الجزء الثالث من وصفات حراير واش طيبتي اليوم

[idron0]

مقرونة بصوص بيضاء بالفيونداشي ملاك ملاكي

في كوكوط نحط شوي زيت.....ونكون قطعت راس بصل كبير معبات صغييييرة و سنينات ثوم ونقلي شوي تم نضيف لافيونداشي وعصرة قارص ونخليه يتقلى تم نضيف فلفل حار مقطع مكعبات صغييييرة تم نضيف التوابل انا عن نفسي نستعمل كسبر فلفل اسود ملح.......وكمية معتبرة من الزيتون الاخضر مغلي من قبل ومقطع وكذلك كمية معتبرة من الدبشة مقطعة رقييييييقة ممكن تستغناي عليها تجيك بيزاااااار انه معجنات بالدبشة هاهاهاها ماعليش انا عن نفسي الصوص البيضاء نستعمل فيها.......خليهم يتقلاو ملييييييح حتى يذبالو تم امرقي بكمية صغيرة كاس مثلا ماء ساخن وخليهم يتقلاو ملييييييح وكل مرة امرقي وفي الخير امرقي بكمية وفييييرة ماء سخون دايما......تم ضيفي كمية المقارونة نتاعك مع التحرك.....وكي تغلي اقفلي الكوكوط نتاعك مدة 20_25د
بعد ماتحلي عليها ضيفيليها فرماج مكعبات وكذلك فرماج رابيي وتقدري تضيفي واحدة تون زيت
ملاحظة: ممكن استبدال لافيونداشي بسكالوب قطع صغييييرة وماتنسايس جومبو تجي هاااايلة كذلك.

[idron0]

خبز الدار بالسميد و الفرينة توبة

[idron0]

كيكة النشاء ام وليد



إضغط هنا لرؤية الصورة بحجمها الطبيعي.

[idron0]

التليتلي صفحة بيضاء

هو مرق عادي احمر مع حميصات طيبتو هاذي المرة بلحم البقر وفورت التليتلي باضافة الزيت
وكل تفويرة نرشو بالماءىونرجعو يفور التفويرة الرابعة نديرلو زيت وملح نصفي لاصوص ونجمرو عادي ونزوقو بالخضر لي عندي انا كنت طيبت معاه حبات جزر وغليت البطاطا بجيه وقليتها حبات كاملين وقليت فلفل وحتى اللحم قليتو وممطن اضافة بيض مغلي انا مدرتش امس هذا مكان.

[idron0]

بوتي فور ام رحاب

كيلة زبدة وكيلة سكر قلاص اتخلطيهم في الباتور حتان ايولو كريمة واتزيدي بيضة واتحطي الفانيليا واتخلطيهم وقرصة ملح واتحطي كيلة فرينة واتخلطيها مليح حتان تدخل في الزبدة واتزيدي الكيلة الزاوجة اتحطي فيها مغرفة صغيرة خمارة واتخلطيها مليح واتزيدي الثالثة واتخلطيها وكي تتخلط مليح ديريها في لابوش واتشكليها كيما حبيتي ا والزبدة في الكيلة اداتلها 250غ تاع زبدة والكيلة الي اتكيلي بيها الزبدة اتكيلي بيها كلش .




إضغط هنا لرؤية الصورة بحجمها الطبيعي.

[idron0]

تحلية ملكية ninafret

[idron0]

موسكوتشو بالياؤوت و الليمون oum ibrahim

[idron0]

القرانطيطة ام رحاب

ديري قرانطيطة تاع 500 غ غربيليها في الرقيق نحيلها الي يقعد مع الاخير الخشين ارميه ديري في طبسي كبير القرانطيطة وديريلها 2 ليترات ماء وخلطيها مليح مع ملح وخليها في الفريجيدار ليلة كاملة غدوة كي اتعودي رايحة ادخليها للكوشة حطيلها 2 حبات بيض وفنجال زيت وكمون وخلطيها مليح وفي السنيوة تاعك حطيالزيت وحطي القرانطيطة تاعك حطيها اطيب من تحت 15 دقيقة امبعد سنيوتك حطيها من تحت وشعليلها من الفوق حتان تحمار باه ماجيكش يابسة واجيك خفيفة وبصحتك مسبقا.
لاصوص الي مع القرانطيطة انا برك انزيدها زيادة بصح الي يدوقها تعجبو راكي عارفة القرانطيطة تقيلو وكي اطيبي لاصوص معاها اتخليها خفيفة وبنينة القرانطيطة
لاصوص تنقي 3 سنات ثوم مع مغرفة كبيرة طماطك وزيت واتخليهم يتقلاو مليح وتمرقي شوية ماء وديري شوية ملح وفلفل اكحل وكمون واتخليهم يعقدو واتحطيها مع القرانطيطة اجيك تحفة
ويلا حبيتي اتزيدي في البنة طيبي المرقاز زنحيه من الشحم تاعو ايولي كياللحم واديريه مع لاصوص ايطيب والله غير تحفة .

[idron0]

قراتان شوفلور ام رحاب

اتغلي الشيفلور ب 2 ورقات رندواتحطي الملح ومص حبة قارص وكي ايطيب نحيه خليه يبرد مليح امبعد وجدي 2 حباتبيض ونص كاس حليب وملح وفلفل اكحل وشوية موتارد وديري الفارينة حتان تعقد ماشي تيبسيها ةديري زهرات الشيفلور في لاصوص ةقليهم
امبعد اقليالبطاطا وحطي في السنيوة تاعك البطاطا والزهرات الي قليتيهم ووجدي حبيتيلاصوص بيشامال حبيتي صوص الفورماج
صوص الفورماج حطي في ريتلا تاعالحليب 1 تاع شاف وديري 2 مغارف نشا وحركي ختان تولي عاقدة وطبعا فلفل اكحل وشوية جوز ت الطيب وملح وكي اتعقد حطيها من الفوق وزيدي فورماج غابي .

[idron0]

الشاربات fadila34

فيها لتر ونص ماء وعصير زوج حبات قارص ومغرفة ونص اسيد سيتريك مغرفة القهوة وزوج مفارف عطر الليميون السكر حسب الذوق نصف فنجال حليب ونصف فنجال ماء زهر وزدت قطرة ملون وقطعت حبة قارص وحطيتها معها .

[idron0]

فطيرة البطاطا نوال عيسى

للعجين
4 كيسان فرينة * كاس يهز 240مل*
ملعقة سكر
ملح حسب الحاجة
ملعقة كبيرة خميرة الخيز
1/2 كاش زيت
وحليب دافي
نخلط المواد الجافة من بعد نزيد الزيت وندخلو ملييييح في الفرينة .. ومن بعد نلمو بالحليب الدافي حتى نتحصل على عجينة طرية .. بلاما تعجنيه لميها مليح برك واقسميها على 4 وخليها تخمر بعدما نغطيها
الحشو
4 حبات بطاطا نقيهم وقطعيهم وفوريهم لما يطيبو هرسيهم مليح بالفرشيطة زيدي عليها 3 ملاعق زيت زيتون انا درت زيت عادي اذا تحبي زيدي شوية هريسة وشوية زيتون مقطع .. زيدي عليها بصلة صغيرة مقطعة في الوصفة البصل ني لكن انا طيبتو في شوية زيت مع ملح وشوية فلفل ونزيد كسبر ومعدنوس مقطعين رقاق نخلط كل شي وذوقيها على الملح والتوابل لي تحبيهم زيديهم
نحتاج كاشير مقطع رقيق او دجاج طايب ومفتت او فيونداشي طيبيه مع شوية بصل وملح وفلفل اسود كيما تقدري تستغناي عليهم تماما
بيض مغلي ومسكرفج
بعدما تخمر العجينة نحكم اول جزء نحلو في السنيوية اللي كنت دهنتيها بالزيت افتحيها رقيقة لانو فيها الخميرة بعدما ترققيها حطي نصف كمية الخليط تع البطاطا مشيها على كامل العجينة ومن بعد ديري فوقها الدجاج او الكشير او الفيونداشي ومن بعد نقطع فوقها فرماج طري ونرش فوقو البيض المسكرفج.. ومن بعد نحل قرصة اخرى من العجين فوق بابيي بالزيت ومن بعد غطي على الحشو وحاولي تغلقي مليح في الجوانب وثقبيها بالفرشيطة من فوق من بعد ادهنيها بشوية حليب مخلط مع قهوة او حليب مع بودرة الحليب لك الاختيار وذرذري عليها الجلجلان والسانوج وحبة الحلاوة مباشرة الى فرن يكون سخوون كي تحمار من تحت شعليلها من فوق وكي طيب خليها تبرد شوية وقدميها
ملاحظة هذه المقادير تخدملك 2 فطيرات على هذا قلتلك ديري نصف البطاطا في الشرح ان شاء الله ما نكونش دوختك
وماكول الهنا.

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[ام ادم و اسيا]

جعلها الله في ميزان حسناتك

[idron0]

المقيرط البحر الصافي





إضغط هنا لرؤية الصورة بحجمها الطبيعي.


وهذا الفنجان لي كيلت بيه وانت كيلي باش حبيتي كان تحبي جربي كمية قليلة وشوفي



إضغط هنا لرؤية الصورة بحجمها الطبيعي.





إضغط هنا لرؤية الصورة بحجمها الطبيعي.

[idron0]

تبيخة الكرنب حياة نور الدين

[idron0]

البغرير ام هدول

الطريقة تع يما لعزيزة ..وتعلمت نخدم كيفها بميز عيني خاصة الاطباق التقليدية .على كل ...ندير السميد في القصعة الكمية لي موالفة تكفيني
ونحط الملح وشوة زيت عادي وشوية خميرة الخبز ماش بزاف ....ونبلها بالما دافي ..نخلها شوية ترتاح حوالي ساعة تقريبا ...ونرجع ليها بالعجن نعجن ونقطع ....ومن بعد نحط الما دافي ابالشوية ونقطع ...حتى تتحلل العجينة وترجع جارية ونكونو في الاثناءاضيفنا بيضة او بيضتين ...ونبعد نفرغها في اناءغامق تحبي تخليها في الثلاجة حتى لوقت الطهي ..او تبداي تطهي فيها مباشرة ..في الطاجين تع الطين طبعا ...وشهية طيبة تجي خفيفة وماتشبعش ...خاصة اداكانت الزبدة حرة ....(الطريقة تقلدية محضة لكن النتيجة رائعة ..) .

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.