الجزء 181 لكوزينتنا المنورة بالأحباب وأشهى الأطباق - الصفحة 48

omjoujou · 2017-09-07, 10:18

تفكرت ام هدول نسيتك ينساك الهم
وش ديري حبيبتي ريحتي شوي وش يديرو اميراتك ربي ينجحهم

lyzzabel · 2017-09-07, 10:21

السلام عليكم ورحمة الله .. صباح الأنوار و المسرات حبيبااتي كي صبحتوو

كنت نراجع و ما عقلتش يا لهوي واقيلا نيشان كبرت خخخخ المهم بصحتكم قاع شا طيبتو و حطيتو كلشي يشهي يشهيييييي

حيووتتي يا عمري بصحتها دعاء ربي يوفقها و ينجحها و تشوفيها في أعلى المرااتب هي و وليداتنا قاااع ياااربي آميين و بصحتكم السفنج و المثوم و السلطة يعطيك الصحة

سحابة و زخرفة و أم فاطمة و أم حمزة بصحتكم حبيباتي زخرفة ربي يشفيك و يشفي بنتك ما تنسيش تعطيها دوليبران على الحمى و أم حمزة السلفية يا سلااام على الكلام العسل تصبيحة كيما هادي ما نحلمش حتى بيها بارك الله فيك و راني ديت حبة مقرووض مممممم

شكون لي دارت البركوكس شهاني تاع الصح بصحتكم حبيبتي

أم كاااميي عودة ميمونة و ربي يفرج في القريب العاجل ياااارب .. في انتظار وصفاتك الجمييييلة حبيبتي

أسووومتي تووبتي يامس قاع النهار و انا نقارع فيك تولي خخخخ توحشتك يا موصيبة مواااااح

آسيا جارتي بصحتكم يا عمري و يعطيك الصحة على لي فوتو كلشي مانيفيك الله يباارك

هادو لي عقلت عليهم و لي نسيتها حقها عليا و ليها مواااااح

اليوم فطورنا شوربة و فلفلة أو حميس كيما تقولو و الحمد لله نريحو شوية ماللحم

أستغفر الله العظيم الذي لا إله إلا هو الحي القيوم و أتوب إليه

*توبــــة* · 2017-09-07, 10:45

راجعت وشفت كلش ورجعت بجرناني اللي عودتكم عليه مي مانقدرلوش خلاص عجزت خخخخخخخخ
ملوووكة مبروووك مازاد عندك يا الحبيبة يتربى ف عزكم يااااارب
بيان يعطيك الصحة حبيبتي كلشي من ايديك رووووووووعة وربي يحفظلك الامووور اللي ف الفوطو تبارك الله عليه
ام فاطمة لينا الشرف كي تنظمي لينا واطايبك روووعة ماشاء الله
زخرفة حبيبتي بالشفا على بناتك وربي يخليهملك ياااارب
سحووووبة حنووونة كوزينتك رائعة بلمة الاحباب وبطياباتك الرائعة ربي يبارك كلشي يسخف
امنيتي نشوف فيك التفاؤل والنشاط والحيوية مي كلامك نهار العيد قاسني والله.. علاه تقلقي في روحك
انا عايشة بمبدأ المعاملة بالمثل خخخخخخ ونهني راسي كيما نتعامل نعامل انا ثاني وبسسسس
حقا كالعادة اطباقك وافكارك رووووووعة حبيبتي ربي يباركلك في دياتك
لاهنت يا دمعي يعطيك الصحة حنوووونة قاطواتك يهبلو ماشاء الله
ام حمزة تسلمي حبيبتي على اطايبك والله انتي ثاني نورتي الكوزينة بتواجدك
حيوووووووووتة كون مانشوفكش ف الكوزينة ماتحلاليش.. وكلشي من عندك رااائع تسلمي يا غالية
ربي يحفظلك دعاء ويوفقها وتشوفيها في اعلى المراتب يااارب
ليزاتي العسلاية نتمنى ماتزيديش تغيبي علينا والله كامل توحشناك.. عن نفسي توحشت طيابك
مي لهجتك اللي توحشتها بزاااف سيرتو كي تقولي نقارع وش راهم وليداتك.. وشكون فيهم دخل يقرا؟؟؟
اطباقك حلوياتك وووو كلشي راااائع ماشاء الله خاصة الكعك مزية حطيتي لاروسات كنت رايحة ندومونديها خخخخ
زقزووووووووقتي تؤبري ألبي يا نشيييط .. نفشل مي نشوفك ننشط ماشاء الله عليك والي يشهيني اكثر
الخفيف الظريف تاعك.. انا كون مانعمرش الطبسي ماتحلالهمش ف الدار خخخخخخخ امانة سلميلي على ام حسام وام ايمان
ام كاميليا والله توحشناك موووووت يا العزيزة وش راهي سارة.. ان شاء الله اخر مرة تغيبي علينا
ام جوجو والله ربي عالم كنتي ديما في بالي ولبارح قلت غدوة ويلا مادخلتش نرسلها
ان شاء الله صحتك تكون بخير يا الحبيبة
ابني نور عيني يا بابيشة وينك هذا واقيلا لي ماسك نساوك ف الكوزينة خخخخخخخخخ
اسووووووووووس الف الف مبروك ربي يدوم الافراح في بيتكم يارب ولعقوبة نفرحو بيك باذن الله
كالعادة الكواليس رااااااااااائعة.. ضرك الويفي الحرية وووووو ماعندكش اعذار باه تغيبي
بيلسان يعطيك الصحة على مشاركتنا اطباقك حنونة

ان شاء الله مانكون نسيت حتى وحدة

وصلى الله وسلم على نبينا محمد وعلى آله وصحبه أجمعين

سحابة باردة · 2017-09-07, 10:47

صباح النور

أم حمزة شكرا حبيبتي على المقدمة الجميلة اللي كلها تفائل شعرت كأنني في حديقة غنَاء وربي يتقبل دعواتك الجميلة
والقاطو كامل شباب يعطيك الصحة حبيبتي
توبة أختي كيراكي ان شالله في أحسن حال تعجبني خفة دمك من بكري ملي كنت مع جماعة الكواليس مي ضعفت أمام الكوزينة ودخلت ومعادش نقدر نستغني عليها
أم جوجو ياللي كلامك أحلى من العسل توحشناك بزاف كيراكي حبيبتي أن شالله أرتحتي خير من قبل شكرا على كلامك اللي يزيد فيا الحماس ونشاط ههه
وصح عيدك وكل عام ونتي بخير والقاطو أكيد تحفة يعطيك الصحة والعافية وديما منورة أن شالله
ليزاتي كيفك حببيتي وذاكرتك روعة ماء شاءالله عليك وبصحتكم الشربة والفلفل صح لازم نريحوا ليستوما من اللحم شوي

أمنية غفران · 2017-09-07, 10:53

السلام عليكم و رحمة الله تعالى و بركاته

أخواتي نهاركم زين معطر بورد الياسمين

مرحبا بالوافدات أم جوجو و أخواتها نورتو الكوزينة
توبة ربي يحفظك

حبيباتي أستسمحكم مارايحاش ندخل هاد الأيام راهو عندي دورة تكوينية أدعولي بالتوفيق

بلا ما نوصيكم خياتي تهلاو لنا في الكوزينة

تقبلو فائق تحياتي

*توبــــة* · 2017-09-07, 10:54

امنية حبيبتي رايحين نتوحشوووك.. ربي يعينك ويسهل أمورك ويفرج همك يااارب

سحوووووووووبة يوووووووون حشمتيني خخخخ ربي يخليك على كلامك العسل حبيبتي

حيوووتة نتي درتي السفنج واحنا لبارح درنا لغرايف لخويا الصغير يقرا ف الليسي.. الصور من الارشيف

ربي يفوق جميع تلاميذنا .. ويعين الاستاذات

دعواتكم ليا يعيطولي لاني خرجت في قائمة الاحتياط .. كلاصيت 167

nihal159 · 2017-09-07, 11:21

صباح الخير على حراير الكوزينة؛ ماشاء الله راهي عامرة ؛ راجعت الصفحات لي فاتوني؛ ماشاء الله عليكم كامل حيوتة؛ زيكا؛ بيان؛ زخرفة؛ أم فاطمة؛ ليزابال؛ أمينة

غفران؛ أم جوجو و هل يخفى القمر هههههه مرحبا بيك مجددا في دارك؛ توبة؛ الوافدة الجديدة prettylady ماشاء الله على إبداعاتك.

زيكآآآآآآآآآآآآآآآآ ذكرتي كل لبنات في الرد نتاعك إلا أنا وآآآع؛ المرة هذي نكتفي بإنذار و ناقص نقطة من الإمتحان مش الفرض( لأن نقطة الإمتحان تُضرب فالمُعامل

و مُعامل الكوزينة كبيييييييير هههههه)؛ كون تزيدي تنساي إسمي...... نديرلك توبيخ و الله ماتذخلي للكوزينة غير بإحضار زيكو ولي أمرك

ههههههههههههههههههههههههههههههههههههههههههههههه .

الطابليت راهي تشارجي؛ من بعد نحطلكم واش صوّرت.

أمينة بالتوفيق أختي؛ و إن شاء الله ترجعي بقوّة.

lyzzabel · 2017-09-07, 11:36

أم جوووجووو يا عمري كي راكي يالحبيبة اسمحيلي نسيتك .. كي راهم بناتك و نتي سافا شوية .. انا تاني توحشتك و توحشت قاع حباباتي ربي يخلينا دايما مجموعين .. الحمد لله أنس كبر غي شوية مشي بزااف هههه ربي يخليهلي و يحفظ وليداتي و وليداتكم قاع ياارب و بصحتكم حلويات العيد عجبوني يعطيك الصحة

توبتي الحلوة و اخيييرااا جبتي جرنالك و جيتي يا مرااااحب هههه .. الحمد لله وليدات قاع لاباس و ماكانش لي دخل يقرأ من غير حفيظ و منذر ربي ينجحهم و ينجح قاع التلاميذ .. أما منصف ما قبلش المدير قاللنا صغير حتى يدخل ديراكت للسنة الأولى خخخ والله غبنونا بهاد القانون نوغمالمون يا قاع يقرو التحضيري يا يقلعوها مالبرنامج الدراسي .. و نتي كاش جديد ما جاوبتينيييش

أمنية نسيتك حبيبتي حقك عليا و هاكي مواااااح

آسيا حقا الف مبروووك لاختك و ربي يكمل لخاوتك بالخير العقوبا ليك يا الحبيبة نفرحو بيك يااارب مواااااح

أم يوسف ربي يشفيه و يعافيه بصح يليق تعرفي مناش جاته الحمى ربي يحفظه و يحمييه

نخليكم في هاد الساعة .. صح فطوركم و ربي يعاونكم حبيبااتيي

اللهم صل على نبينا محمد و سلم تسليما كثيرا

انا هي رزيقة · 2017-09-07, 13:00

السلام عليكم نهارنا و نهاركم منور بانوار النبي يا احلى لمة على قول الطيبة ام رحاب ..... يا عمري شحال راني فرحانة اليوم كي دخلت و شفت بلي دخلو حبيباتي ام جوجو العسل و ام كامي الفحلة صدقوني حبيباتي و الله فرحت بزاف بزاف برجعتكم الف حمدا لله على سلامتكم و مواااححححححح من هنا و هنا و الف مراحب باطايبكم الحلوين ربي يفرحكم حبيباتي كيما فرحت اليوم ... و فرحتي زادت و زادت بدخول البابيشات اسيا اسوس و ابني نور عيني ياي ياام محمد و الله توحشناك و توبتي الفحلة الشاوية الطيبة امو جرانن حلوين .... حمدا لله على سلامتكم يا بنات و ليكم الف مواحححح من و من و نزيد الفين مواححة لمولات الكوزينة سحابة لي قدرت بحسن كرمها تجمعكم كامل في هذ الركن الجميل .....
اختي نهوولة يا لهوي عليكي .... و الله غير نمووووت على اكلك الحلو حنونتي سورتو القاطوووات.... لعيا برك لي دارها بيا حبيبتي ياخي قلتلكم الذاكرة بدات تلاشي الله غالب ..... خخخخخ و يا عمري كي تنحيلي نقطة في الامتحان ياك نرودوبلي السنة و نولي نحشم ندخل للكوزينة خلاص .. و حتى ولي امري يولي يحشم بيا ....... خخخخخخخخ و تولي انتي الخسرانة متزيديش تشوفي لخفوفي تاعي ......... خخخخخ خلاص اسمحيلي نهولتي و ادي راسك ابوسها و نزيدلك مواحح من و من .......
اليوم راني فرحانة كثير ... مرايحاش ندير جرنان لانو خير حبيباتي ام جوجو و توبتي و ليزاتي سبق و راهم كفاو و وفاو .... مشاء الله هذو هما لجرانن و لا خلي ....خخخخ ربي يبارك في صحتكم حبيباتي ويفرحكم بكل عزيز عليكم و الله هذا يوم سعيد بالنسبة ليا لاني شفت عودة بنات كثير نحبهم و الحمد لله ..
استسمحكم فقط نقول لبنت خالتي حياة دخول مدرسي موفق لدعاء و حنا ثاني نديرو لخفاف منذ الازل كي يدخل الطفل لاول مرة للمدرسة نقولو باه راسو يخفاف كي لخفاف ...... خخخخخ ان شاء الله ربي يوفقها يا رب كما اني لا استطيع مرور الكرام امام بركوكس معلمتنا بيان قتلتينا يا بيان و الله مشهي موووت ..... مشاء الله عليك
قريب ننسى اختي ام حمزة السلفية شكرا على هذيك الدعوة الطيبة و الله من اروع ميكون امين ربي يتقبل منك يا رب

انا هي رزيقة · 2017-09-07, 13:10

اختي امنية غفران وين راكي ... شفت بلي راكي خارجة دورة تكوينية ربي يوفقك حنونة ... خسارة معلاباليش الا رايحة تشوفي تطبيقي الجميل للبطاطا تاعك .... الف شكر على الوصفة حبيبتي و جعلها الله في ميزان حسناتك ...هي فعلا كما ذكرتي بنييينة تع الصح و صحية و ساهلة و طبق مرافق بامتياز ....... طبقتها كيما قلتي فقط انا اضفت شوية زعتر.....ننصحكم تجربوها يا بنات هي فعلا جميلة و لذيذة ....هنا قبلو هذي النتيجة الجميلة

nihal159 · 2017-09-07, 13:27

زيكا حبيبة قلبي من صمصومتو الجوانية على قول السوريين هههههههههههههههههههه كيفاش ترودوبلي؟ ياحوجي كما تقول سحابة هههههههه أنت معلم و حنا منك نتعلم ههههههه مانقدرش نستغنى على الخفوفي؛ قلبي الصغير لا يحتمل هههههههههههههههههههه موآآآآح على جبينك( في عادتنا كي يزيد المزيود؛ يبوسوه على جبينو و ييقولولو: نبوسك بين العينين باش يجي كلامك زين....نبوسك بين لحواجب باش يجي كلامك مواجب).

انا هي رزيقة · 2017-09-07, 13:32

اقتباس:

المشاركة الأصلية كتبت بواسطة prettylady

عندي طلب اخواتي خاصة القبايليات راني نحوس على وصفة ثامثونت نزيت اذا ممكن

نهارك سعيد اختي بريتي و الف مراحب بيك معانا .....التشاراك تاعك جميل جدا اختي مشاء الله عليك ... بالنسبة لتامثونت نزيت او كسرة الزيت المعروفة كثير عندنا في منطقة القبائل ... هي اكثرية النساء كي يعجنو كسرة الطاجين يخلو منها قرصة كي تخمر يقطعوها الى 4 او 6 قطع بالموس ثم يطيبوها في الزيت كيما لسفنج ...و يرافقو بها القهوة المسائية يعني تضربي عصفورين بحجرة وحدة تطيبي كسرة للعشا و حاجة مع القهوة ... شخصيا امي و اختي هكذا يديرو.... فقط احرصي ان تكون الكسرة تاعك معجونة مليح و تقرصيها طرية .. اتمنى اني افدتك اختي ....

حيآتي أسمَى · 2017-09-07, 13:37

Gâteau Nestlé caramel chocolat by me )

Gâteau avec caprisse en forme habat 9ahwa 🍮

انا هي رزيقة · 2017-09-07, 13:37

اقتباس:

المشاركة الأصلية كتبت بواسطة nihal159

زيكا حبيبة قلبي من صمصومتو الجوانية على قول السوريين هههههههههههههههههههه كيفاش ترودوبلي؟ ياحوجي كما تقول سحابة هههههههه أنت معلم و حنا منك نتعلم ههههههه مانقدرش نستغنى على الخفوفي؛ قلبي الصغير لا يحتمل هههههههههههههههههههه موآآآآح على جبينك( في عادتنا كي يزيد المزيود؛ يبوسوه على جبينو و ييقولولو: نبوسك بين العينين باش يجي كلامك زين....نبوسك بين لحواجب باش يجي كلامك مواجب).

مهذا الكلام الموزون و الزين يا نهولة و الله جميل جميل جمال محصلشي ... ربي يحفظك حبيبتي و يا سعد المزيودين عندكم بهذ الكلام ياي باينة قالولك هذ لكلام كي زدتي يا نهولة ....... خخخخخ مقولتيناش حنونة كملتو كبش العيد ولا مزال .. شخصيا اكثريته راحت صدقة و الحمد لله و الشي لي بقا منو راه في الكونجيلاتور حتى تروح قهمة العيد ...

..

nihal159 · 2017-09-07, 13:45

هذا عشانا لبارح تليتلي