بيتك جنتك ورضاء ربك مبتغاك

[بنت الجزاير الغالية]

المشاركة الأصلية كتبت بواسطة ماريا205

يعطيك الصحة الاخت ميمي مادام الدعوة حمات وحلات انقدملكم انا ثاني اقتراح
عندي مدة نفكر فيه وانظن اليوم جا وقتو
الرياضة ثم الرياضة ثم الرياضة
وش رايكم نزيدوها في بيتنا جنتنا
نديرو برنامج يومي كل وحدة تحط حركة تعرفها وش فايدتها ونطبقوها
ها وش رايكم

معاك طبعا يا ماريا و خاصة تمارين شد البطن لكان تحبوا نهبطلكم صور و نبدوا من غدوة راني جاهزة

[ام حسسام]

شكرا اختي لكن وكانو شاق نوعا ما

[بنت الجزاير الغالية]

المشاركة الأصلية كتبت بواسطة oummalak

[img]
ما شاء الله عليكن حبيباتي تفرحو تفرحو وانتن الصحبة الي رايحة ترقينى وترفعني بين يدي الرحمان قولو امين لانكن خير ما عرفت على وجه الاض
اعرف انني مقصرة حبيباتي لكن الله غالب يديا لما يوجعوني ما نقدر نكتب حتى فالكلافيي والله غير اعذروني
شكرا بنت الجزائر او بالاحرى ميمي ما شاء الله عليك فكرتك هائلة عن نفسي نطبقها من الغد
سمراء راني حاسة انك قائمة بالواجب واكثر والله راني نحشم لما مانرد على الاخوات لكن لما نشوفك رديتي نفرح كثير ربي يحفظك [/img]

شكرا ليك إنت يا أحلى أم ملاك و يالله حطيلنا برنامج الغد مع ماسك الأسبوع ههههههههه عندك تقولي ورطتيني

[oummalak]

تباني ما شاء الله عليك اختي ميمي لهدا راني نطلب منك واختى صليحة تساعدوني في تطوير البرنامج

[oummalak]

المشاركة الأصلية كتبت بواسطة بنت الجزاير الغالية

شكرا ليك إنت يا أحلى أم ملاك و يالله حطيلنا برنامج الغد مع ماسك الأسبوع ههههههههه عندك تقولي ورطتيني

انت الاحلى والاروع ربي يحفظك من كل شر

[ماريا205]

المشاركة الأصلية كتبت بواسطة بنت الجزاير الغالية

معاك طبعا يا ماريا و خاصة تمارين شد البطن لكان تحبوا نهبطلكم صور و نبدوا من غدوة راني جاهزة

يعطيك الصحة
ميمي راك طحتي في الجرح كيما يقولو
وطبعا هذي مشكلة اغلبية النساء
راني جاهزة نزيدو نسمعو البقية باش تحلى

[oummalak]

المشاركة الأصلية كتبت بواسطة ام حسسام

شكرا اختي لكن وكانو شاق نوعا ما

والله ما هو شاق ولا شيء ابدئي معنا وسترين النشاط

[oummalak]

حبيت نسال البنات واش كملو التنظيف العميق لكل المنزل ولا نبداو من جديد

[بنت الجزاير الغالية]

المشاركة الأصلية كتبت بواسطة ام حسسام

شكرا اختي لكن وكانو شاق نوعا ما

بل ممتع كي تشوفي بيتك نظيف و مرتب و إنت في أحلى حلة و الولاد ماشاء الله نظافة و رباية و دراسة راح تحسي بالمتعة و ليس التعب وعن تجربة

[oummalak]

كل وحدة تقولي واش نظفت عميقا اي الغرف والمطبخ الخ.. والي ما زال ما نضفاتونوعد كل وحدة نحطلها برنامجها في المساء راني ننتظر الرد

[بنت الجزاير الغالية]

المشاركة الأصلية كتبت بواسطة oummalak

تباني ما شاء الله عليك اختي ميمي لهدا راني نطلب منك واختى صليحة تساعدوني في تطوير البرنامج

أنا راني معاك قلبا و قالبا بإذن الله

المشاركة الأصلية كتبت بواسطة oummalak

انت الاحلى والاروع ربي يحفظك من كل شر

آميـــــــــــــــــــــــــــــن

المشاركة الأصلية كتبت بواسطة ماريا205

يعطيك الصحة
ميمي راك طحتي في الجرح كيما يقولو
وطبعا هذي مشكلة اغلبية النساء
راني جاهزة نزيدو نسمعو البقية باش تحلى

على بيها اقترحت تمارين البطن لأننا من الولادة للأسف ضاع لاطاي

[بنت الجزاير الغالية]

المشاركة الأصلية كتبت بواسطة oummalak

كل وحدة تقولي واش نظفت عميقا اي الغرف والمطبخ الخ.. والي ما زال ما نضفاتونوعد كل وحدة نحطلها برنامجها في المساء راني ننتظر الرد

أنا راني في غرفة الأولاد رتبت الدواليب تاع القش و غسلت الستاير مع العلم فيها بلاكار كيف تاع سمراء الدنيا بصح نتاعي كبير و فيه الحوايج
أنتظر الجدول
معليش راني نستأذن الولاد تشهوا الغرايف يعني البغرير وطلبوا إني نديرهولهم نرجع نطل عليكم في الليل و إذا وافقتوا على الرياضة ننزل ليكم تمارين شد البطن نبدوها من الغد لآخر مارس

[سمراء الدنيا]

المشاركة الأصلية كتبت بواسطة oummalak

حبيت نسال البنات واش كملو التنظيف العميق لكل المنزل ولا نبداو من جديد

رحت و رجعت على جال السؤال
راني مخلصة الكوزينة و الشونبرة و شونمبرة الاولاد و غرفة الجلوس للي هي الهول تنظيف عميق و راني بادية في الدوش
لكن الكوزينة ما نيش غافلة عليها مرة على مرة ندور على حاجة .... راه باقيلي مدخل البيت التحت كي تجي الشمس مليح نغسل لحيوط و الغرياج و الباب نتاع برا
الصالات لزوج راهم نظاف ما نعرف نعاود ليهم و لا ما كان لاه
نظن لبنات يحبو يعاودو الكوزينة
الكويزينيار و الفريجيذار و لي زيليمو

[سمراء الدنيا]

بالنسبة للرياضة كنت مخصصة كل يوم 10 د للايروبيك لكن الان ما نقدرش ... جنبي راه يوجعني كي شغل ديشيرور حتى طبيب ما فهملي ..... راني نقول نشوف مع طبيب منتع الريدوكاسيون

[سمراء الدنيا]

ميمي بصحتكم البغرير حنا كلاو و كملو بقى غير الولد لكبير ما زال ما جاش
الى الملتقى