همزة وصل بين المعلم والولي : في طبعته الثالثة

[ام الزهراء]

ام يونس هوني عليكي بالشوية على صحتك

هذا هو الي كنت نحكي عليه التلاميذ الممتازين غالبا يتيهوا في الساهل

ابتهال في موضوع اللغة كلش صحيح الاعراب التحويل حتى الوضعية كتبت وضعية رائعة بالشواهد والتوضيف ومدلها المعلم عليها العلامة الكاملة 4/4 لكن راحتلها نص نقطة لانها ما عرفتش تستخرج ضمير منفصل

حتى المعلم ديما يقوللها تغلطي في امور ما نتوقعش انك ممكن تغلطي فيها

معليش المهم يتعلموا من اخطاءهم درك راني متاكدة كون يجيهم في الشهادة ضمير منفصل ما تغلطش فيه ههههه وكذلك يونس هذه الاخطاء كوني واثقة انه لن يكررها

المهم خليه مركز في الي جاي وكيما يقولوا اللوم بعد القضاء بدعة

ان شاء الله القادم احسن

[serine alger]

المشاركة الأصلية كتبت بواسطة عماد الدين 14

السلام عليكم ورحمة الله تعالى وبركاته
أخواتي في الهمزة عيدكن سعيد
بداية شكرا لجميع من همه أمري وتضامن معي
أمهات تلاميذ الثانية إليكم اختبار اللغة العربية والذي سيكون يوم غد إن شاء الله للأمانة لقد نقلت النص من النت لأنه يتماشى مع المحاور التي درست في هذا الفصل أعجبني فأخذته وعدلت الأسئلة

شكرا أستاذ على الاختبار. أكيد سأعطيه لابني ليحله.

[serine alger]

المشاركة الأصلية كتبت بواسطة ام الزهراء

ابتهال في موضوع اللغة كلش صحيح الاعراب التحويل حتى الوضعية كتبت وضعية رائعة بالشواهد والتوضيف ومدلها المعلم عليها العلامة الكاملة 4/4 لكن راحتلها نص نقطة لانها ما عرفتش تستخرج ضمير منفصل

**أم الزهراء** ياريت تفيدينا بموضوع الوضعية وبوضعية ابتهال اذا ممكن. أحنا معلمة عادل تعطي 2.5/4 في الوضعية كأحسن علامة وفي الاختبار الأخير حنت عليهم أعطت3أحسن نقطة .

[ام الزهراء]

المشاركة الأصلية كتبت بواسطة /زهرة عصفور الجنة/

نداء
للاخت التي وضعت لنا موضوع الحوادث المرورية
نسيت اسمها للاسف

انا انا

كنت قد قرات طلبك لكن الزهايمر وعمايلو

الكتاب اسمه ( حسن جدا ) وفيه لغة ورياضيات وفرنسية يحتوي على حوليات وكذلك مواضيع اخرى رائعة

[أم الولدين]

شكرا اخواتي حتى معلم يونس الوضعية 2.5 مرات 3 ويونس الفرض الاخير 3.5 وهاد المرة 3.25 في الوضعية
راني حملت موضوع الرياضيات هلموووو عادل ابتهال منى اسماء ولي نسته الراس بحححححح الي يغلبط وماياخدش مليح
ممكن 9 ولكن اقل مانعرف كييفاش نقولوله

[جلفااوية]

السلام عليكم ورحمة الله وبركاته

اخخخخخخخخخخخخخخخخخ راني في حالة بنتي المرة هادي هلكتها جابت 6 في الرياضيات مسالة سااااااااااااااااااااااااااااااااااااهلة غلطت فيها و 7 في الفرنسية مالقيتش واش نقول ليها تشوكييييييييييييييييييييييييت كانت تجيب فيهم غير بالعشرة و هاد المرة خلعتني ربي يستر في السيزيام

[/زهرة عصفور الجنة/]

المشاركة الأصلية كتبت بواسطة ام الزهراء

انا انا

كنت قد قرات طلبك لكن الزهايمر وعمايلو

الكتاب اسمه ( حسن جدا ) وفيه لغة ورياضيات وفرنسية يحتوي على حوليات وكذلك مواضيع اخرى رائعة

هاد الشي انت
تعيشي اختي واش من مواضيع لي كاين في الكتاب

[أم الولدين]

مسود السعد تاع السوجي ماحبش يتحمل كما كرهته من قلبي هههههه قالي مانتحملكش
بصح جايباته جايباته راه جايبلي ازمة نحطهلكم و نرميييه هههه ا
تعلمت حاجة وقولولي إدا كاينة منها مرات الفرض مانراجعش ليونس مرات بالويكاند نروحو لدارنا ونبات وهو يلها في اللعب
و الاحد يجي الفرض و يخدم بصح الاختبرات مكبرتهم في راسي زعمة مين يخدم في الفرض نقول يزيد في الاختبار يعميهااا
قلت لباباه من اليوم فصاعدا ما نكثرلهش سوجيات مانزيد نكسر راسي و راسه ومتاكدة لوكان ماشي امس كثرت عليه فايت 10 سوجيات تاع رياضيات
لو خليته على هواه متاكدة يجيب اقل شيئ 8 يعني انا السبب بصح نتعلمو حتى احنا بعض الامور

[/زهرة عصفور الجنة/]

ام يونس ضغطك راح يرتفع
ليست نهاية العالم مخدمش
الضغط يولد الانفجار انا بنتي ليلة الاختبار راجعنا الفرنسية فقط
اكتفيت بمراجعتها في المدرسة
مزال الخير للقدام والواحد يتعلم من اخطائو

[serine alger]

المشاركة الأصلية كتبت بواسطة أم الولدين

مسود السعد تاع السوجي ماحبش يتحمل كما كرهته من قلبي هههههه قالي مانتحملكش
بصح جايباته جايباته راه جايبلي ازمة نحطهلكم و نرميييه هههه ا

لو خليته على هواه متاكدة يجيب اقل شيئ 8 يعني انا السبب بصح نتعلمو حتى احنا بعض الامور

**أم الأنانيس** اليوم راكي. راني متأكدة أنو في البيت مالازم حتى واحد يدور قدامك والا................راحت عليه.
بالنسبة للرياضيات والله حرام عليك 8 سوجيات في يوم واحد.وعلاه؟ مع أن تقريبا نفس التمارين والمشكلات يدورو.
ياخي تعرفي أن الضغط يولد الانفجار. أنت ضغطت على يونس وهو كان مسكين مريض والنتيجة**عدم التركيز**
******اسفة أم الأنانيس لكلامي بصاح والله غاضني يونس**

[~ حراير ~]

المشاركة الأصلية كتبت بواسطة عماد الدين 14

السم عليكم ورحمة الله تعالى وبركاته
أتمنى أن يكون جميع أهل الهمزة بخير من أبناء وأمهات وآباء وأساتذة
أولا أقدم اعتذاري إليكم عن هذا الغياب المفاجئ والطويل وخاصة أمهات السنة الثانية تتقدمهم الأخت أم ياسين التي كنت قد وعدتها ببعض النماذج للوضعيات الادماجية في الرياضيات كما أقول لها إن طلبك أخذته بعين الاعتبار ولكن حدثت بعض الأمور والتي لم تكن في الحسبان حالت دون إيصاله إليك كما حالت دون التواصل مع الأهل في الهمزة .....فلقد حدثت مناوشات بيني وبين دركي في الطريق وصدقوني لم أظلمه ولم أقم بأي مخالفة تذكر سوى أني طلبت منه الانتظاربكلمة ( في غرضك خويا) فتخيلوا ماكان رده ( مارانيش خدام عندك وهذا ما بقالي غير واحد كيما انت يكون خويا) فضلا على أني أخبرته بمهنتي هذا ما أثار غضبي ودخلت معه في ملاسنات توجت بأنه "زخرف لي ملفا"قدمه للعدالة. وأنا أيضا قد رفعت عليه دعوة قضائية.
هذا ما أزعجني كثيرا وجعلني أغيب كل هذه المدة وحتى هذه الساعة لم تحل هذه المشكلة كما أرجو أن تمر على خير.
كما أني متأخر ولم أكمل جميع الامتحانات بسبب هذا المشكل.
وفي الأخير لم يحضرني إلا البيت الذي قاله صدام حسين قبل أن يشنق
لا تأسفن على غدر الزمان فلطالما ** رقصت على جثث الأسود كلاب
لست أقصد بذلك الجميع فهناك الكثير من "أولاد الفاميلا" سلام

و عليكم السلام و رحمة الله تعالى و بركاته

عودة ميمونة استاذ
و ربي يفرج عليك و ان شاء الله تتسوى المشكلة و تحل في اقرب الاجال

في الحقيقة مع قريت سلامك عرفتك اما مستعجل او مقلق لانك اخطات في كتابة السلام او نسيت حرفين
نتمنى انه ما يكبرش الموضوع و يتحل في سع و علينا ان نلتمس الاعذار لاخوانننا
يعني مش حابة استاذي تقلق من كلامي
مجرد راي فقط

[أم الولدين]

المشاركة الأصلية كتبت بواسطة serine alger

**أم الأنانيس** اليوم راكي. راني متأكدة أنو في البيت مالازم حتى واحد يدور قدامك والا................راحت عليه.:d:d:d
بالنسبة للرياضيات والله حرام عليك 8 سوجيات في يوم واحد.وعلاه؟ مع أن تقريبا نفس التمارين والمشكلات يدورو.
ياخي تعرفي أن الضغط يولد الانفجار. أنت ضغطت على يونس وهو كان مسكين مريض والنتيجة**عدم التركيز**
******اسفة أم الأنانيس لكلامي بصاح والله غاضني يونس**

هههههههه الصغير رسلته مع باباه و الا كان راح غلاااط ياخد طريحات في الطريق
صح والله حسيت انه كثرث عليه و صراتلي مرة في الثالتة اعطيته ازيد من سوجي راح مخلخل قلت مانعاودهاش
ولكن امس رجعت من سوجي لسوجي لحقت ل 10 راح بلا تركيييز هاديك هي عماها لكن توووووووووبة
لا لا ماتتاسفي عندك مليوووون حق

[serine alger]

المشاركة الأصلية كتبت بواسطة أم الولدين

هههههههه الصغير رسلته مع باباه و الا كان راح غلاااط ياخد طريحات في الطريق
صح والله حسيت انه كثرث عليه و صراتلي مرة في الثالتة اعطيته ازيد من سوجي راح مخلخل قلت مانعاودهاش
ولكن امس رجعت من سوجي لسوجي لحقت ل 10 راح بلا تركيييز هاديك هي عماها لكن توووووووووبة
لا لا ماتتاسفي عندك مليوووون حق

معليش أختي رانا هنا باش كل واحد يعاون الاخر. ففي كل مرة على من يأتي الدور. الأم بطبيعتها حساسة بالزيادة. مثلا أنا نغلي و زوجي مايتقلق ماوالو .يقولي **أنا المهم نعرف مستوى وليدي وماتهمنيش المرتبة-** راهم عندي في الجامعة والمستوى تاعهم ---------------** بالتوفيق ان شاء الله ليونس.

[ام الزهراء]

المشاركة الأصلية كتبت بواسطة serine alger

**أم الزهراء** ياريت تفيدينا بموضوع الوضعية وبوضعية ابتهال اذا ممكن. أحنا معلمة عادل تعطي 2.5/4 في الوضعية كأحسن علامة وفي الاختبار الأخير حنت عليهم أعطت3أحسن نقطة .

هاهو موضوع اللغة لكن الوضعية كتبتها في كراس الاختبار ويبقى في القسم فقط تجيبو نمضوه وترجعو

[ام الزهراء]

المشاركة الأصلية كتبت بواسطة /زهرة عصفور الجنة/

هاد الشي انت
تعيشي اختي واش من مواضيع لي كاين في الكتاب

https://cdn./i_114f23169f2.jpg

https://cdn./i_114f23169f3.jpg

https://cdn./i_768455b0474.jpg