الجزء 121 من كوزينة واش طيبتي اليوم - الصفحة 48

مياسم75 · 2015-03-11, 23:27

السلااااام عليكم
زينب حبيبتي الف الف الف مبروك الكوزينة الجديدة بصح راني باللاطاي المهم ربي يفرحكم و يجازيكم على الخير الي راكم تحطوه وربي يباركلكم في اولادكم وعايلتكم يارب
راني مرة على مرة نطل الله غالب راني نطيب بصح بلا نفحة بابا العزيز مريض ما ينوضش من الفراش وما يقدرش يمشي الطبيب قالو نتاع الكبر وبالمهدءات ساءت حالتو
ادعيولو اخواتي ربي يخفف عليه الالم والله غير حالتي ربي الي عالم بيها يا رب يشفيه عاجلا غبر اجل
سامحوني على الغياب
ودعواتكم لوالدي
وتصبحن على خيرررررررر

*وردة الشرق* · 2015-03-11, 23:42

مياسم حبوبة مساء الانوار يارب من عالي سماه يسمع دعائي يارب ويشفي والد مياسم يارب ويخفف عنو الالم
حنونة مياسم وقفتك مع بابك ربي اكيد رايح جازيك عليها ورضى الوالدين رايح يخليكي تفرح ان شاء الله بوليداتك ربي يعينك يا حنونة
وطلي و لا لو بلاطاي
روضة مساء النور شفتي راهي تولتهانا ام اسلام ههههههههه

زينب 83 · 2015-03-12, 00:10

اقتباس:

المشاركة الأصلية كتبت بواسطة om dhoha anes

سلام عليكم ورحمة الله وبركاته
اخواتي واحبتي توحشتكم بزااااف بزااف كيف حالكم انشاء الله راكم كاااااااااااااامل بالف خير بدون استثناء
قلبي يتوق لصحبتكم الرائعه لكن الله غالب الظروف الحاليه تمنعني من التواصل معكم ان شاء الله ربي يسهل ونرجع لاحلى رفقه
ربي يحفظكم ويدوم هاد اللمه الطيبه ونرجع بيناتكم كيما زمان يااااارب
شكر خاص لاختي ام يسرا حبيبتي يسقسي عليك الخيراسفه مارديتش عليك الله غالب
غاليتي عازفه والله شعور متبادل توحشتكم وتوحشتك انتي خاصة يعلم ربي ليك عندي معزه خاصه ان شاء الله نرجع ونوليو كيما زمان
احبتي نخليكم في امان الله ولا تنسوني من خالص دعواتكم
تحياتي

ام ضحى اهلين و الله فرحت كي شفت اسمك ان شاء الله تكوني بخير و تكون أحوالك تحسنت حبوبة ربي يفرج عليك و على كل المؤمنين

اقتباس:

المشاركة الأصلية كتبت بواسطة مياسم75

السلااااام عليكم
زينب حبيبتي الف الف الف مبروك الكوزينة الجديدة بصح راني باللاطاي المهم ربي يفرحكم و يجازيكم على الخير الي راكم تحطوه وربي يباركلكم في اولادكم وعايلتكم يارب
راني مرة على مرة نطل الله غالب راني نطيب بصح بلا نفحة بابا العزيز مريض ما ينوضش من الفراش وما يقدرش يمشي الطبيب قالو نتاع الكبر وبالمهدءات ساءت حالتو
ادعيولو اخواتي ربي يخفف عليه الالم والله غير حالتي ربي الي عالم بيها يا رب يشفيه عاجلا غبر اجل
سامحوني على الغياب

ودعواتكم لوالدي
وتصبحن على خيرررررررر

مياسم و الله ليوم نهار كامل و انت في بالي ، ربي يشفي الوالد و يعافيه و يقدرك حبوبة على خدمتو و يفرج كل همومك يا رب

زينب 83 · 2015-03-12, 00:11

زينب ، روضة و ام اسلام تصبحون على خير

wahibaazel · 2015-03-12, 05:48

اصبحنا واصبح الملك لله والحمد لله ولا اله الا الله والله اكبر

wahibaazel · 2015-03-12, 06:00

wahibaazel · 2015-03-12, 06:04

صباح الخير عليكم كامل حبيباتي ،شفتو خلاتنا دائمة الحمد نستناو في القهيوة البنينة من يديها عسي المانع خير ،حتي اسينات ماهيش تدخل .ادعو الله عز وجل ان يكونوا بخير ،ونتمني تدخل وحدة فيهم طمنا .ايييه علي الاتصالات انتاع ام تاج سما مانقرعجوش اليوم علي الفطور ومعرف كيف راهي عاملة مع الوحم بي يقدرها ويسهللها ويثبتلها حملها امين.

wahibaazel · 2015-03-12, 07:26

البنااااااات وينراكم مازلتو راقدين ،باين طولتو السهرة ،الغدا باذن نعمل بيون البصل وخبز ام اماني وعند السلق ذك نشوف واش نعمل بيه .

ايمان25 · 2015-03-12, 07:35

صباح الخير

فراح فرفوشة · 2015-03-12, 07:51

اللهم إليك أشكو ضُعف قــُوتي ، و قِلة حِيلتي و هواني على الناس.
اللهم يا أرحم الراحمين أنت رب المستضعفين و أنت ربي ، إلى من تَكلني ؟ إلى بعيدٍ يتجهمني أو إلى عدُوٍ ملّكته أمري.
إن لَم يكن بِكَ عليَّ غضبٌ فلا أبالي و لكن عافيتُك هي أوسع .
إنّي أعوذ بِنُور وجهكَ الذي أشرقَت بِهِ الظلمات ، و صلــُحَ عليه أمر الدنيا و الآخرة مِـــن أن تــُــنزل بي غضبك ، أو تـُحل بي سخطك ، لك العتبى حتّى ترضى ، لا حول و لا قـُوة إلا بك

rahma2014 · 2015-03-12, 07:52

صباح الانوار و الخيرات عليكم كامل

اصبحنا واصبح الملك لله

oum islem · 2015-03-12, 08:06

صباح الهناء على الجميع كيف احوالكن اختي المازالينا شفت سؤالك اتفضلي طريقة امي ربي يحميها في شكشوكة الفول اغسلي الفول لما يكون طري نستعملوه بالقشرة الخارجية نقيه مليح يعني نحي الاطراف والخيط لي يكون على الجوانب وقطعيه صغير حطي كمية قليلة من الماء قيس ما تغطيه فقط وخليه على نار هادية حتى ينشف من الماء تماما زيدي من فوق شرائح بصل وخلي بذبلو من فوق بلاما تحركي في هذا الوقت زيدي لحم مرحي زيت فلفل اسود وقليل جدا من الملح وفلفل احمر مطحون وحبة طماطم مرحية وفلفل اخضر مقطع وشرائح رفيعة من الثوم غطيه وخلي يكمل الطياب على نار هادئة وزينيه بالحشيش الدبشة مقطعة اولادي يحبوه بالبيض ابوهم يحبو بلا بيض

almazalina22 · 2015-03-12, 08:23

صبااااااااااح الانوار عليكم كيف صبحتو

دائمة الحمد ان شاء الله تكوني لاباسوتكون الوالدة بخير
ليزا واش منعك علينا عسى غيابك خير
ام تاج نعرفو عذرك بصح خليتينا حاصلين خخخخخخ

وهيبة صباح الفل
ام اسلام شكرا حبوبة على الوصفة ممممممم نحب بزاف الفول
ليال هههه خلعتيني كي تقلقتي البارح والبني درتو بالفلان ذوق شوكولا والاصفر ذوق فاني والاحمر ذوق فراز بصح انا قسمت عجينة الفاني ودرت ملون احمر فهمتيني

ام عااااصم الزيتوووون يشهي يعطيك الصحة
واللي حطت السهرة راه لاتاي ي
بيتني قاعدة خخخخخخخ وقلب اللوز واش من وصفة درتي يبان يشهي

زينب التحويسة البارح هاااايلة وراه فاق بيا راجلي بلي خرجنا في الليل دبري راسك اذا حاوزني راني عرفت داركم ه‍ههههههههه

oum islem · 2015-03-12, 08:26

صباح الخير وهيبة والمتواجدات شفتو الكوزينة لا حكموها الخايبات رايحة تفلس يعني تسيب يعني القهوة نتاع 6 تولي على9 بنات اخر زمن كيفاه فنيانات وكسولات هيا انشطو وبينو صنعة يديكم حتى اليوم باه تفكرتك سعيدة8888 خبيزة الكرنب بالبطاطا فوري اوراق من الكرنب يبردو فرشيهم في صينية مدهونة بالزبدة حطي فوقهم الحشو قلي البصل مرابي صدر دجاج مرحي حبة طماطم توابل فلفل حار مقطع زيتون اخضر شرائح ودبشة وقطع جبن حسب الرغبة والطبقة الاخيرة بطاطا مقلية سويها فوق الصينيةواضغطي عليها شوية غطيها بالمنيوم ودخليها للفرن واقلبيها وقدميها بالصحة وهدا ما كان

فراح فرفوشة · 2015-03-12, 08:33

اقتباس:

المشاركة الأصلية كتبت بواسطة oum islem

صباح الهناء على الجميع كيف احوالكن اختي المازالينا شفت سؤالك اتفضلي طريقة امي ربي يحميها في شكشوكة الفول اغسلي الفول لما يكون طري نستعملوه بالقشرة الخارجية نقيه مليح يعني نحي الاطراف والخيط لي يكون على الجوانب وقطعيه صغير حطي كمية قليلة من الماء قيس ما تغطيه فقط وخليه على نار هادية حتى ينشف من الماء تماما زيدي من فوق شرائح بصل وخلي بذبلو من فوق بلاما تحركي في هذا الوقت زيدي لحم مرحي زيت فلفل اسود وقليل جدا من الملح وفلفل احمر مطحون وحبة طماطم مرحية وفلفل اخضر مقطع وشرائح رفيعة من الثوم غطيه وخلي يكمل الطياب على نار هادئة وزينيه بالحشيش الدبشة مقطعة اولادي يحبوه بالبيض ابوهم يحبو بلا بيض

صباح الخير والورد
عجبتني هد الطريقة ان شاء الله نجربها
انا نديرو بطريقة اخرى
نقط الفول بقشورو قطع صغيرة طبعا بعد منغسلو جيدا نحطو يفور وفي هد الوقت نطيب صوص طوماط
نقلي لبصل شوية نضيف الطماطم حب ثوم طماطم لباط هريسة ملح كسبر فلفل اسود شوية
كمون وبزاف دبشة نخليها طيب شوية حنى نقولو توقف على ادامها نضيف الفول باه يشرب
لاصوص ولا حبيتي قدميها بالبيض و زيت زيتون