وصفات من حراير مطبخ وش طيبتي اليوم

[lamia zina]

وصفة ام يسرا

وصفة الهمبورغر
4 كيسان و ربع فرينة +1حوالي كاس و نص ماء دافئ+ربع كاس زيت+25 غ زبدة ذايبة
2ملاعق كبار خميرة+2ملاعق كبار سكر+1ملعقة صغيرة خميرة كيميائية+2 ملاعق كبار حليب بودرة+ملح
نحط الفرينة 3 كيسان و ربع ومعاها الملح نخليهم بجنب
و في خلاط العصير نحط كاس الفرينة المتبقي +2ملاعق خميرة+1 ملعقة صغيرة خميرة كيميائية+السكر+حليب البودرة مع الماء الدافئ و نخلط جيدا تقريبا نصف دقيقة حتى تندمج المكونات
نقدر نستغنى عن الخلاط و نخلطهم فقط بالفوي
نفرغه فوق الفرينة و نبدا نعجن بشكل جيد ثم نضيف الزيت و الزبدة و نعجن مجددا حتى نحصل على عجينة لينة مباشرة شكلي كريات صغار بحجم حبة الماندرين وحطيهم في بلا مدهون خليهم يخمرو
كي يخمرو ادهنيهم بشوي حليب مخلط بشوي حظة وذرذري عليهم سانوج ولا جلجلانية ودخليهم يطيبو

[aphrodite16]

الكروكي
لدائمة الحمد



الكروكي تاعي نعمل كيلة بيض +2بياض بيض+كيلةوربع سكر+فاني واخدميه مليح حتى يبياض+كيلةوربع زيت وواصلي ضربيهم ليح+الفرينة ومعاهالكل 6بيضات 2خميرة القاطو انتي والكيلة نتاعك ماتبسيشو ياسر شكليه نورمال وادهنيه ب2 صفار لي نحيتيهم + شوية حليب محلولة فيه نصف مغرفة صغيرة نسكافي وقطرات روح الزهر وزينيه بفرشيطة وطيبيه وشهيه طيبة

[chazel]

ryhem 16

وصفة التارتولات بالطلية
يا أحلى فنانة الوصفة قديمة تعجبني و عزيزة على ماما
العجينة

• 250 غ زبدة(أو مارغرين) ذايبة و باردة

• 2 صفار بيض

• 4 ملاعق أكل سكر غلاص

• 1 باكي خميرة حلوة

• 1/2 ملعقة قهوة خميرة الخبز الفورية(حليها في 2 ملاعق حليب دافىء) ما تخافيش من ريحة الخميرة ما تبانش خلاص في الحلوة
  

• عطر الفانيليا
• قرصة ملح
  

• الفرينة حسب الحاجة

الحشوة

• معجون (استعملت معجون البرتقال ) تقدري تستعملي تاع المشماش

الطلية

• بكري اديرو الطلية بالبيض لكن موِْخرا و لينا نستعمل الفوندو

الشوكولا السوداء المذوبة
حبيبات الشوكولا(البيضاء أو السوداء) و لا تقدري تستعملي الفرميسال بالشوكولا أو تستغناي عليهم
التحضير
العجينة

• في وعاءحطي الزبدة المذوبة و الباردة + صفار البيض + لافاني + قرصة ملح + السكر غلاص و نخلط بالباتور لحوالي 4 دقائق كما تقدري تضربي بالفوي تاع اليد
  

• ضيفي الخميرةالكيميائية + خميرة الخبز(ألي حليتها في لحليب)
• لمي الخليط بالفرينة حتى تتحصلي على عجينة تكون متجانسة و طرية كما تاع الصابلي
• حلي العجينة و قطعي دوائر(ما تحليش بكمية كبيرة غير بالشوية أحسن)
  
• حطي كل دائرة في قالب التارتولات ألي يكون مدهون و مرشوش بالفرينة و سويها مليح(أستعملت قوالب حلوة المدلوقة)

• حطي في الوسط 1 ملعقة صغيرة من المعجون

• و بدائرة أخرى غطي من فوق و أضغطي على الأطراف فقط ماشي في الوسط باش العجينة ما تتشقش و يخرج المعجون

إضغط هنا لرؤية الصورة بحجمها الطبيعي.




إضغط هنا لرؤية الصورة بحجمها الطبيعي.

• حطي الحبة داخل ساشي و مرري يدك من فوق باش اولي السطح أملس و تتأكدي بالي الحلوة راهي محكومة(une astuce)إضغط هنا لرؤية الصورة بحجمها الطبيعي.

• حطيها في صحن الفرن و طيببها كما الصابلي
• خليها تبرد و نحيها من القوالب

إضغط هنا لرؤية الصورة بحجمها الطبيعي.

• ذوبي الفوندو و حطي حوالي ملعقة قهوة فوق كل حبة و مشيها على السطح
• أعملي خطوط بالشوكولا الذايبة و شكلي كما نحب و خليها تنشف
  

هاهو الشكلي النهائي

إضغط هنا لرؤية الصورة بحجمها الطبيعي.


الحلوة بنينةةةةةةةةةةةةةةةةة و الله

[chazel]

ryhem 16

هذا المودال جابو بابا من عرس و حبيت نسيه بالصراحة هبليييييي في التشكيل لكن البنة عجبتي مليححححححح
بسم الله
العجينة

• عملت عجينة السكندرانيات لكن كمية قليلة للتجربة فقط

• 500 غ فرينة ( نعطيك حاجة حنا في دارنا نستعملو فرينة لابال للحلاويات الجافة أما التقليدية نستعملو سيم)

• قرصة ملح
• 200 غ زبدة ذايبة(اذا كانت دافية استعملي الماء و الماء الزهر دافين و العكس صحيح) هذا سر عطاتهولي ماني ربي يرحمها
• 1 حبة بيض
• لافاني
• ملون أخضر مذوب في شوية ماء الزهر
  
• ماء + ماء زهر
• التحضير
• نخلط في وعاء الفرينة+لافاني+قرصة ملح
• نبسس بالزبدة
• نضيف البيضة+ الملون+ماء+ماء الزهر و نخليو العجينة ترتاح

الحشوة

• 500 غ لوز مرحي
• 250 غ سكر عادي
• لافاني
• بياض البيض حسب الحاجة(ما تستعمليش الصفار راه انفخ الحلوة و ترتقلك السكندرانية)
• التحضير خلطي مقادير الحشوة متكونش جارية بل حاكمة روحها و خليها ترتاح

في هذا الأثناء حضري الورود و الأوراق

• التزيين
• عجينة اللوز
  
• البيضاء و الصفراء ديريها للوردات
• الخضراء للأوراق
• شوية بستاش مرحي (ستعملت لوز رحيتو ثم لونتو بشوية ملون أخضر مذوب في قليل من ماء الزهر)
  
• في الأخير نستحقو لعسيلة معطرة بشوية ماء الزهر

خطوات التشكيل
نحلو العجينة كما راكو تشوفو مراهيش مخلطة جيدا نستعمل ألة البقلاوة و نمررها عدة مرات في رقم 2

إضغط هنا لرؤية الصورة بحجمها الطبيعي.

نمررها في رقم 5 و من بعد من جهة الرشتة الرقيقة و نعملها حربوش تاع الحشوة

إضغط هنا لرؤية الصورة بحجمها الطبيعي.

نلف بمساعدة كيس بلاستيكي

إضغط هنا لرؤية الصورة بحجمها الطبيعي.

نقطع أصابع و نستف في صحن الفرن
إضغط هنا لرؤية الصورة بحجمها الطبيعي.

• كي طيب نعسلها ونرمد الأطراف في اللوز المرحي و في الأخير نحطلها الوردات

إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.

[أم إناس]

ام رحاب
طريقة ام رحاب في تحمير الدجاج في الكوكوط

ام ايناس غالي والطلب رخيص ارواحي انقولك كيفاش اديريه نحكم الجاج انقطعو مورصوات واندوزنو واندير الثوم والبصل مقطع رقيق والطوماطيش تاع الحب وانحط فلفل اكحل ملح راص الحانوت شوية ماتكريش مغرفة كبيرة موتارد وانخليهم كاش ساعة ولا اكثر امبعد انحطهم في الكوكوط انديرلهم الزيت وانخليهم يتقلاو مليح حتان تشوفيهم بداو يدو الون امبعد اتحطي شوية ماء ماتكثريش واغلقي عليها 20دقيقة اوماتقويش النار باه مايتحرقش وكي تحلي عليها تلقايه طاب وابنة مانقولكش خير من المحمر والي تقعدلك لاصوص تحبي تقلي بطاطا تسقي فوقها لاصوص [/center][/size]

[chazel]

بسم الله


ladymillion

هاذ الكمية ديرلك بزاف مالا ديري غير النصف تجيك كمية معقولة

إضغط هنا لرؤية الصورة بحجمها الطبيعي.

المقادير :
4 بيضات ، 2 كأس حليب دافي ، كأس زيت ، 2 أو 3 م ك سكر ، 2 م ك خميرة الخبز ، قشور الليمون مبشورة مليح حوالي م ك + م ص ملح

خلطي البيض مليح مع الملح+ السكر + الزيت + الحليب الدافي + الخميرة ومبشور الليمون + 4 م ك من الفرينة وخلطي مليح وخلي هاذ الخليط يتخمر لمدة ساعة على حسب الحرارة لي في بيتك

بعد مايتخمروا شيحي الخليط بالفرينة حتى تتكون عندك عجينة تكون طرية ماشي متماسكة بزاف يعني رخوة وزيديلها باكي من خميرة الحلوى ولمي العجين مليح وخليه يزيد يتخمر لمدة ساعة راح يطلع

ودوركا حلي العجينة بالشوي عليها بالحلال واطبعيها دوائر او كيما تحبي وحطي الجبات في صينية يرتاحو ويزيدوا يتخمروا كي تشوفيهم تخمروا سخني الزيت ملييح وابداي تقلي ولوحي الزيت فوق الحبة كي تكوني تقلي ،،، ومن بعد عسليهم او سكريهم او ديريلهم الشوكولا كييييييييما تحبي

صح طوووولي فيهم بصح سهلين ويديو الوقت في التخمر برك ونتيجة مليييحة بإذن الله

[lamia zina]

وصفة فليزة44

غاليتي ام نور الديين الهليلات راني درتهم من قناة سميييرة فيهم : 250غ مرغرين و3حبات جبن ونلم بالفرينة 380غ ، وفقط والحشوحلوة الترك مع الكوكاو مرحي نلم بماء الزهر نوزن كرات20غ والحشو10غ ونشكل هليلات ونطيبهم ومن بعد بعد نديرلهم المعجون ونرمد في القفريط ونرش سكر ناعم وندير خطوطشكلاطةوبس ان شاء الله نكون افدتك .

[lamia zina]

وصفة ام يسرا

هادي بطاطا جريوات
نقشر البطاطا ونقطعها قطع صغيرة وتاني الجروات نحطوهم في طنجرة مع الثوم المفروم بزياااادة وحوالي فنجال زيت والفلفل الاسود والملح ونخليهم يتقلاو مليييييييح حوالي 10 دقائق مع التقليب باش متلصقش من بعد نمرق غير قيس ما تتغطى ونخليها حتى تطيب راها متطولش من جهة اخرى نرابي الطماطم ونضيفها للبطاطا نخليها تطيب غير شوي ونطفي نزينها بالدبشة ساعات نديرها هكدا برك راهي تعتبركنوع من المرق يكون خاثر
وهنا كي طابت وبقات فيها غير شوي صوص كسرت عليها البيض ورشيتها بالفروماج رابي وخليتها تكمل طيابها على نار هادية

[chazel]

إلهام07

وصفة معجون التشوينة

كيلو تشوينة غسلتو مليح ونقيتو من الريش و ساعات نلقى حبات فاسدين نرميهم
ونحكم كل حبة نثقبها 3 او 4 ثقوب بـالكيردان ( عود الأسنان ) ونحطهم في إناء ونصب عليهم ماء ونخليها تبات وكل عدة ساعات نبدللها الماء باش نتخلص من المرارة نتاع القشرة
إضغط هنا لرؤية الصورة بحجمها الطبيعي.

في الغد نصفيها من الماء ونوزنها ( لانو الباعة ساعات يغشو في الميزان العام اللي فات شريت كيلو كي روحت وزنتو لقيتو 800غ فقط )
لكل 1كغ نستعمل 800غ سكر عادي
نحط التشوينة في كوكوط مع 1 لتر ماء ونغلق الكوكوط ونخليها طيب راهي ماولش منين دور السفارة نحسب حوالي 15د المهم حتان تطرى القشرة ماشي ترجع روينة
نحل الكوكوط ونحط السكر ونحرك برفق حتان يذوب السكر ونزيد شوية فاني وممكن اللي يحب يينكه ببذور anis ( نجم الارض ) كل واحد واش يحب
ونخليها تغلي على نار متوسطة حتان تعقد
كيفاش نعرفها طابت :
نهز شوية سيرو ونحطو في صحن صغير ونحطها في المجمد تبرد مليح ونشوف إذا عملت خط في وسط السيرو بإصبعي والخط هذاك ماتغلقش بسرعة معناها راهي واجدة نطفي النار
راهي ماتديش وقت بزاف ثم ثم يوجد راهو أسهل معجون درتو في حياتي مايطلب لا جهد لا وقت

كل ماطول وهي تغلي يتحول اللون من أصفر فاتح إلى عسلي أنا نحب اللون العسلي وأيضا كي تخليوها تعقد بزاف ترجع القشرة نتاع التشوينة مكرملة
هذا المعجون راهو بنين وحامض بالنسبة ليا هو المفضل في كل الانواع نستنى التشوينة من العام للعام باش نديرو وناكلو
* ملاحظة : إذا تحبو السيرو يجيكم ثقيل بزاف كي يبرد وقوامو كيما لا جولي زيدو شرية او 2 نتاع ليمون ولازم الليمون يكون فيه بذور
في هذه الحالة ممكن تحتفظو بالمعجون خارج الثلاجة ومايصرالو والو لانو بذور الليمون فيها مادة حافظة تحفظ المعجون من التعفن

إضغط هنا لرؤية الصورة بحجمها الطبيعي.
بصحتكم مسبقا

[souveraine]

baraka allaho fiki okhti

[lamia zina]

وصفة ام رحاب لي تورت

حبيبتي غالي والطلب رخيص 500 فرينة كاس تاع لاتاي زيت 2مغارف لحضة مغرفة كبيرة تاع خميرة والملح واتجمليها بالماء الدافي تخليها تخمر واتقسمي العجينة وحدة كبيرة من التحت والصغيرة اتغطيها من الفوق كي التكملي ادهنيها بصفار البيض الحشو اتقطي السلق تفوريه امبعد تعصريه وجدي الحم مرحي كيما تاع البوراك كي يطيب خلطي معاه السلق وزيديلو الفورماج واحطيه في الوسط ماتنسايش التوابل راني انسيتهم ملح فلفل اسود شوية قرفة ماتكثريش واتخلطيهم مع اللحم

[siyamo]

شكرا جزيلا على الموضوع

[lamia zina]

وصفة الهام خبيزة بالسلق

في شوية زيت تقطعي حبة بصلة كبيرة شوية وتحمريها شوية برك وتزيدي الثوم ( نحب نكثر شوية الثوم )على الاخير باش مايتحرقش( ممكن تزيدي تحمري معاها شوية لحم مفروم انا درت وحدة باللحم وحدة بلاش ) إذا درتي لحم مفروم ممكن ديري توابل المرقاز المخادع يجي بنين يهبل مع السلق
تكوني مفورة سلق مقطع وتعصريه شوية من الماء
في صحن غامق تخلطي السلق مع اللحم والبصل والثوم مع الملح مع شوية فلفل أسود مع قطع جبن ( اختياري )+ بطاطا مقلية مكعبات صغار وتفقسي البيض بالوحدة وتخطلي حتان يكون خليط شوية جاري مانكثرش البيض بزاف باش مايغلبش على طعم اللحم والسلق فقط حق مايجمع الخليط
تدهني مقلاة وتصبي الخليط في المقلاة وكي يطيب قلبيها بالصحن وطيبيها على الجهة الاخرى ماتحمريهاش بزاف باش ماجيش ناشفة وتبقى فيها عصارة شوية

شهية طيبة

[ابداع جزائرية]

السلام عليكم ورحمة الله وبركاته
البنات ...دخلت برك نقولكم
ماشاء الله راكم في القمّة
والاكييييييييد ماكانش كما الطبخ الجزائري
يعطيكم الصحة
تحف والله

[lahna moka]

بربوشة الشاوية

أم محمد تاج
رابي بصلة معاها زوج طماطمات وسنينات ثوم حطيهم في البرمة تاع التفوار لازم +ملح وزيدي شوي زيت ومورصو شحمة اذا حابة ومغرف صغيرة كليلة اختيارية اذا حابة وداويها غير بالكسبر فقط خليهم يتقلاو ومرقي غير شوي وغليها كي تغلي لوحي الخضرة تاعك لي تحبي بطاطا مثلا وجريوات ولفت وكابويا وفول يابس وكي تبدا تغلي فوري البربوشة تاعك في البرمة لي راكي طيبي فيها راهي راح تمد نكهة خطيرة للبربوشة
فوري المرة الاولى وزيدي الثانية عادي وخلي المرقة تاعك تشرب مليح يعني يبقى عندك حوالي كاس ونص مرقة وقبل ماطفي النار لوحي فيها فلفل حار وطفي
غلي حليب لحظة يجي بيها خيرمن الحليب العادي وخثريها مليح ولوحيها في المرقة وذوقي ملح البربوشة مع المرقة
والبربوشة كي تفورالتفويرة الاخيرة صمغيها بشوي دهان جديد وخلاص بالصحة ولهنا حبيبتي
واذا حابيتيها حمرا شوي عادي تقدري ديريلها نص مغرف كبيرة طماطم الباط تخرج تهبل ثاني