الورشة الاولى ...سطايفية

[stayfiya]

السلاام عليكم و رحمة الله
وااااش راكم حباباتي علابالي راني طولت الغيبة عليكم
سامحوني برك كانو عندي ضروف
معلييييييش.....؟
راني جيت و جبت الجديد معايا و حبيتكم تتعلمو معايا التفصال و تخيطو روبة ولا زوج تعقبو بيهم الصيف
وتسلكوني هههه
و نزولا تحت طلب حبيبتي ام مريومة و صارة و كل الاخوات راني جبت ابرونتي هههه لي هي مرت خويا هههه
هي لي رايحة تخيط الروبة
وضك نبداو ... نفصلو كيف كيف
و نفوتو مرحلة بمرحلة و لي مفهمتش تصقصي و ما تحشمش
الروبة نتاع اليوم عندنا الموديل نتاعها



تحتاجو فيها 2 متر كتان بيزوبيزو من لون
و نصف متر من لون اخر
انا اخترت هاذو اسود و اصفر

و 1 متر قالون و كبة خيط
يعني طبخة اقتصادية عفوا روبة اقتصادية ههههه
يعني تكلفك 90 الف ماكسيموم ههههه
اختي الكريمة تحكمي الكتان نتاعك و تطوية على 4
و تبداي تحطي مقاساتك بالشكل الموضح في الصورة

انتهينا من رسم الباترون على القماش
نبداو القص و ماتنسايش بعدي ب 1 سم على الخط المرسوم و هو حق لخياطة بيانسور

باش نتحصلو على الطرف الزايد في الروبة

لازم نستغناو على جهه
و نقيس الطرف كيما موضح ب نفس الطول والعرض
و حنا اخترنا هذا العرض باش نتحصلو على النقشات
و جينا باهية اوووكيي



و نفصلو ليمونش حنا حبينا نبدلو شوي و درنا كل مونش من لون





و اليكم طريقة التركاب
تقدري ماديريش سورفيلاج على الحاشية خاطر البيزو بيزو ما يتسنسرش








حقا تفكرت حنا هبلتنا المشينة نتاع لابرانتي ما حبتش تخيط البيزو بيزو ملا تفكرت خطرة قريت موضوع سحري نتاع البرا لي راسها اصفر ربي يبارك في لي حطت الموضوع المهم انا شريتهم و ركبتهم وااااش نقولكم عادت طير ههههه ما تصوطي ما تخرج الخيط ما تقطعو
و في الاخير يجي القالون
نوجدو البيستولي
تسخن

و نبداو نلصقو







و عندكي تتشواي كيما لابرانتي نتاعنا ههههه و تقدري تلصقيه بالبرا و الخيط
و اووب انتهينا و الان هاهي واجدة و ماعليك سيدتي غير تضربيلنا تصاور و تحطيلنا نشوفو واش تعلمتي كيما راكم تشوفو لابرانتي راهي تصور و فرحانة









هيا الدالة ليكم فرجوني
باش ننتقلو لروب اخرين و البدرون و السواااريييي او مزااال مع السطايفية
سلااااام