الجزء88 من واش طيبتي؟ مبروووك لكل العرسان والعاقبة اللي مزالو - الصفحة 49

أم محمد تاج · 2014-09-10, 21:46

السوال عليك ام كاميليا حنونتي ونشالله تكوني بخير
مممم ام نهال روووعة وبصحتو حمة حبوبي
على سلامتك ام يسرا حنونتي والصور كبار ماشفتهمش خسارة

ريتاج تيارتية · 2014-09-10, 21:49

اقتباس:

المشاركة الأصلية كتبت بواسطة الأمنيات

الله يسلمك اختي القو ما نعرف انا ما نكلهاش كليت بيتزا هههههه

هادي يقولولها في بشار قناويه وهنا الملوخيه ومصر الباميه هههههههه راني حاطه وصفتها بالتفصيل في وصفاتي

ااااااه صاي فهمتها بصح الذوق هي والملوخية لخرى مختلف صح؟
كيفاش يجي ذوقها

ارزاق · 2014-09-10, 21:51

مساء الخير من فضلك يا ام محمد كمية الفلفل شحال

دائمة الحمد · 2014-09-10, 21:56

امنيات نهال ام يسرا بصحتكم وكلش فور دون مجاملة
ام يسرا حلل وناقش
امنيات هذيك احنا نقولولها قناوية وذوقها مختلف جدا على الملوخية بالصح القناوية عنا غالية نجيبوها من عنابة اومن تونس
ادرارية المحاشي طابو ولا مازالو بصحتك عزيزتي

scorpionoir1982 · 2014-09-10, 21:58

اقتباس:

المشاركة الأصلية كتبت بواسطة دائمة الحمد

وصفة الملوخية لسكوربيون

اولا لازم تختاري الملوخية من النوع الجيد هزي شكارة تاع تونس وحدة او8مغارف كبار تاع الميزان
في الليل هزي طراف لحم ملاح زيدي ليهم درسة مليحة تاع ثوم وافاح زيدي ليهم نصف مغرف كبيرة طماطم كونسنتري وخلطيهم مليح وحطيهم في الثلاجة
الصباح بكري هزي طريف صغير من هذاك اللحم وقلي بيه البصل واعملي قيس 3قرصات بصباعك ملح الملوخية ماتحبش الملح وخليها تتقلى
هزي الان شكارة الملوخية او8 مغارف حليهم في كاس كبير زيت وصبيه على البصل لي تقلى وحركي شوي وامرقي مليح وخليها تطيب على نارهادية وساعة ساعة حركيها وتقدري تغلقي عليها الكوكوط بالصح النارتكون ناقصة خلاص واحد الساعة وافتحي عليها وارمي هذاك اللحم المفوح وحركي وهنا كاين اضافة عطتهالي اخت كريمة وراني معتامدتها وتجي هايلة تهزي هنا2او3 حبات زيتون اخضر وتغسليهم وتقصيهم رقاق وتضيفيهم للكوكوط مع مغرفة صغيرة سكر وتخليها تطيب كي تشوفيها بدات تصفي ايدامها ارمي الفلفل حار ومغرفة او2زيت زيتون ونحي الغطا عليها وخليها بلا غطا حتى تشوفي الايدام الكل طلع من فوق هنا راهي طابت
وها هي الملوخية واجدة

اووووووووووووووووووووو لا لا
ربي يحفظك ان شاء الله يا غالية

أم هنيدة · 2014-09-10, 21:58

اقتباس:

المشاركة الأصلية كتبت بواسطة om kamilia

ام هنيدة واشراكي

يسقسي عليك الخير اختي ام كاميليا نحمدوا ربي على كل حال وانت ان شاء الله تكوني بخير

أم محمد تاج · 2014-09-10, 21:59

سلام ارزاق حنونتي والفلفل اذا درتي مثلا كيلو كيلي بكاس التاي واذا زوج كيلو ديري كاس شوي كبير وهكذا حنا درنا كمية للعرس يعني درنا ستة كيلو حار بصح في الدار ندير كيلو فلفل في الشتا ممممممم مليح للشخشوخة بانواعها والحبوب مممممممممم

ام ندى 87 · 2014-09-10, 22:00

نهال واش من وصفة تاع البيني جاوك هايلين
دائمة الحمد قاطو التاج من يديك حاجة اخرى واش ?قريب العرس
ام سراج بصحتك الطمينة مسبقا هههههه

scorpionoir1982 · 2014-09-10, 22:01

ههههههههههشفت الملوخية عينيا حوالو
يسعد مساكم يا جماعة الخير .وشراكم؟ هذا وين تحللي المنتدى هبلني.

أم هنيدة · 2014-09-10, 22:02

اقتباس:

المشاركة الأصلية كتبت بواسطة ريتاج تيارتية

اهلا دائمة الحمد صح عشاك انا ثانيك جربتو بتاع 8 حبات وشريت مول تاع 12 حبة تجي حبة صغير راني حابة نجربو ونشوف كي تجي دايرة

اهلا ام هنيدة واش راكي بصحت عشاكم

الله يسلمك اختي ريتاج وانتما زادة

أم محمد تاج · 2014-09-10, 22:05

دائمة الحمد حنونتي وينهو عشاك شكون طار بيه ماتكون غير ام ياسو على خاطر ام ماجد راهي مع الماتش خخخخخخخخخخخخخخخخ

ارزاق · 2014-09-10, 22:06

شكرا يا ام محمد والله ساعات نحشم نقول بيني وبين نفسي الله يبارك تعرفو بزاف حوايج وانا راني غير نددش وين نبان توالكم

أم محمد تاج · 2014-09-10, 22:09

ياخاه ارزاق حنونتي ماتقوليش هك ازدمي وسقسي ونجاوبوك على العين والراس وواحد مازاد يعرف كامل بدينا من الصفر

ريتاج تيارتية · 2014-09-10, 22:12

اقتباس:

المشاركة الأصلية كتبت بواسطة أم محمد تاج

وااااي ام سراج حنونتي والله جاوبتك في قلبي والله حسبت كتبتلك الوصفة وهاي ليك

فلفل مرقد في الكوكوط بنة موووووت
اغسلي ونقي الفلفل تاعك ونحيلو الراس والزريعة وقصيه قطع كبار وحطيه في الكوكوط وفرغي عليه كاس خل وكاس زيت ولي تحب زبت الزيتون دير نص كاس زيت عادي ونص كاس زيت الزيتون وملحي وخلطي مرة وحدة واغلقي الكوكوط وخليها على نار هادئة مدة 15 دقيقة وحلي عليها ونحيه من الكوكوط بلاصوص تاعو وستفيه في صحن غامق ومن جهة رابي طماطم وثوم كثري وشوي كمون وعدلي الملح تاع الفلفل اذا خاص زيدي في الطماطم خلطي مليح ولوحيها على الفلفل لازم يغرق وحركي بلطف باش الصوص تدخل بين الفلفلات وخلاص وحطيه يبات وهو كل مايبات يجي روووووعة
سامحيني حبوبتي والله نسيت

انا مانبغيش الحار بصح الوصفة هدي عجبتني نقول عليها لماما
الطماطم كي ديريها ماتعاوديش ترديها فوق النار

nihale89 · 2014-09-10, 22:15

اقتباس:

المشاركة الأصلية كتبت بواسطة المبتدئة

نهال واش من وصفة تاع البيني جاوك هايلين
دائمة الحمد قاطو التاج من يديك حاجة اخرى واش ?قريب العرس

ام سراج بصحتك الطمينة مسبقا هههههه

تعيشي حنونة
الوصفة العجينة السحرية نتاع ام اماني
درت بيها همبرغر والي بقا درتو بيني