الجزء 171 من واش طيبتي اليوم�� كوزينة اللمة والمحبة والبساطة ����

[حياة نور الدين]

السلام عليكن

ام رحاب اهلاا اهلااااا ومنزعفش منك لانه نعرف كل واحد وظروفه اختي وخلعتيني على امك ربي يشفيها ان شاء الله ودخولك احلى باروك

كوثر يعطيك الصحة وين كنتي مخبية خهدوك التحف رووووعة يعطيك الصحة حنونة ربي يخليلك زوجك ووليداتكة

ريمة بصحتك الارز حبيبتي مطرح ما يسري يمري

ام ساجد اهلااا حلبيبتي ومرحبا بالحامل والمحمووووول رووووووعة روووووعة قليل عليها كلشي يشهي وطريقة التقديم واااااو ربي يحفظلك ساجد ان شاء الله

ام احمدي بصحتكم اختي وشكراا على الثقة

ليزا مساء الانوار ويعطيك البصحة على الوصفة

رزيقة هههه كنت نتمسخر جربي نهار تحبي ويكون عندك الوقت حمنونة ديجا كي راكي تدخلي وجبرتي بخاطرنا ديجا بوكو هههه

رزيقة المتوحمة غير متحكيش هههههه شوفي واسكتي ولا طبقي وكولي ربي يسهلك

ام الاء يعطيك الصحة على التاي انه الصور مظهرتليش واااع بصح معاها معاها حتى نشوفهم خخخ

ام هاجر مساء الانوار حنونة

نانوا يعطيك الصحة على وصفة القاطو

اسيا انا حملت روتريكا بصح معرفتش واش من الصورة نستعمل معجبونيش ههههههه

ام كاميليبا متزتهزايش لى بنتك المناعة تاعها قليلة ربي يشفيها ان شاء الله

[حياة نور الدين]

ام سارة يعطيك الصحة على الثقة والحمد الله عجباتك الوصفة ومخيبتنيش خخخخخ

نور الهدى مساء الانوار اختي

ام الوءة راني شفت الصور يعطيك الصحة حبيبتي

انا عشايا اصابع البطاطا وليزابا مقليين وسلطة والحمد الله هلى النعمة

جربت تحلية ادا جات مليحة نحطها مجاتش مليحة نحطها وانتوما منشوفوهاش هههههه

[ام سارة18]

ام رحاب نورتي الكوزينة وربي يشفي ماماك
كوثر واش الخير هادا كامل وين كان مخبي بصحتكم
ريما بصحتك مهرجان الأرز
ام ساجد متألقة كالعادة طيابك الله يبارك عليه
ام كاميليا ربي يشفيها
ليزا البركوكس والجاج تحفة
اسيا بصحتك السردين
نوال عيسى ربي يشفيك حلويات خالتك روعة يعطيها الصحة
زقزوقة هاتي طبسي حتى انا من عشاق السباقيتي

[جازيا ام البنات]

السلام عليكم كي عشيتوا ان شاء الله تكونو بخير سامحوني البنات ماراجعت والو .....الله غالب الوقت بححح....حبيت نحطلكم الفطور تع اليوم درت حريرة وزدت خبيزة معمرة بالطون والعجينة لي بقات درت بها زوج همبرغر جات خفيفة بزاف

[Simassim]

السلام عليكم ورحمة الله
صح عشاكم تعشينا بواقي صباح درت سوب بواكاسي
هادا اطباق اللي فاتت السبت درت لحم مرحي لابيري وصوص تومات
والبارح لعشا درت لي قوفر صالي بسلمون مدخن وكريمة بليمون الاخضر مع سلاط
المنتدى راه يعوتج نكتب رد ومايفوتش
يارب يفوت

[Simassim]

[RIMA.87]

السلام عليكم ،

عشايا اليوم مرقة بيضاء بالدجاج و البطاطا و زدت خبيزات السلق ،يا اختي يا حيوتة درتهم على طريقتك يعني قليتهم ماشي في الفور و درتلهم صوص الطماطم جاو هايلييين حقيقة خير ملي موالفة نديرهم ،ربي يحفظك و يبارك فيك على الوصفة ،و سلطة و الحمد لله ،

[um alaa]

درت بكبوكة للعشا و التاي لزوم السهرة هههه

[um alaa]

[um alaa]

ام ساجد مشاء الله على الخيرات تسلم ايديك
ليزاتي شفت الحاج عينيا دارو ههه جا رووعة بصحتكم و الفاتو لاين هايل ربي يقدرك على التربية
ام سارة بصحتك الكروكات يشهيو
ام رحاب على سلامتك توحشناك
سيما مشاء الله لي غوفخ يهبلو و البيري رووعة بصحتكم
ريمة هشاك رائع و الخبيزلت جاوك هيلين بصحتكم
جازيا بصحتكم اممم و خبيزات الهمبرغر يباونو خفاف
كوتر شفت اطايبك ماشاء الله
ام كامي بالشفا على بنتك

[Oum yousra]

سلاااااااااااااام و صح عشاكم حنونات راني قريب نهبل من المنتدى من قبيل وأنا نكتب في الردود و يطيرو بححححححححح المهم راني راجعت و شفت كلشي هايل يعطيكم الصحة سخفتوني و الي قتلني الشرشم نتاع بيبا وااااااااااااااااااو شحال ماكليتوش يميم منين نجيب ضرك القمح باه نديرو و ماكان حتى واحد الي راه جاي من البلاد وااااااااع مزيا مانيش نتوحم يعطيكم الصحة كامل و يسلم الأيادي

[Oum yousra]

غدانا اليوم قليت الحوت الي بقالي و زدت معاه فريت و صلاد و العشاء درت بيتزا نتاع توبة زدت معاها برك شويا مرقاز وااااااو جات روووووووعة يعطيك الصحة الحبيبة و التحلية عاودت تيراميسو اوريو بطلب من الأولاد و آخرين درتهم بقاطو ميلكا. . . . . . .

[ام طيري الجنة]

السلام عليكن حبيبات قلبي

دخلت على حلاوة ام الاء فاديت حقي merci beaucoup ام الاء الله يحلّي ايامك يا الحبيبة و ربي يدوم النعمة
والله ما راجعت شفت غي الصفحة الاخيرة و عرفت منكم ان ليزا رجعت نقولها هلت الانوار يا الزينونة و علاه كنت حرمتنا من الشهد و العسل اللي يخرج من ذاك الفم الحمد لله اللي راكي بخير
سيماسيم ماشاء الله
حيوتة ربي يبارك فيك و يعطيك الصحة ما تنساي حتى وحدة
ام يسرا و ام سارة و جازيا و ريما يعطيكم الف صحة و ربي يبارك فيكم و يكثر خيركم
كل حبيباتي و اخواتي بلا ما نذكر الاسماء و بدون استثناء ربي يبارك لكن في صحتكم و في خيركم و اهلكم و يفرحكم
من بعد نراجع باش نتمتع باطايبكم
سلام ( راكم عارفين الوقت نتاع الخدامة ههه)

[ام طيري الجنة]

هذو بعض اطباقي البسيطة طبعا يا فنانات راكم فاهمين ههه
لوبيا بيطة ههه
[IMG][/IMG]

سردين و قراتان دوفينوا
[IMG][/IMG]

كيكة متاع منه فيه ههه يعني القلاساج غي من الخليط قبل اضافة البيض طبعا
[IMG][/IMG]

و اللهم ادمها نعمة و احفطها من الزوال

[RIMA.87]

بصحتكم اخواتي واش تعشيتو ،
ربي يبارك لنا و لكم في الرزق ،
حيوووته راني طبقت بينيي الأخت زينب83 هاد العشية و ماكانش عندي وقت باش نحطهم حتى الآن ،و لا أطيب و لا أرووووع ،جزاك الله خيرا اختي حياة على اختيار الوصفة للتطبيق لانبي كنت حابة نجربهم و تكاسلت لاني جربتهم مرة بوصفة اخرى و ما صلحوش ،
و ربي يبارك في اختنا زينب83 و يشفي اختها و جميع مرضى المسلمين ،

درت عبر صغيير و حشيتهم بمربى التيين تفضلوا ،