موضوع مميز وصفات من حراير مطبخ وش طيبتي اليوم - الصفحة 48

بريق الامل& · 2014-02-28, 16:32

نقوللكم حاجة الي ما جربتش مبرجة ام رامي راحت عليها بنة الزبدة والحليب و الخمارة الي عطاتها خفة ولا بنة الجلجلان المحمص في حشو التمر نقوللكم الصح راح عليها الكثير .

lamia zina · 2014-02-28, 17:39

وصفة للاخت نخلة

ختي باه نتفاهمو حنا نقولولو لفطير ممكن مختلف و ممكن اختلاف تسميه

طريقتي سهله

كميه سميد+ ثلث الكميه فرينه+ شوي زيت اقل من فنجان+ملح+ خميره الخبز مغرف ص

تلميهم بالحليب دافي ممكن تبدلي يعني ديري حليب بودر وتلمي بالما

تعجني مليح 10/15 دقيقه على حسب نوعية السميد انا نستعمل سميد بن عمر رووووووووووووووووعه

تخبي العجينه في كيس وتخليها ترتاح ساعه على الاقل

تعجنيها شوي وتقرصيها وطيبيهم في طاجين الطين غير تبدا فقاهات رح تخرج اقلبيها

وباه ما تجيش فيه قشره تتنحى وحدها غطييه ونتي طيبي فيه انا ما عنديش غطا كبير غطيب بسينيه تع فرن:d

lamia zina · 2014-03-02, 12:01

وصفة بريق الامل

خبيزات السلق اقتصادين جدا على بالي مولات الكوزينة تحب السهل والاقتصادي
ربيطة سلق مفورة وحبيبة بطاطا مربعات صغار مفروة وحبيبة بصلة مذبلة في ملعقة زيت وفرماج وحية بيض كويرات في خبز يابس مرحي ما نقولش لا شابليغ باش نسهل اكثر قطعة خبز يابس هههههههههههه وتقليهم في شوية زيت مش غزيرة وتحطيهم في ورق مطبخ
تحبي تقدميهم بقارص او صوص تومات او حميص وانت تغديتي مع وليداتك في متناول الجميع

lamia zina · 2014-03-02, 14:37

وصفة فارس جيدي للبسبوسة مجربة من طرف nihale89

6 بيضات كاس سكر كاس زيت كاس حليب
3 ملاعق نواد كوكو 2 ملاعق 2 خميرو عصير ليمونة ومبشورها
فاني 3 الى 4 دقيق
اخدمي عادي كيما البسبوسة
بصح خلطي نوادكوكو مع الفرينة والخميرة ولوحيها للخليط
باه مايهبطش لتحت
الشاربات
لتر ماء مع 500 غ سكر وقليل من عصير الليمون

snow white 19 · 2014-03-02, 17:28

رااااااااااااااااااااااااااااااااااااااااااااااااا ااااااااااااااااااااااااااائع

snow white 19 · 2014-03-02, 17:31

الله يبارك

lamia zina · 2014-03-03, 13:51

وصفة دائمة الحمد

شطيطحة السبناخ

انصبي صوص روج باللحم ماتكثريش الملح والطماطم لماتمرقي وتغلي ارمي كمية قليلة حمص واقفلي عليها وخليها تنشف
بعد لا تغسلي السبناخ وتقطعيه قليه مع مغرف او2زيت حتى يذبال
لما يطيب الحمص وتنشف لاصوص ارمي السبناخ و1 فلفل حار اذا حبيتي واقفلي عليه وحد10دقايق ثم حلي عليه وتلوحي 3او4بيضات وماتحركيش نقصي عليها حتى ينشف لوحي المعدنوس وطفي النار وشهية طيبة عزيزتي رياض

lamia zina · 2014-03-03, 14:11

وصفة بريق الامل

ي الكوكت دبلي شوية بصلة بمغرف زيت وفلفل اكحل وملح وعود قرفة ورند ومرقي وبكاس ونص ماء تحبي اديري الحمص تحبي اديري لحم انا ندير اللحم كيكون الضياف
اللحم المرحي نديرلو فلف اكحا وقرفة مرحية وملح وحشاوش قصبر او معدنوس او الاثنسن معا وشوية زيت او سمن ثوم مرابي وشوية بصلة مرابية وبيض خطرات ما نديرش البيض
كاين الي يدير شوية روز او فريك انا ما نديرش واعجنيه مليخ بيدك باش تداخل المكونات في بعضاها
وتحفري الكورجات رقيقيها و فلفل طرشي وحدة للبنة برك ووحدة طمام انزعيلها اللب
وادهنيهم من الداخل بصبعك بخليط ملح وفلفل اكحل وقرفة وعمري وديريهم يطيبو
عندي بزاف الوصفات بصح نحب هذي تجي خفيفة ممكن الطماطم في الاخير كتكون قريب تعقد ديري طرونش رقاق بزاف من فوق يطيبو شوية وطفي وتكون ما درتيش طماطم محشية تعوضيها بدوائر صغار يمدو بنة مليحة

فتاة الدعوة · 2014-03-03, 14:18

ماشاء الله عليكم يا الفحلات

maiar · 2014-03-03, 20:25

بروقة سخفتيني ممكن رابط المبرجة تع ام رامي لاني مالقيتوش

2014-03-04, 17:31

خبزة تونس لحنان Aphrodite
كيلة بيض.
كيلة ناقصة شوي سكر
كيلة مارغرين دايبة و باردة حبيباتي جربو مارعرين ماني هااااااااااااايلة فيها بنة روعة
. كيلة نوادكوكو
. كيلة تاع لاشابلييز
زاست تاع القارص.
1 خميرة تاع الحلوى.
و لي سوغير كونيفيت. لوز ايفيلي
. و للشاربات 2 كيلات ماء مع كيلة سكر
. نطلع البيض مليح مع السكر اومباعد نزيدو المارغرين و نخلطو غير بالمغرف اومباعد نزيدو النوادكوكو و الشابلير و الزاست تاع القارص و الخميرة تاع الحلوة و نحطو الخليط فلي غامكان والا في سنيوة ما نعمروهمش بزاف بارسكو يخمرو و نحطو حبة سوغير فالنص و نشبحوها باللوز ايفيلي على الجناب و نطيبيها في فرن مسخن 10 دقايق من قبل 180درجة كي تحمار نسقوها شعال من مرة بالشاربات الباردة و بصحتكم

إضغط هنا لرؤية الصورة بحجمها الطبيعي.

lahna moka · 2014-03-05, 10:41

نستلي سائل لوصفات الديسار
سميحة01

نيسلي سائل شوية نتاع لي ديسار كي الكرامال لي اجي فوق الديسار

المقادير
نص لتر حليب شكارة ماشي طايب

زيديلو كاس سكر وساشي خميرة القاطو

وشوية فاني

خلطي كلش وهي على نار هادية قريب طافية في اول الامر راه يفيض الحليب لانو فيه الخميرة ابقاي خلطي ومن بعد خليه حتان تشوفيه

ولا لونو كارميل وعاقد

lamia zina · 2014-03-05, 14:07

وصفة لي imane khaled

الجينواز: 4 بيض + 120 غ سكر ضربيهم مليح مليح بالباتور +بالصفايه 120 غ فرينة + 1 خميرة حلويات و قلبي بالعقل باش الخليط ما يهبطش. اقسمي الخليط على 2 و زيدي الواحد فيهم ملعقة كاكاو و طيبيهم في مول كيما البيسكوي رولي انا طيبتهم مرة وحدة حطيت في نصف المول العجينة البيضاء و النصف الاخر العجينة البنة بالتساوي
كي طابت و بردت قسمت الخليط على 4 و لصقتهم بكريمة الزبدة البيضاء بالتخالف بين الابيض و البني بعد ماسقيت كل طبقة بكاس عصير برتقال ذوبت فيه كيس قهوة سريعة الذوبان غلفتهم بالكريمة و حطيه يبرد
ذوبي علبة شكلاطة و شوية زبدة و غطيها من فوف بعد ما تبرد قطعيها
ثم زيني بالكريمة و الكاكاو الذوق ماعندي ما نقولكم ام ام ام
انا عملتلي حوالي 6 قطع باتيسري صغيرة

lamia zina · 2014-03-05, 14:28

وصفة القبطية
6بيض
2 علبة ياوورت دوق الليمون
نكيل بالعلبة تاع الياوورت
4 كيلة سكر
2 كيلة نواة كوكو
كيلة و نص زيت
6 كيلات فرينة
2 كيس خمارة
نص كيلة عصسر ليمون
4 مغارف كبار مبشور ليمون
لفاني
نطلعو البيض مع السكر عادي بالباتوغ حتى يولي رغوة بيضة نضيفو الياوورت وعصير اليمون ومبشوره وفي الاخير زيت
ومن بعد نحبس الباتوغ ونستخدم ملغقة نحط نواة كوكو و2 حمارة حلو وفرينة تكوني مغربلتها 3 مرات
ادهني مول ودخليها في فرن يكون مسخن من قبل
وكي طيب انا درت عصير حبة ليمون وكيلة معجون كايما بنفس الغلبة ونسربها بالبانسو نحط عليها نواة كوكو هدي اضافة من عندي صاحبة الوصفة دارت كريم شونتي ومن بعد نزيد نحوسلك على الوصفة الاصلية ونحطهالك

lamia zina · 2014-03-05, 15:46

غراتان بطاطا على شكل بيتزا لام فاطيمة

هاهي الوصفة
غلي كيلو بطاطا و رحيها و ديري معاها 3فرماج مثلثا و شوي زبدة و حبة بيض و ليزبيس و الملح و خلطي مليح
دهني المول بالزبدة و فرشي البطاطا مليح تجيك طبقة 1سم
من جهة تكوني محضر لصوص طماط
و تحطمي صدر دجاج مرحي و بصل رابي ثوم رابي دريهم في مفلة مه شوي زيت و قليهم مليح حت يطيب ديري ليزبيس
لي تحبي
ديري طبقة من لصوص فوق البطاطا و ديري الدجاج نتاعك و فرماج رابي و دخليها للفرن و شهية طيبة