سفنج ساهل و بنين بالخطوات المصورة من مطبخي

[oum anas 69]

البسملة1

كيف أحوالكم إن شاء الله لابأس عليكم اليوم جبت وصفة سفنج ساهل ماهل ما فيهش التعب و يجي هايل خامر و بنين مايتشبعش يقدم ساخن للعائلة و الأحباب مع القهوة أو الشاي و بدون إطالة نخليكم مع المقادير :
أنا هنا عملت كمية قليلة فقط باش نوريلكم :
أنا ندير عيني ميزاني بصح باش يعرفو الاخوات المبتدئات قستلهم هاذي عيني ميزاني ههههه
غرفية فرينة +ملعقة أكل غير مملوءة خميرة خبز+ملعقة قهوة سكر+ملعقة قهوة ملح +ماء دافئ و لي تحبو يجيها مقرمش من برة تزيد ملعقة أكل مايزينة
طبعا الطريقة موضحة بالصور


نخلط جميع المقادير ثم نضيف الماء الدافئ حتى الحصول على عجينة رخوة بإستعمال ملعقة فقط


نخبط العجين من فوق لتحت حتى يصبح أملس و تختفي حبيبات الفرينة مثل هنا لمدة دقيقتين



نغطي العجين بالبلاستيك الغذائي و نتركه يختمر جيدا أنا هنا سرعت في عملية التخميرو ذلك بوضعه فوق طاوة فيها ماء دافئ



هنا إختمرت و تضاعف حجمها جيدا


نضع الزيت في مقلاة يسخن و القليل من الزيت في فنجان + ملعقة نحتاجها
ثم ندهن يدي اليسرى بالزيت و نأخذ بها كرية من العجين مثل منعملو مع ورق المحاجب ثم بواسطة اليد اليمنى نغطس الملعقة في الزيت البارد لي في الفنجان و نأخذ بها كرية العجين و نضعها في المقلاة و هكذا مثل في الصورة






هنا بالسيف باش صورت إن شاء الله تكونو فهمتو خطرش نخدم بزوج يدين و لازم واحد أخر يصورلي



نقلبهم حتان يطيبو مليح و نقطرهم و نغطسهم بسرعة في العسل و نرشهم بالمكسرات هنا درت


كوكاوونقدمهم دافيين او باردين

ذوقهم رائع و خفاف ومايشربوش الزيت



في الأخير نتمنى تجربوهم و يعجبوا عايلتكم و أحبابكم
و دائما دعوة خير تكفيني و لكم بالمثل إن شاء الله

هذه المقادير عملتلي هداك الطبسي عملت بغرفية نتاع سلاد دو فروي لشخص واحد