الى ام اسيد1 وكل وحدة حاصلة واش الطيب - الصفحة 48

hanane09 · 2014-10-24, 15:32

ام حمزة ننتضر الشخشوخة تاعك

وخاصة المعارك احنا نقول الفطير ننتضر منك الطريقة بعدما ما تنهي صولحك ربي يعينك اصبري يا ام حمزة ان شائ الله يصىب ولدك الخدمة لا تتوقفي من الدعاء ان شاء الله

آنثى آلمطر · 2014-10-24, 16:51

جمعة مباركه

أمنية غفران · 2014-10-24, 17:59

أهلا بالجميع جمعة مباركة
أختي أم حمزة تاغليتلي هو نوع من المعجنات كيما سباقيتي و مقرونة هاوليك شوفي موضوعي باش تتعرفي عليه أكثر

https://im66.gulfup.com/Un7OnV.jpg

https://www.djelfa.info/vb/showthread.php?t=1693262

أمنية غفران · 2014-10-24, 17:59

حتى أنا العشاء الليلة شخشوخة راني وجدتها الصباح

.................................................. .............................

فطورنا اليوم درت شطيطحة دجاج

ام حمزة22 · 2014-10-24, 21:41

سلام واش راكم ان شاء الله تكونو بخير

ام هاديل الحمد الله كيراكي بخير

لبنات سامحوني ما قدرتش نحط طبق اليوم صورت المراحل بصح ما كانش عندي وقت ندخل ونحمل الصور
والشخشوخة ما طيبتهاش اليوم ما دخلتش بكري للبيت راني بادن الله فالغد نطيبها ونصورها بصح ما ندخلش للهنتدى عندي عرضة وليد خالي عرضني
بعد غد ان شاء الله نرسللكم الصور برك ما تتقلقوش الا ما شفتونيش حاضرة
تحياتي للجميع

hanane09 · 2014-10-24, 21:51

روحي ا نحي على خاطرك شوية كتجي حطينا الصور راني نسنى

ام حمزة22 · 2014-10-24, 22:13

شكرا ليك حبيبتي حنان

روح مراد · 2014-10-25, 08:53

السلام عليكم واش راكم يا الشاطرات
كل عام و انتموما بخير تعيشو في حيات عايلتكم إن شاء الله في الصحة و الهنا كل عام و أنتن متألقات
بصحتكم البغرير و يعطيك الصحة عزيزتي اللي خمت فيا و هداتهولي و انتوما القافزات طرت بيه هاهاهاهاها بصحتكم
و الله راني بزاف محضوضة 5 عائلات على مرة وحجة ربي رزقني من أبوابه الواسعة.
يعطيكم الصحة ربي يفتح عليكم كامل و كل واحدة يرزقها راني نحس أني راني في عايلتي الثانية في هاذ المنتدى
راني نتمنى يكون عندي وقت و نشارك بالوصفات و الصور خاصة

روح مراد · 2014-10-25, 09:00

أخواتي العزيزات بما أنكن ديما موجودات في المنتدى راني حابة نفتحو كاش موضوع مهم للنقاش نقدمو فيه الأفكار و النصائح لبعضانا
المشكل راهو واش هو هاذا الموضوع المهم اللي يقدر يفيدنا كامل عاونوني

hanane09 · 2014-10-25, 15:55

السلام عليكم ورحمة الله وبركاته
شكرا لك ياروح مراد كل عام وانتم بخير
انا تاني كنجي المنتدى معكم نحس عائلتي التاني وخاصة احنا الماكثات بالبيت قرينا وقعدنا في الدار
انا كن ماجاش المنتدى ماعلابالي والو مع الدار والاولاد

راني نةعلم من المنتدى
فما يخص الفكرة ونفكرو كاش حاجة

ام ادم11 · 2014-10-25, 20:57

مساء الخير
كل عام و انتم بخير و خاصة الاخت ام حمزة لي فتحتنا هرا الموضوع انا تاني والله نحس هدا المنتدى عايلتي التانية و انتما حباباتي

hanane09 · 2014-10-26, 06:29

صباحكم بالخير يااخواتي

ام حمزة22 · 2014-10-26, 06:33

صباح الخير حنان واش حوالك

ام حمزة22 · 2014-10-26, 06:37

ام آدم عام سعيد يعطيك الصحة على الكلام المعسول
ربي يقدرني على ادخال السعادة ولو لبعض من الناس راكي فرحتيني بكلامك حبيبتي
ربي يعطيلكم الربح والسعادة والصحة يارب

ام حمزة22 · 2014-10-26, 06:43

اليوم جا في بالي نعجن شهاتني كرونو بالخبز لي حاطلتو
اليوم لي شريت فيه الكوشة كنت كل يوم نعجن نشري شكارة نتاع فرينة نتاع 50 كغ نتخلاص قبل شهر
لاكن هاد اليمات بديت نتفنين خاصتا فالسخانة وليت ما نحملش بزاف بادن الله نعاود النشاط في الشتاء

حنان اليوم صبحتي شاطرة الله يبارك
عندك ولادك يدرسو ولا مازالهم صغار؟