يا خاوتي ربي يهديكم عندكم عامين و انتم تقراو في نفس الدروس تزيدوا تعاودوهم ليلة الانتحان
انا مكاش حاجة ندمت عليها قد انني راجعت ليلية العربية و رقدت ساعتين و ليلية الرياضيات حليت موضوع رغم التعب في الاخير تغلطوا اخطاء جايحة تندموا عليها طول حياتكم وياخ غاع تعرفوا لعيا تاع الباك هذاك تاع تنقل و تاكل خارج المنزل و تقعد تسنى حتى ل ثالثة زوالا
و نصيحة اخرى متهدروا مع حتى حتى حتى حتى واحد على لقراية قبل ما جوزوا الباك و الا يخربهالكم كليا اعتزلوا الناس يوم الامتحان كلهم سلبين و السلب يولي عليكم حتى بعد ما تجوزوا امتحان خلاص انساوه نهائيا مراحينش توليو فالماضي و تبدلوه و كذلك اذا خدمتوا مليح متغتروش
ربما خسرتوا نقاط هنا ربما تعوضوها في مادة أخرى ما كنتوش متوقعينها ثقوا بالله
و كذلك حداري تزعفوا اذا لقيتوا سؤال لم تعرفوا الاجابة عنه او سؤال جاكم صعب معليش ربما كاين اسئلة اخرى تقدروا تجاوبوا عليها بمعنى اخر عمركم لا تدخلوا تجوزوا و تقولوا لازم نجيب 20 خليوا الحقيقة كيما راهي قادر تخدم قادر ماتخدمش و لا شي مستبعد
و قبل ما يمدولكم الاوراق حاولوا تصفيو دهنكم و تخدموا التركيز و تنفسوا مليح مليح
خاوتي عادي الباك قد مانحظرولوا راح يقعد غيب قادرين نربحوا قادرين نخسروا و لربما لن تتمكن من تحقيق 18 لكن ستتمكن من تحقيق 16 و لربما جيت تخدم على 15 و تجيب 18 من يعلم
ربما قريت حاجة و تطيح او حاجة و ماتطيحش ربما مادة تحسب راح جيب فيها مليح تهردها مادة اخرى تحسب راح تهرها تخدم مليح
كاين مرات وين تتلفلك امبعد عادي تقدر جاوب على السؤال لكن بشرط تكون هادئ و تقبلت فكرة انك لا تستطيع التحكم في كل شي
و هذا ما هو الا امتحان كباقي الامتحانات
اتدكر مرة الطبيبة قالتلي "ما تتوتريش لانك تتوتري القدرات تاعك تتقسم على زوج خدي مستواك بما فيه من قدرات ايجابية و سلبية "
و الله غيرت نظرتي للاشياء[/
quote]
بارك الله فيك على كلامك القيم ووفقك لنيل اعلى المراتب مشكل الخوف و التوتر هو الذي اوصلنا لهذه الحالة كلما اتفكر الخوف الذي شعرت به العام الماضي الا واريد ان اطرق راسي في الحائط
انشاء الله هذا العام ننجح نجاحا يجعلنا نخر ساجدين لله او نركض كالمجانين في الشوارع ههههه
( تقرير عن مشاركة سيئة )، و الموجودة أسفل كل مشاركة .
2013-03-01, 12:18
العرض العادي
