همزة وصل بين المعلم والولي : في طبعته الثالثة

[ام الاحباب]

المشاركة الأصلية كتبت بواسطة *hope*

صباح النجاح والتوفيق ان شاء الله ......ام اسيل غير بلعقل على اللؤلؤة تاعك كلنا عانينا من قلة التركيزمع اولادنا كل ماتكبر تنقص المشكلة ربي يفرحك بيها اعطيها قبلة من طاطاها امل ...زوجي خبرني ان معظم تلاميذه النجباء يغلطو غلطات تافهة سببها قلة التركيز قالي هي مشكلة المجتهدين.......ام الاحباب ماتقلقيش روحك الهفوات هي اللي تحضرها للامتحان النهائي وربي يوفقها فيه هي وكل اولادنا في الهمزة ...يا نخلة الجود والكرم راكي فكرتيني في نفسي الكل ينتقدني ...هذا العام نقصت على بنتي الضغط وركزتلها على الفرنسية لكن بطريقة غير مباشرة نفس واش حكيتي انت كي نكونو في المطبخ...عند التلفاز...كي نقراو قصة...مرة على مرة نعطيلها حاجة بلا ماتمل هكذاك وكل مرة نسمع كلمة ماتضغطيش على الطفلة.....عندي طلب بما اننا في فترة امتحانات اختاريلنا موضوع او اثنين بصح يكونو في المستوى في الفرنسية يحلوهم اولادنا حنا الروابع كمراجعة لامتحان الفرنسية انا بنتي حتى الخميس باه تديرو بقالها هو والرياضيات فقط واش رأيك

مقدرتش مانتقلقش اختي ملي بدات الدراسة وانا انقول معليهش ..راح تستفيد من اخطائها لكن ...دائما نفس الشئ...راهي السنة الخامسة ولا يفصلنا على الامتحان الا شهرين ونصف لكنها هي هي ....

[serine alger]

المشاركة الأصلية كتبت بواسطة *hope*

ام عادل ما اخبار النتائج ان شاء الله تكون مبشرة

والله يا أختي أمل .النتائج جيدة والحمد لله .ماعدى مادة واحدة وهي التاريخ والجغرافيا.مع أن كل الاستجوابات الكتابية والشفهية علاماتو بين 9.5 و10. ولكن في الاختبار كانت المفاجئة. قالي في سؤال متعودة المعلمة تقولنا اللي يعملي زيادة نعطيه 0 على السؤال يعني باش مايكتبوش كل الخلاصة. وهاد المرة كان فيه سؤال وعادل احتار هل يضع كل الخلاصة أولا. بالتالي لم يكتبها وراحوا نقطتين فكانت العلامة 7.75 حتى اليوم لما جاب الأوراق للامضاء كتبت له على الورقة**مابك؟** وكانت هادي أسوأعلامة عندو. ولكنها للأسف ستؤثر على المعدل العام والرتبة. أما الرياضيات الحمد لله نال العلامة الكاملة و وفي اللغة نال أحسن نقطة وهي 9. لانها هاد المرة أعطاتو 3/4 في الوضعية .وهي المتعودة تعطي 2.5/4 كأحسن نقطة.
اليوم قالي/المعلمة جابت للمكتب الدفاتر وراهي تحسب في المعدلات. وهو راهو خايف من الرتبة.
بلييييز فكريني باسم ابنتك.

[أم أمة الله الجزائرية]

المشاركة الأصلية كتبت بواسطة ام الاحباب

مقدرتش مانتقلقش اختي ملي بدات الدراسة وانا انقول معليهش ..راح تستفيد من اخطائها لكن ...دائما نفس الشئ...راهي السنة الخامسة ولا يفصلنا على الامتحان الا شهرين ونصف لكنها هي هي ....

السلام عليكم

ابنتي عندها واحدة الميزة كي يكونوا الاختبارات ما تحبش تتعب وتحب تلعب وضيع في الوقت ويعجبها الحال كي نعود كل دقيقة نفكرها بلي عندها فرض او اختبار ترفعلي الضغط يومين هاذو دخلتهالي 7 7 في الاسلاميةروالعلمية .
على كل حال المهم مليحة في الفهم والحفظ اما الاسئلة ما تجاوبش كما ينبغي ولا يهمها عندك الرياضيات لي تحبها ما شاء الله.

كان الله في عونكن يا أخوات وإن شاء الله تتحصل بنتك على نتيجة ترضيك وتفرح بيها

[آيات سرمدية]

اخت ام عادل........رانا كيف كيف....قالك...اذا عمت خفت.....الإنسان كي يقرا مداخلات باقي الأمهات.....يرتاح شوي......
كيماابني....اسئلة الفهم يدي العلامة الكاملة..... وفي الاسئلة المباشرة مع انه حافظ....الا انه مايحبش يطول في اجاباته...مثلا في :عرف....كيما ليوم اعطاتهم في المدنية....عرف القانون.....جابلها المختصر..... قالي قالتلنا لا يلزم تكملوا الخلاصة.....تسما نصف العلامة راحت هنا.....والبارح دارو علمية....جابتلهم....عرف التربة.....نفس الشيء اعطاها نصف الخلاصة.....والي كتبهالها شطبتلوا عليها.....وراحت 2نقاط.....
دارلي الضغط.....قوتلوا لوكان مش حافظ نقولوا بالاك.....بصح راك حافظ.....وعلاه تبخل في الاجابات تاعك.....يعني اخطاء.....يروحوا فيها النقاط باطل.....ربي يعطينا الصبر.....وطولت البال.....

[ام الزهراء]

السلام عليكم

قلبي معمر وجيت نفرغوا ......لقيت الناس لكل قلوبها كي قلبي هههههه

الامتحانات وما دارت فينا

ان شاء الله نخرجوا من هذه الفترة على خير وبدون عاهات حاسة روحي يا اما لاطونسيو طالعة يا اما السكر وعلى الاغلب راح تجيني جلطة ههههههه

راني غير نضحك وشر البلية ما يضحك

رحماك ربي

[دُرة بيتي]

السلام عليكم احبتي في الله

يبدو ان الشعور نفسه عند جميع الامهات و كلنا نعاني من فترة الامتحانات ندعو ربي يكلل تعبنا بنجاح اولادنا ونفرح بهم

غاليتي ام الزهراء ....بعيد الشر عليك ان شاء الله تفرحي بالابطال وكلنا معك


اخي صابر شكرا لك على مجهودك وجعله الله في ميزان حسناتك ونحن في الانتظار


اختي نخلة ادا حملتي امتحانات الرابعة اعمليلي كوبي كولي هنا رجاء....لان حاسوبي لا يحمل الملفات لاادري اين الخلل او انه تعطل من كثرة الالعاب

[نخله.]

امتحان ت اسلاميه سنه 4 كان سهل اليوم و في المتناول

اختيار اركان الايمان

ربط الكتب السماويه على من نزلت

ربط الايات بالسور

صح او خطأ

لكن احمد اخطأ في جواب انا نت السبب فيه و هو الاجتهاد في الدراسه يدل على البر بالواليد انا قتلو خطأ لما كنا نراجعو و هو دارها فالاختبار ياريت تروحلو نص نقطة وليس نقطة كامله

[ام الاحباب]

المشاركة الأصلية كتبت بواسطة ام الزهراء

السلام عليكم

قلبي معمر وجيت نفرغوا ......لقيت الناس لكل قلوبها كي قلبي هههههه

الامتحانات وما دارت فينا

ان شاء الله نخرجوا من هذه الفترة على خير وبدون عاهات حاسة روحي يا اما لاطونسيو طالعة يا اما السكر وعلى الاغلب راح تجيني جلطة ههههههه

راني غير نضحك وشر البلية ما يضحك

رحماك ربي

بعيد الشر علينا من الامراض ......هكذا رانا صحاح وواقفات وولادنا ربي يحفظهم ....راهم يحتاجونا..

[دُرة بيتي]

اختي نخلةاختبار التربية الاسلامية يشبه اختبار ابنك
يكمل اية الايمان يعني كلمات ناقصة
وتمرين الربط بين الكتاب والرسول الدي انزل اليه
وتمرين صح وخطا
مامون اخد 9.5

والتربية العلمية

يكمل الناقص عن الجهاز الهضمي
صح وخطا وتمرين عن التوجهات الاربعة
مامون اخد9

الرياضات من بعد نصورو اخد مامون 10 واللغة مازال ما صححوه
اما باقي المواد مازالوا

[ام الاحباب]

المشاركة الأصلية كتبت بواسطة miku hatsune

اخت ام عادل........رانا كيف كيف....قالك...اذا عمت خفت.....الإنسان كي يقرا مداخلات باقي الأمهات.....يرتاح شوي......
كيماابني....اسئلة الفهم يدي العلامة الكاملة..... وفي الاسئلة المباشرة مع انه حافظ....الا انه مايحبش يطول في اجاباته...مثلا في :عرف....كيما ليوم اعطاتهم في المدنية....عرف القانون.....جابلها المختصر..... قالي قالتلنا لا يلزم تكملوا الخلاصة.....تسما نصف العلامة راحت هنا.....والبارح دارو علمية....جابتلهم....عرف التربة.....نفس الشيء اعطاها نصف الخلاصة.....والي كتبهالها شطبتلوا عليها.....وراحت 2نقاط.....
دارلي الضغط.....قوتلوا لوكان مش حافظ نقولوا بالاك.....بصح راك حافظ.....وعلاه تبخل في الاجابات تاعك.....يعني اخطاء.....يروحوا فيها النقاط باطل.....ربي يعطينا الصبر.....وطولت البال.....

كيما الحبيبة انتاعي ....سوا ....سوا....ربي يكون في عوننا...الحمد لله انني وجدتكم بجانبي لافرغ قلبي ...لا احد يحس بي الا انتم ....للي نحكيلو يقولي بركاي ماتضغطي على الطفلة .... ..راهي مليحة .......بصح انا مانيش مقتنعة ...

[ام الزهراء]

شكرا ام باسط وام اسماء

لكن والله من غلبي هذه الهفوات والاخطاء التافهة متى تنتهي .....العام قريب ينتهي وحنا بلحوحنا خرج ووقتنا ضاع ويجيو في الامتحان تقول عمرك لا قريتي

ربي يكون في عونهم المعلمين نهار كامل يفهموا ويعاودوا ووقت الامتحان النتائج ما تسرش اكيد يحكمهم احباط

[ام الزهراء]

المشاركة الأصلية كتبت بواسطة ام الاحباب

كيما الحبيبة انتاعي ....سوا ....سوا....ربي يكون في عوننا...الحمد لله انني وجدتكم بجانبي لافرغ قلبي ...لا احد يحس بي الا انتم ....للي نحكيلو يقولي بركاي ماتضغطي على الطفلة .... ..راهي مليحة .......بصح انا مانيش مقتنعة ...

كامل هنا في الهمزة عندنا نفس العقلية

قالولي شوفي طبيب انت اكيد مريضة

[نخله.]

ام باسط

ماشاءالله على ولدك ربي يوفقو


احمد تحمس لنقاط صاحبو الجديد مامون

راهو معايا نراجعو للغة و مرات نخليه يقرا ردودكم يفرح بيها




قوليلي المواد اللي تحتاجي نننقلهملك هنا

[ام سوسو*]

لا عليكم يا اخواتي مشكلة التركيز تقريبا عند الكثير من التلاميذ
يارب يوفق أولادكم وتشوفهم في احسن المراكز
فانا ابني مثلا التسرع ملازمه تقولي لاحقين وراه استاذه قال لي متسرع في اجابته و المشكلة يكون عارف الاجابة الصحيحة ويحط الخاطئة امس في التربية العلمية جاب 8.5 و بالرغم اني عارفته حافضها وعارف الاجابة
في الامتحان الاول درت روحي شاطرة وخممت في خطة باش نخليه يركز وقلت له لي يحل الاخير وميكملش الاول يجب 10 قال لي بصح فلانة و فلانة بقيتا الاخيرتين وواحدة جابت 3 و الاخرى 4 ضحكت ومعرفش واش نقول

[دُرة بيتي]

المشاركة الأصلية كتبت بواسطة نخله.

ام باسط

ماشاءالله على ولدك ربي يوفقو


احمد تحمس لنقاط صاحبو الجديد مامون

راهو معايا نراجعو للغة و مرات نخليه يقرا ردودكم يفرح بيها




قوليلي المواد اللي تحتاجي نننقلهملك هنا

اهلا وسهلا اختي نخلة وتشرفنا بمعرفة صديقنا احمد
معلش نخلوهم اصدقاء باش يتشجعوا ببعضهم

انا بغيت اختبارات الرياضيات واللغة اللي حط روابطهم الاخ صابر ما حبوش يتحملولي

راني في حرب مع الحاسوب تعبني كل مرة عندو علة ههههه هوتاني مسكين تعب من كثرة الايدي والالعاب

ربي يحفظك ويحميك......
شفتي الهمزة بيت كبير وجمع اجمل ناس...ربي يدوم النعمة ويحفظها من الزوال