الجزء 157 من واش طيبتي اليوم .....كوزينة التميز و الامتياز - الصفحة 5

انا هي رزيقة · 2015-12-30, 15:07

سلامو لبنات راني عين هنا و عين في الخدمة
حللت اهلا ام تاجو بصح متقوليليش جبتيلي هذوك سرادك نخدمهم و علاه حبيبتي تعرفيني خدامة و الوقت مش ملكي خلاص لبنات ما كانش وحدة متطوعة لوجه الله تخدمهم و نديروهم كسكس قبايل االله االله ... خخخ
ام جوجو الفحلة شكرا على التوضيح و راهي ام هبوبة مرحب بيها هي تاني في كوزينتي و تساللي باروك
راني شفت بلي منقدروش نتكلو على ليزا العسل معليش حبيبتي نحيوك ملاليست و اهلين بطلتك المميزة علينا و البولي راهو اممم ثم اممم و حتى الطبق المرافق راه بسلامتو ما خلاش قولتلكم ضياف كوزينتي مزهرين و لي متدخلش راهي راحت عليها ...

روح مراد · 2015-12-30, 15:11

رزيقة الرائعة إنشاء الله نحاول كل مرة نصور عشايا باش ما تكونش المرة الأخيرة

انا هي رزيقة · 2015-12-30, 15:15

ارزاق · 2015-12-30, 15:15

مساء الخير والف مبروك الكوزينة الجديدة والله كنتي في بالي اختي رزيقة وكنت حاباتك تحليها صالونك وكوزينتك رووعة وطبعا ماكلتك وحلوياتك وبخصوص المسابقة مفهمتش قصدك نحطو صور الاطباق ونخيرو الاحسن بين الخدامة والماكثة في البيت ؟

awladi · 2015-12-30, 15:16

السلام عليكم الف مبروك الكوزينة رزيقة وكوزينتك ماشاء الله مع صالونك تتمتعي بيهم واطباقك لايعلى عليها يافنانة
هذو بعض اطباقي الي لقيتهم قدامي نسلم عليكم كامل وهذا اذا فات هذا الرد مه هبالو نسلم على ليزا وام طيري الجنة وام الهضاب وام رحاب والمازة و كوكا والداية ههههههههههههههه وام تاجو نتمنى تكونو كامل بخير

ارزاق · 2015-12-30, 15:18

الباروك . تطبيقي لتارت التفاح

انا هي رزيقة · 2015-12-30, 15:18

اختي سدرة شوفي هذ الرابط اذا يساعدك https://www.djelfa.info/vb/showthread.php?t=1305923

ارزاق · 2015-12-30, 15:20

من الارشيف منيش نلبز لكن غير ندير حاجة نحطها في كوزينتك ان شاء الله

انا هي رزيقة · 2015-12-30, 15:21

اهلين اختي ارزاق هذي غيبة حبيبتي لالا اختي ما نخيروش شكون الاحسن حنا حابين برك نتمتعو و نشوفو هل هناك فرق ما بين طياب الخدامات و الماكثات في الدار و ندخلو شوية حيوية في الكوزينة و نقرعجو طبعا .... خخخخخخ

انا هي رزيقة · 2015-12-30, 15:24

اولادي بالعقل علينا حبيبتي و شنو هذ التحف الفنية تبارك الرحمان و ماشاء االله بصح اذا زدتي ما نقولوش لالا كروشنا كبيرة و الحمد لله ... خخخخ
ارزاق شكرا على التارت و راني في انتظار جديدك حبيبتي انا كوزينتي قد ما تحطي فيها تقولك زيديلي

ارزاق · 2015-12-30, 15:27

اهلا ام ياسر قصدي اولادي وين الغيبة ؟ الله يبارك علي الخيرات يعطيك الصحة

ام تاج بصحتك الترياش انا الله غالب قلبي حساس وكي نشوف الجاجة حية منقدرش نوكل لحمها تغيضني
ليزا سخفتيني في الجاج والبطاطا باينة بنينة
روح مراد يعطيك الصحة وحطيلنا اطباقك نتمتعو
ام جوجو دايما تعجبني ماكلتك

ارزاق · 2015-12-30, 15:31

نتمنا يرجعو الغايبات وينورو الكوزينة انا نخليكم اذا لقيت وقت ندخل ان شاء الله سلام

روح مراد · 2015-12-30, 15:37

أطباقي بسيطة ما تبانش قدام الشيء اللي راكم تحطو فيه

oum sohaib maria · 2015-12-30, 15:42

alh yberk

basmala farah · 2015-12-30, 15:47