس
يالله نتلاقاو من بعد

سيدتي إنك غائبة مند مدة عن اللي حاكمة مصروف الدار تتفضل معانا ‏ إن شاء الله المانع خير

أم احمد3 · 2012-09-12, 12:54

شكرا على المبادرة الجيدة المفيدة وعلى الحماس من اجل غد واعد

Lili Rose · 2012-09-12, 13:38

بألوان الورد اكتب لكم

وبرقة الورد ارسل لكم ارق التحايا وأعذبها

وبشذى الورد يتعطر مسائكم

وبجمال الورد يكون جمال مسائكم

مسائكم ورد وفل وياسمين

chahrazedberrichi · 2012-09-12, 16:29

مساؤكن ورد وياسمين انا البرنامج الي كنت دكتو البارح ما درتوش حتى اليوم باه كملت الكوزينة الحمد لله كلاتلى يديا بصح رجعت تلمع باقي البلكونة غدوة ان شاء الله مع تسياق الدار ربي يحفظكم الكل

وفاء سعاد · 2012-09-12, 17:05

يعطيك الصحة يا يبنت الجزائرية وربي يوفقك ويباركلك في اولادك وراكي مرا نتاع الصح اللي قادرة تحفضى القران انا نضن الشيطان متمكن مني علي بيها ندير في الاسباب بالدار كبيرة واربعة اطفال والزوج مثله مثل اولاده واحدة فقط تخدم عليهم والدنب سيقتلني والله مللي نوض مانقعدش وهكاك حاطة نفسي مقسرة في ديني وفي بيتي وراني نهار كامل غير في الاستغفار وانا في الكوزينة وانا نتفرج غير كي نعود مع حباباتي نحبس لانني معكم قلبا وقالبا

زينب الهلالي · 2012-09-12, 20:08

السلام عليكن حبيباتي ....
في المساء التفت لجزء عزيز على قلبي كثيرا في بيتي ......
أنا أقصد حماماتي نعم حماماتي التي أربيها بنفسي لأنني اعشق هذه الهواية وتنسيني الهم والدمار ههههههههه
نظفت بيوت الحمام و أواني الطعام والماء الخاص بها و قصصت ريش بعض الفراخ التي توشك على الطيران خوفا عليها من الضياع هههههههه
ثم استمتعت بأغنية الحمام اللي ربيته هههههه المتعة كلها حين تربين حيوانا منتجا ولا أحكيلكم عن لحم الحمام كم لذيذ وصحي للغاية ......
ثم راجعت دروس اولادي وحضرت لهم العشاء وأطعمت رضيعي الصغير عمره 9 أشهر لينام وها أنا ذا اتسامر معكن قليلا قبل صلاة العشاء لاتوجه بعد الصلاة لدراسة طويلة تنتظرني ......
طبعا لم أنس أن أحفظ ولدي آية جديدة من سورة يس ليعرضها علي في الصباح
وليلتكم سعيدة

وفاء سعاد · 2012-09-12, 21:02

مساء الخير عليكم واش راكم نتمني تكونو بخيروالله يبارك يازينب الهلالي راكي عاجبتني بزافوخاصة اهتمامك بالحيوانات وزيد عندك رضيع وانا اعلم انه الرضيع يحتاج للوقت وزيد راكي تفري في الاولاد وتخدمي وتحفضيهم القران راكي تستا هلي جائزة نوبل انا الزوج انتاعي كي يروح عند اهلي يشكرني بزاف مي كي شفت واش قاعدة تديري قلتلو والله ماني مدايرة والو كون تشوف صحاباتي في المنتدي واش قاعدين يديرو ونشكر بزاف مريم علي هده الدورة لانها خلاتني نتعرف بناس كيما نتوما نتعلم منهم ونستفيد في حوايج بزاف وشكرا