الجزء 83 من واش طيبتي اليوم شاركوني أجواء العيد/ فرحتي بنجاح بنتي / رجوع أختي - الصفحة 48

القبطية · 2014-08-04, 19:07

صابلي الزيت نتاع ريهام هاهي الوصفة

المقادير

6بيض
قرصة ملح

3 كأس سكر عادي(كأس تاع قازوز)
3 كأس زيت
3 كأس مايزينة
3 خميره حلوة (نوارة)

لافاني
الفرينة حسب العجينة
التحضير
خلطي باليد البيض+سكر جيدا
ضفي الزيت+لافاني
و في الأخير زيدي المايزينة + قرصة ملح + الفرينة و الخميرة

شكلها حسب الرغبة

ادرارية · 2014-08-04, 19:09

اقتباس:

المشاركة الأصلية كتبت بواسطة yasmalak

صباااااااااااااح الخييييير حبيبااتي
ياااااخاااه توحشتتتكم
بسملللة مبرروك الكوزينة و بيانسيير مبروك نجاح بنتك و رجعة ختك بالسلامة
كلش يهببببببببببببببل

البارح كان عيد ميلاد ختي الصغيرة ايا درتلها تارت تاع لولو كاتي هه

وهدا باش تبردو خاطركم سيرتو ادرارية ياخاااه ربي يعينكم كي شفت التصاور برك تخنقت فما بالك نتوما

الف شكرا لكي حبيبتي افروديت والله الحال مزال اصفر ومن الصبح راني في الميناج هدا وين كملت وعيد مبارك وكل عام وانت والعائلة بخير وعيد ميلاد سعيد لاختك ولعقوبة لالف سنة

فاتن2013 · 2014-08-04, 19:10

مساء الخير عليكم

أم ملك · 2014-08-04, 19:14

الله يبارك أختي القبطية على هداك المسمن ما شاء الله روعة
من فضلك وريلنا طريقة طي المناديل لي راكي حاطتهم حداه

ام عبودة · 2014-08-04, 19:17

مساء الخير على الوافدات
ادرارية واش راه ولدك. ريح لاباس؟؟؟؟
قبطية شكراااااا على الوصفة

أم ياسين الزهراء · 2014-08-04, 19:18

لبنات الله يسلمكم ويحفظكم وربي يوسع عليكم الكل ويهنيكم الحمد لله صبرت ونلت ربي يقدر زوجي ع ويسلك الدين

وليدي غرت من بشرى مطلوعها يسخف جيبيلي واحد لي هههههههههههههههه يعطيك الصحة

ام عبودة · 2014-08-04, 19:19

السخانة والغبار دايرين فينا حالة
قالي زوجي ما طيبي ماوالو نجيب من برا
قلتو ايا هنيتني جيب دجاج محمر على الجمر وانا ندير فريت ونخلو الباقي للديسير ولا كريم. وااااع السخانة موت وروسنا وجعتنا من الكليماتيزور
وانا راهي حكمتلي على تيراميسو نروح نوجدو ونوليلكم بااااي

أم ياسين الزهراء · 2014-08-04, 19:22

عشايا الحمد لله بقاتلي لابيري والقليان زدت دوقى الرخساس وكليناها بالعنب والحمد لله

القبطية · 2014-08-04, 19:25

اقتباس:

المشاركة الأصلية كتبت بواسطة أم ملك

الله يبارك أختي القبطية على هداك المسمن ما شاء الله روعة
من فضلك وريلنا طريقة طي المناديل لي راكي حاطتهم حداه

الله يسلمك هديك طريقة الهام راهي دايرة موضوع يعطيها الصحة

ادرارية · 2014-08-04, 19:29

ام عبودي شكرا على السؤال والله كان الحمد لله غير الغبار والكليماتيزور راهي مرضاتو ومن وين انت

هدا وين كملت الميناج وعععععععععععععععععععع وناض الغبار

الصورة من بيتي

أم ياسين الزهراء · 2014-08-04, 19:31

ادرارية ربي يعينك والله نكره الغبار يييييييييييييييييييييييييي

ادرارية · 2014-08-04, 19:36

والله غير موالفين بيها شوفي من اواخر فيفري ما تخطناش حتى ولينا نحبوها خاطرش تبرد الجو والله كي نصلحوا لحواش نعمروا البادين

R I A D · 2014-08-04, 19:56

اقتباس:

المشاركة الأصلية كتبت بواسطة أم ياسين الزهراء

لبنات في خاطركم نحط صورة كوزينا انتاعي الفوقانية مازال ماعمرتهاش كمومدينا فريجيدار وكوزينيار ومازال ماجاوناش تفضلو

ما شاء الله و الله يبارك ام ياسو اختي ربي يهنيك فيها و تعمريها خيورااات و اولاد و حفدان بالصحة عليكم حبيبتي و الله غير عجبتني
هاييلة و ربي يعينكم على قضاء الدين امين يا رب
و ربي يزيدكم و يرزقنا من اوسع ابوابه امين

دائمة الحمد ربي يشفيك حنونة و يشفينا اجمعين... حنونة حاذري على روحك كي يقول لك الطبيب روبو ريحي روحك
حتى ترتااااحي و مبعد ربي يعمل تاويل
القبطية صحة عيدك و بصحتك واش طيبتي
ادرارية الله يعينكم على هذاك الجو ...قوليلي عندك دار تاني في العاصمة ؟؟؟
ام عبودة انت تاني الله يعينك و انت من اين ؟ من الجنوب؟ حسبتك من الغرب
حنان الف مبروك عيد ميلاد هبة ربي يطول في عمرها و ينجحها امين
ام ملك اهلين و سهلين
فاتن اهلين مساؤك اسعد

اللهمّ بك امسينا و بك اصبحنا و بك نحيا و بك نموت و اليك المصير

أم ملك · 2014-08-04, 19:57

من فضلك أختي القبطية حطي لي الرابط حوست عليها ما لقيتش
لقيت طريقة الفراشة برك
راهو يأدن نروح نفطر الله يقبل منا و منكم يا رب
يا رب يعطي لكل واحدة ماهي متمنية في مرضاته يا رب

touta2010 · 2014-08-04, 20:01

سلام لبنات القديمات والجدد ولي في الطريق ههههههههههههه
القاطو تاعي في طريقه للانقراض لولاد عملو هجوم مضاد وانهو نوعين من القاطو عععععععععععع