همزة وصل بين المعلم والولي : في طبعته الثالثة

[أبو ياسين29]

أعطيك مثال على الطفل محور التعلم
في المدرسة سيتعلم درس الجمع بالإحتفاظ في حصة أو حصتين مع كثرة التمارين سيتقن الدرس
في البيت تركت له فرصة إكتشاف الجمع بالإحتفاظ و لوحده و بتقنية جد جميلة أبهرتني و المعلوم أن كل ما يكتشفه الطفل لوحده يرسخ بدماغه و بالتالي إستحالة نسيانه و نقول وداعا لكثرة التمارين

[~ حراير ~]

المشاركة الأصلية كتبت بواسطة صابر 2008

السلام عليكم

واش راكم

أختي أم باسط
بعد الإختبارات _ إن شاء الله

سنحرص على تنشيط تلاميذ الروابع


إختبار مادة التربية المدنية للسنة الرابعة إبتدائي:
https://up./downloadf-top4...84d1-docx.html

و عليكم السلام و رحمة الله تعالى و بركاته

بارك الله فيك الشيخ على الامتحانات و ربي يجازيك بالخير و الاحسان

افنان عندهم درس واحد في المدنية راهي طايرة بالفرحة

و رانا ننتظرو اكيد في اي تحفيز بعد الاماحانات رغم انه و بكل صراحة انت استاذ كنت انشط منا احنا الامهات الي لم نلتزم مليح ان شاء الله درك يطوال النهار و نلتزمو مليح مليح

............................

[أم الولدين]

المشاركة الأصلية كتبت بواسطة serine alger

والله يا أختي أمل .النتائج جيدة والحمد لله .ماعدى مادة واحدة وهي التاريخ والجغرافيا.مع أن كل الاستجوابات الكتابية والشفهية علاماتو بين 9.5 و10. ولكن في الاختبار كانت المفاجئة. قالي في سؤال متعودة المعلمة تقولنا اللي يعملي زيادة نعطيه 0 على السؤال يعني باش مايكتبوش كل الخلاصة. وهاد المرة كان فيه سؤال وعادل احتار هل يضع كل الخلاصة أولا. بالتالي لم يكتبها وراحوا نقطتين فكانت العلامة 7.75 حتى اليوم لما جاب الأوراق للامضاء كتبت له على الورقة**مابك؟** وكانت هادي أسوأعلامة عندو. ولكنها للأسف ستؤثر على المعدل العام والرتبة. أما الرياضيات الحمد لله نال العلامة الكاملة و وفي اللغة نال أحسن نقطة وهي 9. لانها هاد المرة أعطاتو 3/4 في الوضعية .وهي المتعودة تعطي 2.5/4 كأحسن نقطة.
اليوم قالي/المعلمة جابت للمكتب الدفاتر وراهي تحسب في المعدلات. وهو راهو خايف من الرتبة.
بلييييز فكريني باسم ابنتك.

واع واع راني نرجف
فكرتيني في الفصل الاول يونس في التاريخ 7
لما قالي لانه معلمهم عادة يعملو الاختبار تم تم او بالمساء اكثر شيئ يقوللهم
لما جاء مصفر الوجه قالي امالا غسلت يدي و قلتله كمل اختباراتك ها انت هاباقي المواد
واثرت بشكل كبير على الرتبة و المعدل لانه مواد الحفظ للاسف ولو تروح منك 0.25 تاثر
مباشرة على المعدل العام عكس المواد الاساسية فيها 3 نقاط + التقويم
وعكس الفرنسية تاني
الله يجيب الخير يونس يوم الخميس اللغة مانعرف واش يعطيهم النص ؟؟

[أم الولدين]

المشاركة الأصلية كتبت بواسطة ام الزهراء

السلام عليكم

قلبي معمر وجيت نفرغوا ......لقيت الناس لكل قلوبها كي قلبي هههههه

الامتحانات وما دارت فينا

ان شاء الله نخرجوا من هذه الفترة على خير وبدون عاهات حاسة روحي يا اما لاطونسيو طالعة يا اما السكر وعلى الاغلب راح تجيني جلطة ههههههه

راني غير نضحك وشر البلية ما يضحك

رحماك ربي

هههه بعيد الشر كل شيئ يفوت الا الصحة الله يقوي صبرنا معه
اصلا الغدة راني بيهااا وراهي على سبة هاد الايام غير الحفظ راه مقنطني
لازم نحفظ معاه او نفهمه او نلخصله وبيني وبينكم التاريخ اووووو مين نشوفه ندوخ في مكاني الله يتر الاختبارات

[آيات سرمدية]

اكيد.....اخي ابو ياسين......كل ماتقوله صحيح.....ولكن المنظومة التعليمية عندنا ينقصها الكثير. .....فهي كما قلت قائمة على الجانب التقني...والنظري فقط......مجرد مقارنة بسيطة....مع باقي الدول تجد انهم.....يتعلمون بالملموس....ويكثرون من الخرجات....والدراسات الميدانية....في كل المستويات.....حتى تترسخ المفاهيم النظرية تطبيقيا.....اما عندنا فالاصلاحات.....قائمة بالشكل المقلوب....عوض ان تتوسع الدراسة الى خارج اسوار المدرسة.....قاعدين يوسعوا في البرامج و يزيدو في المواد التي لا طائل منها.....التي ستؤدي الى عقول تراكمية......وليس عقول مبدعة كما قلت.....
ماعسانا نقول....ربي يصلح الاحوال.....والله المستعان...

[ام الزهراء]

المشاركة الأصلية كتبت بواسطة أم الولدين

هههه بعيد الشر كل شيئ يفوت الا الصحة الله يقوي صبرنا معه
اصلا الغدة راني بيهااا وراهي على سبة هاد الايام غير الحفظ راه مقنطني
لازم نحفظ معاه او نفهمه او نلخصله وبيني وبينكم التاريخ اووووو مين نشوفه ندوخ في مكاني الله يتر الاختبارات

امين

ابتهال تاني غدا تاريخ و علمية ......وزيد قلهم نجيبلكم ابتداءا من الفصل الاول

وهذيك التواريخ كامل واش تحفظ واش تخلي رغم انها حافظة كل درس بوقتو الا ان كثرة التواريخ انا وحدة من الناس دوختني

ربي يكون معاهم ويمدنا بالقوة والصبر

[ام سوسو*]

المشاركة الأصلية كتبت بواسطة أم الولدين

هههه بعيد الشر كل شيئ يفوت الا الصحة الله يقوي صبرنا معه
اصلا الغدة راني بيهااا وراهي على سبة هاد الايام غير الحفظ راه مقنطني
لازم نحفظ معاه او نفهمه او نلخصله وبيني وبينكم التاريخ اووووو مين نشوفه ندوخ في مكاني الله يتر الاختبارات

انا عبد الحميد كذلك غدا تاريخ يا رب يجيب الخير و يوفهم كلهم

[ام سوسو*]

المشاركة الأصلية كتبت بواسطة ام الزهراء

امين

ابتهال تاني غدا تاريخ و علمية ......وزيد قلهم نجيبلكم ابتداءا من الفصل الاول

وهذيك التواريخ كامل واش تحفظ واش تخلي رغم انها حافظة كل درس بوقتو الا ان كثرة التواريخ انا وحدة من الناس دوختني

ربي يكون معاهم ويمدنا بالقوة والصبر

ربي يوفق ابتهال اختي أم الزهراء
ويعينك

[ام الزهراء]

شكرا اختي ام عبد الحميد

ان شاء الله كل من تعب واجتهد يلقى نتائج عمله

الله لا يضيعلهم تعب

وفق الله الجميع

[serine alger]

المشاركة الأصلية كتبت بواسطة miku hatsune

اخت ام عادل........رانا كيف كيف....قالك...اذا عمت خفت.....الإنسان كي يقرا مداخلات باقي الأمهات.....يرتاح شوي......
..

هههههه وليدك تاع الصح مايحبش يتعب يدو باش يكتب. قوليلي أنت تشح في الكتيبة اذن المعلمة تشح في النقاط. لازم يركز أكثر ومايضيعش النقاط. بالتوفيق ان شاء الله.

[serine alger]

المشاركة الأصلية كتبت بواسطة ام الزهراء

السلام عليكم

ان شاء الله نخرجوا من هذه الفترة على خير وبدون عاهات حاسة روحي يا اما لاطونسيو طالعة يا اما السكر وعلى الاغلب راح تجيني جلطة ههههههه

راني غير نضحك وشر البلية ما يضحك

والله ضحكتيني يا أختي رانا غير مع الابتدائي .ممن يلحقوا للباك يولي شعرنا أبيض.

[serine alger]

المشاركة الأصلية كتبت بواسطة نخله.

صح انا قلبي يكون يغلي في انتظار النتيجه لكن ما نبينلوش هههههههه

بصراحة عجبتني هاد الجملة . يعني رانا كامل كيف كيف. أنا لما يجي من المدرسة مانسقسيهش .نرد روحي ماعندي غير مبالية بالنقاط .مع أني من الداخل نغلي. ونخليه حتى يقولي وحدو ......هههههههه :d:d:d

[ام الزهراء]

المشاركة الأصلية كتبت بواسطة serine alger

والله ضحكتيني يا أختي رانا غير مع الابتدائي .ممن يلحقوا للباك يولي شعرنا أبيض.

ربي يقدر الخير .....المهم يطلعوا بباز مليحة باش يلقاو رواحهم في القادم

[serine alger]

المشاركة الأصلية كتبت بواسطة أم الولدين

غير سكتي انا اليوم صبحت عند الطبيب لما رجعت لقيته غمني
الفرنسية دراسة نص اول سؤال من هو بوبو
في النص يتحدث عن الكلون جا السيد زعمة لعبها فاهم زيادة
قاله شعره اشقر وانفه كدى و بدا يوصف فيه
ياخوفي كما قلت من الامتحا علاش السهل مرات ماشي مليح ليهم

أظن أن الموضوع عن المهرج*بوبو* . راهو عندي محتفظة بيه. يعني الاختبار ماشي حسب الدروس ؟

[serine alger]

المشاركة الأصلية كتبت بواسطة أبو ياسين29

--------------------------------------------------------------------------------------------




و لا حظت أن المدرسة تهتم فقط بالجانب الأخير و هذا ما يولد أطفال بدون إبداع مع الوقت ولكي في خريجي الجامعات أكبر مثال، عندهم المعرفة في تخصصهم ولكن غير مبدعين واللوم ليس عليهم بل على طريقة تعلمهم

والله يا أخي فكرتني بقصة عندها عامين في الجامعة. زوجي كانت عندو حراسة وكانت معاه أستاذة جديدة وجدت طالب يغش في يده ورقة فطلبت منه الخروج فرفض الطالب.خافت المسكينة فاستنجدت بزوجي.فذهب عنده وأمهله دقيقتين للخروج.طبعا الطالب خرج. وعند خروجه بدأ صديقيه بتوجيه عبارة اندهش لها زوجي وهي**اتقي الله يا أستاذ-اتقي الله** .بعدها قالي **والله كي سمعت هاد الكلام حتى قريب نشك أني ظلمت الطالب الغشاش** .يعني في الجامعة كباااار ويغشو .....ماذا بقي اذن؟