الطبعة العاشرة لدورة الرقي بمدبرة منزل مثالية

[~ حراير ~]

حبيبتي سمراء يسال عليك الخير و الهناء واله رانا كامل لاباس و الحمد لله
لبنات خرجو درك قدام الباب يلعبو مع بنات الجيران رغم البرد لكنهم أصرو يخرجو فخليتهم
نقولك الصح عجبني تصرف زوجك ربي يحميهولك و ربي يطيب عشرتكم
و ما ضنيتش كان بعد هاد الهدرة راح تأذي المعلمة وليدك
و بالنسبة للابيس فبالكونطرا راح يرجعولكم النيميرو تاعكم أما الميموار فعوضكم على ربي
المهم الآن في وليدك لازم ما تخليش هاد الواقعة تفوت دون دروس
و أنا جاتني أولا تشكريه لأنه كل من في المدرسة معجبين به ماشاء الله لا قوة إلا بالله و توعديه بأنك تعوضيه على صور الرحلة كيما قاتلك مينا
و ما تنسايش تحذريه من صحبة السوء و قوليلو شوف وين وصلوك ... و غير بالشوية عليه و حاولي تنسيه في الي جرى قلو المهم يتوله بقرايتو و هاد هو المطلوب منه و فقط
عموما نخلي الكلمة لفطيمة راح توفي و تكفي

[~ حراير ~]

أختي فطيمة راني شاركت معاك في كوضوعك على أوقات الفراغ و أرجو أن تجاوبيني

[Minnnaaa]

يا فطيمة راها الحريرة بردت وانا نقارع فالكونيكسيون تجي
بصح ما عليش نزيد نقارع على خاطر البشارية الغالية
في قدرة ولا سوبرية ولا كوكوت قطعي البصل على4+طراف لحم+كمشة حمص منفخ+طوماطيس مرابية(مطحونة)+2حبات زرودية وحبة لفت+حبة باطاطا+شوية قصبر (نبغي نخليه للتالي باش تجي بنته وريحته شابين) +ملح +حرور +شوية سكنجبير وشوية كروية(وتاني هوما نزيدهم مع التالي)+مغرف نتاع ماكلة زيت+نص كاس ما ونقليهم يعني يتجمرو مليح حتى يدبال البصل نزيد الما ونخلي اللحم يطيب
مين تشوفي اللحم طاب اقلعيه وصفي المرقة وردي فيها اللحم والحمص(يلا بغيتيتيه حب ويلاما بغيتيتيش اطحنيه) واطحني الخضرة وزيديها للمرق وزيدي الطوماطيس مصبرة والقصبر والكروية والسكنجبير وكي تبدا تغلي ارمي الفارميسال(غير كمشة)(انا نبغيها هاكا بالفارميسال وكاين اللي يديرو التشيشة)
ومبعد خلطي في غرفية شوية فارينةمع الما وقطرة خل وزيديها للشوربة نتاعك توليلك حريرة
وتاكليها بالصحة
بصح ديري فيبالك هادي ماراهيش نتاع العبابسة هادي راها نتاعي مانيش عارفة يلا تاع وهارنة ولا تلمسانين؟
وصيامك فالجنة حبيبتي

[وفاء سعاد]

مساء الخير عليكم راكم دورتوها حكايات وانا لاخبر راني كي طليت لقيت 4صفحات فاتوني انا من الصباح مع الدنيا بدلت الديكور باش تتنحالي القلقة انتاع الامتحانات راني كى يجيو الامتحانات نهبل حتى نرقى نفسي والاولاد يتمنع عليهم كلشى الاكل نجيبهولهم لحتى لعندهم وانا التليفون وننساه بصح انتوما والله ماقدرت ننساكم وليتو ادروgاطلبو ربي يعقبو على خير جرس الاندار راهو بقط في داري

[نافلة]

المشاركة الأصلية كتبت بواسطة اريج المسك

والله يا فطيمة كون تشوفي راني قريت الحيلة اليوم كي كانو لبنات في المدرسة رحت زرت والدتي و معاها خاوتي و زوجاتهم
باش هاد النهارين نريحو مع لقراية
و لكن قوليلي و والله غير راح ناخذ برايك نقعدو نستغلو الوقت في المراجعة أو نديهم حتى الصباح لدار جدهم "والدتي" يزوروهم؟؟؟
راهو خاطري مايل للمراجعة و انت وش تقولي
خاصة و أني نعطيهم وقت للراحة بين المراجعة

راني صليت العصر و جيت ربي يقبل منا ومنكم امين
*****
اختي ليلى انا من رايي غدوة الجمعة انشاء الله اديهم لدار جدهم و خلي حتى ليوم السبت المراجعة ما تنسايش حبيبتي راهم خارجين من فرو ض وزيد الاختبارات غير بشوية عليهم و تقريبا المراجعة نتاع الاختبار ما تكونش مكثفة كيما في الفروض لان الفترة لي بين الفروض و الاختبارات ما شي بزاف
ان شاء الله نكون افدتك
****
(ربي ينجحهن و يوفقهن و يسهل عليهن يارب و يجو الاوئل انشاء الله)
(ربي اشرح ل سلسبيل و افنان و اريج صدرهن و يسر امرهن)
امين امين امين يا رب العالمين

[~ حراير ~]

ربي يقبل منا و منكم
سعاد بالشوية على روحك حبيبتي سايسي روحك راني نحسك الي تنوضيلها تنوضيلها بحرارة غير بالشوية و كثري من الإستغفار و ديري بنصيحة فطيمة الي عطاتهالي على فترة الإمتحانات
فطيمة خلاص حبوبة غدوة نديهم لدار اما يبدلو الجو مع بنات خوالهم ... و بالمناسبة راهو غدوة خميس
قولولي رايحين تنتخبو و إلا لا ؟؟؟ أنا راني بين و بين
جاوبوني
درك راني رايحة دالة لبنات للعب
و راني نولي في الليل نقرا وش رديتو عليا
السلام عليكم و رحمة الله تعالى و بصحتكم االفطور و العشاء

[وفاء سعاد]

المشاركة الأصلية كتبت بواسطة اريج المسك

ربي يقبل منا و منكم
سعاد بالشوية على روحك حبيبتي سايسي روحك راني نحسك الي تنوضيلها تنوضيلها بحرارة غير بالشوية و كثري من الإستغفار و ديري بنصيحة فطيمة الي عطاتهالي على فترة الإمتحانات
فطيمة خلاص حبوبة غدوة نديهم لدار اما يبدلو الجو مع بنات خوالهم ... و بالمناسبة راهو غدوة خميس
قولولي رايحين تنتخبو و إلا لا ؟؟؟ أنا راني بين و بين
جاوبوني
درك راني رايحة دالة لبنات للعب
و راني نولي في الليل نقرا وش رديتو عليا
السلام عليكم و رحمة الله تعالى و بصحتكم االفطور و العشاء

تعيشى اختي اريج راني نحاول ندير بنصيحتك ونصيحة اختي فاطيمة ونستغفر شوية وربي يجوزهم على خير

[نبض الفؤاد]

المشاركة الأصلية كتبت بواسطة bant khlil

السلام عليكم راني حاصلة شكون تعرف اليغوسات تاع التليتلي لي دارتهالنا الاخت اريج نديرو الطماطم ولالالاوالفلفل الاحمر

سلام بنت خليل التليتلي من الاحسن مرقتها بيضا بعود القرفة

[oummalak]

[quote=وفاء سعاد;12280653]اسعد الله صباحكم ربي يجازيك اختي ليلى راني قريت الادكار وراءصلاة الفجر بصح كي شفتك حطيتي هادو راني عاودت قريتهم ربي يحفضك وياام ملاك معليكش شوية الالم تنحالك[/quote
شكرا حبيبتي وفاء راني خير ملي كنت الحمد لله على كل حال رانى مع الكوزينة غدوة ان شاء الله نكملها راهي تفرح وزيد رانى مع الصيام ربي يتقبل منا كاملين

[oummalak]

ربي يرحم خالك حبيبتى سندس ويدخله فسيح جنانه انشاء الله
ويرجعك لينا سالمة غانمة

[نبض الفؤاد]

المشاركة الأصلية كتبت بواسطة سمراء الدنيا

مساء الخير فطيمة
ما حبنيش الراجل نروح قالك الادارة تحقر النسا
و راه راح هو و ضرك نعيطلو في التليفون و نشوف واش صرا

قوليلي ما شفتيش ليلى ليوم لا هي لا مينا

ما تقلقيش روحك سمراء وما تحمليش القضية اكثر منها ان شالله تسمحلو برك خاطر اداريا المفروض ما يرجعوش البورتابل
من جهة الاستاذة عندها الحق تغضب على خاطر راكي تشوفي في الفايسبوك كيفاه يقصرو على الاساتذة حتى ولدك بريء بصح هاذي فترة المراهقة يورو رواحهم شوية ابطال ايمالا اعملو كلي تودرت لا كارت ولابيس وقولو يعتبر ويتهلى في دروسه انا ولدي راه سنة اولى جامعي مع انه عاقل ما جا يجوز هذيك المرحلة الثانوية بالذراع

[sarra5]

مساؤ الخير

واش راكم يا لزينات و يالفحلات

غدوا نهار عطلة للجميع

رايحين تروحو تنتخبوا ولا ماها

ماها باللهجة السكيكدية يعني لا

هههه باه نعلمكم شويا

[نبض الفؤاد]

مساء الخير حبيبتي

نونو

[oummalak]

يصبحكم بالخير والربح وخبز لقمح مع الزيت الزيتون
والي صايمة ربي يتقبل منها

[ام سلمة الجزائرية]

جزاااااااااااااااااااااك الله خيرا وربي ييسر شؤووووووووووووووووونك
شكرا على الافكار الطيبة