هنا توضع طلباتكم واستفساراتكم - الصفحة 47

*أم كوثر* · 2012-02-24, 17:38

ال الاخت ريم تفضلي هنا تلقاي اللي حابة

https://www.djelfa.info/vb/showthread.php?t=760023

طائر النورس مغتربة · 2012-02-24, 17:59

شكرا ام كوثر على الاهتمام المشكل لي لقيتو هو العجين يلسق فطابع عندما درتو فزيت ماحبش يتنحا مع اني خليت الطابع سخن مليح

*أم كوثر* · 2012-02-24, 18:17

شوفي اختي الزيت سخنيه مليح من بعد نقصى على النار و حطي الطابع في الزيت شوية و ديريه في العجينة و الغلطة اللي اديريها معظم اللي جرباتو انها تغطس الطابع كامل في العجينة و هدا يخليها تلصق و ماتمدش شكل جميل
الطابع غطسيه في العجينة بحيث ماتعديش الحواف تع الطابع يعني العجينة ماتوصلش للطابع من فوق من بعد حطيه في الزيت ومع تحطيه بعد تشوفي الوردة تشكلت و انتزعت وحدها من الطابع
نتمنى نكون افدتك

miri_27 · 2012-02-24, 18:29

اقتباس:

المشاركة الأصلية كتبت بواسطة طائر النورس مغتربة

شكرا اختي على الاهتمام جربت الوصفة هدي لاكن مع الاسف مانجحتش معايا

اهلا اختي لم تنجحلك الطريقة لانك غمرت الطابع كله في الزيت كما انني اكدت في طريقة القلي على هذه النقطة اعدي قراءة الوصفة و ستلاحظين ذلك

miri_27 · 2012-02-24, 18:32

السلام عليكم رجاء اريد كيفية تحميل تسجيل للراديو للتوضيح اكثر في حوزتي تسجيلات للسيدة صليحة في مجال الطبخ و بعض الاخوات طلبنها لذا احببت ان اضعها في موضوع لكنني ليست لي خبرة في كيفية ادراجها و شكـــــــــــــــــــــــــــــــــرا لكل مساعدة

s.rym1 · 2012-02-24, 18:59

اقتباس:

المشاركة الأصلية كتبت بواسطة *أم كوثر*

ال الاخت ريم تفضلي هنا تلقاي اللي حابة

https://www.djelfa.info/vb/showthread.php?t=760023

شكرا جزيلا,ربي يحفظك

طائر النورس مغتربة · 2012-02-24, 21:21

شكرا راح نعاود الطريقة وان شاء الله برك تنجح

azade · 2012-02-24, 21:33

سلام أختى اظن راكى على البسبوسة أبحثي فى المنتدى راهم حاطينها

natacabell · 2012-02-24, 22:15

halwet smide li kouna naklouha ki kouna sghare hahahh welah manaarafha

halimahalo · 2012-02-25, 08:44

أختي أم كوثر ربي يحفظك راني جربت القاطو نتاعك اللي عنوان موضوعه هلموا...قاطو جديد بصح الميرانغ ماجانيش طالع خلاص القاطو جاني نصف الحجم نتاعك جاني هابط تعيشي أعطيني طريقة عمل الميرانغ تاعو بالتفصيل وفي أقرب وقت وإذا صبتي اليوم لاخاطر نحوس نديرو لاختي اللي متزوجة غدا ونديهولها ربي يحفظك

*أم كوثر* · 2012-02-25, 09:47

مرحبا اختي القاطو جاء هابط ممكن لانك كبرتي قياس المول لي طيبتي فيه
المورانغ كي تحطيها في الفرن متكونش على نار قوية هادئة فقط حتى تنتفخ و تتحمر و تهدى شوية و ديري الشوكولا و كي ديري الششوكولا ماتضغطيش باه ماتهبطش المورانغ
هدا كل شيئ و المورانغ هديك هي الطريقة كما قلتها

جيجلية · 2012-02-26, 09:15

السلام عليكم ورحمة الله وبركاته

اخواتي نحوس على وحد الحلوى تتخدم باللوز او الكاوكاو والزبدة تتلم بالبيض وتحشى بالبندق مغلف بالحلقومة وتشكل اهرامات

ثم تطهى وتزين بالشيكولة السوداء وخطوط من الشيكولة البيضاء

أنا جربتها وجاتني هايلة بصح غبرتلي الوصفة

ممكن تساعدوني

راني لقيت الوصفة

شكرااااااااااا

liliane24 · 2012-02-26, 10:56

اقتباس:

المشاركة الأصلية كتبت بواسطة miri_27

السلام عليكم رجاء اريد كيفية تحميل تسجيل للراديو للتوضيح اكثر في حوزتي تسجيلات للسيدة صليحة في مجال الطبخ و بعض الاخوات طلبنها لذا احببت ان اضعها في موضوع لكنني ليست لي خبرة في كيفية ادراجها و شكـــــــــــــــــــــــــــــــــرا لكل مساعدة

أختي ميري الله يبارك فيك للاهتمام بطلباتنا ، أختي طريقة وضع تسجيل هي نفسها طريقة وضع صورة هع اختلافات بسيطة.
طريقة وضع الصور موجودة على الرابط : https://www.djelfa.info/vb/showthread.php?t=399732
فقط قومي برفع التسجيل بدل الصور، عند نهاية الرفع يظهر لك رابط بلون مختلف قومي بفتحه، وانسخي عنوان الصفحة المفتوحة وقومي بوضعه في موضوعك من خلال النقر على الصورة التي توضح إدراج رابط و نسخه هناكة نتمنى تكوني فهمت أختي و ان احتجت توضيح فأنا في الخدمة

hado5 · 2012-02-26, 19:25

salut ,svp;je veux la recette de "cournier"merci

راجية عفو الله · 2012-02-27, 21:23

السلام عليكم
كانت ماما قبل تطيب لينا قاطو بالنواد كوكو للسيدة رزقي يجي على شكل هلال و مالقيتش الوصفة تاعو راني سخفت عليه
اللي عندها الوصفة تاعو تقولي عليها وشكرا مسبقا