وصفات حراير الكوزينة الجزء الثاني - الصفحة 48

rahma2014 · 2015-04-26, 18:10

الكباب وصفة الغالية زهروان

كباب بنكهة الفحم (fumée)

اليوم جبت لكم طبق لذيذ كباب مدخن (fumée) في الفرن

عااادة نحب الشواء على نار الحطب ولهذا ينطلب منا الخروج الى المساحات الخضراءللاستجماام و لشم تلك الرائحة الزكية ..
اذاحبيتو الشواء مثل المطاعم وبنكهة الفحم تبعووني

فحمة وحدة توفي وتكفي لا لنار الحطب من اليوم فصاعدا
طريقة التحضير :
-نضع فحمة على النار حتى تحمر جيداً.
-في هذه الاثنااء نقوم بتحضير الكفتة بعد اضافة الثوم والفلفل الاسودوالكمووون ونضعها في أسيااااخ ..
-نقطع البصل الى حلقاااات وفلفل الحااار يعطي نكهة خاااصة
-ثم نضع فنجان من زيت الساخن ونحط عليه الفحمة بعد ان تحمر ..
ثم نغطى الوعاء بالاليمينيوم تغطية محكمة ....
ثم ندخلها الى الفرن لتطهى على مهليها وبالهنا والشفا

عااادة نحب الشواء على نار الحطب ولهذا ينطلب منا الخروج الى المساحات الخضراءللاستجماام و لشم تلك الرائحة الزكية ..
اذاحبيتو الشواء مثل المطاعم وبنكهة الفحم تبعووني

فحمة وحدة توفي وتكفي لا لنار الحطب من اليوم فصاعدا
طريقة التحضير :
-نضع فحمة على النار حتى تحمر جيداً.
-في هذه الاثنااء نقوم بتحضير الكفتة بعد اضافة الثوم والفلفل الاسودوالكمووون ونضعها في أسيااااخ ..
-نقطع البصل الى حلقاااات وفلفل الحااار يعطي نكهة خاااصة
-ثم نضع فنجان من زيت الساخن ونحط عليه الفحمة بعد ان تحمر ..
ثم نغطى الوعاء بالاليمينيوم تغطية محكمة ....
ثم ندخلها الى الفرن لتطهى على مهليها وبالهنا والشفا

idron0 · 2015-04-26, 18:40

طاجين بوزلوف بالزيتون om hadil

اولا قومي بطهي البوزلوف .... و من اسرار حلاوة البوزلوف انه يجب ان تطهيه في تتبيلة و ليس ماء و ملح,
و انا استعمل هاته التتبيلة التي تُعطي ذوقا جميلا للبوزلوف,
ملعقة كبيرة قصبر ( غير مطحون)
ملعقة كبيرة كمون مطحونة
حبات من الهيل
ثلاث أوراق من الرند
فصوص من الثوم
ملح
قصبر اخضر مقطع
ملعقة خردل( لموتارد)
فنجان خل
بصلة كبيرة مرُشوق فيها حبات من القرنفل
ملعقة فلفل اسود( غير مطحون)
ملعقة كبابة ( غير مطحونة)
قشور حبة ليمون
... و كي يطيب البوزلوف قومي بنزع العظم
و تكوني محضرة من قبل صلصة طماطم و ايضا بطاطا مقلية دوائر... و كمشة زيتون منزوعة الملح ( ضعيه في ماء ليلة كاملة و في الصباح اغسليه ستلاحظين انه فقد كل الملح )
ضعي في صينية الفرن كمية من صلصة الطماطم ثم ضعي البوزلوف و يكون مقطع قطع صغيرة ثم ضعي الزيتون و اخيرا دوائر البطاطا المقلية ... و غطي الصينية بورق الألمنيوم ... و الى الفرن ... لمدة 30 دقيقة حتى يتشرب البوزلوف الصلصة و ذوق الزيتون... جربوه ... لن تندموا ...

مرام 92 · 2015-04-26, 20:26

بارك الله فيكن 13

rahma2014 · 2015-04-27, 18:27

الفطير للحلوة ليزا

ة الفطيير ندييره بالسمييد متوسط و نديير شوييية برك فريينة و ملح و نبسس بالزبدة نحك مليييح بيدياا و نكمل بالزييت لاازم يجي ميدم و نلم بالمااء ولا بالحلييب بلاا ما نعجن و نديير خبزاات نقدر نحشييهم كييما نبغي او ندييرهم ساادة ناكلووه مع القهوة او لاتااي و نطيب مبااشرة مممممم و الفرق بينااتهم فالمقااديير و كيفية التحضيير ،، اما البنة ما علابالييش جامي كلييت الكسرة تااع الشرق هههه

إضغط هنا لرؤية الصورة بحجمها الطبيعي.

idron0 · 2015-04-27, 20:22

لغراتان اللوبيا ام طيري الجنة

عملت اللوبيا تفور
و طيبت مرق بالبصل و الدجاج
من بعد حطيت طبقة من البطاطا المقلية
ثم طبقو من اللوبيا ثم طبقة من الدجاج المفتت و جبن ثم طبقة لوبيا ثم بطاطا مقلية و سقيتهم بقليل من المرق و الى الفرن كي تشربت المرق زدت شوي مرق + حبة بيض و خليتها تنشف شوي و نحيتها و شهية طيبة

إضغط هنا لرؤية الصورة بحجمها الطبيعي.

idron0 · 2015-04-28, 10:34

قرنون محشي في الفرن oum ibrahim

نقيت القرنون و حشيتو باللحم مرحي و متبل بالملح و الفلفل و المعدنوس و الثوم و نلمو بحبة بيض و االباقي ندير بولات صغار
من جهة اخرى نجيب البلا الي رايحة نطيب فيه ندهنو بالزبدة او الزيت و نقلي فيه كريات اللحم مرحي و الشومبينيون و نتبل بالملح و الفلفل اسود و الثوم و نقي حبات بطاطا صغار و ندير فيها فتحات و شوية زيتون مغلي و نحط القرنون و نزيد شوية ماء و نغطي بالالمنيوم و ندخلو الفرن
لما يطيب القرنون و البطاطا نحي الالمنيوم و نحمرو شوية و ندير جبن مبشور من فوق و الف صحة و هنا .

idron0 · 2015-04-28, 10:35

وصفة كيكة الفراولة oum ibrahim

جينواز 4بيضات كاس متوسط سكر نضربهم مليح مع عطر الفراولة و نزيد 4 ملاعق زيت و نضيف كاس و نص فرينة و باكي خميرة و 2 ملاعق نشاء مغربلين 2 مرات و نديرها في بلاتو مدهون بالزبدة و مرشوش بالفرينة في فرن مسخن مسبقا 200 درجة 5 دقائق الاولى ثم ننقص 180 درجة مدة 25 دقيقة
قطعت الفراز و درتلو شوية سكر و ماء و حطيتو فوق النار لما يبدا يغلي نحي الفراز و نخليه يبرد و السيرو الي بقا نخليه 10 دقائق فوق النار و نطفي و نخليه يبرد
طلعت الشانتيي بالماء بااارد و هاذي اول مرة نطلع الشانتيي بالماء و عجبتني خير من الحليب عطاتني قوام متماسك و لونها ابيض ناصع
قسمتها على 2 قسم زدتلو هداك الفراز الي طيبتو في السيرو و حسيت بيه التارت من داخل بعد ما بردت و قسمتها على 3 و سقيتها بالسيرو الي برد
و الجزء الثاني زينت بيه التارت من الخارج و قطعت الفراز شرائح و زينت على شكل وردة و دهتنها بالجولي و الف صحة و هنا.

إضغط هنا لرؤية الصورة بحجمها الطبيعي.

rahma2014 · 2015-04-28, 16:52

الوصفة لام هديل

شطيطحة لحم
المقادير:

لحم بقري

ملعقة كبيرة لموتارد

ملعقة صغيرة توابل الشواء

ملعقة صغيرة زنجبيل مطحون

ملعقة صغيرة فلفل اسود

ملعقة صغيرة ثوم يابس و مرحي
زعيترة
قصبر و كرافس مقطعين
ملح
قشور ليمونة مبشورة

طريقة التحضير:

في صحن كبير قطعي اللحم مكعبات صغيرة و اضيفي كل المكونات و اخلطي جيدا
ضعي الصحن في الثلاجة على الأقل خمس ساعات حتى يتشرب اللحم كل المكونات
ثم ضعيها في لاكوكوت لمدة 45 دقيقة في البداية لازم تكون النار قوية ثم على نار هادئة
امممممممم ستتحصلين على شطيطحة تهببببببل ....
ممكن اضافة أرز مفور او بطاطا مقلية ... طبعا مع السلطة
إضغط هنا لرؤية الصورة بحجمها الطبيعي.

idron0 · 2015-04-28, 20:17

طاجين أصابع الشوفلور و اللحم المرحي om hadil

المكونات
لحم مرحي و فخذ الدجاج
بصل
طماطم
ثوم
دبشة
توابل
بطاطا
شوفلور
الطريقة
نرحي البصل و الثوم نحطوهم في قدر نحطو فخذ الدجاج و نزيدو شوية زيت وملح وتوابل و نخليوهم على النار يتقلاو ....نرحي الطماطم و نظيفوهم للقدر يتقلاو شوية و نمرق بالماء و نخلوهم يطيبو
نرحي الشوفلور و نضيف له اللحم المرحي
ومبعد نخلطوهم في بعضاهم باليد مليح نزيدولهم ملح و توابل و ثوم و ديشةو نعملوهم على شكل أصابع
نقشر البطاطا و نقطعوها على اربعة
ثم نقلو كل من البطاطا و الشوفلور
و مبعد نحطوهم في صينية الفرن و نزيدولهم فخذ الدجاج اللي طيبناه مع شوية مرق و كمشة زيتون ايفيلي
و الى الفرن...........

idron0 · 2015-04-29, 10:38

غراتان الارز و الكورجات amani 38

طيبي روز بسمتي مع ملح و جومبو و قطعة زبدة يعني pilaf
ذبلي حبة بصل مقطعة جوانح في شوية زين و زيديلها كورجات مقطعة و خليها حتى تدبال مليح زيديها ملح و فلفل و سنينات توم و معدنوس و توابل حسب رغبتك
في البلا حطي الروز و زيدي الكورجات من بعد ضربي 2 بيضات مع كرام فراش و صبي على السطح و زيني بالفرماج رابي و دخليه ينشف و يتحمر
ملاحظة ... كي ما تكونش عندي الكرام فراش دايما نسرق البتيسويس السامط وتاع منصف ولدي ههه و نديره و يجي شباب .

إضغط هنا لرؤية الصورة بحجمها الطبيعي.

idron0 · 2015-04-29, 18:47

لفريزي sidra seba

بصح السكر مدرتش خطراه منحبش لحلاوة بزاف اكتفيت بالفلان نتاع لفراز
مقادير 4 حبات بيض + 2 باكيات فلان فراز + 2 مغارف كبار زيت + 2 مغارف كبار حليب + 4 مغارف كبار فرينة او كاس فرينة + باكي خميرة
كرام موسلين : نصف لتر حليب + كاس سكر عادي + نشاء تقريبا كاس فوق النصف شوي
فيضت لحليب ودرتو فوق السكر والنشاء خلطتو ورجعتو فوق النار مع مغرف صغيرة زبدة اذا جاتك جامدة بزاف زيدي شوي حليب من جهة 250غ زبدة نحيت منها غير مغرف صغيرة زبدة زدتها في كرام بتسيار لول الباقي طلعتو بالبتار مبعد فرغت فوقو كرام بتيسيار خليتو برد و خلطتهم مليح بالبتار
طريقة تشكيل اكل يعرفوها لازم مول لي يتحل اقسمي الجينواز على زوج ديري ديري نصف لول شربيه بالسيرو مبعد حطي كرام موسلين وعلى الجوانب حطي فراز وزيدي حطي الجينواز الثانية وشكليها كيما تعرفي

siyamo · 2015-04-30, 00:44

شكرا جزيلا

siyamo · 2015-04-30, 02:25

mirsi booko

ROSELUISE · 2015-04-30, 04:15

بارك الله فيكن

بارك الله فيكن

idron0 · 2015-04-30, 08:47

مقروظ سوريا على طريقة السيدة حفييظة رباحي lyzzabel

ديري كيلو سمييد متوسط و رطل فريينة و حوالي 500 غ الى 600 غ سمن طري و م ص لافاني و ربع م ص بيكاربوناات و رشة ملح انا داايما نديرها فالمقرووظ ،، 2 م ك سكر نااعم و زووج صفاار البيض و ماء الزهر
تحطي في وعااء وااسع السميد و الفرينة و الملح و تبسسي بالسمن ،، على فكرة انا استعملت مارغريين و تشمخييه بالمازهر غيير شوية ،، و تخلييهم يريحو ليلة كااملة او على الأقل سااعة ،، انا بسسته من بعد الفطوور و بدييت نخدم فييه على ا 4 تااع العشية ،، من بعد ضيفي لافاني و البيكاربونات و صفاار البيض و تخلطي ملييح و تزيدي الماازهر حسب الحااجة حتى تتحصلي على عجينة طرييية ،، تقسمييها على نصفين متساويين ،، تحطي على طاولة العمل النص الأول بلا ما تضغطي علييه و تعطييله شكل مستطييل و تحطي الحشو لي هو 3 كيلاات لووز مرحي و نصف كيلة سكر عاادي و ترشي بالمازهر غيير قدما يتندى يبقى مفتفت كيما الطعاام ،، تغطي قااع الوجه تاع العجينة و تزيدي النصف التااني بنفس الطرييقة بشكل متسااوي و اضغطي ملييييح بيدييك و داايما حافظي على شكل المستطييل ،، اسعملي الرولو باش السطح يجي املس و تقطعي مقروظاات بنفس الحجم باستعماال الموول تااع المقرووظ ،، و حطي بالوحدة في موول على شكل قلب او شكل وحدااخر ،، كيما داارت فاايزة وحد النهاار حطااته في وحد الكوزيينة دارته على شكل ورقة جا شباااااب ،، و اظغطي مليييح بصبااعك ما تخلييش الفرااغ فالموول و انقشي على دووقك كيما انا هههه ،، و طيبي في فرن سااخن على 200 درجة لمدة 25 دقيقة حتى 30 دقييقة و عسلييه و هو عااد سخووون باش يشرب العسللل ،، و ميين تبغي تقدمييه ادهنييه بلاجوولي و زيني المكاان لي ما نقشتييهش بالبيستااش ايفييليي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.