اقتباس:
المشاركة الأصلية كتبت بواسطة setif1990
السلام عليكم انا سفيان من ولاية سطيف اود ان اطرح عليكم مشكلتي لعلي لجد الحل الشافي....قصتي بدات العام الماضي عندما شاركت في مسابقة الضباط الصف دفعت الدوسي وقبلوني في الفحص الاولي بقسنطينة ودرت لونكات ومن بعد جاني الاستدعاء باش نمشي المدرسة نتاع ضباط الصف بمداوروش ولاية سوق اهراس كي روحت وفت علي الطبيب رفضني '''وهذا من دون سبب يذكر "" ورجعلي راديو نتاع القلب انا قلت قلبي ماشي مليح علي هذا مقبلنيش لكن لما رحت طبيب القلب قلي راك صحيح """فاتت ليام وصبرت.....جا هذا العام وعودت الدوسي علي امل ان اقبل كبقيت اقراني سارت الامور علي خير رحت لقسنطينة ودرت الفحص الاولي بنجاح وهذي ليام (الاثنين) عيطولي الدرك نتاع البلدية نتاعنا باش ندير لونكات ...روحت واذا بهم يقولولي انت راك درت العام لي فات و راك غير مقبول والله والله والله غير تصدمت مفهمت والوا قلبي بغى لدرك انا حب نكون دركي من الصغر .واذا بيهم يوقفولي في الطريق و بدون سبب خوتي منكذبش عليكم والله بكيت كي قالي شوف في بلاصى اوخرا ...خاوتي اسالكم بالله ان تشيروا علي هل يمكنني ان اطعن هل هناك حالة مشابهة لحالتي يعني هل هناك من رفض العام الماضي وهذا العام فات من دون مشكل هل حلمي بان اكون دركي انته .........رجاءا ان في انتظار ردودكم
|
خويا شوف كاش ما تلقى واحد يفوتلك الدوسي اي معريفة مدام كيما راك تحكي
بلي راك تشتي الدرك الوطني
يا خويا واش راح نقلك ربي يعطيك ما في قلبك
ربي يسهلك ان شاء الله وتلقى واحد يعاونك
المهم شوف حوس ما تحبسش كراك تلقى معريفة
شوف صحابك جيرانك اهلك كاش ما فيهم واحد عندو معريفة يفريلك القضية تاعك
وربي يسهل
( تقرير عن مشاركة سيئة )، و الموجودة أسفل كل مشاركة .
2012-05-03, 22:18
العرض العادي
