|
|
|
|||||||
| قسم الحلويات قسم مخصص للحلويات و المواضيع فيه حصرية للمنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
سلسلة حلويات مميزة .. موضوع يخص المبتدئات و حتّى المحترفات
 |
|
|
أدوات الموضوع | انواع عرض الموضوع |
2013-11-01, 17:20
|
رقم المشاركة : 61 | ||||
|
الصامصة بالفواكه ~
 اليوم جبتلكم وصفة ساااهلة ماااهلة تنفع لضياف الغفلة  ،، و حتى للسهرات و القعدات الي تجمع العايلة كااامل  مفيدة ،، لأنو فيها فواكه لذيذة و غنية بالفيتامينات  ،، و سهلة جدا لأنها ماتكلفش ،، لا وقت ،، لا جهد الصامصة تع اليوم نديروها بالديول ~ و الي تحب تديرها بالعجينة هي حرة  عموما نبداو فالوصفة ،، و باش تعرفوا بلي نخمم فيكم ،، الناس تقرا و اتابع و انا نصورلكم  هاذي وصفة تعلمناها في معهد تعليم الحلويات و انا حاولت نصورلكم كامل الخطوات ،، كاين الي فاتوني ،، الله غالب  " ننشغل بالقصرة ساعات " هههههه المهم اهم الخطوات جبتهملكم بالتفصيل ،، و الي مافهمتش حاجة تقولي نزيد نشرحلها متفاهمين ؟؟ ياالله نبداو ،، بسم الله المقادير : - 2 باكيات ديول (( يعني تقريبا 24 ورقة تع الديول )) - من 4 إلى 5 حبات تفاح . - نفس الكمية بالنسبة للموز . - 150 غ زبيب (( قيس 100 دج تقريبا )) - ملعقة صغيرة فانيليا . - سكر - نصف كأس آتاي ماء (( يعني بالتقريب ربع كاس تع القازوز )) - عسل + ماء الزهر (( في كل 1 كغ عسل نديرو كأس تع لاتاي ماء الزهر )) - بيستاش للتزيين . ~ ~ ~ التحضير : أول حاجة نديروها ،، - نغسلو التفاح ،، نقشروه ،، و نقطعوه قطع صغييييرة . - الزبيب أنقوه ،، نغسلوه ،، و نحطوه في طبسي أو علبة مملوءة بماء الزهر و نخلوه ،، يعني ننقعوه في ماء الزهر . التفاح تاعنا الي قطعناه نحطوه في كاسرونة ،، نزيدولو السكر ( السكر هنا كيما نحبوه احنا ،، اذا حبيناه يجي حلو بزاااف نكثرولو السكر ،، اذا حبيناه ماشي حلو نديرو غييير شوية ،، يعني مقدار 3 ملاعق ماشي اكثر لأنو رايح يتعسل ممبعد )) نزيدولو كأس تع لاتاي ماء الزهر و نحطوه على نار متوسطة ،، بلا مانحركوه حتى نشوفوه يغلي كيما فالصورة  نحركوه شوية بالملعقة ،، و نجربو نضغطو عليه بلعقل نشوفو اذا طاب ولاّ مازال غير يذبال ،، يعني يتقسم عادي بالملعقة بلا جهد نقشرو الموز ،، و نقطعوه قطع صغيرة و نزيدوهولو نصفيو الزبيب من ماء الزهر ،، و تاني نزيدوه على خليط التفاح و البنان نخلوه يغلي مدة 3 - 4 دقائق تقريبا و نطفيو . شوفوا كيفاش يولي :  نخلوه يبرد مليح ،، أومبعد نزيدولو ملعقة تع فانيليا و نخلطو و خلاص راهو جاهز للحشو  نبداو ظوكا الخطوات تع تشكيل الصامصة ،، و كلها موضحة بالصور نجيبو ورقة الديول ،، نطووها بالتقريب على 2 ،، يعني نطووها على 2 أومبعد نجبدوها شوية ،، حتى توليلنا قطعة اكبر من قطعة ،، نزيدو نطووها حتى تجينا بالطول ،، شوفوا الصور (( الي مافهمتش هاذ الخطوة تقولي نصورلها ورقة ))  هذا شكلها النهائي  و للممبتدئات كيما حالتنا ^^ باش تخرجلنا مثلثة الله الله نديرو هاذ الخطوة  بالمقص ،، نقصها كيما راه موضح فالصورة باش يسهل علينا نخدمو ممبعد (( هاذ الخطوة تخص المبتدئات ،، أمّا الي تقدر تشكل الصامصة بلا ما تديرها " تستغنى عنها " ))ظوكا نحطو الحشو فالطرف ،، حوالي ملعقة كبيرة و نبداو نطويو   و كي نطويو ،، نضغطو مليح بصباعتينا على الأطراف باش ماتتحلش ممبعد  و هذا شكلها النهائي ~  شوفوا هذا تطبيقي انا " صامصاتي الجميلة  " ~ ~ باقي الخطوات باينة ،، نقلوها نقطروها من الزيت  نعسلوها و نذرو عليها البيستاش المطحون رقييييق  ( ماتشحوش ،، كثرو البيستاش باش يجي شكلها هااايل ~ شوفوا الصورة ^^ ) ملالالالاحظة " لاخاطرش ظوكا تلقيت صدمة من العيار الثقيل  ... جات ماما ،، قاتلي واش راكي تديري ... وريتلها الموضوع ،، قاتلي هاذو يديك ؟؟!! قرييييييييب جاتني ازمة نفسية أنا في عمري 21 سنة يااااو هاذو يدين المعلمة تاعنا ،، عمرها واقيلا 50 سنة " الله يبارك عليها " يعني للتصحيح باش ماتشوكيونيش مام انتوما ماشي يديا ~ ْ ~ أسرار الفشل نولي لعشيا نقولهوملكم ماعليش ؟؟ ^^ ظوكا عيطتلي صاحبتي قاتلي ارواحي ديريلي البريوش ~ غدوة ان شاء الله نعطيكم الوصفة و الكيفية أرووووع من الروووعة يا الله ،، لنا لقاء قؤيييب ان شاء الله نتمنى تعجبكم الصامصة و تجربوها كونوا بخير ~ نحبكم
|
||||
|
|
2013-11-01, 19:40
|
رقم المشاركة : 63 | |||
|
راك صغيرة و شاطرة الله يكتبلك الخير في حياتك و يفرحك دائما امين |
|||
|
|
|
2013-11-03, 08:05
|
رقم المشاركة : 69 | ||||
|
اقتباس:
ضحكتيني كنت مركزة مع الوصفة بصح كنت عارفة بالي ماش انت اللي يقرا الموضوع من الاول يعرف باللي راكي عويتقة و صغيورة و طبعا شاطرة خمسة وخمبس |
||||
|
|
|
2013-11-03, 12:19
|
رقم المشاركة : 71 | |||
|
يعطيك الف صحة حبيبتي شكرا على مجهودك |
|||
|
|
|
2013-11-03, 12:46
|
رقم المشاركة : 72 | ||||
|
اقتباس:
|
||||
|
|
|
2013-11-03, 15:42
|
رقم المشاركة : 73 | |||||||||||
|
اقتباس:
اقتباس:
اقتباس:
اقتباس:
 مشكورة على المرور اقتباس:
...... ربي يفرحك أختي ،، و ابقاي متابعة البرنامج دايما قصدي الصفحة  اقتباس:
هههههه ...شرفني حضورك حبيبتي ،، اقتباس:
اقتباس:
مشكووووووورة حبيبتي على المشاركة نستناو أفكار أخرى |
|||||||||||
|
|
|
2013-11-03, 17:08
|
رقم المشاركة : 74 | |||
|
البريوش بالشوكولا
 السلام عليكم و رحمة الله و بركاته ~ راني جيت و جبت معايا وصفة البريوش الي وعدتكم بيها ~ روووعة روووعة رووووعة و صدقوني تجربوها مرة ،، تولوا تديروها في كل مناسبة " و بدون مناسبة ~ كيما حالتي "الوصفة جبتها من المنتدى ،، و هي لشاف مستحيييييييييل تجربي وصفة من وصفاتها و ماتنجحلش ،، غير اذا ماتبعتيش واش قالت بالضبط ،، و للأمانة أغلبية الحلويات الي نديرها و نتمكن فيها اتعلمتها من عندها " أم رامي " و من غيرها ؟! ربي يبارك فيها و يفرحها دنيا و آخرة و يجازيها عنّا كل خير ~ نعطيكم الوصفة الأصلية ... أومبعد نقوللكم على اسرار الفشل " عن تجربة " نبداو بسم الله : وصفة البريوش من عند الشاف أم رامي هي : المقادير - بيضة واحدة - ربع كاس زيت او مرغرين ذايبة وباردة - كاس ماء دافء - ملعقة كبيرة خميرة الخبز - ملعقة كبيرة سكر - ملح - نصف كاس فرينة - 4 ملاعق كبيرة غبرة اللحظة نخلط جميع المقادير مليح مليح   ثم نضيف 3 كؤوس فرينة + ملعقة قهوة خميرة كيميائية ونعجن   نغطيها ونتركها تخمر نفشها ونعاود نخمرها مرة اخرى ثم نعجنها قليلا ونحضر شكولا مبشورة العجينة تلصق بالايدي نستعمل الزيت لتسهيل العمل  باقي المراحل واضحة بالصور    ندهنا ببيضة كاملة + سكر وحليب ونرش الجلجلان ونخليها تخمر ونطيبها    شوفو الهشاشة  وهنا نفس المقادير السابقة لكن بدل الباتور والعجانة استعملت الكيس يعني خلطت المكونات الاولى بالشوكة فقط وبعد ما اضفت الفرينة لميتها بيدي وحطيتها في الكيس المبلل وخمرتها مرتين وشكلتها ..دهنتها وخليتها تخمر وبعد ما طيبتها هاهي النتيجة وووووااااو جااات فوووور يعطيك الف صحة اختي الوهرانية      اتمنى تجربوه لانه فعلا راااائع واستعملوا الكيس بدل العجانة او الدليك لان النتيجة فعلا مذهلة ~ ْ ~ ْ ~ ْ ~ بعد وصفة الشاف لا تعلييييق طبعا ~ جربو برك و ادعولها و ادعولي ~ برك ماتديروش نفس الأخطاء الي درتها انا ~ أسرار فشل الوصفة " حكاية فشلي الذريع " انا شفت وصفة البريوش ،، و من عند أم رامي قلت بسم الله و رحت للكوزينة نجربها " مع العلم أول مرة في حياتي رايحة ندير بريوش  " ~ أيا حطيت كااامل المقادير فوق الطابلة ،، و بديت ...... جيت ندير اللحظة ،، لقيت البواطة فاارغة  قلت خلي نخترع شوية ،، فتحت الفريجيدار لقيت ياغورت ،، قلت نحطو بدل الحليب ،، لأني موالفة نديرو بدل الحليب ويعطي نتيجة أفضل الفرينة طبعا ،، درت أكثر من 400 غ استعملت طريقة الكيس المبلل تع الأخت الوهرانية ،، خليت العجينة فالكيس أول مرة نصف ساعة ،، أومبعد هبطتها برك ،، و عاودت حطيتها فالكيس نص ساعة ،، أومبعد شكلتها التشكييييييييييل ~ ارواحو اتشوفوا اختكم الشاطرة هنا رحيت اومباسادوغ باش نحشي بيها البريوش نحل العجينة و نحشي ،، نحل و نحشي العجينة نحلها مليييييييح و نعمممممممر الشوكولا ملييييييييح و نغلق حطيتهم فالسنيوة ،، خمرتهم شوية ،، و طيبتهم النتيجة ؟ اتثقبو كااااااامل الشوكولا ساااحت كااامل  الشكل خسر بصح الذوق والله غير خرج أروع من الروعة ايييه بصح لازم يخرج الشكل تاني عاودت جربت الوصفة غدوة من داك ،، قلت في قلبي بلا يماها غيرا جربت حتتى تنجح " و يانا يا انت يا البريوش " التزمت بالوصفة كييم قالتها ام رامي (( ماعدا اللحظة انا درت الياغورت ،، لأنو يعطي هشاشة روووعة و ذوق فالعجينة تاني روووعة )) و التخمير " ماخمرتهاش بزاف " يعني حطيتها فالكيس لأول مرة و خليتها تخمر نص ساعة اومبعد هبطتها برك ،، و رجعتها للكيس و خليتها 10 دقايق و بديت نشكل فيها ... (( التشكيل الصحيح )) ندير العجينة خشينة ،، نحلها بيدي شوية ،، و نحط مقدار ملعقة صغيرة شوكولا " و تغلق مليح خمرتهم 15 دقيقة ،، و طيبتهم و النتيجة ؟؟ روووووعة شكلا و طعما  و اسمحولي ماصورتش ،، لأني سلفت لاباراي فوتو لصحبتي كان عندها حفلة عيد ميلاد اختها الصغيرة عارضتني ... (( قاعدة نخمم واش ندي معايا ،، قلت والله غير نعاود البريوش حلاتلي ))عاودتو ،، بصح هاذ المرة درتو خبيزات صغاااااااار " مناسبين لعيد ميلاد تع الصغيورين "اديتهم كي الشاطرة و رحت ^^ صدقوني كااااااااااااامل الي كلاوهم عجبوهم ..... و الدراري صغار قاعدين يتضاربو عليهم انا وليت نسقم في كتافي يا جماعة هههههههههههه ،، احم احم حلالاااااااتلي وليت نشوف روحي حاااجة كبيييييرة و وين حلاتلي تع الصح كي قاتلي يمات صاحبتي لالالالالازم تعلميني نديرو آآآ ويلي ويلي ،، كيما تقول واحدة صحبتي ،، آآما خيتي هههههههههه  انا نعلمك ؟؟ رحت غدوة من داك ،، و وريتلها كااامل كيفاش يندار ،، و درتو قدامها ،، و الحمد لله ماخيبنيش و خرج هااااااايل ^^ يتسمى قلت كيييفاش نخبي على حباباتي و حنوناتي الي راهم يتابعو فيا وصفة كيما هاذي ؟؟ و جبتهالكم ،، مع أسرار الفشل  الي نقلتهالكم عن تجربة نصيحتي ليكم فالأخير ، جربوا جربوا جربوا و ماتخافو وااااالو انا شخصيا ماكنت نعرف واااااااااالو ،، يا ربي قاطو ولاّ زوج ،، و مرة يصلحو ،، 10 مايصلحوش مي بالتجربة و بالمحاولة والله غير تعلمت شحال من حاجة و حاجة ووليت نعلم ياااه الله يبارك عليا الله يبارك عليا ههههههههههه أيا نتلاقاو ممبعد ان شاء الله مع وصفة اخرى " تهههههههههههههبل ،، اليوم درتها " نخليهالكم مفاجأة كونوا بخير و جربووووووووووووووا |
|||
|
|
|
| الكلمات الدلالية (Tags) |
| مميزة, موضوع, المبتدئات, المحترفات, حلويات, حتّى, سلسلة |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
