كل مايخص الخدمة الوطنية نجده هنا

[pablo]

اخي جلول تدخل يوم 15 للكازيرنة تفوتها ضابط الخلصة في السطاج الله اعلم 3000 دج وبعد السطاج اضن 9000 دج او اكثر اما العطلة تقريبا شهرين اي لما تكمل 45 يوم تروح داركم ومن بعد تقريبا كل 3 اشهر عندك عطلة وربي يسهلك اخي

[djalloul-88]

الخدمة الوطنية عام ونص حنوني
المنحة راهم يقولو بالنسبة للضباط 3000 دج أثناء التربص وتصبح 10000 دج بعد التربص
أول تسريح يكون ممكن بعد التدريب يعني بعد 45 يوم ولا شهرين وتكون المدة من 7 أيام إلى 15 يوم والله أعلـــــــــــــــى وأعلم

[djalloul-88]

يعطيك العافية ............تحياتي ليك خويا لعزيز

[ندرومة49]

المشاركة الأصلية كتبت بواسطة pablo

اخي ادا حبيت تفوتها رقيب احتياطي روح مع الاوائل اي يوم 15 سبتمبر وادا محبيتش تروح تفوتها روح مركز الخدمة الوطنية التابعة له صحح المستوى الدراسي نتاعك باه تفوتها ضابط ان شاء الله انا لما رحت نفوت الخدمة الوطنية لقاو فائض لي دخلو الاوائل عطاوهم فائض ومن الافضل روح في هده الدفعة 15 سبتمبر لانها احسن من الدفعة نتاع 15 مارس لي تفوت سطاج في الصيف ورمضان المعظم تصومه 2 مرات في الجيش ربي يوفقك

بارك الله فيك أخي

يظهر لي نفوتها رقيب وخلاص

لكن أخي 15 سبتمبر بالخميس

16 سبتمبر بالجمعة يعني نحوس ندخل بعد صلاة الجمعة هل يمكنني ذلك

ام يجب الدخول على الساعة 8 صباحا


وهل الثكنة فيها مصلى بحيث يمكننا أن نصلي براحة

فهمنا بارك الله فيك

[concord]

يمكنك الدخول في اي وقت قبل 16:00 مساء
اغلب الثكنات لا يوجد بها مصلى لانه صلاه الجماعة غير مرغوب بها في الجيش
لكن يمكن اداء الصلوات بحرية في الغرف او الشاليهات

[ندرومة49]

المشاركة الأصلية كتبت بواسطة concord

يمكنك الدخول في اي وقت قبل 16:00 مساء
اغلب الثكنات لا يوجد بها مصلى لانه صلاه الجماعة غير مرغوب بها في الجيش
لكن يمكن اداء الصلوات بحرية في الغرف او الشاليهات

الله يحفظك أخي

ويعطيك ماتتمنّى

حقيقة مازال عندي بعض الأسئلة لكني لم أستحضرها لحد الساعة

[concord]

تفضل اسأل ما شئت

[antwerpen88]

السلام عليكم
اخواني اريد منكم ارشادي
انا اكملت دراستي الجامعية في 2010
وكان عندي سورسي الئ غاية 31.12.2010
ولم ادهب عندهم مند دلك الحين ولم اعطيهم حتئ شهادة النجاح باش يزيديدولي في السؤرسي
hata ordre d'appelle
لم تاتي لا في مارس ولا في سبتمبر
هل من مساعدة او رشد من فضلكم
بارك الله فيكم

[المرسم]

السلام عليكم ياجماعة اللي جيه لوردابال +امر بالالتحاق للخدمة الوطنية مايشدوش عليه ملف الكفالة انا صراتلي خدمت الكفالة مين ديت باش نبعثو قلي مانشدش عليك الدوسي تاع الكفالة كاينة منها ولا غير يليكيدي فيا

[mustafa666]

المشاركة الأصلية كتبت بواسطة المرسم

السلام عليكم ياجماعة اللي جيه لوردابال +امر بالالتحاق للخدمة الوطنية مايشدوش عليه ملف الكفالة انا صراتلي خدمت الكفالة مين ديت باش نبعثو قلي مانشدش عليك الدوسي تاع الكفالة كاينة منها ولا غير يليكيدي فيا

ما كنش منها أخى يرفدو عليك عادى لكن انت أنتظر حتى يلتحق كل زملائك ستنى واحد شهر و مدلهم دوسى +لوعد ابال

[star_123]

السلام عليكم

يا جماعة عندي سؤال

انا حاب نخدم ملف كفالة تاع العسكر وراني خدام في عقود ماقبل التشغيل

يطلبوا في الملف شهادة العمل وكشف الراتب لثلاث شهور الأخيرة

شهادة العمل ساهلة تقدر تخدمها

سؤالي عن كشف الراتب هل نقدر نتحصل عليها ولالالا

بارك الله فيكم

[bileldz]

لحقني إستدعاء المدرسة التطبيقية للدفاع المضاد للطيران فنرجو الإستفسار فيما يخص الفائض و ظروف المدرسة و جزاكم الله خيرا

[amiraek]

السلام عليكم اخوتي الكرام
انا انظن جاتني لوردابيل لاني اتممت الجامعة في 2010 لكن انا اخ ملتحي ومانيش باغي نفوتها
كيما دارو الي قبلي ضربو النح على لوردابيل عام ولا 2 موراها عيطولهم يدوها
السؤال--هل لازم نروح ندي لوردابيل ولا نورمال
وهل نديها ولا لا كيف كيف افيدونا بارك الله فيكم-السلام عليكم-

[ندرومة49]

جاءني استدعاء ب 15/09/2011

1ـــــ ولا أدري مدرسة تطبيقية لنقل والمرور بتلمسان هل تحكم الأوائل وتسرّح المتأخرين
ام العكس

2ـــ إخوتي وفي حال تأخري حتى 24/09/2011 إذا سألوني لما تأخرت حتى هذا التاريخ ماذا أجيبهم

وبارك الله فيكم

[abdellah48]

المشاركة الأصلية كتبت بواسطة abdellah48

انا أبلغ من العمر 27 سنة لدي أنهيت دراستي هذا العام 2011 لدي تأجيل ينتهي حتى 31/12/2011
و انا أنوي عمل ملف الكفالة العائلية فهل الشروط متوفر في بحبث انا الوالد متقاعد و لدي أخ يكبرني و متزوج و يقيم في سكن مستقل و مؤدي للخدمة الوطنية و أخ يصغرني بخمس سنوات بطال متوقف عن الدراسة و تعيش معنا اختي ماكتة باليت و اخت الصغرى تدرس .. فهل في حالة حصولي على وظيفة يكون بإمكاني قبول ملفي و الحصول على الاعفاء ... شكرا أخي و انا أعتذر على الاطالة

اين الرد هذه المرة الثالثة على التوالي اطلب فيها مساعدتكم