موضوع مميز لجزء 100 من واش طيبتي ليوم؟+احتفالية تكريم..بسم الله ماشاء الله - الصفحة 49

طالبة الجامعة · 2014-11-30, 16:37

اقتباس:

المشاركة الأصلية كتبت بواسطة oum radja

اسلام عليكم
راني راجعت حتى دخت و حوالو عينيا ههههههههههههه
يعطيكم الصحة و اليوم تفاهمتو على البغرير اممممممممم نموت عليه بالصح حنا نديروه العشية مع القهوة ولا لاتاي وكي تتغدو بيه مع واش تاكلوه؟
ام ريمة شهاتني التارت تاعك يعطيك الصحة وربي يخليلك حفيدك
اوريسيا بنتك تهبل خموس عليها
هاذاو لي عقلت عليهم

وزينب مافهمتش واش هو فطورك؟

حنا ناكلوه وحدو مع القازوز برك

ام احمد وصال · 2014-11-30, 16:38

اقتباس:

المشاركة الأصلية كتبت بواسطة لمسة قطر الندى

اختي ام وسيم انا ندير خبز في الكوشة ويخرج هشوش وخفييف ميتشبعش انا عندي المقادير بالضبط 250 فرينة 2 مغارف كبار زيت انا ندير زيت زيتون مغرفة كبيرة سكر ومغرفة كبيرة خمار نديرهم مع بعض ونبسهم ونبدا ندير الماء دافي ونخلي العجينة شويا مطلوقة منيبسهاش ونخليها تخمر مبعد نفتحها وهادي الكمية تخرجلك خبزة وادا حبيتي كثر ضاعفي كع المكونات تخلها تخمر تاني وديرها في الكوشة تخرجلك هايلة وخفيفة

مشكورة حبيبتي على الوصفة والطياب طيفاه تشعلي من تحت والفوق في نفس الوقت ولا من تحت قبل

طالبة الجامعة · 2014-11-30, 16:40

مساء الخير عليكم وصح قهونكم

بشرى2008 · 2014-11-30, 16:52

نهال والله ماشفت سؤالك سامحيني
القمع اللي دارت بيه ام ابراهيم راهي صوراتو فى موضوعها نظن هي تان عندها موضوع البوتي فور
وانا القمع اللي درت بيه صورتو لدائمة الحمد فى الكوزينة اللي سبقت

omsalah · 2014-11-30, 16:53

السلام عليكم اختى ام امانى ار جومنك وصفتى كيكة البرتقال والبسبوسة فى القوالب الفردية ولك دعوة عن كل وصفة رزقك الله خير الدارين

om wassim · 2014-11-30, 16:59

يعطيك الصحة قطرة ندى على الوصفة ربي يحفظك

touta2010 · 2014-11-30, 17:00

اقتباس:

المشاركة الأصلية كتبت بواسطة بشرى2008

نهال والله ماشفت سؤالك سامحيني
القمع اللي دارت بيه ام ابراهيم راهي صوراتو فى موضوعها نظن هي تان عندها موضوع البوتي فور
وانا القمع اللي درت بيه صورتو لدائمة الحمد فى الكوزينة اللي سبقت

اضن حنونة القمع رقم 10

ام احمد وصال · 2014-11-30, 17:05

عشايا بيتتتتتتتتتتتتتتتزاااااااااااااااا

طالبة الجامعة · 2014-11-30, 17:11

بصحتكم البيتزا اماني السلام

روضة 88 · 2014-11-30, 17:16

عشايا اليوم سردين مشوي و فريت امليت و مطلوع و سلاطة .

و الديسار كاين موز و برتقال و الحمد لله على النعمة.

يعطيكم الصحة كامل على واش حطيتوا من اطباق.

دائمة الحمد · 2014-11-30, 17:21

مساء الانوار
بعد الغداء خدمت شوي كروكي لفطور الصباح
جوني زميلاتي تاع العمل عملوهالي مفاجاة حطيتلهم الكروكي والرفيس مزية راني خادمتهم

القاطو هذا جاباتو وحدة من صاحباتي

touta2010 · 2014-11-30, 17:22

عشايا كرمب محشي وفريت وسلاطة اختيار ولدي هههههههه يحب الكرمب المحشي قالي متعمليش بلا واحد ديري زوج قتله ليه باغية نعشي الجوارين ههههههههه
ديسار برتقال

بنت الحاج · 2014-11-30, 17:22

اقتباس:

المشاركة الأصلية كتبت بواسطة ام سهام 02

دائمة الحمد وام سراج وملاك الله يخاليكم عزيزاتي شكراااا

ام ريمة كلشي فوووووور وكل عام وهو بخير ويحفظلو جداه ويطول في عمرها

يعطيك الصحة بنت الحاج شهيتني

طالبة الجامعة بصحتكم البانيني

الله يسلمك أختي أم سهام

اقتباس:

المشاركة الأصلية كتبت بواسطة أم ياسين الزهراء

ام سهام الله يشافي بنتك

ام ريمة يااحلى جدة لعقوبة لحفلة التخرج وديريلو الخيرات الكل الله بارك فيك وعيد سعيد

بنت الحاج امممممممممممممممممم سخفتيني بالرفيس

ام سراج كنت راح نقلك وقيلة درتيه في سينوة ضيقة عليها طلع بزاف وسعي عليه الله يوسعها علينا الكل

راني درت زلافة كبيرة باش تكفي اللمة كاملة :d

اقتباس:

المشاركة الأصلية كتبت بواسطة دائمة الحمد

بنت الحاج يعطيك الصحة التقليدي تاعك 44444444444

الله يسلمك أختي دائمة الحمد، البركة في الوالدة ربي يحفظهالي عندها ما علمتني.

اقتباس:

المشاركة الأصلية كتبت بواسطة ام سراج وملاك

بنت الحاج يعطيك الصحة وشكرااا لتصميم البطاقات
ام ياسو حبيبتي شكرااااااااا لالا درتو في صني كبير شكيت في حجم الكريات درتهم كبار وزيد مع الخميرة طلعولي
لوجي بصحتك واش طيبتي المطلوع نتاعك ربي يبارك
طالبة جامعية يعطيك الصحة ممكن تحطيلنا الوصفة نتاعهم يبان روووعة
ام نهولة بصحتك المعجون ويعطيك الصحة

الله يسلمك أختي أم سراج وبلا جميل

اقتباس:

المشاركة الأصلية كتبت بواسطة chez biba

حقا نسيت نقول للاخت بنت الحاج بارك الله فيك على البطاقات هايلة ما شاء الله

يعطيك الصحة على الخير اللي حطيتيه خاصة رفيس قسنطيني نموت عليه مع اللبن وحبيت نسقسيك على الرفيس الثاني ما نعرفوش وإذا ممكن الوصفة من فضلك

وفيك بارك الله أختي بيبا
الله يسلمك

شوفي الرفيس تاعنا نوجدوه بالطريقة المعتادة بالسميد ويطيب في الفرن ومن بعد يتفتت ويتغربل مليح ونفوروه على الماء وهنا نعطيك عفسة نديروها باش يجي منسم وبنته امممم ما شاء الله
الماء تاع التفوار نحط فيه عيدان قرفة ممكن 5 اعواد ونفور عليه ونعاوده بالحليب وماء الزهر يعني نرشه بيهم ونعاود نفوره زوج مرات.
وفي الاخير ندير له العسل واللوز مدشش.

الوصفة تاع التقنتة اللي حطيتها وجدتها بالسميد رقيق تاع المطلوع ، قليتو في الطاجين وبعدها زدت له البندق مقلي ومطحون رقيق والدهان والعسل.

والوصفة تاع سلّو راهي مغربية وانا نديرها بطريقتي الخاصة ههه عدلت فيها انا ندير فيها زريعة الكتان تجي لذيذة.
تحتاجي: 600غ زريعة الكتان،600غ جلجلان، رطل لوز أو كوكاو ،كيلو فرينة، نص رطل دهان تاع الميزان ماشي مرغرين وحوالي كيلو عسل
تحمري الجلجلان وزريعة الكتان في طاجين تاع المطلوع بصح بالاكي ينحرقوا ولا البنة ما تجيش مليحة، وكي يبردوا اطحنيهم في الرحى تاع القهوة - كهربائية -
وثاني اقلي اللوز في الكوشة حمريه مليح واطحنيه معليش الى بقى شوية مدشش
والفرينة اقليها في الطاجين ويدك معاها تحركيها باش ما تنحرقش ، غادي تتكور لك عادي وكي يرجع لونها بني فاتح غربليها في صفاية وحلي الكرات اللي ترباو فيها
وخلطي كل المقادير مع بعض: خليط الجلجلان وزريعة الكتان واللوز والفرينة، ممكن تضيفي شوية بسباس وحبة حلاوة مطحونين حسب الذوق، وأسقي كل شيء بالدهان وخلطي بيديك حتى يولي الخليط متجانس وزيدي العسل وشربيها مليح باش تقدري تلميها كالعجينة كيما شفتي في الصورة
ممكن تحليها في سني ويكون سُمكها 3 سم وتخليها تبات وغدوة من ذاك تقطعيها وتحطيها في كيسات
البنة تاع سلو ما نحكيلكش ألذ ما يكون، غير نديره تطير في السما

بالصحة والراحة وأي سؤال

Oum yousra · 2014-11-30, 17:25

مساء الخير و صح غداً كم و قهوتكم و عشاكم انا اليوم غدايا بقالي الطعام بالعصبان نتاع البارح. . . .

touta2010 · 2014-11-30, 17:26

اقتباس:

المشاركة الأصلية كتبت بواسطة اماني السلام

عشايا بيتتتتتتتتتتتتتتتزاااااااااااااااا

اماني السلام بصحتك البيتزا
واش هذا لي في البلا ??????????????
دائمة الحمد بصحتك القسرة تتهناي بها نحب كي يجو عندي ضياف ونكون عاملة حوايج بصح كي نكون بح والله نتقلق ونستحي من قاطو برا