همزة وصل بين المعلم والولي : في طبعته الثالثة

[عبد الناصر أمازيغ]

المشاركة الأصلية كتبت بواسطة ماريا205

السلام عليكم ورحمة الله تعالى
صراحة راني في ضغط كبير حاسة بالياس مع بنتي درس الكسور حاستها مش فاهماتو مليح وزيد دخلو في الاعداد العشرية تخلطلها
هذا وين انا نقولها الكسر العشري هو اللي المقام تاعو 10او 100او 1000 وهي تقول لا مش شرط يكون المقام 10او 100او 1000 واللله قلقتني
اساتذتي ممكن شرح للاعداد العشرية
وهل الكسور 1على2 1على4 1على 5 عشرية ؟ ولماذا؟ لم استطع كتابة رمز الكسر

و عليكم السلام و رحمة الله و بركاته

أفهم أنّ ابنتك في السنة الرابعة ، لأن في هذا المستوى درسا الكسور و الأعداد العشرية جديدان على التلاميذ و لا يستوعبونهما بشكل جيد ، وسعي خاطرك ، لا تطلبي منها المستحيل ، اعطيها أمثلة مبسطة لتمثيل الكسور ، أنا أحب استعمال علبة الجبن كوحدة حيث عدد أجزائها 8 ، فإذا أخذنا 3 قطع جبن الكسر الذي نمثلها به هو 3 على 8 و إذا عندنا 12 قطعة فنمثلها بالكسر 12 على 8 ، و من هنا تدرك أيضا أن الكسر الذي بسطه أصغر من مقامه يكون أصغر من واحد (الوحدة)، و الذي بسطه أكبر من مقامه يكون أكبر من الوحدة و الذي بسطه يساوي مقامه يكون مساويا للوحدة .

و دراسة الكسور يكون تمهيدا لدراسة الأعداد العشرية ، لأن أيّ عدد عشري أصله كسر عشري .
أما الكسور التي أشرت إليها هل هي كسور عشرية ، أقول نعم هي كسور عشرية ، لأن مقامها يمكن أن يتحول إلى عشرة أو مئة أو ألف أو ..... ، مثل الكسر 1 على 2 لو نضربه في 5 يصبح 5 على عشرة ، و الكسر 3 على 4 بضربه في 25 يصير 75 على 100 و هكذا ...
إذن تلاحظين أن 1 على 2 = 5 على 10 ، و 3 على 4 يساوي 75 على 100 . لو نقوم بقسمة 1 على 2 نجد : 0.5 ، و لو نقسم 5 على 10 نجد أيضا 0.5 و نفس الشيء بالنسبة للكسرين الآخرين .

أرجو أنّي أوصلت لك طرف الخيط ، و أنصحك أن تأخذي ابنتك على قدر استيعابها ، أكثري لها من الأمثل ، و اطمئني سوف تدركها مع كثرة الممارسة . و نفس النصيحة أوجهها لكل أولياء تلاميذ الرابعة .

[ماريا205]

شكرا اختي الامنيات على النصيحة راكي حاسة بيا فعلا لازملنا الصبر .
الاستاذ عبد الناصر بنتي سنة 4 قد ما نشكرك ما نوفيكش حقك راح نخليها ليك دعوات خير . كي كتبت المشاركة قلت بلاك راح الحال ما نلقاش اجابة الليلة . وامبعد قلت المهم نخرج الضغط تاعي على بالك كنت راح نبات على قلقة كبيرة غير كيما قراو الكسور وزيد من وراهم الاعداد العشرية يعني جديد في جديد ومع قدرات بنتي متوسطة لازم لها وقت طويل باش تستوعب الجديد بصح كي قريت الرد تاعك وصلتلي الفكرة وان شاء الله كي نفرغ من الاختبارات نتصفح الطبعات السابقة على بالي نستفاد. ريحتني يا استاذ ربي يريح بالك ويباركلك في صحتك وعايلتك ويرزقك الجنة اميييين اميييين.
بارك الله فيك

[دُرة بيتي]

المشاركة الأصلية كتبت بواسطة نخله.

تقصدي هاذا؟؟ ام باسط

الجمهورية الجزائرية الديمقراطية الشعبية
السنة الدراسية: 2014/2015
المستوى: السنة الرابعة ابتدائي المدة: 45 دقيقة {اختبــــــار الـفــتــــرة الـثـــانـيــــــة في مـادة الـــتـــربــيـــة الـمـــدنـيــــة}
السؤال الأول:
أ/ املأ الفراغ بما يلي (دورياً- المتخصصة- العامة- يومياً).
• الجرائد ..............: هي التي نجد فيها كل الأخبار.
• الجرائد ..............: هي التي نجد فيها الأخبار الخاصة بمجال واحد فقط.
• تصدر الجرائد .............. .
• تصدر المجلات ............. .
ب/ أجب عما يلي
• أذكر اسم جريدة من الجرائد التي تصدر في الجزائر.
• أذكر فائدة من الفوائد التي تقدمها لنا الجرائد والمجلات.

السؤال الثاني: وحدات القطاع الصحي متنوعة، أذكر ثلاثة منها.

السؤال الثالث: "كان الشارع ملوثاً ومليئاً بالأوساخ والقاذورات".
01- من هي المؤسسة التي تعطي الأوامر بتنظيف الشارع؟
02- ماذا يُسمَى رئيسها؟ ومن يساعده؟
03- أذكر اثنين (02) من مهامها.

السؤال الرابع: صنف الخدمات الآتية في الخانة المناسبة من الجدول: (تنظيم دورة رياضية- توزيع الرسائل- تركيب الهاتف الثابت- سحب الأموال- بيع الطوابع البريدية- استخراج شهادة ميلاد).
- مركز البريد - اتصالات الجزائر - البلدية

اللي بالاحمد ضعيهم خانات في جدول

انتهى الصفحة 1 / 1 بالتوفيق

اسمحيلي طولت ما ردت عليك

وشككككككككككككككككرا جزيلا وبارك الله فيك على مجهودك واسمحيلي تعبتك معايا
ربي يحميك ويفرحك باخمد واخوته

المشاركة الأصلية كتبت بواسطة miku hatsune

والله....صحبة طيبة انتم......الي يدخل هنا..و هاز على كتافو....همومو وانشغالاتو ...يلقا الكل متعاون....ومتفهم....ومساند......كل على حساب واش عطاه ربي......
ربي يدومها عشرة......الحياة ككل فيها الطالع والنازل.....واحنا لازم نتاقلموا مع كل الظروف.....

بارك الله فيكن اخواتي......ام اسيل.....متقلقيش روحك اكيد راه تلقاينا هنا..اذا مازال فالعمر بقية... واكيد انك ستستفادي من كل هذه التدخلات وتسترجعيها وقت اللازم...
ام محمد وملاك.....ام ياسين....ام عادل....ام ريم.....ام باسط.....امة الله الجزائرية.....ام الاحباب....اخت نخلة....ام اريج....ام الزهراء...ام سوسو.....والكثيرات..... من بفظل ردودههن ترتسم البسمة على الشفاه.....ومعها يرتاح البال.....ربي يفوفقنا كامل لما هو خير وصلاح لنا ولابناءنا.....اللهم اااااامييييين....

الله الله على كلماتك البلسم تتحط عالجرح
كلامك صواب ورزين ورنان يعطيك الصحة

المشاركة الأصلية كتبت بواسطة أبو ياسين29

السلام عليكم أساتذتي الكرام و أولياء همزة وصل
أرى أن جو الإمتحانات هو السائد فإنشاء الله بردا و سلاما على كل ممتحن و بالأخص أبناء همزة وصل الذين أتمنى لهم التفوق و التميز

اهلا وسهلا اخي ونورت الهمزة برجوعك
وربي يفرحك باولادك ويمدك يالصحة

المشاركة الأصلية كتبت بواسطة صابر 2008

أختي أم باسط
لم أكن أعرف بأنك لا تستطيعين التحميل

هذه هي الإختبارات التي قمت بوضعها لحد الآن
و بلغي مأمون إعجابي بعلاماته المميزة جدا

سلامك سيصل ان شاء الله ...وتاكد ان بصمتك في مامون واضحة ودائما يسالني عن واجباتك
انت الدي شجعته على التميز وهو فعلا متميز في الرياضات
باااارك الله فيك
-------------------------------------------------------------
اختبــــــار الـفــتــــرة الـثـــانـيــــــة في مـادة الـتــربـيــة الإســلامــيــــة

السؤال الأول: أكمل قوله تعالى:
[[ و اليل إذا يغشى ............................................. فَسَنُيَسِرُهُ لِليُسرَى]] صدق الله العظيم.

السؤال الثاني: اربط بسهم بين النبي والكتاب الذي أنزل عليه، فيما يلي
• الزبور - محمد (صلى الله عليه وسلم)
• الإنجيل - عيسى (عليه السلام)
• الصحف - داوود (عليه السلام)
• القرآن الكريم - موسى (عليه السلام)
• التوراة - إبراهيم (عليه السلام)

السؤال الثالث: أجيب بـــــــ (صح) أو (خطأ) فيما يلي، مع تصحيح الخطأ
- أمرنا الله تعالى بصلة الرحم.
- مقاطعة المسلم لأقاربه وأهله أمر جيد.
- الإحسان للوالدين عندما يكبران أمر غير واجب.
- الدعاء للوالدين بالخير فعل حميد.

السؤال الرابع: "أرسل الله تعالى عدداً من الأنبياء والرُسُل للناس".
1- كم عدد الأنبياء والرسل الذين ذكروا في القرآن الكريم؟ عددهم ......................... .
2- النبي الذي التقمه الحوت هو ........... ،أما النبي الذي أُرسل إلى قوم ثمود فهو ......... .
3- معجزة النبي صالح هي .................، وعاقب الله الكافرين من قومه بـــ .............. .
4- ماذا فعل النبي يونس حتى غفر الله له وأخرجه من بطن الحوت؟ ......................... .
5- ما هي رسالة كل الأنبياء و الرسل؟ رسالتهم هي ....................................... .


----------------------------------------------------------
اختبــــــار الـفــتــــرة الـثـــانـيــــــة في مـادة الـــجغــــرافـــــيــــــــــــــــا

السؤال الأول:
أ/ عرف مايلي:
• الطقس: ......................................... .
• المناخ: ........................................... .
ب/ أذكر نوعين من أنواع المناخ في الجزائر.

السؤال الثاني: املأ الفراغ بما يلي: (الفصول الأربعة – الشتاء – الصيف – الليل والنهار)
• ظاهرة ................: تحدث عند دوران الأرض حول نفسها دورة كاملة.
• ظاهرة ................: تحدث عند دوران الأرض حول الشمس دورة كاملة.
• في فصل .............. يكون الليل أطول من النهار.
• في فصل .............. يكون النهار أطول من الليل.

السؤال الثالث: أصنف المواد الآتية في الجدول أسفله، حسب ما يناسب: (البترول- الشعير- الخشب- الذهب)
(الجدول مقسم إلى قسمسن: مواد أولية باطنية- مواد أولية سطحية)

السؤال الرابع: "نتناول يوميـًا مادة الخــبــــــز".
01- ماهي المادة الأولية التي يُصنـع منها؟
02- ماهي المنطقة التي تنمو فيها هذه المادة في الجزائر؟
03- أذكر أنواع الزراعة؟
04- أنجز مايلي: - أهم المنتوجات الزراعية في الجزائر: 01- ................ * 02- ..................
- أهم المنتوجات الصناعية في الجزائر: 01- ............... * 02- ..................

-----------------------------------------------------------------------------------------------------
اختبــــــار الـفــتــــرة الـثـــانـيــــــة في مـادة الـــتــربــيـــة الـعــلـــمــــيـــــــة

السؤال الأول: أنظر للشكل المقابل جيدًا. ( الشكل هو بوصلة، عناصره إبرة مغناطيسية- إطار دائري)
01- ما اسم هذا الجهاز؟
02- عرفه؟ هو جهاز يساعدنا ...................... .
03- سم أجزاءه: 01- ............................ .
02- ........................... .

السؤال الثاني: املأ الفراغ بما يلي: (الأوعية الدموية- 05 لترات- الأمعاء الدقيقة- القلب- الدورة الدموية)
• يـمـر الدم عبر الجسم في دورة إسمها .......................... .
• ينتقل الدم داخل الجسم عبر ................................ .
• .............. هو العضو الذي يضخ الدم إلى كل أعضاء الجسم.
• عند الشخص البالغ السليم، كمية الدم هي ................... .
• يـمــر الدم إلى كل الأعضاء، بعد وصوله إلى ................... .

السؤال الثالث: ما هي فوائد الدم في جسم الإنسان؟
- يزود الجسم بـــــ .......... و .........، و يخلصه من ......................... .

السؤال الرابع: "لاحظ الشكل المقابل جيداً".
01- أذكر المعالم الموجودة بالشكل.
02- اذكر ثلاثة أشياء نعتمد عليها في التنقل داخل أي مدينة؟
03- سألك صديقك عن منزل أنس، أخبره أين يقع بالاعتماد
على الـمـعالـم الموجودة في الشكل.
04- السهم يشير إلى اتجاه الشمال، ما هو الاتجاه الذي تقع
فيه المدرسة؟

الشكل: ( المسجد .................... منزل أنس
سهم *------ المدرسة)
السهم معاكس لإتجاه المدرسة


--------------------------------------------------------------------------------------

{اختبــــــار الـفــتــــرة الـثـــانـيــــــة في مـادة الـــتــاريخ}

السؤال الأول:
العصور التاريخية أربعة، أذكرها.

السؤال الثاني: أجب عما يلي
• أصبحت بلادنا تسمى الجزائر منذ سنة ............ .
• .....................: هو مجموعة كبيرة من السفن .
• الإخوة البحارة اللذين أنقذا الجزائر من الاعتداءات الإسبانية، هما: ........... و ........ .
• اشتهرت الجزائر في العصر الحديث بالصناعات .................. .

السؤال الثالث: أجيب بــــ (صح) أو (خطأ) فيما يلي
• تيهرت هي عاصمة الدولة الرستمية.
• كانت الجزائر تملك أسطولا بحريا قويا في العصر الحديث.
• ماسينيسا كان ملكا لنوميديا.
• الكاهنة لم تحارب المسلمين.
• في العصر الحديث كان حكام الجزائر يسمون الوزراء.

السؤال الرابع: أضع ما يلي مكان الفراغ: (المغرب الأوسط- الجزائر- نوميديا- يوغرطة- الداي حسين- حسان بن النعمان).
- بلادي الجزائر:
• في العصر القديم كان اسمها: ....................، ومن أهم ملوكها: ................................ .
• في العصر الوسيط كان اسمها: ..................، و القائد المسلم الذي هزم الكاهنة هو: ............. .
• في العصر الحديث كان اسمها: ..................، ومن أشهر حكامها: ................................

----------------------------------------------------------------------------


مادة التربية المدنية وضعتها الأخت نخلة، بارك الله فيها

جااااازاك الله جنة الفردوس الاعلى واعطاك من نعيم الدنيا والاخرة

وربي يرزقك الدرية الصالحة وتفرح بنجاحهم مثلما تقف بجانبنا لينجح اولادنا

والله غير حشمتني بكرمك وفضلك مالقيت الكلمات اللي توفيك حقك غير الدعاء لك

فعلا معروفك كبييييييييييييييييير



_________________________________________________


اهلا شيخنا الفاضل وبارك الله في صحتك وعمرك واهلك
فعلا استحي ان امر ولا اشكرك

[آيات سرمدية]

احبتي في الهمزة......رايت ان الكل على اعصابوا هذه الفترة.....إليكم هذه النصائح علكم ترتاحوا قليلا.....على ان نحرص على تطبيقها قدر المستطاع. ...كنت سانقل لكم الموضوع ....قص ولصق.....ثم قلت ربما اذا اطلعتم عليه من المصدر....تحلوا القراءة....بتغيير الأجواء......

https://www.saaid.net/afkar/school/t23.htm

[دُرة بيتي]

في البداية، يجب على الوالدين بث روح الرغبة والقدرة على العمل الجاد والمثابرة والارتباط بأي مهمة إلى أن يتم إكمالها؛ لأن الابن لو اكتسب هذا المفهوم الأخلاقي للعمل فسينفعه في حياته المدرسية والمستقبلية، فقد توصلت كل الدراسات في الخمسة عشر عامًا الأخيرة إلى أن الاستغراق ومشاركة الوالدين لابنيهما لهما التأثير الأكبر على نجاحه في المدرسة ويسبقان في الأهمية المدرسين أو مستوى المدرسة، لذلك ندعو الآباء لمنح أبنائهم وقتًا كافيًا كل يوم للعناية بهم ومتابعتهم والتحلي بالصبر قدر المستطاع.

وقد أثبتت الدراسات إمكانية الآباء المستغرقين في العملية التعليمية مساعدة أبنائهم على رفع نسبة التركيز لديهم عن طريق اتخاذ الخطوات المحددة التالية:

أولى هذه الخطوات هي معرفة الأسباب الحقيقية وراء ضعف التركيز، لأننا ـ نحن أولياء الأمور ـ في كثير من الأحيان نلقي بالتبعة على أولادنا عندما لا يركزون انتباههم في دروسهم، وننسى أو نتناسى ـ أسبابًا أخرى كثيرة وجوهرية قد تؤدي إلى ضعف تركيز التلميذ، منها: طبيعة المقررات الدراسية، ومعاملات المعلمين والآباء، سواء في المدرسة أو في البيت أثناء الدروس الخصوصية، وطرق التدريس المستخدمة، وطرق الاستذكار التي يعتمد عليها الآباء عندما يريدون مساعدة أبنائهم، والتي تكون غالبًا تلقينية خالية من المشوقات والمثيرات، ويغلب عليها العاطفة أو القسوة المفرطة التي تأتي من باب خوفنا الشديد على أولادنا وقلقنا على مستقبلهم الدراسي.

وربما يكون التلميذ هو السبب، لكن الظروف خارجة عن إرادته، كالظروف الصحية أو النفسية، أو غير ذلك.

وينبغي أن يشار هنا إلى خطأ يقع فيه كثير من الآباء والمعلمين، إذ يحرصون على تلقين الأولاد المعرفة، ولا يهتمون بإمدادهم بمفاتيح المعرفة التي تمكنهم من تعليم أنفسهم بأنفسهم، فهناك فرق بين أم تلقن أبناءها المعرفة جافة، وبين أخرى توجه أبنائها فقط وتشرف عليهم، وذلك بمتابعة إنجازهم للواجب المنزلي دون أن تتدخل؛ إلا إذا سألها التلميذ في أمر لا يعرفه، ثم بعد أن ينتهي من عمله في مادة دراسية أو من حل تدريبات أو أسئلة تنظر في كراسته فتقر الصواب وتساعده على اكتشاف خطئه، وهذا مجرد مثال لكيفية مساعدة الأبناء على الاستذكار، وهناك وسائل كثيرة أخرى، يمكن للأم اتباعها.

التعليم والاستذكار:

نلقي الضوء هنا على مجموعة من الأمور تساهم وبشكل مباشر في تعلم الابن مهارة الاستذكار وهي على سبيل المثال:

ـ تنظيم الوقت.

ـ القراءة.

ـ التركيز.

ـ زيادة الدافعية.

الموضوع منقول للامانة

[دُرة بيتي]

رااااااااااااائع ياام سرمد

انصحكم بقراءة النصائح

[غصن البآن]

المشاركة الأصلية كتبت بواسطة ام محمد و ملاك

صباح الخير اختى العزيزة
الحمد لله ان اميرتنا بخير
ربييوفقها و ينجحها يا رب
بالنسبة للتركيز كنت اعانى مع محمد في هذا الموضوع و معلمته ايضا راسلتنى و قالت لى انه لا يركز و يتسرع لكن حاولت معه انا و ابوه و الان الحمد لله
حاولى ان تعطيها اختبارات سابقة و اتركيها لوحدها و انضرى اجابتها هيأى لها الجو و الهدوء و كأنها في القسم و راقبيها هل تتسرع اما عندها توتر ام لا تفهم الاسئلة و بهذه الطريقة يمكنك ايجاد الحل التعود فقط
ربي يوفق اولادنا يا رب

سلام جميل حبيبتي ام محمد..........كيف الحال و بطلي الصغير ,,,,,,,,ربي يعينك عللى التربية الحسنة حبيبتي

من ناحية الاختبارات السابقة و النماذج يا اختي تقول راه تجوز الباك تضل تحل فيهم .........واسس انا ندخلها معايا للمطبخ و نبقاو وحدنا و تناديني معلمتي و تحاول تتكلم باللغة العربية لكن حدث و لا حرج..........احضر لك مرات تقولها ..........أجيب لك يعني نجيبلك.......... و مصطلحات غريبة حتى صرنا نقلدها في بعض المصطلحات الجديدة ضافتها للغة العربية
طبعا دوما اصحح لها لاضافة كلمات لرصيدها اللغوي..........

راني موسعة خاطري معاها ودايمن نمدلها الاعذار..........مثلا يوم امس لما اتت من المدرسة و بعد ان قامت بوضع تقريرها اليومي عن الاحداث التي مرت بها سألها و ما هو اختبار الغد سكتت و قاتلي ماما متزعفيش؟؟؟؟؟ و هنا فهمت انها لا تعلم ..........سلتها معلمتكم لم تخبركم قالت لي لا ادري انا لم اسمعها ؟؟؟؟؟؟؟؟ و عندها تربية مدنية و تربية علمية......... تعرفين بقدر ما غضبت رت فكر في الضغط لي راح يكون على وئام و حقيقة درست المادتين بالكامل ..........الحمد لله اني في نهاية الاسبوع الماضي درستهم لها على عجالة و حلينا سجيات
الان سانتظر عودتها من المدرسة لاعرف في اي مادة امتحنو

و نبقاو نوسعو في خواطرنا ..........الحمد لله لي تحب تقرا و الا ربي يجيب الخير

تحياتي اقلبية الخالصة .......تهلاي في روحك

[~ حراير ~]

السلام عليكم و رحمة الله تعالى و بركاته

الشيخ صابر بارك الله فيك
اريج الحمدلله جايبة روحها في الفروض خدمت افضل من الفصل الاول و لكن الامتحانات بداتهم و هي مريضة بالزكام و الانجليزية لامت عليا لاني ماخليتهاش تروح للكور و جاهم الامتحان نفس اللامتحان الي حلتهولهم استاذة الكور و رغم انها ضامنة ال20 فيها لكن لامت عليا و بشدة؟؟؟؟؟؟؟؟؟ تحير فيهم بكري و لحد الان مستحيل نثني كلمة لوالدتي مانفهمهمش شوية هاد الجيل في حريتهم و قدرتهم على قول وش كاين في قلبهم
يمكن يكون احسن

سلسبيل المشاغبة اليوم عدها رياضيات عندها مشكلة كبيرة في التفريق بين المتوازي و المتعامد
قلتلها المتعامد علامة + و المتوازي علامة يساوي
قلتلها المتوازي كيما سكة الحديد
قالتلها افنان التعامد علامة الكفار "يعني الصليب"
يعني بالاسلام و بالخروج على الملة قريتها و هي مدايرة في بالها بلي راح تغلط
و من بعد قاتلي نكتب في يدي علامة + و نقول هذا عمودي باش نعرف بلي الاوخر يوازي
قلتلها انت و ضميرك و ربي
و في الاخير لقات طريقة الخط الفوقاني و التحتاني للسبورة يوازي

هاد كله على التعامد و التوازي اما الكتل فخلي البير بمغطاه امس بايتة تحفظ في جدول التحويلات
في الحقيقة سلسبيل من الناس الي ماتفهمهمش منين تقول تجيب نقاط تعميها و منين تقول تتخلفط فم وين تجيبها

اما افنان فلونة فالله اعلم راهي حافظت على نفس مستواها في الفصل الاول لا زادت و لا نقصت
بكل صراحة انا مش دايرة في بالي لسبب بسيط انها فاهمة مليح اللغة و الرياضيات و حتى الفرنسية و الحمدلله بالنسبة للحفظ و خوفها من الامتحان هوما الي مازالو مشكلة رانا نحاولو علاجها شوية شوية

في اللغة مازالها الوضعية الله اعلم والفت بطريقتي نطرح عليها الاسئلة او نعطيها الافكار الاساسية عاى هك قلت نبدا نجبد روحي عيها باش توالف تخرج من راسها وحدها

.................
اسفة هدرت بزاف لكن انت من سال يا الشيخ

[~ حراير ~]

المشاركة الأصلية كتبت بواسطة .. أم أسـيـــــل ..

سلام جميل حبيبتي ام محمد..........كيف الحال و بطلي الصغير ,,,,,,,,ربي يعينك عللى التربية الحسنة حبيبتي



راني موسعة خاطري معاها ودايمن نمدلها الاعذار..........مثلا يوم امس لما اتت من المدرسة و بعد ان قامت بوضع تقريرها اليومي عن الاحداث التي مرت بها سألها و ما هو اختبار الغد سكتت و قاتلي ماما متزعفيش؟؟؟؟؟ و هنا فهمت انها لا تعلم ..........سلتها معلمتكم لم تخبركم قالت لي لا ادري انا لم اسمعها ؟؟؟؟؟؟؟؟ و عندها تربية مدنية و تربية علمية......... تعرفين بقدر ما غضبت رت فكر في الضغط لي راح يكون على وئام و حقيقة درست المادتين بالكامل ..........الحمد لله اني في نهاية الاسبوع الماضي درستهم لها على عجالة و حلينا سجيات
الان سانتظر عودتها من المدرسة لاعرف في اي مادة امتحنو

و نبقاو نوسعو في خواطرنا ..........الحمد لله لي تحب تقرا و الا ربي يجيب الخير

تحياتي اقلبية الخالصة .......تهلاي في روحك

السلام عليكم
ام وئلم و ام محمد نقاشكم ممتع لاني نتذكر منين بناتي سنة اولى ودرك نشوفها و نتذكرها و نقول يا الاهي كانت الامور سهلة و انا تعبت روحي بالتفكير بزاف

المهم يا ام اسيل امس قريب خرجتيني من صمتي انت و الشيبانيات الي يشكو من النقاط
خاصة لما قلتي
النتائج هي الحاسم

صديقتي بنتك الاميرة نعمة كبييييييييرة بين يديك
و نقاطها الان مش هوما الحاسم هدا بالنسبة لي و عاودي اسالي المعلمين طراش وش يقولولك
بنتك تقرا و تجتهد و تطيعك و حابة تقرا وهي في سن صغيرة
نضن انه هنا وصرتك النتيجة و حاسمة ايضا انك انت نجحتي في تربية بنتك و حببتيها في الدراسة

بقا انك ماكرهيهاش و تفهميها انه العلم و المعرفة اهم

هي مجرد وجهة نظر ام وئام اميرة الهمزة

و نضن انه السنة الثانية راح تلقاي وئام اخرى تماما راح تفاجئك باذن الله

..................................
ام محمد تعرفي منين نشوف محمد هاز يديه لربي في التوقيع ندعيلو ربي يحققلو امانيه ربي يحفظهولك و يجعلو من الذاكيرن الشاكرين اللهم امين

[*أم سارة*]

المشاركة الأصلية كتبت بواسطة serine alger

والله يا أختي أمل .النتائج جيدة والحمد لله .ماعدى مادة واحدة وهي التاريخ والجغرافيا........................................ .................................................. .................................................. .....
اليوم قالي/المعلمة جابت للمكتب الدفاتر وراهي تحسب في المعدلات. وهو راهو خايف من الرتبة.
بلييييز فكريني باسم ابنتك.

ماشاء الله يا ام عادل نقاطه مشرفة وماتركزيش مع 7.75 النقطة مليحة والهفوات اكييييد تكون مع الكل وخاصة المجتهدين تغيبلهم في اشياء بسيطة وان شاء الله النقطة ما تأثرش على المعدل مادامت نقاطو في بقية المواد ممتازة ويارب واحد ما ينحيلو المركز الاول .....بالنسبة لاسم بنتي ريم سارة

المشاركة الأصلية كتبت بواسطة أم أمة الله الجزائرية

السلام عليكم

ابنتي عندها واحدة الميزة كي يكونوا الاختبارات ما تحبش تتعب وتحب تلعب وضيع في الوقت ويعجبها الحال كي نعود كل دقيقة نفكرها بلي عندها فرض او اختبار ترفعلي الضغط

اختي ام أمة الله الاغلبية راهم هكذا لازم احنا كل مرة نحرصوهم ونذكروهم بالامتحانات الاطفال يميلو للعب سواء في الخارج او الكمبيوتر والرسوم المتحركة ...انا عن نفسي ابنتي ولله الحمد مستواها جيد لكن نظن لوكان عندها امتحان وقلتلها معليش نتي مستواك مليح روحي تفرجي والي جابها ربي نرضاو بيها اكيد توافقني وتروح تجري للتلفاز ههههه لكن هذا لن يحدث موراهم موراهم بالشدة او باللين والله يعيننا وينجحهوملنا

المشاركة الأصلية كتبت بواسطة miku hatsune

كيماابني....اسئلة الفهم يدي العلامة الكاملة..... وفي الاسئلة المباشرة مع انه حافظ....الا انه مايحبش يطول في اجاباته...مثلا في :عرف....كيما ليوم اعطاتهم في المدنية....عرف القانون.....جابلها المختصر.....
دارلي الضغط.....قوتلوا لوكان مش حافظ نقولوا بالاك.....بصح راك حافظ.....وعلاه تبخل في الاجابات تاعك.....يعني اخطاء.....يروحوا فيها النقاط باطل.....ربي يعطينا الصبر.....وطولت البال.....

ام سرمد بصح المفروض راهم صغار على كلمة عرف كان من المفروض تديرلهم القانون هو ........وتحددلهم كلمة يتوقفوا عندها لانهم مازال ماراهمش متعودين على هذا النوع من الاسئلة راني نلاحظ حتى في السنة الخامسة يديرلهم الاسئلة تاع اربط واكمل الناقص واجب بصح او خطأ...انا بصراحة مانلومش الطفل خاصة انه ماشاء الله حافظ ....ربي ينجحوا وتفرحي بيه

المشاركة الأصلية كتبت بواسطة ام سوسو*

في الامتحان الاول درت روحي شاطرة وخممت في خطة باش نخليه يركز وقلت له لي يحل الاخير وميكملش الاول يجب 10 قال لي بصح فلانة و فلانة بقيتا الاخيرتين وواحدة جابت 3 و الاخرى 4 ضحكت ومعرفش واش نقول

ههههههههه......الاطفال عندهم ردود احيانا تكوني مقلقة تولي تضحكي.....قوليلو هذوك مساكن مستواهم ناقص ويطولو وهوما يحاولو يعرفو الاجوبة بصح اللي ذكي ومتفوق كيما انت تخيل يحط ورقتو او كراسو وممبعد يتفكر حاجة نسا ما كتبهاش ماشي يقول كان غير ماحطيتهاش واستفدت من وقتي كله....

المشاركة الأصلية كتبت بواسطة ام محمد و ملاك

https://www.djelfa.info/vb/showthread.php?t=1764999
اخواتى بدأت دورة حفظ القران الكريم من تريد الحفظ شاركت انا و محمد فرصة لحفظ كتاب الله اللهم وفقنا

جزاك الله خيرا وبارك فيك وفي ابنك

المشاركة الأصلية كتبت بواسطة نخله.

https://up./downloadf-top4...c2b1-docx.html

https://up./downloadf-top4...c2b2-docx.html


احمد يختبر الفرنسيه الاثنين القادم باذن الله

شكرا يانخلة الجود امتحانات جيدة وان شاء الله اليوم تحلهم ابنتي لان امتحان الفرنسية غدا ان شاء الله ...عندهم فقط الدرس تاع à_au_de ...ما قراوهش بما ان المعلم نادر الحضور نحاول نفهمهولها ان شاء الله ...ربي يوفق احمد في امتحاناته

المشاركة الأصلية كتبت بواسطة أبو ياسين29

أخواتي الفضليات

أخذ 10 في التربية الإسلامية، العلمية و المدنية لم تكمل التصحيح و غدا إن شاء الله الرياضيات و تربية فنية أما الخميس اللغة و المحفوظات و الأحد المقبل إملاء و كتابة
و الجميل في الأمر أن إبني يلعب و يمرح و ينتظر العطلة بشغف

ماشاء الله اللهم بارك فيه خليه يلعب ويمرح بعيدا عن قلق الامتحانات مازال صغير عليه

المشاركة الأصلية كتبت بواسطة نخله.

هذي طريقتي مع احمد و دايمت نقولو ونعاود ماتهمنيش العلامه ولا النتيجة اللي يهمني و يسعدني اني نشوفك تراجع و تتعب و تحضر وبعد ما يخلاص اخر اختبار نعملو حفله بسيطه اما نحضرلو تارت او نخرجو يشري حاجه بسيطة او اي شئ يسعدو حسب المقدور او حتى نخليه يسهل مع التلفاز هههههههه المهم نقولو بمناسبه العمل والنشاط

صح انا قلبي يكون يغلي في انتظار النتيجه لكن ما نبينلوش هههههههه

رانا كيما بعض انا نقوللها مادام شفتك راجعتي وتعبتي وحليتي مواضيع راني راضية على مجهودك وما تهمنيش النقطة ...لكن في الحقيقة تهمني ونحب مجهودها وتعبها تبان نتيجتو حتى كي نقولو لارواحنا ولا لبعضانا المهم المستوى يكون مليح ولا باز قوية بصح نحبو نشوفو ولادنا في المركز الاول بين اقرانهم ولا لالا .

المشاركة الأصلية كتبت بواسطة serine alger

بصراحة عجبتني هاد الجملة . يعني رانا كامل كيف كيف. أنا لما يجي من المدرسة مانسقسيهش .نرد روحي ماعندي غير مبالية بالنقاط .مع أني من الداخل نغلي. ونخليه حتى يقولي وحدو ......هههههههه :d:d:d

انا نستعمل هذا الاسلوب وننتظر هي تقول بصح مرات ماتجي تقول حتى تنشفلي ريقي وهي كيما عادل انهم لازم يدو اعلى نقطة في الفرض تاع الفصل الاول خلعتني حتى قريب دخت جات تبكي بكاء شديد من المدرسة وقالتلي اديت نقطة سيئة في اللغة وانا اصابني ذهول لان مستواها فيها مليح وعلى حساب ماحكاتلي خدمت مليح قلت مالا ادات 5 ولا 6 حضنتها وهديتها وممبعد بلعت ريقي بصعوبة وقلتلها ....شحال...عاودت رجعت للبكاء وقالتلي ....9...والسبب تاع بكاءها كاين طفل ادا 9.5 ...ههههه تخيلي كنت واقفة اتكيت على فراش وقلتلها علاه هكذا قريب شليتيني ...

المشاركة الأصلية كتبت بواسطة صابر 2008

بالنسبة لكلامكم حول التركيز
بصراحة مشكلة كبيرة جدا تكاد تكون سمة لصيقة بجل التلاميذ

.................................................. ....................................

التركيز و التسرع و الاسراع من اجل الانتهاء مشكلة حقاً

فعلا معظمهم يتسرعو غير باش يكملو بسرعة والغريب يتنافسو شكون يحط الورقة الاول

المشاركة الأصلية كتبت بواسطة miku hatsune

احبتي في الهمزة......رايت ان الكل على اعصابوا هذه الفترة.....إليكم هذه النصائح علكم ترتاحوا قليلا.....على ان نحرص على تطبيقها قدر المستطاع. ...كنت سانقل لكم الموضوع ....قص ولصق.....ثم قلت ربما اذا اطلعتم عليه من المصدر....تحلوا القراءة....بتغيير الأجواء......

https://www.saaid.net/afkar/school/t23.htm

شكرا ام سرمد جزاك الله خيرا

المشاركة الأصلية كتبت بواسطة .. أم أسـيـــــل ..

راني موسعة خاطري معاها ودايمن نمدلها الاعذار..........مثلا يوم امس لما اتت من المدرسة و بعد ان قامت بوضع تقريرها اليومي عن الاحداث التي مرت بها سألها و ما هو اختبار الغد سكتت و قاتلي ماما متزعفيش؟؟؟؟؟ و........................................
الان سانتظر عودتها من المدرسة لاعرف في اي مادة امتحنو

و نبقاو نوسعو في خواطرنا ..........الحمد لله لي تحب تقرا و الا ربي يجيب الخير

هههه ...معليش وسعي خاطرك مسكينة خافت تزعفي بصح علابالك صغيرة وما والفتش جو الامتحانات وهذي النقطة بالذات صراتلي من قبل كي تكبر وتوالف تلقايها حافظة الجدول ..واصلا المفروض الصغار يعطوهم جدول مطبوع يدوه للدار ..ربي يوفقها

المشاركة الأصلية كتبت بواسطة ~ حراير ~

السلام عليكم و رحمة الله تعالى و بركاته

الشيخ صابر بارك الله فيك
اريج الحمدلله جايبة روحها في الفروض خدمت افضل من الفصل الاول و لكن الامتحانات بداتهم و هي مريضة بالزكام

ربي يشفيها ويوفقها

سلسبيل المشاغبة اليوم عدها رياضيات عندها مشكلة كبيرة في التفريق بين المتوازي و المتعامد

ههههههه شحال ضحكت على المتوازي والمتعامد معليش روحي معاها بالعقل وقيلا هذي اللي تشيبك يا ام اريج

اما افنان فلونة فالله اعلم راهي حافظت على نفس مستواها في الفصل الاول لا زادت و لا نقصت
بكل صراحة انا مش دايرة في بالي لسبب بسيط انها فاهمة مليح اللغة و الرياضيات و حتى الفرنسية و الحمدلله بالنسبة للحفظ و خوفها من الامتحان هوما الي مازالو مشكلة رانا نحاولو علاجها شوية شوية

في اللغة مازالها الوضعية الله اعلم والفت بطريقتي نطرح عليها الاسئلة او نعطيها الافكار الاساسية عاى هك قلت نبدا نجبد روحي عيها باش توالف تخرج من راسها وحدها


انا ثاني حسيت بنتي والفت بالمساعدة والتوجيه في التعبير مالا وليت نقوللها انتي الله يبارك تعرفي تعبري خير مني مانزيدش نعاونك غير باش نقويلها ثقتها في نفسها تفرح كي نقوللها هكذا وتتحمس للتعبير

.................

ام باسط حبيبتي سلامي لك ولاولادك والله يوفقهم في الامتحانات

[ام محمد و ملاك]

المشاركة الأصلية كتبت بواسطة .. أم أسـيـــــل ..

سلام جميل حبيبتي ام محمد..........كيف الحال و بطلي الصغير ,,,,,,,,ربي يعينك عللى التربية الحسنة حبيبتي

من ناحية الاختبارات السابقة و النماذج يا اختي تقول راه تجوز الباك تضل تحل فيهم .........واسس انا ندخلها معايا للمطبخ و نبقاو وحدنا و تناديني معلمتي و تحاول تتكلم باللغة العربية لكن حدث و لا حرج..........احضر لك مرات تقولها ..........أجيب لك يعني نجيبلك.......... و مصطلحات غريبة حتى صرنا نقلدها في بعض المصطلحات الجديدة ضافتها للغة العربية
طبعا دوما اصحح لها لاضافة كلمات لرصيدها اللغوي..........

راني موسعة خاطري معاها ودايمن نمدلها الاعذار..........مثلا يوم امس لما اتت من المدرسة و بعد ان قامت بوضع تقريرها اليومي عن الاحداث التي مرت بها سألها و ما هو اختبار الغد سكتت و قاتلي ماما متزعفيش؟؟؟؟؟ و هنا فهمت انها لا تعلم ..........سلتها معلمتكم لم تخبركم قالت لي لا ادري انا لم اسمعها ؟؟؟؟؟؟؟؟ و عندها تربية مدنية و تربية علمية......... تعرفين بقدر ما غضبت رت فكر في الضغط لي راح يكون على وئام و حقيقة درست المادتين بالكامل ..........الحمد لله اني في نهاية الاسبوع الماضي درستهم لها على عجالة و حلينا سجيات
الان سانتظر عودتها من المدرسة لاعرف في اي مادة امتحنو

و نبقاو نوسعو في خواطرنا ..........الحمد لله لي تحب تقرا و الا ربي يجيب الخير

تحياتي اقلبية الخالصة .......تهلاي في روحك

صباح الخير حبيبتى كيف الحال
محمد الحمد بخير انهى البارحة اختباراته و الحمد لله اخذ 10 في كل المواد لغة رياضيات مدنية علمية و اسلاميه اما المحفوظات و الرسم و البدنية لا اعلم
البارحة كانت عنده رسم و جاء يبكى قال لى انا لست فنان ما عرفتش نرسم هههههههههه ضحكنى
احس ان وئام فيض من المشاعر ربي يخليهالك يا رب و تفرحى بيها
لا تلوميها على عدم تذكرها الخطأ ليس خطأها كان على المعلمة ان تكتب لهم البرنامج محمد الاسبوع الماضي كتبت لهم البرنامج في السبورة لكن قال لي محمد ليس كل الاولاد تمكنو من كتابته و في اليوم الموال طبعن لهم البرنامج ووزعته عليهم مزالو صغار مساكن واش رايحيين يتفكرو
اما اللغة الفصحى محمد تعلمها من خلال مشاهدته للرسوم المتحركة حتى ملاك التى كنت اعتقد انها لن تنطق بسسب تأخرها في كل شئ المشي حتى
عامين و النطق حتى ثلاث سنوات و نصف و الى الان نطقها غير سليم لكن في المدة الاخيرة اصبحت تشاهد مع اخوها الرسوم و بدأت تتكلم الفصحى
اتمنى ان تكون كل نتائجها ممتازة يا رب

[ام محمد و ملاك]

المشاركة الأصلية كتبت بواسطة ~ حراير ~

السلام عليكم
ام وئلم و ام محمد نقاشكم ممتع لاني نتذكر منين بناتي سنة اولى ودرك نشوفها و نتذكرها و نقول يا الاهي كانت الامور سهلة و انا تعبت روحي بالتفكير بزاف

المهم يا ام اسيل امس قريب خرجتيني من صمتي انت و الشيبانيات الي يشكو من النقاط
خاصة لما قلتي
النتائج هي الحاسم

صديقتي بنتك الاميرة نعمة كبييييييييرة بين يديك
و نقاطها الان مش هوما الحاسم هدا بالنسبة لي و عاودي اسالي المعلمين طراش وش يقولولك
بنتك تقرا و تجتهد و تطيعك و حابة تقرا وهي في سن صغيرة
نضن انه هنا وصرتك النتيجة و حاسمة ايضا انك انت نجحتي في تربية بنتك و حببتيها في الدراسة

بقا انك ماكرهيهاش و تفهميها انه العلم و المعرفة اهم

هي مجرد وجهة نظر ام وئام اميرة الهمزة

و نضن انه السنة الثانية راح تلقاي وئام اخرى تماما راح تفاجئك باذن الله

..................................
ام محمد تعرفي منين نشوف محمد هاز يديه لربي في التوقيع ندعيلو ربي يحققلو امانيه ربي يحفظهولك و يجعلو من الذاكيرن الشاكرين اللهم امين

بارك الله فيك اختاه على كلماتك الرائعة ربي يخليلك اولادك يا رب و تشوفيهم فى اعلى المراتب
معك الحق البارح فقط كان زوجي يقلى سنة اولى و صرالك هك منا و جاي واش يصرالك يا رب يصبرنا

[ام سوسو*]

ههههههههه......الاطفال عندهم ردود احيانا تكوني مقلقة تولي تضحكي.....قوليلو هذوك مساكن مستواهم ناقص ويطولو وهوما يحاولو يعرفو الاجوبة بصح اللي ذكي ومتفوق كيما انت تخيل يحط ورقتو او كراسو وممبعد يتفكر حاجة نسا ما كتبهاش ماشي يقول كان غير ماحطيتهاش واستفدت من وقتي كله....


الله غالب ولدي دائما متسرع وراني وراه بالخطط تاعي يا انا يا هو هههههههه لوكان تعطيه اخته لي أكبر منه ما شاء الله عليها ورقتها تقعد معاها لآخر دقيقة بالرغم انها تخلص اجابتها حتى انها احيانا لما ترفع راسها وتكون خارجة تلقى روحها غير هي وتلميذة اخرى ههههههه

[yacidani]

المشاركة الأصلية كتبت بواسطة miku hatsune

السلام عليكم ورحمة الله وبركاته
صباح الخير للجميع.....معطر بالتسبيح والحمد......لرب العباد.....

اخت ام ياسين.......ابني مازال معملوش الرياضيات....وعملوا العلمية لبارح....ربما يحضر الورقة اليوم.....واضع لك ما تضمنته......فيما يخص التمارين.....قوليلي وين وصلوا......بالاك نفيدك....اذا حبيتي نصورلك الاوراق إلي حضرتهالو للمراجعة. ...بالاك تلقاي فيها واش يساعدك....

عليكم السلام
أم سرمد


بارك الله فيك على الرد ... أمس كنت منشغلة في العمل لم استطيع عودة الدخول للهمزة

المهم أمس ياسين عمل ت مدنية لم يأتي بالورقة ..قالي خمس تمارينات عبارة عن أكمل الفراغات....... على القانون و قواعد اللياقة استهلاك الكهرباء و مخاطر التلوث....هنا اعتماد على الحفظ قالي جاوبت و الله أعلم

اليوم رياضيات ربي يستر ..نخاف المسائل و الأسئلة الخفية معلمهم يمدلهم ..مسائل نوعا ما صعبة

غدا ت علمية

و شكرا على الملف " كيف تجتاز الأسرة أيام الامتحانات"......جابلي ربي لوكان نقراو كــــامل كتب العالم بخصوص توتر الامتحانان ....لا نغير من ردة فعلنا مول طبيعة ما ينطبع كيما نقولو في العاصمة:d

سنحاول بارك الله فيك أم سرمد على كلامك الطيب و المساعدة

[serine alger]

المشاركة الأصلية كتبت بواسطة miku hatsune

احبتي في الهمزة......رايت ان الكل على اعصابوا هذه الفترة.....إليكم هذه النصائح علكم ترتاحوا قليلا.....على ان نحرص على تطبيقها قدر المستطاع. ...كنت سانقل لكم الموضوع ....قص ولصق.....ثم قلت ربما اذا اطلعتم عليه من المصدر....تحلوا القراءة....بتغيير الأجواء......

https://www.saaid.net/afkar/school/t23.htm

بارك الله فيك.