الدورة الرابعة"الرقي لمدبرة منزل مثالية" - الصفحة 47

souhir69 · 2012-03-03, 22:08

من هاكدا انا تاني رسليلي للكتكوتة ديالي كادوا راهي حملت عليا الدار بلعياط

بلغي سلامي الى الام الحنونة

souhir69 · 2012-03-03, 22:12

اشورة يا زوينة وين راكي غابرة

واقيلا راكي متفاهمة مع حبيبة

انا ما نحبش كامل الخلايع لا خاطرش تقضي عليا

الله يرجعكم بالسلامة

souhir69 · 2012-03-03, 22:18

وين راكي يا مازوزية ديالنا انقضيني البنت راه حاب يخرج قلبها من البكى وينك يا ملاكي

*ملاك الليل* · 2012-03-03, 22:23

اقتباس:

المشاركة الأصلية كتبت بواسطة souhir69

من هاكدا انا تاني رسليلي للكتكوتة ديالي كادوا راهي حملت عليا الدار بلعياط

بلغي سلامي الى الام الحنونة

اكييييييييييييي مافيش مشكل
ان شاء الله يعجبها

بوساهالي بوسة كبييييييييييييييييييييرة

*ملاك الليل* · 2012-03-03, 22:26

اقتباس:

المشاركة الأصلية كتبت بواسطة souhir69

وين راكي يا مازوزية ديالنا انقضيني البنت راه حاب يخرج قلبها من البكى وينك يا ملاكي

راني بعتلها ان شاء الله ما تتشرطش علينا هههههههههههه

حبيبة مابانتش

اسيل1990 · 2012-03-03, 22:29

اقتباس:

المشاركة الأصلية كتبت بواسطة *ملاك الليل*

راني بعتلها ان شاء الله ما تتشرطش علينا هههههههههههه

حبيبة مابانتش

وعععععععععععععععععععععععععع

راني نبكي راني غرت وشنو هدا انا حقرتيني

حرام عليك ادا بنتك حملت الدار بالعياط انا نرحلكم كامل

وععععععععععععععععععععععع

المهم راكي هنا و انا نحوس عليك

يا يما المهم ماتبحرتيش لقيتك هههههههه

اسيل1990 · 2012-03-03, 22:32

اقتباس:

المشاركة الأصلية كتبت بواسطة minnnaaa

اسولة العسولة كيراهي ماماك ؟,واختك ريحت شويا؟
رانا كامل نطلبو ربي يشافيهم ويردلك شمعة الدار"ماماك" ليكم بخير
اصبري اختي هادا امتحان من رب العالمين وربي ادا احب قوما ابتلاهم
ادعيه في كل وقت ,,وما تعبيش ,حتى تشوفي اختك ناضت وماماك حلت الباب عليك وهي في صحة وعافية
امين يا رب

اهلين حبيبتي كيف الحال

انشاء الله حنونة ربي يشفيهم و يشفي جميع المرضى

والله نتعب و نفشل كي نشوفها مريضة و لكن الان الحمد لله كي شفتها و حكيت معاها برك والله الدنيا و مافيها

و اخت الحمد لله راهي تتعافى و شنو انا برك اللي مازالني مصدومة منها شوية
المهم مع الوقت راني ننسى

شكرا اختي الكريمة ربي يخليك

انوسة07 · 2012-03-03, 22:34

انا عندي غير حبيبة لي تجاوبني و ترد عليا و راها ما بانتش و نتوما يا بنات قولولي ما كانش لي تقدر تتصل بيها؟ اسيل راني كتبتلك ملاحضة صغيرة ان شاء الله تستفادي منها و ماماك ريحت؟

اسيل1990 · 2012-03-03, 22:36

اقتباس:

المشاركة الأصلية كتبت بواسطة انوسة07

اسيل المجتهدة اعتبري هذا كما قالت لك الاخت امنحان من عند رب العالمين و الله رايحة تزيد قوتك و خبرتك في تسيير البيت و تلقاي روحك بعد الزواج انا عمري ما تحملت مسؤولية البيت صح علمتني ماماتي الطياب و الميناج بصح جامي طاحو كامل على راسي حتان تزوجت و جبت طفلة راني حصلت و ما لقيتش لي ينصحني و يقولي المشكل في تنظيم الوقت حتى عجوزتي عادت تمشي و تضحك عليا قدام الناس و الله حشمت من روحي و درك الحمد لله لقيتكم و لقيت حبيبة قدام لا نرحل لدار ةحداخرا ما فيهاش النت يعني قعدلي الشهر او اقل في يدينا انا و حبيبة باش تعلمني و تفهمني قدام لا تطفر فيا

شكرا حبيبتي ربي يخليك

راني نجرب فيها انا تاع الدار كي تكون عليك كامل صح صعيبة شوية و لكن لازمة علينا
و الله مرات نفشل كي نشوفها مريضة
وراني نحاول اني نخدمهم و نعاونهم كيما يلزم حتى يبرى امي الغالية

وانت اختي الكريمة ربي يوفقك و يهنيك و يفرحك

انوسة07 · 2012-03-03, 22:39

شكرا اسولة ربي يكون في عونك و يفرحك حبيت نسقسيك ماكيش عارفة كاش اخبار على حبيبة؟ فرحيني

اسيل1990 · 2012-03-03, 22:39

اقتباس:

المشاركة الأصلية كتبت بواسطة انوسة07

انا عندي غير حبيبة لي تجاوبني و ترد عليا و راها ما بانتش و نتوما يا بنات قولولي ما كانش لي تقدر تتصل بيها؟ اسيل راني كتبتلك ملاحضة صغيرة ان شاء الله تستفادي منها و ماماك ريحت؟

والله ماعلابالي وين راهي
واقيلى مشغولة

راني قريتها الملاحظة تاعك ربي يخليك اختي الكريمة و اكيد رايحة نستفاد منها حبيبتي

بالنسبة لامي و الله اليوم احسن كي شفتها اليوم لقيتها مليحة و الله رتحت بالبزاف

راني نستنى فيها و قتاش تجي للدار و تنورهالي