~ ~ ~طلباتكم مجابة بإذن الله ~ ~ ~

[أم ياسين الزهراء]

المشاركة الأصلية كتبت بواسطة ام هزار

من فضلك ما هي كمية الشانتي ؟ مثلا 100غ........ و شكرا جزيلا

طبعا تكفي اختي

[ام هزار]

المشاركة الأصلية كتبت بواسطة أم ياسين الزهراء

طبعا تكفي اختي

ربي يستجيب لدعائك كيما راكي تردي على اسئلتنا ............. ااااامييييييين

[ام هزار]

راني رايحة نجرب العجينة المورقة لاول مرة و رايحة ان شاء الله نبدا بتاع ام رامي ربي يعطيها ما تتمنى
السؤال هو هل نطرحها رقيقة بزاف عند اعداد وصفة الكوكا ؟ و هل من نصائح عموما حولها و شكرااااااااااا

[saja safia]

صباح الخير يا زينات
جمعة مباركة وربي يعطيكم ماتتمنو كراكو تسلكو فينا من الوحلات

كن عمل خبز الدار في بلا الفور تجئ الطبقة التحت يابسة بزاف، مالغري نديرها في طرشونه مي تبقى يابسة لدرجة انو مايقدروش ياكلوها، وياريت تقول ولي البلا الكبير نتاع الكوشة انا ندير 2 اباطات نتاع طماطم كيلو واحدة سميد وواحدة فرينة شحال ندير لهم بالضبط خميرة

ربي يجازيكم كل خير

[أم ياسين الزهراء]

المشاركة الأصلية كتبت بواسطة saja safia

صباح الخير يا زينات
جمعة مباركة وربي يعطيكم ماتتمنو كراكو تسلكو فينا من الوحلات

كن عمل خبز الدار في بلا الفور تجئ الطبقة التحت يابسة بزاف، مالغري نديرها في طرشونه مي تبقى يابسة لدرجة انو مايقدروش ياكلوها، وياريت تقول ولي البلا الكبير نتاع الكوشة انا ندير 2 اباطات نتاع طماطم كيلو واحدة سميد وواحدة فرينة شحال ندير لهم بالضبط خميرة

ربي يجازيكم كل خير

تفضلي اختي ديريه وتشوفي النتيجة دعواتكم برك ودق نقيسلك السنيوة ونقلك الكيلة تاع الكسرونة

خبز الدار باللبن أم ياسين الزهراء

ديري 2 كيلا سميد مع 1كيلة فرينة وشوي زيت ماتكثريش باش مايتفتتش والملح السكر وخميرة الكسرة بلي باللبن المسخن مع الماء الزهر باش ينحي الريحة وخلي العجينة في الصاشي مدة ومنبعد ادا عندك البيترا لاني ندير بيه ابداي تعجني وزيدي اللبن المخلط مع ماء الزهر واعجنيه مليح وشربيه مليح ومنبعد كيتشوفيه تعجن مليح وسقيته مليح شوي جاري زيديلو طرف زبدة واعجني ومنبعد بياض البيضة وخميرة الحلوة وارميه على العجين واعجني وفرغي العجين الجاري على سنيوة تكون مدهونة بالزبدة لازم تمد طعمة مليحة وسطحيه بيدك راح يلصق بصح بلي شوي يديك وادهنيه بصفار البيضة مع شوي قهوة وسانوج وخليه يطلع وكيطلع طيبه في فور سخون وادا فورك مافيهش المروحة ديري كاسرونة تاع حديد طبعا فيها الماء راح تطلق البخار والخبز يجيك طري.

[ام مؤمن]

حبيباتي ربي يعينكم

من فضلكم حبيت نسقسيكم اللوز نتاع شباح الصفرة قبل ما نرحيه نحطو يتقلى في الفور او نبيتوا فوق ورق الجريدة فقط

[أم ياسين الزهراء]

المشاركة الأصلية كتبت بواسطة ام مؤمن

حبيباتي ربي يعينكم

من فضلكم حبيت نسقسيكم اللوز نتاع شباح الصفرة قبل ما نرحيه نحطو يتقلى في الفور او نبيتوا فوق ورق الجريدة فقط

ماتقليهش او ماتحمصيهش نشفيه برك وديري الشباح وزيدي فيها زاست تاع القارص يمدلها طعمة روعة

[عازفة الناي]

المشاركة الأصلية كتبت بواسطة ام هزار

راني رايحة نجرب العجينة المورقة لاول مرة و رايحة ان شاء الله نبدا بتاع ام رامي ربي يعطيها ما تتمنى
السؤال هو هل نطرحها رقيقة بزاف عند اعداد وصفة الكوكا ؟ و هل من نصائح عموما حولها و شكرااااااااااا

اختي ان شاء الله تجربيها و تنجحي فيها
تبعي الخطوات بهدوء
بين كل تور و تور ريحيها باه تتحل بسهولة
ماتحليهاش رقية بزاف عند وصفة الكوكا
واي سؤال نساعدك ان شاء الله

[ام مؤمن]

المشاركة الأصلية كتبت بواسطة أم ياسين الزهراء

ماتقليهش او ماتحمصيهش نشفيه برك وديري الشباح وزيدي فيها زاست تاع القارص يمدلها طعمة روعة

ربي يعطيك ماتتمناي حبيبتي و شكرا على الاضافة اول مرة نسمع بالزاست نتاع الليمون في شباح الصفرة اكيد تجي رائعة فيعا نسمة الليمون جاري التطبيق شكرا
راني حطيت السؤال هنا و لهيييييييه هههه شكرا جزيلا

[عازفة الناي]

المشاركة الأصلية كتبت بواسطة saja safia

صباح الخير يا زينات
جمعة مباركة وربي يعطيكم ماتتمنو كراكو تسلكو فينا من الوحلات

كن عمل خبز الدار في بلا الفور تجئ الطبقة التحت يابسة بزاف، مالغري نديرها في طرشونه مي تبقى يابسة لدرجة انو مايقدروش ياكلوها، وياريت تقول ولي البلا الكبير نتاع الكوشة انا ندير 2 اباطات نتاع طماطم كيلو واحدة سميد وواحدة فرينة شحال ندير لهم بالضبط خميرة

ربي يجازيكم كل خير

خبز الدار جربي تاع ام اماني وراح تدعيلي راهو 444444444 و خفيف قطن
https://www.djelfa.info/vb/showthread.php?t=1362916

[titina]

الأخت سجى
خبز الدار تاع ام أماني رائع وعن تجربة
وإذا حبيتي خبز الدار بالفرينة تفضلي الوصفة
2 كاس حليب دافئ
ربع كاس زيت
2 م ك سكر
1 و نصف م ك خميرة خبز
7 م ك سميد
فاني او برش القارص

اجمعيهم وخليهم يتخمرو مدة ربع ساعة ( 15 دقيقة )
بعدها زيديلها بياض بيضة و 2 م ص ملح وحوالي 750g فرينة
اعجنيهم وحطيها في بلاطو وادهنيه بصفار بيضة وخليه يتخمر شوية وبعدها طيبيه

[titina]

اختي عازفة الناي او اي اخت عندها خبرة في العجينة المورقة
كيتكون في الكوشة (الفرن ) تكون منتفخة لكن بعد ما نخرجها بمدة تبقى منتفخة بالصح تنقص على ليكانت عليه من قبل
ممكن السبب
وممكن تعطونا نصائح اكثر عليها

[saja safia]

المشاركة الأصلية كتبت بواسطة أم ياسين الزهراء

تفضلي اختي ديريه وتشوفي النتيجة دعواتكم برك ودق نقيسلك السنيوة ونقلك الكيلة تاع الكسرونة

خبز الدار باللبن أم ياسين الزهراء

ديري 2 كيلا سميد مع 1كيلة فرينة وشوي زيت ماتكثريش باش مايتفتتش والملح السكر وخميرة الكسرة بلي باللبن المسخن مع الماء الزهر باش ينحي الريحة وخلي العجينة في الصاشي مدة ومنبعد ادا عندك البيترا لاني ندير بيه ابداي تعجني وزيدي اللبن المخلط مع ماء الزهر واعجنيه مليح وشربيه مليح ومنبعد كيتشوفيه تعجن مليح وسقيته مليح شوي جاري زيديلو طرف زبدة واعجني ومنبعد بياض البيضة وخميرة الحلوة وارميه على العجين واعجني وفرغي العجين الجاري على سنيوة تكون مدهونة بالزبدة لازم تمد طعمة مليحة وسطحيه بيدك راح يلصق بصح بلي شوي يديك وادهنيه بصفار البيضة مع شوي قهوة وسانوج وخليه يطلع وكيطلع طيبه في فور سخون وادا فورك مافيهش المروحة ديري كاسرونة تاع حديد طبعا فيها الماء راح تطلق البخار والخبز يجيك طري.

بارك الله فيك أختي، راح نجربها لكن حبيت نعرف سبب هذا المشكل نتاع الطبقة اليابسة لو تعرفي ياريت تفيديني

[أم ياسين الزهراء]

المشاركة الأصلية كتبت بواسطة saja safia

بارك الله فيك أختي، راح نجربها لكن حبيت نعرف سبب هذا المشكل نتاع الطبقة اليابسة لو تعرفي ياريت تفيديني

اختي ماعرفتش علاش ونضن والله اعلم راكي ديري فيه ناشف يعني مايشبعش ماء انت جربي وصفة وشوفي واما القيس تاع السنيوة ديري تاع الكوشة العادية وكيلة السميد تاع غرفية الشربة تاع واحد برك فهمتي

[chahrazed g]

السلام عليكم
عندي كمية من الكرطوس او الكرموس المهم من النوع الكبير حنا نقولو الباكور واش نقدر ندير بيه من غير المربى قريت في النت لقيت كاين لي كونجليه بصح ما عرفتش واش يديرو بيه