موضوع مميز كوزينة حراير المنتدى - الصفحة 49

RIMA.87 · 2018-09-17, 09:14

في نعمة و الحمد لله ام رحاب و مشكوورة على طلتك البهية رغم انشغالك و ربي يوفق ابنائك و جميع أبناء المسلمين

x ام رحاب x · 2018-09-17, 09:15

ريمة شكرا حبيبت قلبي من عيوني عزيزتي دوك انحطلك الوصفة

x ام رحاب x · 2018-09-17, 09:23

وصفة التليتلي
التليتلي حمصيه شوية في الزيت ماتكثريش الزيت امبعد غليه في الماء حتان ايطيب امبعد صفيه وحطيلو الزيدة ودخليه شوية للفرن باه يتنكه وماتنسايش الملح غليه بيه
وجدي اللحم مرحي حطيه في مقلة وقليه في شوية زيت مع الملح وكي يدي تحميرة حطي البصل مرحي مليح ونكهيه فلفل اكحل ملح راص الحانوت سكنجبير وخليهم ايطيبو وفي الاخير ارمي المعدنوس والفورماج امبعد ارفدي اللحم مرحي من المقلة وخلي الزيت ديالو ارمي فيه 3 حبات طماطم مرحيين وسنينة ثوم وشوية فلفل اكحل وملح وزيت ومغرفة كبيرة طماطم مصبرة وديري شوية ماء وكي تعقد عاودي حطي اللحم مرحي باه تدي الطماطم البنة كي اتشوفي لاصوص ديالك طابت ارميها على التليتلي ودخليها للفرن وايلا عندك فورماج غابي زيديلها اجيك تحفة خفيف وبنين

x ام رحاب x · 2018-09-17, 09:28

ريمة الحمد لله ربي يدوم النعم عليكم جميعا يارب وشكرا على الدعاء لوليداتي ربي يخليك الوصفة حطيتهالك ان شاء الله انكون فدتك
في امان الله ويوم موفق للجميع

RIMA.87 · 2018-09-17, 09:57

جزاك الله خيرا ام رحاب و جعلها في ميزان حسناتك،
يومك موفق و لجميع الاخوات
في امان الله

ملاك ملاكي · 2018-09-17, 22:51

مساءكم بالخيييير حبيباتي.....حيوتي وكل الحراير سامحوني راني غير نطل بالخف باه نشارك باطباقي ونزهي الكوزينة...... لانه عملت الفاكسان لملاكي الصغير وراه في حالة السخانة وبلاصة الفاكسان تنفخت ومسكين ماقدرش يمشي على رجله.... شكون فيكم لي عملت الفاكسان نتاع عام لولدها بسيستام هذا الجديد نتاع اسبوع يدير واحدة والاسبوع لي بعده نفس شئ... انا وليدي هذا المرة عملوله زوج في لي جونو نتاعه في زوج وشربوله دي قوت😰😰😰😰 صراخة لاول مرة يصراله هاك والله ذباااال خلاااص

ملاك ملاكي · 2018-09-17, 22:56

حبيباتي هذا غدانا لنهار اليوم.... الزاليقو لي بقالي البارح.... زدت معاه بوراك وملاكي كان مع صحابة جماعة السبور تغداو ولا تفكرني هاهاهاها جابلي قسمتي معاه سكالوب محمر 💕💕💕 هاهاهاها

وهذه تحليتي البسيطة لي نحبها مووووت درتها بعد الغداء اممممم الصورة من الارشيف هاهاهاهاها

ملاك ملاكي · 2018-09-17, 23:09

وعشايا اليوم خفيف ظريف على السريع..... والحمد لله يارب
الجريوات على طريقة ام اسيل الله يحفظها ويعطيها ويمنيها على قد قلبها..... والشوارما لحبيبتنا شي بيبا صراااحة الخبز شريته هاهاهاهاها مي جاء بنيييين يهبل

وهذه طماطم طيبتها العشية لانه كي تكون عندي كمية معتبرة نطيبها باه ماتفسدليش😊😊😊

RIMA.87 · 2018-09-18, 09:19

السلام عليكم ورحمة الله وبركاته
صباحكم سعيد اخواتي في الله
بالصحة و الهنا الفاكسان على ابنك اختي ملاك و طهورا ان شاء الله
و ان شاء الله يدخلوا الاخوات لي عندهم تجربة و يفيدوك .

اطباقك رووووعة كي العادة و العوايد و بصحتكم التحلية ،الشاورما و البوووراك يعيطو امممم

ام رحاب ،حيوتة ،فاتي ،ريتال ،ابتسآمة،ام يوسف وينكم .
اختي ام هدول غايبة منذ مدة و ان شاء الله المانع خير اظنها لاهية بدخول هدوولة للجامعة بالتوفيق لها و لجميع بنات المسلمين ،
نهوولة النحوولة لبارح عاودت البريوش الخفييييف ديالك جزاك الله خيرا طلي طمنينا و امتعينا بكلامك و طيابك هههه ،
الاخت سعيدة ،سحابة باردة ،طالبة تاريخ ،رزيقة ،الاخت idem16 لي هي ام مهدي ،ام اسلام ،فضيلة ، فيفي لندن ،توبة ،اريج 7 و تذكرت الاخت جازيا ام البنات التلمسانية افتقدناها كثيرا ان شاء الله تكون بخير،
القائمة طويلة ان شاء الله يرجعوا الاخوات و يزهو الكوزينة باطايبهم و كلامهم الطيب .

يوم موفق و جميل لكم اخواتي في الله

وردة الرمال43 · 2018-09-18, 10:57

اقتباس:

المشاركة الأصلية كتبت بواسطة ملاك ملاكي

وعشايا اليوم خفيف ظريف على السريع..... والحمد لله يارب
الجريوات على طريقة ام اسيل الله يحفظها ويعطيها ويمنيها على قد قلبها..... والشوارما لحبيبتنا شي بيبا صراااحة الخبز شريته هاهاهاهاها

مي جاء بنيييين يهبل

وهذه طماطم طيبتها العشية لانه كي تكون عندي كمية معتبرة نطيبها باه ماتفسدليش😊😊😊

ملوكة كالعادة دوما متألقة واطبقاك تشهي وتقديمك يهيج المعدة هههههه لاشتة شبعانة ....بصحتكم ورلي يحفظك من العيييين ودمت فنانة ومتألقة ومبععة ماشاءالله عليك
بصحتو ملاكك الفاكسان وبالسفا عليه ....كون درتيلو العسل الحر ولا الفيك فبلاصة الفتكسان راهو يرخفو ااسطر ..ربي يشفيه ..وسيمو مزال حتى سمانة لجاية ان شاء

وردة الرمال43 · 2018-09-18, 10:59

اقتباس:

المشاركة الأصلية كتبت بواسطة rima.87

حيووتة ما تعليقك ههههه هادي درتها يوم الخميس في البلا كبير جات اممم ،
ملاك راهي اشتدت المنافسة على اللقب ههههههه

تفضلي ملاك انت و كل الاخوات الحاضرات و من وراء الستار ههههه
نورونا بمشاركاتكم و اطايبكم و افكاركم الزينة يا حلوات

في امان الله

ريمة الريمات حبيبتي واش احوالك ...حبيبتي دايما اطباقك ووصفاتك تشهي ..يعطيك الصحة وهذيك الكيييكة تهبل بوركت

وردة الرمال43 · 2018-09-18, 11:02

اقتباس:

المشاركة الأصلية كتبت بواسطة فاتي 05

مساء الخير حبيباتي جبتلكم وصفات البريوش اللي درتهم و اللي
كانو الاخوات طلبوها مني الله غالب هذا وين اقدرت نحطهم
و للامانة هاذ الوصفات ماهمش الاصلية هاذي نتيجة التغييرات و التحريفات اللي درتها على الوصفات الاصلية اللي هزيتهم من مواقع اجنبية واش نقولكم امريكي على فرنسي على روسي و راني هاذ ليامات مع السويسري و الالماني كاش ما نحرف وليت محترفة في التحريفات هههههههههه المهم الواحد لازم يجرب و يحرف حتى يلقى على واش يرضيه اكيييييييد

بالنسبة للسينامون فأي وصفة بريوش معتمدة تصلح و انا من قبل درتو ببريوش بلابيض و زبدة لام اماني و جاء هايل و العجينة تكون مالحة شوية ما تكونش حلوة بزاف لانو الحشو حلو و الصلصة تاني باه يكون توازن و مايجيش حلو يقهم

هاذي وصفة مصورة لتحلية اللي درتها اليوم من مطبخ و تدابير دداح باه كل وحدة تحتفظ بها و وصفة عجينة الحلو و المالح للعزيزة ام ابراهيم

و هاذي وصفتي السحرية اللي سبق و حطيتها و حيوتة طلبتها مصورة تفضلي حبيبتي و اعذريني على التأخر علابالك المشاغل

و في الاخير نتمنى تجربو هاذ لي بريوش لانها وصفات مضمونة و ناجحة 100 % و اي استفسار فيما يخص الوصفات راني هنا في الخدمة و اسمحولي طولت عليكم دعواتكم حبيباتي.

فاتي يعطيك الصحة بريوشك يبان خفيف يهبل يعطبك الصحة ...وربي يجازيك عالوصفات المصوره ربي يحفظك

~ابتسامة~ · 2018-09-18, 11:05

سلاموووو هاني جيت
ليوم درت قراتان بروز و لفيونداشي وبطاطا خفيفة

وردة الرمال43 · 2018-09-18, 11:05

اقتباس:

المشاركة الأصلية كتبت بواسطة x ام رحاب x

انحطلكم صور كاين من العيد راني ماحطيتش الصور وكاين عرضات كانو عندي

شومبينيو بالزيتون
[i

لاسوب بالفورماج[/font][/size]

مملحات

تليتلي باللحم مرحي

يا يهلا يا هلا بالغلا ...اهلين ام رحاب حبيبتي واش تحوالك واحوال لولاد ان شاء الله بخيييييير
ماشاءالله الله عليك وعلى اطباقك روعة ودايما فالقمة ربي يحفظك ويسترك ويخليلك صحتك ....ربي يدوم اللمة والنعمة

وردة الرمال43 · 2018-09-18, 11:23

[QUOTE=حياة نور الدين;3997658249][B][SIZE="5"]صباح الانوار واش صبحتوا اليوم

ملوكتي زعفتي من نيتك قلت نلقاك مزهية الحالة ارواحي ومنعاودوش هههههه

جبتلكم الكيكة لي قلتلكم عليها ويوم موفق حبيباتي

حيوتة حبيبتي مولات الدار والكوزينة ربي يخايك ويسترك ماشاءالله عليك راكي قايمة وواقفة تستاهلي عن جدارة لقب المشرفة وربي يعلي مراتب
اطباقك تحفة وحلوياتك روعة ربي يبعد عليك العين حبيبتي
وبخصوص الكيكة راني طبقتها جات تهببببببل روعة من بعد نحط الصور