كيفية السياقة بإحترافية

[Business.pro2100]

صحيح هذا العمل رائع .. بارك لله فيك .

[alidz50]

موضوع قيم بارك في من وضعه أوشارك فيه
نصيحتي كسائق مبتدئ لإخواني إياكم و الخضوع لضغوطات السائقين الآخرين و لاستفزازاتهم أو أبواق سياراتهم، احترم قاون المرور سُق بروية و ستكون على ما يرام.
شخصيا عشت تجربة مع المندس أثناء امتحات السايقة كي كنت نفوت في الكرينو في التقليعة كاليت السيارة خاطرش تبدلت عليا مشي هيا اللي كنا نتعلموا فيها المهم لم أتوتر أبدا عاودت شغلت السايرة بكل هدوء و المهندس راه يشوف ما قاليش قع نزل و كملت الكرينو تاعي دخلته بالمسطرة و ربحته..
الشاهد من هذه القصة أنو ما تتوترش سواء في الطريق و لا في الامتحان دير روحك في عالم وحدك و غادي تشوف باللي راك تسوق كيما يلزم.

[صلاح السفير]

نصيحتي اذا كانت السيارة لي لك تسوقها مرا خلي مسافة امان كبيرة ينك وبينها.ممكن في اي لحطة تفرمل فجاة و تخبط.اما اذا كانتنهم ي وراءك فتجنها يعني بدل فوا .في مفترق طرق خليها تمر هي الاولى.لاتهن يجيو مليار في المفترق.في الرومبوا.جامي تنظر للشخص لي علي يمينك اخزر بشق عين برك هههه.لانو لو نظرت ليه يدير حسابو بلي خليتو يعقب.و يقيسك.....ابتعد عن حافلات النقل الحضري في المدينة.لاننهم ميشوفو حتيناى واحد و يحقرك و يخلصلك سيارتك مره و يقلك كاين كستا .وهو مايصرالو والو.هذي تجربتي داخل مدينتي سطيف.و تتعلق تجربتي بتامين السيارة.مزالو كاين نزيدلكم ههههه.

[sofiane hadjela]

اقوم برفع المكبح اليدوي عند التوقف

[choayb1987]

شكرا على الموضوع

[dortmund]

تحصلت على رخصة السياقة -ب- . في 13 جانفي 2015 ... عندي حوالي 18 يوم فقط . يعني مازالني ازرق هههههههههه
.
الكود . أعدته مرة واحدة
الكرينو . تحصلت عليه في المرة الاولى
الكوندويت . تحصلت عليه في المرة الاولى ... و الحمدلله

مع أنني لم أكن انتظر أني سأحصل على رخصة السياقة في المرة الاولى لأنني كنت مازال ناقص .
.

و راني نسوق مين داك باش نحكم la main ....
.

و ربي ان شاء الله يسترنا و يبعد علينا الحوادث
.

المشكل اللي عندي أني دائما أنه مثلا لما نكون راح نمر بين زوج سيارات مثلا او سيارة و حائط . يظهر لي اني لا استطيع المرور بينهم لان المسافة صغيرة و اتوقف او نرالونتي . لكن في الحقيقة بعدها امر و بشكل عادي . و ايضا لما نحب ندوبلي ...الخ .

لا ادري هل هذا المشكل هو لما نكونوا مبتدئين ام لا

[حقوقي 1]

المشاركة الأصلية كتبت بواسطة dortmund

تحصلت على رخصة السياقة -ب- . في 13 جانفي 2015 ... عندي حوالي 18 يوم فقط . يعني مازالني ازرق :d هههههههههه
.
الكود . أعدته مرة واحدة
الكرينو . تحصلت عليه في المرة الاولى
الكوندويت . تحصلت عليه في المرة الاولى ... و الحمدلله

مع أنني لم أكن انتظر أني سأحصل على رخصة السياقة في المرة الاولى لأنني كنت مازال ناقص .
.

و راني نسوق مين داك باش نحكم la main ....
.

و ربي ان شاء الله يسترنا و يبعد علينا الحوادث
.

المشكل اللي عندي أني دائما أنه مثلا لما نكون راح نمر بين زوج سيارات مثلا او سيارة و حائط . يظهر لي اني لا استطيع المرور بينهم لان المسافة صغيرة و اتوقف او نرالونتي . لكن في الحقيقة بعدها امر و بشكل عادي . و ايضا لما نحب ندوبلي ...الخ .

لا ادري هل هذا المشكل هو لما نكونوا مبتدئين ام لا

مازال عندك خوف فقط راح تتعود وتولي تدوبلي بعينيك مغمضين

[osamavaich]

مشكوووور بارك الله فيك

[hakim 90]

merciiiiiiiiiiiiiiiiiiiiiiii

[مريم الصابرة]

السلام عليكم
اخي عبدو اهنئك بهذا الموضوع الرائع قرأت معظم ما هو موجود
انا لدي رخصة سياقة واسوق عندما اكون بخير
انا سقت سيارة زوج اختي وكل ما قرأته من نصائحك الآن وجدت انني الحمد لله اقوم بها ويمكن القول اسوق جيدا حسب من رأوني
لم ارتكب أي مخالفة ابدا ولا أي حادث الحمد لله لانني لا اسوق بشكل يومي بل مرة على مرة لما يكون الامر ضروري جدا واكون بخير
سؤالي اخي عبدو
رأيت سيارة صديقتي بعلبة اتوماتيكية وفيها حروف حرت يعني كيفاه تعرف تسوقها هي فهمتني ق شوي لكن ما فهمتش راك عارف والفنا نسوقو بلومبرياج والطريقة التقليدية لكن البوات اتوماتيك جاتني صعيبة
نتمنى تفهمني بالتدقيق وشكرا لك

[Ghost Warrior]

بارك الله فيك

[khfatima]

موضوع رائع شكرا لك
انا راني نفوت في البرمي اليوم ربحت الكود و مازال كرينو سيركيلاسيون
ما نعرفش نصوق ههههههههههههه راني حابة نشري سيارة صغيرة باه نتعلم فيها اذا كت ربي

[الشاب المريض]

الحمد لله جبت البيرمي بعد ما خسرت كوندويت 2 خطرات. مازال ما تعلمتش بزاف. السمانة لي فاتت أعطالي بابا نسوق لأول مرة كنت شويا ستريسي حتا دوزييم جيت نجوزها مقدرتش من قوة الخوف. بابا كان يعيط بزاف عليا. مي الحمد الله سقت ساعة راحلي شويا الخوف. عندي بروبليم ف ديماراج فالطلعة طونوبيل تولي ل اللور كي نجي نديماري و تكالي مينداك. و نقولكوم حاجا متضحكوش: كنت داير دوزييم و كنت نمشي ب 10 ف طابلو و أنا حسابتلي طونوبيل راهي تزرب نورمال. بابا قعد يعيط: أكسيريلي راك خنقت الموتور.ههههههه. نكسيليري شويا أومبعد نولي ل 10 و يزيد يعيط بابا. أومبعد قالي أخزر في طابلو و خلي المؤشر تاع السرعة في 30. درت هاكاك و الحمد لله وليت مانخافش نكسيليري. ان شاء الله لي راح يجوز البيرمي يديه . و نتعلموا بلعقل. أنا في عمري 24 سنة كنت نقول من المستحيل نتعلم نسوق برسكو جامي مدلي بابا نسوق قبل ما ندي البيرمي و كي كنت صغير. مي الحمد لله. راني نتعلم بشوية. و ان شاء الله نتعلموا مليح قوانين المرور و أجزاء السيارة و نسوقوا بهدوء في الطريق و نحترموا السرعة و منتجاوزوش السرعة المحددة و نحترموا الآخرين لي يسوقوا. هاكدا باش ما يكونوش حوادث مرور.نسيت حاجة:بابا دارلي إسم جديد. محب الحفر. ههههه. برسكو كي نكون نسوق في طريق مخسرة و ماشي مستوية. ما نعرفش كي فاش نيفيتي الحفر و نخير الجهة المليحة للسير.ان شاء الله نتعلموا بشوية

[أبو عبيده الغزاوي]

حسب رأيي و تجربتي المتواضعة في السياقة ...يجب تجنب السياقة في لحظة القلق و النرفزة بمعنى مثل لو تقلقت او تشاجرت مع اي كان في تلك اللحظة تجنب السياقة و حاول الاستغفار او صلاة ركعتين او الوضوء ....و بارك الله فيكم .

[djebaili]

شكرا على هذه النصائح القيمة