بسم الله الرحمان الرحيم
هيا الكسل راه قتلكم و الروتين ما خلاتش فيكم و ما دامكم عاقلين
في خاطركم ورشة اخرى ................الصيف قرب
و سعيدة الحظ هي
فرحتو و لا لا...................
نبداو على بركة الله
شوفو هنا راني استعملت خيط مسلك على فرد و الكروشي راني دائما وفية لرقم 10
شوفو كل وحدة تخدم كيما حاب الأساس هو الشكل
نأخد الخيط و ندوروه على اصبع الشهادة 10 مرات يعني تحكمي الخيط و ادوريه على صبعك 1 .2. 3 .................10 و ان عندك طريقة اخرى ديريها كل واحد و افكاره ..........لازم تجيك دائرة صغيرة عمريها بالماي سيري ............ما تقوليليش قداه حتى تتعمر و برك
التور الثاني تبعي.........3 سلسة + عمود في نفس الماي سيرس ديري 2 سلسلة سوطي 2 ماي سيرس و عاودي الخدمة 8 مرات
نفس الشيئ التورات الربعة الجايين غير السلسلة تزيد يعني الاول درتي 2 سلسلة ....الثاني 3 .........الثالث 4 ...........الرابع 5.....الخامس 6 .قصي الخيط
جيبي لون آخر عمري كل سلسلة بـ 12 ماي سيري.....انا في نص درت بيكو خاطر ما عنديش التزيينة
انشاء الله تكونو فهمتو
الورقة روحو لورشة الاخت نايلية راه نفسها ...............كي تكملوهم نقلكم كيفاه تكملوه .......الى العمل
يتبع
ها هو كي كمل الجزء الاول
في خاطر الاخت المزروبة sara aouassi و كل الاخوات نكملو الورشة
بعد ما درتو الورقة تاع الاخت نايلية و المشكورة على مجهودها و تسمحلي على السرقة
أنا طلعت بـ 2 سلسلة و لصقتها بين 2 بياسات
بلون آخر درت سلسلة تاع 6 راه خدمتي غير ب6 بين قرون الورقة
دوري الخدمة في كل سلسلة ديري 6 اعمدة
دوري الخدمة في وسط 6 اعمدة ديري 3 اعمدة + 1 سلسلة + 3 اعمدة و كملي في النص انا درت تفس الشيئ باش تجيني مدورة
بلون اخر شبكتو مع القوس الثالث تاع البياسة الاولى
ديري في السلسة 6اعمدة امبعد m .serrée عاودي العمل في الاخير اشبكي مع القوس الثالث تاع البياسة اللي بجنبو
و هدي النتيجة
ما تلوموش راه خدمة تاع ربع ساعة يعني زرابي
انا دائما اقول هدي حسابات شخصية ...............كل واحد يبتكر كيما يحب ..............انا ما علي الا الخطوة الاولي
بالتوفيق ...........الى العمل
( تقرير عن مشاركة سيئة )، و الموجودة أسفل كل مشاركة .
2013-06-09, 23:17
العرض العادي
