الجزء 107 من واش طيبتي اليوم ; العين تاكل قبل الفم - الصفحة 49

مياسم75 · 2014-12-31, 10:17

غذانا بإذن الله عيش سخون وحار
نروح لاشغالي نكملها ونرجع نراجع ونحط البارووووك
أيا ربي يعاونكم سلاااااام

حنين99 · 2014-12-31, 10:18

صباح النور عليكن جمبعا ويوم موفق للجميع

ام رويدة · 2014-12-31, 10:39

صباح الانوار ونهاركم طيب حبيباتي
بصحتكم كااامل وش حطيتو ويعطيكم الصحة

في مثل هذا اليوم من سنة......ولدت....راني زدت كبرت بعام..الدنيا راهي تجري وحنا مقصرين
شكون تجيبها وبلاك نكون قدها..هههه

tokio hotel · 2014-12-31, 10:43

صباح الخير لكل العضوات
هاذا عشايا نتع البارح ان شاء الله يعجبكم
غراتان تع الكرنب لام اماني
وعصير الجزر والبرتقال لام محمد

lyzzabel · 2014-12-31, 10:45

صباح الخير على الوجوه الطيبة و نهاركم اطيب حبيباتي
إليكن وصفة التحلية في الأكواب او les coupes royales بالموز و اللوز
طريقتي هي اولا نحضر جينواز او موسكوتشو انا ضربت عصفورين بحجر واحد ،، الاولاد يبغو حاجة يسموها كيك ولا موسكوتشو ولا مادلان ،، تسمى درت موسكوتشو خدمت التحلية بنصه و النصف الاخر خليته لحبايب قلبي هههه ،، و ممكن نعتمد اي وصفة للجينواز او الموسكوتشو
انا درت 5 حبات بيض و كاس مشي معمر سكر عادي و لافاني و ضربت مليييييح بالباتور حتى رجع الخليط ابيض و زدت عليه نص كاس زيت و ضربت و نص كاس حليب و ضربت و من بعد الفرينة مغربلة مع كيس و نصف خميرة الحلويات و نخلط حتى نشوف الخليط ثقال شوية يعني يجي شوية جاري على تاع الكيك ،، و طيبته في فرن سخون على درجة 180
من جهة اخر، حضرت الكريمة لي هي لتر حليب مع 4 ملاعق اكل فلان ذوق فانيلا و زوج ملاعق اكل مايزينة و نخلط و نحط الكاسول فوق النار و نخلط بملعقة خشبية حتى يثقال الخليط و يبدأ يدير فقاعات ،، ننحيه و نغطيه بالفيلم اليمونتاغ باش ما يديرش قشرة من فوق و نخليها تبرد ملييييح ،، كي تبرد نضيفلها ملعقتين اكل معمرين غبرة الشانتيي و نضرب بالباتور و نخليها فالثلاجة
نزيد نحضر الشاربات او السيرو كاس و نصف تاع ماء و كاس سكر عادي و عصير ليمونة نحطه يغلي فوق النار و مين يبدأ يغلي نحسب عشر دقائق و نطفي و نخليه تاني يبرد
نعاود نرجع للجينواز ولا الموسكوتشو لي يكون برد و نقطعه مكعبات صغيرة بالموس و نوجد الأكواب لي نقدم فيهم و حبات موز و شوية لوز محمر فالزيت و مقطر و مرحي خشين و ديكوجال كاراميل و كمية من الشانتيي مطلعها مع كاس حليب بااااارد و حبات سوغيز
نحط كمية صغيرة من قطع الجينواز فالاكواب و نسقيها بمقدار ملعقة اكل شاربات و نحط فوقها رشة من اللوز المدشش و نزيد ملعقتين تاع اكل من الكريمة و فوقها قطع الموز نكون قطعته دواءر و نزيد رشة لوز و نعاود كمية من الجينواز و نسقيها بالشاربات كيما المرة الاولى و نحط فوقها رشة لوز و كمية من الكريمة و قطع الموز حتى نقرب نوصل لنهاية الأكواب و نحطهم فالثلاجة يبردو على الأقل ساعتين حتى تتشرب كل النكهات مممممم ،، و قبل التقديم نكمل بقطع من الموز ما نديرهمش قبل ما نحط الأكواب فالثلاجة باش ما يكحالش ،، و نزين من فوق بكريمة الشانتيي و ندير خطوط بالديكوجال باستعمال كيس مثقوب و نرش كمية من اللوز المدشش و اخيراً نصف حبة من الكرز المعلب ،، تحلية راااااءعة و سهلة و بخيزونتابل

ام رويدة · 2014-12-31, 10:47

ليزا يعطيك الصحة على الوصفة .....تبان رووووعة....ربي يحليلك حبايب قلبك وبصحتهم

طالبة الجامعة · 2014-12-31, 10:52

مرحبا ليزا شكرا على الوصفة تبان هايلة

Simassim · 2014-12-31, 10:57

امممم ليزا تهبل وتدي العقل هاتولي زوج كيسان واحدة لي واحدة لي بكرشي لول
توكيو وحنين والأمنيات بصحتكم
مياسم بصحتك الثلج حنا صب وصباح ذاب.
بشرى واش راكي والقاطو هايل ربي يوفقك ويفتحها عليك وعلى الجميع يارب

lyzzabel · 2014-12-31, 10:58

اقتباس:

المشاركة الأصلية كتبت بواسطة رفيف رانية

ليزاا حنونة الوصفةمن فضلك موش تاع القطيفة تاع الهلال ربي يخليييك

صباح الخير حبيبتي انشالله الوالدة راهي احسن ربي يشفيها و يعافيها
هداك مشي قاتو القطيفة راه حلوى خليجية هاهو الرابط صدقيني رووووووعة

و انا درت حبات للأولاد الصغار بلي سماغتيز و لاخر لصقت كل زوج بالمعجون و طليتهم من برا تاني بالمعجون و رمدهتم في نواة كوكو محمصة و خلطت معاها ملعقتين من الشوكولا غبرة و ملعقة كاكاو ،، جا يهلببببل مام طريقتي في قاتو القطيفة نديرها هاكا

om wassim · 2014-12-31, 11:13

صباح الخير علىيكم جميعا
زروني حبيباتي و شرفوني باراءكم

https://www.djelfa.info/vb/showthread.php?t=1732720

om wassim · 2014-12-31, 11:16

ام رويدة عيد ميلاد سعيد و كل عام و انت بخير

lahna moka · 2014-12-31, 11:17

صباح الخيرات حبيباتي الحلوات
بشورتي القاطو تاعك يهبل ممممم يعطيك الصحة
ليزابيل عسلايتي مممم على الروايال و القاطو رووووعة و بارك الله فيك على الوصفة تسلمي

دائمة الحمد · 2014-12-31, 11:22

مياسم احنا ثاني الثلج راه عامل حالة
راهي تسلم عليكم اسينات الكبيرة والصغيرة راهي فلستني الصباح للعشرة وانا نلعب معاها
الكسرة راهي طيب والبركوكش راهو واجد
الصور ما يحبوش ينزلولي النت تكوبي وترجع

staifia · 2014-12-31, 11:28

صباح الخييييييييييييييييييييييرات عليكم
كيفكم

ناهدوران · 2014-12-31, 11:28

امنيات حنين لهنة مياسيم ام رويدة ايزابال ام ملك بشرى طوكيوا دائمة الحمد
صباحكم بالخير ياناس الخير و الحود و الكرم