الجزء 77 من واش طيبتي اليوم سيدتي **تحضيرات شعبان لإستقبال رمضان** - الصفحة 49

omomnia15 · 2014-06-07, 10:14

صباح الانوار يا غاليات راكم الله يبارك كاااااااااااااااااااامل كل وحدة باسمها البارح كنت في عرس اخو مرت لوسي امبعد نحطلكم صور القاطو نروح لفطوري من صبح وانا نراجع نسيت روحي سلااااااااااااام

ladymillion · 2014-06-07, 10:38

صباح الخيييييييير والخمير ياوجوه الخير حبيباتي الله ينور أيامكم

أنا هذا وين نضت راني نشرب في القهوة بصحتكم لفطور كامل ،،، ولي عندها شغل الله يكون في العون

نهال الكيكة تبان بنييييينة نتاع الصح الله يعطيك الصحة

ام انس المقروظ يهبل يهبل والله بكل صراحة وراني سرقت الوصفة /// روضة راني حطيت الوصفة في موضوع حراير الجلفة

اولادي صح ليك الفطور والله يتقبل صيامكم يارب
سرور ، كيا ، ام امنية ، وكاااااااامل كامل صباح النوووووووووور نوضوا ديروا لغدا هههه

ام ماجد الميناج خلصناه البارح ياااااااااااي للفرحة اليوم صبحت راقدة لوكان بغيتي نجي نعاونك

أم ياسين الزهراء · 2014-06-07, 10:38

صباح الانوار دخول سريع رايحة لفرح ربي يفرحنا ببناتنا يارب

اللي سقسات على المخ

غليه في ماء وملح وخل ومنبعد اقليه وزيديلو بصل وثوم مقطع ومنبعد طماطم مرحية وهريسة وكيطيب ديري البيض والدبشة وطبعا فلفل اسود وملح وبصحتكم

omomnia15 · 2014-06-07, 10:47

ليزا حبوبتي الف لاباس عليها بنت اختك ري يشافيها نشالله ويرجعهالكم معافية يا رب وبصحتك الاوملات الله ييعينك واش من قلب يطيب
ام انس الله يبارك على هذاك المقروط وساهل وتع همة ومناسات

عطرالذهب · 2014-06-07, 11:22

صباح الخير عليكم وبصحتكم كل ماطيبتو
ام انس شكككرا على الوصفة
ريهام تطبيقاتك وطياباتك يشهو يسلمو
اولادي ربي يتقبل منك ومنا الصيام ويعطيك الصحة موائدك بسيطة وشهية
نهال عيد ميلاد سعيد للكتكوت ربييكبرو في طاعتو
البقية صباح الخير كااامل

عطرالذهب · 2014-06-07, 11:33

هاهو عشايا نتاع البارح اومليت بالخضر صحية جدا بالصح زوجي قاللي ماناكلش ماكلة السبيطار هههههه

omomnia15 · 2014-06-07, 11:50

رهام الله الله عليك والله شاف تع الصح كلش روعة الف صحة
عطر الوصفة تشهي وصحية لكيما حالتي طيبتيها في الفرن:19
لهنة ركي قريب تروحي ربي يتمملك على خير بصح علاش رايحة قبل رمضان وكلشي
ام ماجد بصحتك الفطور الخفيف :
اولادي ربي يتقبل منك صالح الاعمال وفطورك يشهي:19
ليدي بصحتك الرقاد انا والله عينية راهم لاسقين على بعضاهم وميتة بالعيا تقول انا الي طيبت عشا العرس ولا سربيت معاهم غير الشطيح والرديح دارو فيا حالة يا ويلتي ذرك اجي مسعودة تشطحني
فطوري فريت اوملات وفلفل مقلي بزاف عليهم البنات مراهمش هنا راني وحدي تحيا الحرية والاستقلال

أم هنيدة · 2014-06-07, 12:00

السلام عليكم

صح فطوركم

ان شاء الله تكونوا بخير وعافية وونذكر اخواتي لي داروا الميناج يحتسبوا هذه الخدمة لوجه الله حتى يلحقهم ا لأجر ان شاء الله

غدانا دولمة بجميع الخضروات ولله الحمد

اخواتي كل باسمها يعطيكم الصحة على الاطباق الرائعة

اختي ام انس ربي يجزيك على وصفة المقروط نجربها ان شاء الله

اختي ريهام16 الله يبارك على تطبيقاتك المتقنة يعطيك الصحة من فضلك اذا ممكن تحطينا وصفة هذي الخبزة ووصفة الروتي مع البطاطا بارك الله فيك

ladymillion · 2014-06-07, 12:02

ريهام ماشاء الله عليك أطباقك وتطبيقاتك هايلة هايلة ماكلتك يحلى وسخفتيني في بوتي فور ممممممم ،،، الله يتقبل عليك العمل التطوعي الله يجازيكم بالخير

عطورة تهبل الاومليت والله تشهي ماكلة خفيفة في لعشا مكانش كيفها بصحتكم

أم امنية بصحتك الشطيح وينو القاطو راني نستنى فيه ههههههه ،،، وعلى لعيا أنا كي نروح للعرس نبقى قاعدة برك ونروح تعبانة فما بالك كي نشطح ههههههه وعلى مسعودة راهي ماديرلنا والو علابالك تحب الزردات ههههه

islam1aya · 2014-06-07, 12:11

السلام حبيباتي
اختي ريهام روووووعة الاطباق والسلطات و الحلويات
ام انوس حبيبتي المقروط شكله تحفة تسلم الايادي
هذا باروكي للكوزينة
هذو فريونديز جابهم اخي للاولاد من المانيا طاحو عليهم هذا واش بقى صورتهولكم هههه

هذوما نوقا وحلقومة اشريتهم من لافوار الي راه قدام بيتي

مقبلة بالديول رووووووووووووعة لحبيبتي ياسمينو حربها لبنات رووووووعة خاصة في رمضان

سلطة مشوية بالفلفل احمر

فلوتي خضر

خبز فيسال للاحت رميسا روووووووعة بارك الله فيها
نبهتني ليه ام انوس امواحححححححححححححححح

حمص غاليتي ام كوثر رائعة فعلا طحو عليها الاولاد رغم انهم مايكلوليش الحميصة في الاطباق لكن هذه عجبتهم
ربي يفرحك حبيبتي ام كوثر بنجاح سيرين ويفرحكل العضوات والامهات بنجاح اولادهم

نحمد الله على نعمه
يتبع مع بعض التحضيرات الرمضانية واطباق احرى

omomnia15 · 2014-06-07, 12:22

الحمد لله ليزا كي رايحة بنت اختك تخرج نشالله اخر الاضراروربي يحفظها من كل شر
ام اسلام واية بصحتهم الاولاد الحلوى واطباقك كلها

أم هنيدة · 2014-06-07, 12:28

أختي ريهام بارك الله فيك في غرضك تلبية الطلب

اختي ليزابال لا بأس طهورا على بنت اختك أسأل الله العظيم رب العرش الكريم أن يشفيها

kiya · 2014-06-07, 14:45

يصحتكم لبنات كامل وش طيبو كلشي يشهي

nihale89 · 2014-06-07, 15:15

غدايا شكشوكة المخ بصح نتاع صح خاكي كاذب

فريت

سلاطة

lahna moka · 2014-06-07, 15:18

مساء الخيرات حبيباتي
ريهام غاليتي الطيّوبة كلشي من يديك رووووعة سلمت يداك و بارك الله فيك و في ماماك على العمل التطوّعي ربي يجعلها في ميزان حسناتكم انتظري مني رسالة
ليزابيل حلوتي الجميلة نسيت نقولك على بنت أختك ربي يشفيها بصح كانت في بالي و كنت ندعيلها من قلبي , صح غذاك بصح قوليلي ما عندكش دلاع؟؟
كل الاخوات بارك الله فيكم و في طياباتكم اللي يسخفو
غذانا خفيف كالعادة فريت مع حوت مقلي