موضوع مميز الجزء الثالث من وصفات حراير واش طيبتي اليوم - الصفحة 49

idron0 · 2016-11-28, 13:00

وصفة الباتيسري oum ibrahim

درت جينواز بالياؤورت امممممم تجي خفيفة روعة
3بيض كبار او 4 صغار
علبة ياؤورت اي ذوق تحبيه انا ندير فراز
2علب سكر
علبة زيت
3علب فرينة انا نقص وحدة و نديرها نشاء
باكي خميرة
لفاني او عطر الفراز يعطي ذوق روعة للباتيسري
نحضر الجينواز نتاعي كما العادة نخلط البيض مع السكر مليح و لفاني من بعد نزيد الزيت و الياؤورت و نزيد الفرينة و النشاء و الخميرة مغربلين
ندهن البلاتو نتاعي لازم يكون كبير باه نتحصل على جينواز رقيقة بسمك 1سم انا البلا نتاعي 35*35سم ندهنو بالزبدة و نرش بالفرينة مايلسقش و الي تحب تدير ورق الطهي تدير
نحطو يطيب في الفرن 180 د راهو مايطولش لانو رقيق ممكن ربع ساعة الى 20 دقيقة
نخرجو و نخليه يبرد
نحضر كريم شانتيي كاس حليب باااااارد و 4 مغارف شانتيي و علبة فلان كراميل او اي ذوق انا درت كراميل لانو الباتيسري بذوق الكراميل نخلط بالباتور حتى تطلع ممكن نزيد الشانتيي حتى تتماسك لانو الشسانتيي انواع كاينة الي بالخف تحكم روحها و كاين الي لازم تزيدي شوية في الكمية و نحطها تبرد فسي المجمد دقائق
نقص اطراف الجينواز نتاعي لانها تكون قاسية و رقيقة و نقسمها على 3 اجزاء و نشربها بالسيرو او عصير نطلي الجزء الاول بالكريمة و نحط فوقو الجزء الثاني و نشربو و نطليه بلكريمة ثم الجزء الاخير نشربو و نطليه بطبقة رقيقة كريمة و نحطو في الثلاجة حتى تتماسك الكريمة
نخرجو و نحط طبقة من ديكوجال كراميل و نسوي الوجه بالسباتولا و نقطع قطع حسب الحجم الي حبيت و نزين بباقي الكريمة و نزين حسب الموجود و الرغبة ممكن بالفواكه و الف صحة و هناء

إضغط هنا لرؤية الصورة بحجمها الطبيعي.

idron0 · 2016-11-28, 13:04

السويسرول ام اماني

5 بيضات 120غ سكر والفاني نخلطهم جيدا حتى يبياض ويتضاعف الخليط
نضيف 120غ فرينة مع ربع م ص خميرةاكيييد مغربلين نضيفهم على3 دفعات والسباتولا نحرك من فوق لتحت

نفرش البلاطو بوررق الزبدة نفرغ الخليط وندخله يطيب في فرن يكون مسخن مسبقا على 180د من 7 الى 8د على حساب الفرن

من بعد روليه وخليه 10ج من بعد احشيه حسب الرغبة انا حضرت كريم باتسسير وخففتها بشوية كريم شونتيي وزينته من فوق بالكريمة من بعد بالملعقة حطفرغت سوبر كريم راهي متوفرة وبعدة اذواق

إضغط هنا لرؤية الصورة بحجمها الطبيعي.

idron0 · 2016-11-30, 19:40

الخشخاش سندوسة

رطل فرينة
ملعقتية كبار سمن تقريبا ذايبين لكن مش سخونين
رشة ملح
حبة بيض
ماء زهر باش نلموها

وعسل وجلجلان باش نزينوها

https://www.dztu.be/watch?v=95xZVJmeGd8

idron0 · 2016-11-30, 19:42

جلجلانية um alaa

إضغط هنا لرؤية الصورة بحجمها الطبيعي.

idron0 · 2016-11-30, 19:47

صابلي الشوكولة um alaa

idron0 · 2016-11-30, 19:48

حساء الشوفان um alaa

idron0 · 2016-11-30, 19:53

المثوم بالشمبينيو والزيتون ام رجاب

تاخدي طنيجرة اتحطي فيها الجاج طراف واتخليهم على نار قليلة حتا ينشف الجاج وحطي عليه الزيت والدرسة حمرا يعني حبة فلفل ادريس والثوم مرحين مع الملح واتحطي فلفل اكحل وعكري والكمون وسكنجبير خليهم يتقلاو وديري فنجال ماء باه مايتحرقلكش الدرسة وحطي مغرفة طماطم مصبرة و2 مغارف كبار طماطم مرحيين وخليهم يتقلاو مليح امبعد حطي الشمبينو والزيتون وخليهم ايطيبو على نار قليلة هاداك الوقت دوزني اللحم المرحي بالتوابل ملح فلفل اكحل ثوم وكمون وشوية قرفة وحبة بيض وشوية خبز مرحي محمص قيس 2 مغارف كبار وخلطيهم مليح وشكليهم ليبولات وكي قريب ايطيب الجاج حطي ليبولات تاع اللحم ايلا حبيتي تستغناي على طراف الجاج تقدري تستغناي عليهم وكي ايطيبو لازم اتكون المرقة عاقدة وبصحتك ان شاءالله.

إضغط هنا لرؤية الصورة بحجمها الطبيعي.

idron0 · 2016-11-30, 20:03

طبق الحمص oum ibrahim

إضغط هنا لرؤية الصورة بحجمها الطبيعي.

idron0 · 2016-11-30, 20:04

مرق الحمص حياة نور الدين

idron0 · 2016-11-30, 20:09

الزرير زهرة اللوتس

هو عبارة عن قمح تنقيه وتحمصيه وترحيه (انا ندي للي يرحيو القهوة والتوابل البرا يخرجهولي رطب بزاف) والحمص محمص والعدس محمص ثاني والكاوكاو كيفكيف محمص ومرحي وتخلطيهم وكاين اللي يزيد حوايج اخرين كيما عجوزتي دير بزاف حوايج، تقدري تحتفضي بيه مدة طويلة انا نحطو في الفريجيدار على طول العام كاين عندي، وللاستعمال تذوبي زبدة وعسل والزبدة تكون كميتها اكبر ،تخلطي معاها هذاك الخليط تاع القمح والحمص و يكون الخيط جاري شوية،

idron0 · 2016-12-01, 17:41

تحلية نوال عيسى

كانت عندي علبة بسكوي ماكاو
وطلعت الشونتيي مع كريم ديسار شوكولا وشوووية حليب باااااااااااااااااااااااااااردين
وضربت علبة فرماج طازج مع شوية سكر ناعم ورشة قهوة سريعة الذوبان وشوية فاني وشوية كاكاو وخلطتهم مع لاشونتي غير بالشوية
ومن بعد حكمت بورت مونجي مربع خخخخخخخخخخخخخخ ما عنديش مول مربع وصغير ايا سلكت روحي بالبورت مونجي المهم درت بلاستيك فيها باش نقدر نقلبها وبديت
اولا شمخت البسكوي في الحليب لي نكهتو بشوية فاني وستفت الطبقة لاولى ودرت الكريمة وعاودت البسكوي وهكا حتى خلصت الكمية وفي الاخير رشيت شوية كاكاو من فوق باش كي نغطيها ما تلسقليش وكي بردت قلبتها وعملتلها صوص شكولا اللي كان عبارة عن
ملعقة كبيرة حليب غبرة وملعقة كبيرة كاكاو وملعقة كبيرة شونتي غبرة وملعقتين سكر بودرة وملعقتين زيت وما حسب الحاجة وخلطتهم
وغطيتها من الفوق بالصوص وزينتها بالكريمة لي بقاتلي ورشيتها بالكاكاو.

idron0 · 2016-12-01, 17:51

خبز التوست melissa kahina

إضغط هنا لرؤية الصورة بحجمها الطبيعي.

idron0 · 2016-12-01, 18:01

مطلوع العشر دقائق ام ساجد

idron0 · 2016-12-01, 18:41

الكرانتيكا سندوسة

حوالي غرفية ماشي عامرة حمص مطحون و3 غرفيات ما او 2 ونص وملح ماشي بزاف وحبة بيض وزوج مغارف زيت وربع كاس حليب .

idron0 · 2016-12-02, 19:20

اسرع طريقة لتحضير الارز لام وليد حياة نور الدين