الجزء 141 من واش طيبتي اليوم؟.؟؟؟؟؟ - الصفحة 48

Mizou123 · 2015-08-30, 21:44

ياااا ادرا ام حبوبة وين راهي....؟ بيها الفرحة تاع التصاور وقيلة راهي غير تصور و تعاود.... هههههه

الرجاء الاماني المجد · 2015-08-30, 21:50

مساء الخير ساجدة كيف حالك عزيزتي ميزو مساء الفل

آسيا 27 · 2015-08-30, 21:50

روضة ام و ابنة ميزو ساجدة ام سراج الرجاء دائمة الحمد

الرجاء الاماني المجد · 2015-08-30, 21:51

سرور2 · 2015-08-30, 21:53

لبنات زوروني هنا

https://www.djelfa.info/vb/showthread...post3994212938

الرجاء الاماني المجد · 2015-08-30, 21:54

اقتباس:

المشاركة الأصلية كتبت بواسطة آسيا 27

روضة ام و ابنة ميزو ساجدة ام سراج الرجاء دائمة الحمد

مساء الورد اسيا

Oum Habouba · 2015-08-30, 21:58

سلااااام لبنات مسائكم عطر وبركات
ميزوو اعقلي عقلي والله والو بنتي الصغيرة حكمها الوجع لهيت معاها
المعلمة الجديدة بصحتك العشا روعة هذاك الجاج يهيل
ام وابنة شكراااااا حبيبة خلاص قضبت العفسة راني غي كوبي كولي حتى نكولييييه خخخخخخخخ
ام سراج وملاك حنووونتي قوليلي كيفاه ندير نصغر الصور
ام كاميليا على سلامتك كل يوم ندير عليك البراح وانت تحوسي بصحتك
ساجدة الاماني الرجاء دائمة الشكر اسعد الله مساؤكم بالخير
روضة ماله ولدك بالاك موجوع شحال في عمره شوفي شتا كلا
انا تعشيت طعام باللبن صرعني الجاير والحريق من المحاجب بقرة شافت رومي😉

ام و ابنة · 2015-08-30, 22:00

ساجدة سقسيت عليك مرتين اليوم تقلقت عليك و انت تتنزهي
من صابني مكانك نمووووت عالطب البديل و ما نحبش الأطباء غير للضرورة القصوى و عندي قناعة انو كل دواء يداويلك حاجة و يضرلك حاجة اخرى
و اذا لاحظتي حتى اولادي ما نعطيهمش الدواء و ما نديهمش للطبيب نحب نخلي المناعة ديالهم تتقوى و تخدم و نعاونهم بالاشياء الطبيعية طبعا باستثناء حالات الضرورة القصوى
ساجدة تعيشي سقسيها على حالة اسمها بالفرنسية les jambes sans repos و بالانجليزية restless feet باختصار في الليل كي يتكسل مولاهم تنوضلو قلقة في رجليه ماشي الم و لكن احساس مززززززززززعج و كانو حاجة تحت الجلد تقلقو
و كذلك قولي لها تنصحنا على التغذية السليمة للأطفال الدجاج يقولولك هرمونات و الخضر و الفواكه يقولولك مسمومة بالاسمدة و السكر و الملح يقولولهم السمين الأبيضين و زادولهم السم الثالث اللي هو الفرينة البيضاء وش لازم نوكلو اولادنا يوميا بش ينفعهم في صحتهم و كذلك في ذكاءهم و تركيزهم
حاوزيني خاطر دخلتيني في مجال اعشقه و اهتم به كثيرا لدرجة حبيت ندير دورة في الطب البديل و لكن للاسف نظن يقبلو غير الاطباء

ام سراج وملاك · 2015-08-30, 22:00

طير الرحمة راني شديت بلاصتك شفتك طولتي قلت نحط الوصفات في بلاصتك ان شاء الله تكوني بخير
روضة حنونة ربي يشفيك والاسهال بلاكش راهو ينبت متغفليش عليه بالماء برك وديريلو البطاطا والزرودية في بيون وماء نتاع الروز متنسايش

الرجاء الاماني المجد · 2015-08-30, 22:09

ساجدة سقسيها حنونتي على التبول الارادي لانني نعاني من هذا المشكل وعيت وانا نغسل وبناتي في ثلاثة ايبولو حاشكم ارجوكي سقسيها

Oum Habouba · 2015-08-30, 22:10

روضة ممكن رَآه يخرج الأسنان او الانياب يوجعوهم مساكين ممكن أعطيه الماء خلطي فيه شوية ملح وسكر هداك نصحني الطبيب عند الإسهال لأنو ينقصلهم الأملاح وأعطيه الشوكولا وكدلك وحدة تسكن في فرنسا نصحها الطبيب تعطيه شوية كوكا كولا قالها مليحة للإسهال
كوراج حنونة ما تفشليش غادي يريح ان شاء الله

الرجاء الاماني المجد · 2015-08-30, 22:12

اقتباس:

المشاركة الأصلية كتبت بواسطة oum habouba

سلااااام لبنات مسائكم عطر وبركات
ميزوو اعقلي عقلي والله والو بنتي الصغيرة حكمها الوجع لهيت معاها
المعلمة الجديدة بصحتك العشا روعة هذاك الجاج يهيل
ام وابنة شكراااااا حبيبة خلاص قضبت العفسة راني غي كوبي كولي حتى نكولييييه خخخخخخخخ
ام سراج وملاك حنووونتي قوليلي كيفاه ندير نصغر الصور
ام كاميليا على سلامتك كل يوم ندير عليك البراح وانت تحوسي بصحتك
ساجدة الاماني الرجاء دائمة الشكر اسعد الله مساؤكم بالخير
روضة ماله ولدك بالاك موجوع شحال في عمره شوفي شتا كلا
انا تعشيت طعام باللبن صرعني الجاير والحريق من المحاجب بقرة شافت رومي😉

شكرا عزيزتي على السؤال لكن عندك حليب لحظة اشربي مغرف راه ينحي الجاير

سرور2 · 2015-08-30, 22:13

اقتباس:

المشاركة الأصلية كتبت بواسطة الرجاء الاماني المجد

ساجدة سقسيها حنونتي على التبول الارادي لانني نعاني من هذا المشكل وعيت وانا نغسل وبناتي في ثلاثة ايبولو حاشكم ارجوكي سقسيها

حطيتي يدك على الجرح نفس السؤال كنت رايحةنطرحو

ام و ابنة · 2015-08-30, 22:15

روضة عزيزتي اذا ما رانيش غالطة ولدك قريب ست اشهر شوفي عزيزتي
العشاء عشيه مليح و منبعد غسليلو بصابون الطرف و ماء دافىء ماشي لانجات
و ديريلو مساج خفيف خاصة على كرشو في اتجاه عقارب الساعة و ارفديلو رجليه للفوق لكرشو بش كش ما عندو غازات يخرجو و ثاني يعيا لك مليح من اللعب و الحركة
ضميه لصدرك و ارقيه بوش تحفظي من السور و الأذكار و الادعية و ما تغنيلوش و اعطيه بيبرون حليب يطيح يرقد
و في الليل ماشي غير يتحرك تكوني معاه اصبري شويا و اذا ما ولاش يرقد عطيلو شوية ماء في البيبرون ماشي حليب و اذا مارقدش اعطيه لاسوسات بصح غير تتأكدي بلي رقد نحيهالو بالشوية من فمو
و النصيحة الاهم انو كي ينوض في الليل ما ترفديهش من بلاصتو ابدا طمنيه و حكميلو يدو وأعطيه لاسوسات و لكن ابدا ما ترفديهش و اذا شربتيه الماء قعديه شوي في مكانو بش تشربيه و عاودي كسليه
الايام الولى ممكن يتعبك و ينوض شحال من خطرة و لكن بالشوية يولي يرقد و ترتاحي المهم اصبري شويا و افرضي عليه القانون الجديد خخخخ
طبعا القايلة لازم يرقد مليح و في بلاصتو ماشي جنبك حتى لو كنت وحدك يعني دايما و مهما كان الوقت و الظروف عوديه يرقد وحدو في بلاصتو
و العشية ما تخليهش يرقد حتى الليل بش يرقد مليح

بالنسبة للإسهال اعطيه في الغذاء روز مغلي طايب مليح مع الخضرة و مرحي معاهم و ما تحطيش لا الطماطم و لا القرعة ما تخافيش ما يضروش الروز مجرد ملعقة و يكون طايب مليح و مرحي
و العشاء بطاطا طايبة و مرحية و ممكن زرودية
اعطيه مرتين في اليوم نصف باكي سمكتا ما تخافيش منها مليحة
اعطيه شوية نشاء في الماء او الحليب طبعا اذا الاسهال قاوي
نقصيلو مشتقات الحليب
شربيه الماء على جرعات طول اليوم
و الاهم مادام الاسهال طول اكثر من يامات برك اذا راهو عندو سبب اديه للطبيب لانو التسنين ما نظنش يطول هكا

Oum Habouba · 2015-08-30, 22:21

روضة ولدك وقفي له الحليب حتى يريح من الاسهال