الجزء 96 من واش طيبتي ,,,,ابداع حراير الجلفة تفضلوا غالياتي - الصفحة 48

دائمة الحمد · 2014-11-07, 23:19

ادراريةعلى سلامتك عزيزتي عملي على ربي حنونة وربي يكون في عونك ويكملو ويهنيه

x ام رحاب x · 2014-11-07, 23:22

دائمة الحمد يتوحشك الخير حنونة واختي راهي في السبيطار مزال راهي يعالجو فيها على لاطونسيو والزيادة نهار الابعاء ايلا كانت بخير ان شاء الله تسلك هي والبيبي
ادرارية واش راكي وربي يسهلكم في العرس وماتخافيش ان شاء الله يفوت ساهل يارب

دائمة الحمد · 2014-11-07, 23:22

تعيشي عزيزتي ام رحاب وربي يكون في عونك ويسلك اختك على خير

أم ريمة* · 2014-11-07, 23:23

شكرا دائمة الحمد للرد لمحاجب نفس طريقتى لكن انا نجبدهم مثل الشخشوخة ونطبقهم شكرا على فكرة البيكاربونات نجربها ان شاء الله انتاع الرخساس ثانى يشهو يعطيك الصحة وجزاك الله خيرا
ام محمد شكرا لك ياالفحلة والله تفكرتك فالتيراميسو قلت لكان جات قريبة نبعثلها تلسح حتى تشبع بصحتك الطعام عند عجوزك
ام ياسين ارواحى تدى اللبن راه بزبدة انتاعو وبصحتك لعشا
ام ماجد يعطيك الصحة على لعشا كبيرة بصح خير من الصغارات ههههههه
خنان مممم البيتزا تشهى والقاطو باين يذوب فالفم ممممم
ومحاجب لهنة روعة يعطيك الصحة محترفة باتم معنى الكلمة
ام هوبة اللوبيا والمعجنات يشهو ممممممم
لبنات سقسيتكم على طاجين النمرة يكون مثل الكرة مخصص للشخشوخة ومعروف فى جيجل وقسنطينة وسكيكدة وميلة لبنات لى من هذا المناطق يعرفونا بيها باش مخدوم بالطين او بالحديد وكيفش يطيبو بيه وثمنو وياريت لو يحطو الصور ولكن جزيل الشكر

ادرارية · 2014-11-07, 23:24

شكرا لكم حبيباتي حنا عندنا العرس صعيب بزاف نعرضو غير 500 مراة والرجال تقريب 800

lahna moka · 2014-11-07, 23:25

أم رحاب غاليتي عينيك الشااابين فرحت كي عجبك مواااااااااح
دائمة الحمد يا الغالية بارك الله فيك على الوصفات المنتدى هبلني كنت حابة ننقلهم لوصفات الحراير
ادرارية مرحبا بحبيبتنا ليك وحشة و الف مبروك عرس خوك ربي يجعلو زواج الدهر يارب و يسهللكم و يكون في عونكم يا رب, ما تعييش روحك و الله ربي ما يضيّع غير حنا مخلوعين
ام ريمة انت الاروع حبيبتي
حبيباتي الحلوات تصبحو بخير و الى الويكاند الجاي باذن الله
أمانة اذا دخلو ام اناس الغالية و ليزابيل عسلايتي سلمو عليهم بزاااااااااااف بزااااااااااااف

ادرارية · 2014-11-07, 23:26

والقاطو باغية ندير اربعة انواع في ليبواط كل نوع 400 حبة واوزيد نخدم نتاع الدار للاكل في ايام العرس

x ام رحاب x · 2014-11-07, 23:27

ادرارية ربي يكون معاك ويقويك حبيبتي والله غير بزاف هادي تعرضو كامل ناس ادرار ربي يعاونكم كاملين ويقويكم
ام ماجد درت اليوم كروكي تاعك جاني هايل يعطيك الصحة

ادرارية · 2014-11-07, 23:28

لختي لهنا انا ماعنديش خواتاتي لبنات غير وحدة راه في فرنسا اوزيد العرس قبل العطلة يعني كلش يحصل فيا بصح كاين حباب ربي

أم ريمة* · 2014-11-07, 23:30

شكرا ام ريحاب وربى يشفى اختك وتفرح بملود سليم معافى ويقدرك على خدمتها امين
ادرارية ما تتخلعيش راه ربى يعطى القوة من عندو استعينى بالتسبيح ربى يسرلكم ويتمملكم الفرح ويقدركم عليه امين
دائمة الحمد رانى جربت الحلة وجات هايلة عجبتنى كل يوم نفطر بيها بارك الله فيك وربى يجعلها فى ميزان حسناتك

دائمة الحمد · 2014-11-07, 23:34

ادرارية شوفي شكون يعاونك ولو حتى بالدراهم سقدي عليك واتهني
حتى احنا عرس الراجل نعرضو الرجال ياسر
ام ريمة شوفي عندنا نسبتنا فرجيوية تحكيلنا عليه هي بروفسيونال في الشخشوخة
راهو تاع حديد ويجي مفبب كي المحقن هذاك لي نفرغو بيه الزيت والا حاجة في قرعة ترمي عليه الشخشوخة وتبدي تجبدى في الجناب تجي رقيقة تهبل
السومة والله قاتلي عليه ونسيت اذا قدرت نتصل بيها نسالك على السومة نتاعو فكرتيني فيه انا وحد الوقت حبيت نشريه ومن بعد المرض عافاكم الله ينسيك

دائمة الحمد · 2014-11-07, 23:35

ام ريمة بصحتك الحلة راهي تاع الزربة وبنينة وخفيفة
شكرا على الدعوات

x ام رحاب x · 2014-11-07, 23:37

ام ريمة ربي يخليك على الدعوة تسلمي حبيبتي
تصبحون على الف خير غدوة ايلا كان خفيف المنتدى انحدط صور تاعي

دائمة الحمد · 2014-11-07, 23:38

شوفي ام ريمة راهو يشبه لهذا بالصح اعلى منو

ادرارية · 2014-11-07, 23:39

دائمة الحمد واش راكي وكيراها الوالدة واسينات وبنتها بالنسبة لغسيل الاواني نجيبو ليغسل والطيباب نتاع الطعام كاين نساء طيبو انا ما رانيش نخمم في ايام العرس راني نخمم في التوجاد الله يعينا ان شاء الله كي نكمل القاطو نتهنى