الجزء 167 من واش طيبتي اليوم ... ديما ساكنين في لاكويزين

[انا هي رزيقة]

نهارك سعيد اختي ام عبيدة نورتينا بطلتك حبيبتي

[انا هي رزيقة]

انا اليوم جبتلكم مادلين درتهم البارح جات تقهوت عندي اختي ام حسام وولادها ياخي منيستوهاش ....خخخخ معمرتش لي كيسات مليح علابيها مخرجوليش مبمبطبطين كيما نحب بصح ولاد اختي عجبوهم يؤبوشوني يموتو على كل حاجة طيبها خالتهم ....خخخخخخخ ربي يحفظهم و يحفظ كل اولاد المسلمين يا رب

[انا هي رزيقة]

يا لهوي على بنات الجلفة ..دوك تخليوني هكذا نحكي مع روحي .....خخخخخخ ايا لبنات اخزيو الشيطان وو علقولي على المادلان تاعي و الله عييت باه صورت و عدلت و تيليشارجيت ب60 كشفة على قول ليزا العسل ..... وين راكي يا ليزاتي ..حطيلنا جرنانك الجميل ....خافو ربي فيا يا لبنات و ادخلو فرحوني شوةي بتعليقاتكم الزينة ...خخخ

[انا هي رزيقة]

وهذي كوكا ام وليد درتها ثاني البارح ربي يباركلك في كل عزيز عليك يا ام وليد و الله اشهد انك مرا و نص و 25 ما شاء الله عليك . يا لهوي تفكرت ام رحاب الغالية وين راكي يا لحنينة ان شاء الله تكوين بالف خير

[أم لجين هيثم]

المشاركة الأصلية كتبت بواسطة انا هي رزيقة

[size=5]انا اليوم جبتلكم مادلين درتهم البارح جات تقهوت عندي اختي ام حسام وولادها ياخي منيستوهاش ....خخخخ معمرتش لي كيسات مليح علابيها مخرجوليش مبمبطبطين كيما نحب بصح ولاد اختي عجبوهم يؤبوشوني يموتو على كل حاجة طيبها خالتهم ....خخخخخخخ ربي يحفظهم و يحفظ كل اولاد المسلمين يا رب [l/size]

مساء الخير على احلى مادلان هايل رزيقة صور رايحة تنطق 444444 يعطيك الصحة وبصحتها ام حسام والاولاد ربي يحفظهم
راهو تفنيين قتلني مراني ندير والو متزعفوش مني مرانيش نحط وبصح نشارك باطباقي وحلوياتي تاع الايام الماضية

[أم لجين هيثم]

المشاركة الأصلية كتبت بواسطة انا هي رزيقة

وهذي كوكا ام وليد درتها ثاني البارح ربي يباركلك في كل عزيز عليك يا ام وليد و الله اشهد انك مرا و نص و 25 ما شاء الله عليك . يا لهوي تفكرت ام رحاب الغالية وين راكي يا لحنينة ان شاء الله تكوين بالف خير

رزيقة هكذا منتفهموش من المادلان لي هبلني زدتي عليا بالكوكا خرجتلك رووووووعة قوليلي درتيها بلابات فيتي ولا الطريقة تاعها لخرى لدير الزبدة في العجينة

[RIMA.87]

المشاركة الأصلية كتبت بواسطة انا هي رزيقة

انا اليوم جبتلكم مادلين درتهم البارح جات تقهوت عندي اختي ام حسام وولادها ياخي منيستوهاش ....خخخخ معمرتش لي كيسات مليح علابيها مخرجوليش مبمبطبطين كيما نحب بصح ولاد اختي عجبوهم يؤبوشوني يموتو على كل حاجة طيبها خالتهم ....خخخخخخخ ربي يحفظهم و يحفظ كل اولاد المسلمين يا رب

بصحتكم اختي رزيقة انت و اختك و اولادها ،كيف ننساو ام حسام و هي لي اطباقها مزهيين الكوزينة كل مرة تحطيهم يشهو ما شاء الله عليكم ربي يحفظكم لبعض و لاهلكم و ديم اخوتكم و محبتكم،
المادلين رووووووعة يعجبني راهو باين خفيف اممممم مع القهوة نتاع العشية توووووب

المشاركة الأصلية كتبت بواسطة انا هي رزيقة

وهذي كوكا ام وليد درتها ثاني البارح ربي يباركلك في كل عزيز عليك يا ام وليد و الله اشهد انك مرا و نص و 25 ما شاء الله عليك . يا لهوي تفكرت ام رحاب الغالية وين راكي يا لحنينة ان شاء الله تكوين بالف خير

بسم اللّٰه ما شاء الله بصحتكم و ربي يبارك فيك و في ام وليد.
ممكن الوصفة ???

[ام عبدو و ملاك]

اهلا لبنات مسكوتة تاع الزربة سخفت على حاجة حلوة درتها ليه ليه بصح البنة تهبل

[صدق العطاء]

المشاركة الأصلية كتبت بواسطة ام عبدو و ملاك

اهلا لبنات مسكوتة تاع الزربة سخفت على حاجة حلوة درتها ليه ليه بصح البنة تهبل

الله يبارك تبان تشهي اعطيني وصفة الكريم اللي درتها الداخل

[ام عبدو و ملاك]

المشاركة الأصلية كتبت بواسطة ماريا2

الله يبارك تبان تشهي اعطيني وصفة الكريم اللي درتها الداخل

ربي يعيشك اختي الداخل درت طبقة رقيقة كريمة الليمون ودرت طبقة كريم شونتيي وقطعت بنان دوائر

[أم سدرة]

مساء الخير دخلت على خيرات زقزوقة المتألقة دائما وابدا يعطيك الصحة
على السلامة أم عبدو واش راكي هادي غيبة وبصحتك المسكوتة
البقية يعطيكم الصحة كااااامل

[melissat]

سلامووووو طبوزاتي كيراكم غاية
اليوم دارت أختي الكعك اممممممم وانا البارح درت بيتزا أم وليد خرجت روعة والله ماشبعوها ...حطيتها لخويا ومرتو وبناتو انخلعوا فيها على فكرة اول مرة تخرجلي خير من تع البيزيريا الله يعطيك ويمنيك يا ام وليد
ايييه حقا راني رايحة غدوة انشاء الله للبحر نقعدو يامات ..ماتنساوينيش كيما مداري لازم تتفكروني ولا نزعف صح هد المرة:d:d

دخلت ديراكت لقيت الحبيبة زيكا مغرقتنا بطياباتها الله الله

المشاركة الأصلية كتبت بواسطة انا هي رزيقة

انا اليوم جبتلكم مادلين درتهم البارح جات تقهوت عندي اختي ام حسام وولادها ياخي منيستوهاش ....خخخخ معمرتش لي كيسات مليح علابيها مخرجوليش مبمبطبطين كيما نحب بصح ولاد اختي عجبوهم يؤبوشوني يموتو على كل حاجة طيبها خالتهم ....خخخخخخخ ربي يحفظهم و يحفظ كل اولاد المسلمين يا رب

المشاركة الأصلية كتبت بواسطة انا هي رزيقة

وهذي كوكا ام وليد درتها ثاني البارح ربي يباركلك في كل عزيز عليك يا ام وليد و الله اشهد انك مرا و نص و 25 ما شاء الله عليك . يا لهوي تفكرت ام رحاب الغالية وين راكي يا لحنينة ان شاء الله تكوين بالف خير

رزيقة زيكا الحلوة ماشاء الله عليك تدي دعوة خير من الأطفال يا سعدو الي يفرحهم
والكوكا اممممممم راني ديت حقي

المشاركة الأصلية كتبت بواسطة ام عبدو و ملاك

اهلا لبنات مسكوتة تاع الزربة سخفت على حاجة حلوة درتها ليه ليه بصح البنة تهبل

بصحتك المسكوتشو رديتيه تارت

المشاركة الأصلية كتبت بواسطة أم سدرة

مساء الخير دخلت على خيرات زقزوقة المتألقة دائما وابدا يعطيك الصحة
على السلامة أم عبدو واش راكي هادي غيبة وبصحتك المسكوتة
البقية يعطيكم الصحة كااااامل

صح عشاك حبيبة هذيك الحاجة راهي تعيطلي قلتلي رواحي كوليني

بلا ماننسى حبيبتي أم إيمان يمن على تطبيقها الأكثر من الرائع لكيكة الغالية زيكا والله بدون مجاملة خرجت تارت ولا احلى ولا أروع شهيتوني فيها كش نهار نفاجاكم بيها



أيا تهلاو في أرواحكم وفالكوزينة اوكييي قبلاتي للجميع اموووووووووووااااااااااااح

[ملاك ملاكي]

المشاركة الأصلية كتبت بواسطة ام عبدو و ملاك

ربي يعيشك اختي الداخل درت طبقة رقيقة كريمة الليمون ودرت طبقة كريم شونتيي وقطعت بنان دوائر

ياااااااي يا عمري على الحنينة الطيوبة الغااااالية والله والله والله ربي عاااالم بمعزتك وقدرك عندي حبيبتي وكالعادة صاحبة فضل كبيييييير عليا خاصة في بداية مشواري معكم في المنتدى هاهاها كنت سندي واستاذتي وقدوتي الله يباااااارك فيك والله يعطيك ويمنيك والله يرفع من شانك ويعلي قدرك ويفرح بوليداتك يااااا الغالية
والله جيييبست شفت توقيعك لحمي سوك سبحاااان الله من قوة رزانتك وحنانتك وصاحبة قدر عبرتي عن فرحتك وتهنئتك لي تكون على شكل توقيع سبحان الله والله جااااااست ماننسهالك طووووول العمر وان شاء الله نردهالك في احلى نناسباتك وافراحك باولارك ياااارب
مووووول الخييييييير دواااه الخيييير وانت هكذا دوما الله يبااااارك فيك وعليك في ميزان حساناتك ان شاء الله كل شئ متك دليييييل على نيتك وصدقك الصافيين ماشاء الله عليك حبيبتي الغاااالية من قوة فرحتي ودهشتي مالقيييييت مانقول ربي يعطيك ويمنيك حنونتي

[lyzzabel]

السلااام عليكم و رحمة الله ،، صباحكن سعيد و نهاركن طيب حبيباتي كي راكم لاباس

بصحتكم قاع الاطاايب لي راكم تحطو فيها و ربي يباركلكم في ارزاقكم و صحتكم غاليااتي كلشي يسخف و راني نشوف بلي الجينواز تاع زقزوقتي راهي داية السيوكي باينة بلي ممممم و مممممممم تسلم اياديكم و تسلمي زقزوقتنا الحلوة

ملاااك الف مبروووك مسبقاا حبيبتي ربي يكمل بالخير و يسعدك و يهنيك في دارك شفتك بلي عرضتينا قااع ،، انا نجي راني مضايقة دازمااااان ما عرستش خخخخ بصح ماكان لا طابلية لا والو لا رفدت روحي راني مليحة هههه ،، ربي يعاونكم حنوووونة

مريومتي بصحتكم العطلة نورتو الغرب الجزائري و الف مبرووووك الخطبة تستاهلي كل خير يا الحبيبة ربي يكملك بالخير و يفرحك و العقوبا لقاع لي مازالو يااااارب

حيوتة ترجعي بالف خير خليتي بلاصتك خاوية و مبروك على اختك ربي يجعله سعد الهنا ياارب

ام سدرة و ميليسات و ام عبدو ة زقزوقتي و ريما و ام لجين و قااااع لي دخلو للكوزينة و زهاوها يعطيكم الصحة و مزييييداا من التألق غوااالييي

انا ما راني نصور واااالووووو راني لاهية غي في روحي و زيد الأولاد مهبليني ربي يحفظهم ياا رب ،، و عندي العملية القيصرية في 16 سبتمبر بإذن الله دعوااتكم حبيباتي مع العلم اني اول مرة غادي نزيد بالقيصرية و الحمد لله على كل حال

اتهلاو في رواحكم و شكراااا لكل وحدة سقسات عليا ربي يحفظكم و يعطيكم ما تتمناو ،، مع الف سلااامة و إلى الملتقى حبيباتي الغاليااااات


لا إله إلا الله وحده لا شريك له له الملك وله الحمد وهو على كل شيء قدير

[houda 26]

السلام عليكم ورحمة الله
لبنات كامل نتمنى تكونو لاباس
والاخت ليزابال ربي يكون في عونك
اختي العزيزة انا هي رزيقة تعيشي بغيت الوصفة نتاع لابيري بصوص الزيتون راكي حطيطيها هنا بغيت نديرها للغدا تعيشي