انت تسال و نحن نجيب نرجو المشاركة

[aimad17]

اخت كوكو هاذا الدليل فيه كل الانشطةكيف يعمل التلميذ المنهجية....
اود ان احضر به قبل كل درس بماذا تنصحينني

[نرجس المنتدى]

المشاركة الأصلية كتبت بواسطة koukou93

حنجاوبك بالتسلسل
1-نحس روحي متفوقة في الرياضيات
2-المواد الادبية الي مدرستهاش جيدا هي اللغات و كانت نقاطي فيها عادية باستثناء العربية كانت كارثة
3-في العلوم ماكانش رسومات بزاف و الرسومات الي فيها سهلة جدا و متعبش
4-الحوليات المفضلة عندي هي حوليات وزارة التربية للعام الماضي رائعة
5- نقاطي كانت كالتالي
علوم و فيزياء 16.5
رياضيات 19.5
عربية 11.5
فرنسية 15.5
انجليزية 14.5
فلسفة 15
اجتماعيات 16
شريعة 19.5
رياضة 19.5
6-بالنسبة للمراجعة كي نروح من الليسي اذا ما كنتش تعبانة نراجع ساعتسن لاكان كنت تعبانة بزاف نرتاح و مبعد نراجع قد مقدرت
اما في العطلة فالاسبوع الاول كلو دروس اضافية و نرتاح يوم او يومين الاسبوع الثاني نحفظ و نحاول ندير حوصلة شاملة لواش قريت في الثلاثي
7-نعم الاجتماعيات حفظت كل الدروس و حاولت نركز على التواريخ المصطلحات و الشخصيات لانو عليهم 12 نقطة
ربي يوفقك خويا و زيد كشما احتجت راني هنا

شكراااااااا لك ومبروك عليك توجه طب لعقوبا لى مزالو

[نرجس المنتدى]

هل كتاب الهباج اعتمدتو عليه وهل حل بعض من مشاكلكم

[koukou93]

المشاركة الأصلية كتبت بواسطة نرجس المنتدى

هل كتاب الهباج اعتمدتو عليه وهل حل بعض من مشاكلكم

شخصيا مستعملتوش

[aimad17]

ممكن منهجية ايجاباتك لكل مادة اختkoukou

[koukou93]

المشاركة الأصلية كتبت بواسطة aimad17

ممكن منهجية ايجاباتك لكل مادة اختkoukou

كيفاش وش قصدك نكتبلك الاجوبة

[aimad17]

لا ما فهمتينيش
اقصد المنهجية مثلا الفلسفة تضعين لكل درس مقولاته و فلاسفته اولا ام في الاخر
العلوم في الوسخ تفسرين ولا ام تحللين بغض النظر عن ترتيب الاسئلة
وشكرا

[نرجس المنتدى]

الاخت كوكو نتى واشحال معدلك وهل يمكن تقولينا هل تنهضين باكرا فى ايام الدراسة او لا وهل تعتمدين الحفظ فى صباح الباكر

[koukou93]

المشاركة الأصلية كتبت بواسطة aimad17

لا ما فهمتينيش
اقصد المنهجية مثلا الفلسفة تضعين لكل درس مقولاته و فلاسفته اولا ام في الاخر
العلوم في الوسخ تفسرين ولا ام تحللين بغض النظر عن ترتيب الاسئلة
وشكرا

لا لا انا نحفظ الدرس و يكون بداخلو اقوال فلاسفة
اما بالنسبة للمسودة في العلوم فانا ندير فيها التحليل و التفسير و الاستنتاج و الرسومات باختصار ندير فيها كلش بصح منطولش

[aimad17]

اخت نرجس كاش جديدحول العلوم

[koukou93]

المشاركة الأصلية كتبت بواسطة نرجس المنتدى

الاخت كوكو نتى واشحال معدلك وهل يمكن تقولينا هل تنهضين باكرا فى ايام الدراسة او لا وهل تعتمدين الحفظ فى صباح الباكر

انا الحمدلله جبت 16.47 ايه كاين يامات كيمانكونش تعبانة نوض بكري و الدراسة الصباح مفيدة و كاينة حاجة مننصحش بيها انا كي بقا تقريبا شهر او اقل للياك و مكملتش كاين ايام وين نضت على 2 تاع الصباح للحفظ بصح نصبح راقدة ولا نصبح فليكور و انا معنديش وقت محدد نحفظ فيه و كل واحد يحفظ بطريقتو بالتوفيق و كشما تحتاجي راني هنا اي سؤال جاك في راسك اطرحيه عليا

[aimad17]

بارك الله فيك اخت كوكو يعني الفلسفة لازم نحفظ الدرس من اوله الى اخره باش ندير اي مقالة مهما كان السؤال

[koukou93]

المشاركة الأصلية كتبت بواسطة aimad17

بارك الله فيك اخت كوكو يعني الفلسفة لازم نحفظ الدرس من اوله الى اخره باش ندير اي مقالة مهما كان السؤال

هيييه و لازمك تفهم الطرق

[aimad17]

لقد نزعت مني عبئا كثيرا اسمه الفلسفة
كل من نجح عندنا في الباك لم تتعدى علامته7

[koukou93]

المشاركة الأصلية كتبت بواسطة aimad17

لقد نزعت مني عبئا كثيرا اسمه الفلسفة
كل من نجح عندنا في الباك لم تتعدى علامته7

هاذوم قادر يكونو محفظوش الفلسفة ولا ماعطاوهاش قيمتها