Mh47 الجزء الــــ84 من واش طيبتي اليوم - الصفحة 49

touta2010 · 2014-08-12, 12:51

لبنات ارواحو لعندي ويا ويلها لمتمدحش وصفتي
https://www.djelfa.info/vb/showthread.php?t=1650190

touta2010 · 2014-08-12, 13:06

راني جربت فلان كرامال بدون فرن لام اماني

lyzzabel · 2014-08-12, 13:11

ممممممم توووووتة كلشي حطيتيه يشهي سييييييرتو الجاج بالفرماج ممممممم طبقي المفضل

فضولة الجاج طيبته كالتالي

حطيت قطع الجاج في صينية الفرن و قطعت عليه حبة بصل شراءح و ثلاث سنات ثوم كبار تاني شراءح و ورقات رند و تبلت بالملح و الفلفل الأسود و شوية كمون و شوية راس الحانوت و الفلفل الأحمر الحلو و شوية سكنجبير و م ك موتارد و عصير حبة ليمون و زيت عادي و خلطت الكل مليييييح مليح باش النكهات يدخلو في أطراف الجاج و صَبيت مقدار كاس و نص ماء و غطيت و دخلته للفرن على أقصى درجة و من بعد نقصت له الى 220 درجة

و الروز درت في طاجين تاع تيفال ثلاث سنات ثوم كبار رابي مع شوية مارغرين و شوية زيت و قليت و كنت غسلت الروز العادي ما درتش المفور ،، غسلته ثلاث مرات و صفيته و رميته يتقلى مع الثوم ،، نضيف ملح حسب الذوق و فلفل اسود و شوييية قرفة غبرة و شوية سكنجبير و راس الحانوت و نخلط مليح بالملعقة الخشبية على نار هادية حتى نشوف الروز تبدل لونه و رجع تقريبا شفاف ،، نمرق بالماء سخوووووون و نضيف كمشة جلبان و ورقات رند و نغطيه و نخليه يطيب على نار اقل من المتوسطة لازم مين يطيب يكون ناشف و ما فيهش لاصوص
و من جهة اخرى قطعت حبة فلفلة حمرا الى مكعبات و قليتها على نار هادية في شوية مارغرين درتلها الملح فقط و مرة على مرة نقلبها باش تطيب مليح ،، و مين نطفي على الروز نضيفها عليه و نخلط غيييير بالشوية باش ما يتتعجنش

فالتقديم نحط الروز انا استعملت مول دائري و نسقيه بشوية من لاصوص لي طاب فيها الجاج بالبصل و الثوم تاوعها و نحط الدجاج بجنبه و بالصحة و العافية حبيبتي

طالبة الجامعة · 2014-08-12, 13:15

السلام عليكم ورحمة الله
صح فطوركم الشيراااات
واش احوالكم اليوم

lyzzabel · 2014-08-12, 13:20

توووووتة عندك الصح مادام الجماعة مشي فالدار ابروفيتي ههههه عاد راكي كليتي لوكان انا ماناكل مانشرب ،،،،، ما نامنننننشششش هههههههه

أم ياسين الزهراء · 2014-08-12, 13:21

ليزابيل ههههههههههههههههههه العتب على النضر كبرت هههههههههههههههههه

توتة الحلوة واش راكي تغيبي مدة ومنبعد تولي وين تروحي ياموصيبة

غداا حميص وكفتة ومعاها البطاطا يييييييييييييييييييييي كرهوني فيها والدلاع والبطيخ ونقاوس والسخانة طبعا والحمد لله كثيرا

نحمده ونشكره على نعمته وفضله

أم محمد تاج · 2014-08-12, 13:26

سلام عليكم ياغاليات ونهاركم مبرووووك وصح غداواتكم
عسلايتي مواح مواح مواح غير انت لي سقسيتي عليا يا اغلى صحبة
توييييييييتة صغري الصور ياخي محترفة واااااااااااااع
كنت شوي مشغولة والمنتدى يحاوز فيا كل مرة
كاين بنات هنا معانا فاهميني غالط بدون ذكر الاسماء المهم الله يهدينا كامل

سعيدة8888 · 2014-08-12, 13:27

اقتباس:

المشاركة الأصلية كتبت بواسطة lyzzabel

ممممممم توووووتة كلشي حطيتيه يشهي سييييييرتو الجاج بالفرماج ممممممم طبقي المفضل

فضولة الجاج طيبته كالتالي

حطيت قطع الجاج في صينية الفرن و قطعت عليه حبة بصل شراءح و ثلاث سنات ثوم كبار تاني شراءح و ورقات رند و تبلت بالملح و الفلفل الأسود و شوية كمون و شوية راس الحانوت و الفلفل الأحمر الحلو و شوية سكنجبير و م ك موتارد و عصير حبة ليمون و خلطت الكل مليييييح مليح باش النكهات يدخلو في أطراف الجاج و صَلَّيْتَ مقدار كاس و نص ماء و غطيت و دخلته للفرن على أقصى درجة و من بعد نقصت له الى 220 درجة

و الروز درت في طاجين تاع تيفال ثلاث سنات ثوم كبار رابي مع شوية مارغرين و شوية زيت و قليت و كنت غسلت الروز العادي ما درتش المفور ،، غسلته ثلاث مرات و صفيته و رميته يتقلى مع الثوم ،، نضيف ملح حسب الذوق و فلفل اسود و شوييية قرفة غبرة و شوية سكنجبير و راس الحانوت و نخلط مليح بالملعقة الخشبية على نار هادية حتى نشوف الروز تبدل لونه و رجع تقريبا شفاف ،، نمرق بالماء سخوووووون و نضيف كمشة جلبان و ورقات رند و نغطيه و نخليه يطيب على نار اقل من المتوسطة لازم مين يطيب يكون ناشف و ما فيهش لاصوص

فالتقديم نحط الروز انا استعملت مول دائري و نسقيه بشوية من لاصوص لي طاب فيها الجاج بالبصل و الثوم تاوعها و نحط الدجاج بجنبه و بالصحة و العافية حبيبتي

دائما متألقة

سعيدة8888 · 2014-08-12, 13:28

اقتباس:

المشاركة الأصلية كتبت بواسطة أم محمد تاج

سلام عليكم ياغاليات ونهاركم مبرووووك وصح غداواتكم
عسلايتي مواح مواح مواح غير انت لي سقسيتي عليا يا اغلى صحبة
توييييييييتة صغري الصور ياخي محترفة واااااااااااااع
كنت شوي مشغولة والمنتدى يحاوز فيا كل مرة
كاين بنات هنا معانا فاهميني غالط بدون ذكر الاسماء المهم الله يهدينا كامل

اهلين حنونة
مزالك مع الخياطة ؟
انت امنا ربي يخليك لينا

بشرى2008 · 2014-08-12, 13:32

ليزا والله الجلبانة راهي تشهييييييييييييييييييييييييييييييييييييي بصحتكم
توتة يعطيك الصحة
ام محمد تاج لأول مرة فى تاريخ البشرية منفهمش واش تقولي حلل وناقش مدا بيك

أم محمد تاج · 2014-08-12, 13:33

الله يخليك سعيدة حنونتي وراني مازلت مع لخياطة اكيد حتان نتعلمها مليح ونولي محترفة هههههههههههه

lyzzabel · 2014-08-12, 13:36

يا سلااااام عااااش من شافك كتاب يااا سكرتي الحللللوة توحشتك توحشتك موااااااحتيييييين يا احلى قطعة سكر

سعيدة شكرا حبيبتي هذا من ذوقك ،، الله يخليك راني درت تعديل كنت نسيته فالوصفة و راكي دايرة اقتباس يا ريت تعدليه باش البنات ما يغلطوش

ام ياسو ههههههههه صح فطورك

lyzzabel · 2014-08-12, 13:37

اقتباس:

المشاركة الأصلية كتبت بواسطة بشرى2008

ليزا والله الجلبانة راهي تشهييييييييييييييييييييييييييييييييييييي بصحتكم
توتة يعطيك الصحة
ام محمد تاج لأول مرة فى تاريخ البشرية منفهمش واش تقولي حلل وناقش مدا بيك

مام انا ما فهمتش و خفت نخرج على الموضوووووع ،،،، صح فطورك بشورتي

طير الرحمة · 2014-08-12, 13:38

طير الرحمة · 2014-08-12, 13:39