ورشة مفرش الجزء الثاني مع fadilasor - الصفحة 5

fadilasor · 2014-09-26, 10:52

امممممممممممممم يعطيكم الصحة على التطبيقات كلها ماشاء الله اليوم راكم ناشطين بالنسبة للجزء الثاني راني ضرك نحطو ان شاء الله

fadilasor · 2014-09-28, 12:15

يالا يابنات شدوالهمة حابة نشوف التطبيقات راهي كاينة ورشات اخرى

ام محمد معاد · 2014-09-28, 16:38

اقتباس:

المشاركة الأصلية كتبت بواسطة fadilasor

الجزء الثاني من المفرش بعدما كملنا الوردات الملونين ناخدوا الخيط الابيض نعمل سلسيلة من 26غرزة تلصق في كل بتلة يعني تولي عندنا 18سليسلة في النابخو كما في الصورة بعدما كملنا السليسلات نبدا نعمر فيهم بلي بريد او الاعمدة هنا ركزو مليح قلت عندي 26غرزة في كل سليسلة نخلي 03 غرزات وندير 10 لي بريد او الاعمدة بلفة واحدة نزيد ندير سليسلة ب03غرزات ونكمل ندير10اعمدة ونخلي03 غرزات و نمر مباشرة للسليسلة الثانية اللي بدورها نخلي فيها 3غرزات يعني =10 +10+3+3=26

ان شاء الله نكون وفقت في الشرح

بالنسبة لباقي السطور دايما نقصو3اعمدة وونكمل النسيج فوق بعضو وفي الاخير نزيد3اعمدة باش يخلقلي التدرج ندير سليسلة ب3غرزونزيد 3اعمدة في الاخير نقص 3اعمدة هدي المرة في السليسلة الدوزيام نقص ثلاث اعمدة بلاماندير بيناتهم السليسلة نتاع 3غرز يعني ببساطة باش يخرجلنا سهمين متعاكسين مرة ندير سليسلة ومرة مانديرهاش

سلام يا العزيزة جاااري التطبيق لكن ما فهمتش ادا ندير دور كامل فيه 3 اعمدة مع 3 سلسلة ثم 3اعمدة والدور اللي بعده ما نديرش 3 سلسلة او نخالف في الاسهم يعني وحدة فيها ووحدة ما فيهاش بليييز وضحيلي وبارك الله فيك [LEFT]

fadilasor · 2014-09-28, 16:46

في كل دور اختي في ١٠اعمدة في البداية تنقصي طول ثلاثة في اول السطر وتزيزي ثلاثة في اخر السطر تديري بيناتهم سليسلة باش تنتقلي للدور المقابل هنا هدي السلسيلة مرة تديريها ومرة ماتديريهاش باش يخرجو سهمين متعاكسين

ام محمد معاد · 2014-09-28, 18:57

شوفي التطيبق[IMG][/IMG]
[IMG][/IMG]
راني في انتظار الرد اذا نكمل ولا نعاود

fadilasor · 2014-09-28, 21:00

اقتباس:

المشاركة الأصلية كتبت بواسطة ام محمد معاد

شوفي التطيبق[img]

[/img]
[img]

[/img]
راني في انتظار الرد اذا نكمل ولا نعاود

رائع راكي جايبتها يعطيك الصحة

tiziri2 · 2014-09-29, 08:03

اختي فضيلة شكرا عالتكملة
نكمل برك واش في يدي باش نقطع الخيط الابيض و ندير التكملة ان شاء الله

tiziri2 · 2014-09-29, 08:15

اقتباس:

المشاركة الأصلية كتبت بواسطة louli2007

allah ghaleb ya khwatati jani had chi s3ib bzf w ana jamais khadmet wahda goddemi had chi
ana bark rani mobtadi2a t3allemt chweyya men net men youtyoub

rah o3lin insihabi

2insihaaaaaaaaaaaaaaaaaab

w bitawfik lel jami3
w samhouli

اختي louli راكي تصيبي في اليوتوب فيديوهات للمبتدئات و راهم يديرو ببساطة و تمهل حاولي تشوفي قبل الغرز الاساسية و كيفية مسك الكروشي و اكيد رايحة تتعلمي و ما تنخلعيش كي يكون العمل تاعك مرخوف في البداية لانه اكيد الخدمة تاعك في البداية ما تجيش شابة و تقولي في نفسك ماراهيش تشبه للعمل الي رفدت عليه و مع الوقت وحدك تفيقي و تولي الخدمة تاعك تتسغم بشوية شوية
انا تاني مبتدئة و نزيد نقولك كنت نكره شيء اسمه الكروشي لكن كي حاولت فيه هنافي المنتدى الحمد لله بدات تمشي يدي فيه
نتمنى تزيدي تحاولي و ان شاء الله تنجحي

و في الاخير حبيت ندعيلك ربي يرزقك بالحمل السليم المعافى عاجلا ان شاء الله تعالى
راني حاسة بيك