الجزء رقم 185 من الكوزينة بالمحبة والابداع نرتقي - الصفحة 47

أم فاطمه · 2017-12-20, 10:24

صباح الخير اخواتي الكريمات اصبحنا واصبح الملك للله والحمد للله

صباح. الانوار ام يوسف رحتي ترقدي بكري لبارح كراه وليدك اللله يحفضهلك من كل سوئ

jenah · 2017-12-20, 10:30

صباح الخير علي الجميع كي صبحتو

اسمحيلي ام فاطمة ندخل بيديا فارغين راني غير نلكيدي برك مليت الكزينة وطياااااااب خخخخخخخ

أم فاطمه · 2017-12-20, 10:45

صباح الورد والياسمين جناح واش راكي حنونة وجهك خير

Fifilondon · 2017-12-20, 11:07

صبلح الخير ام فاطمو كي صبحتى ؟ ريحتي من لقريب ؟
ام يوسف صباح الخير واش راكي واش راهم الاولاد ؟
جناح اهلا صباح الخير واش راكي ؟ اسكتي وبرك حتى انا كرهت ما اىكوزينة الله يحفظ ويسطر وقتي كامل غي. في الكوزينة ههههه
ليوم فطوري ان شاء الله مقارون

Fifilondon · 2017-12-20, 11:10

نحطلكم صورة من الارشيف فوتوكوبي هههه تفضلو

Fifilondon · 2017-12-20, 11:16

نزيد نحطلكم شوي من الارشيف باه نزهيو الكوزينة مابيد يدخلو الاخوات يزيدو يزهيوها باطايبهم اكثر

أم فاطمه · 2017-12-20, 11:24

اهلا. فيفي يسقسي عليك الخير رني خير ملي كنت الحمد للله شكرا على ارشيفك رائع وصح فطورك مسبقا المقرون الله يكتر الخير ويدوم النعمة

jenah · 2017-12-20, 11:36

اعيشك ام فاطة علي كلامك زين يازينة الحمدلله كي ريحتي شوية ربي يتم شفاك حنونة
عندي صاحبتي تلمسانية ماشاء الله واش عجبني فيكم نيف ومتماسكين ماشاء لله خيار ناس
صباح الانوار اختي فيفي كاش برد وثلوج عندكم اطباقك تحفة رووووعة بصحة عليكم

jenah · 2017-12-20, 11:39

فطوري باذن لله كسرة كوشة وحميس ودولمة كرومب نتاع البارح اللهم لك الحمد ولك شكر اللهم ادم عليك النعمة وحفضها من زوال

أم فاطمه · 2017-12-20, 12:06

يسلمك حبيبتي جناح شكرا غمرتيني بكلامك العطر على اهل تلمسان اهلا وسهلا بيك عندنا نحطك في عيني

أم فاطمه · 2017-12-20, 12:19

جناح نسيت انا ليوم معجنتش الكسرة تبالي صيفطلي خبزا وخلاص ههههههههه

صح فطورك الحميس والدولما والله يعطيك الصحة
انا فطوري ان شاء الله شوربة وسلاطة خص

أم يوسف2 · 2017-12-20, 12:30

سحابة ربي يوفقك ويشفيك
ام فاطمة كي راكي غاية خخخ زعما رحت نرقد وليدي نعست حتى نوضتني ليسطوما درت البارح بغرير صباح وواش بقا لوبيا حتى شربت دوا. صورت البغرير لكن مالقيتش الصور لقيت وحدة كي كان فالقدرة هخخخ واليوم درت جواز بطاطا نحبو الصور ماحبوش يفوتو امبعد نزيد نحاول
فيفي امممم ارشيفك روعة بصح اكتبي اسمك على الصور حبيبتي
جنة وشراكي لاباس ربي يحفظك ختي

أم يوسف2 · 2017-12-20, 12:30

ام فاطمة بصحتك الشربة والسلطة

طيور الجنان · 2017-12-20, 13:18

صح غداكم حبيباتي
ام فاطمة لعزيزة ان شاء الله تكوني ريختي شوية ياختي هذاك المسفوف ديريه لتفراج كيما قالولك الله يبارك تحفة التزيين تاعك. ماشاء الله على زوجك ربي يدوم لمحبة بيناتكم ماعليش المهم طيبلك حاجة بيدو.
ام هدول بصحتك كسرة الشحمة اااه كسرة التونة الله يبارك تشهي يعطيك الصحة و السفر ان شاء الله الاسبوع القادم المهم مازالت العطلة انا راني نستعد و فرحااااانة بالجمعة ان شاء الله نروح. البسبوسة اللي سقييتيني عليها بسبوسة بالدانيت هااايلة جربوها ماتندموش تاع اخت اسمها ام اسيل اذا تحبي تشوفيها في اليوتوب و اذا خبيتي نكتبلك الوصفة من عيوني.
حيوتة امممم بصحتكم الارشيف يهبل ياعيني كل شي بالطبع و بصحتكم العدس و الداند .
فيفي بصحتكم المقارون تشهي مطرح مايسري يمري.
وردة بصحتكم لمحلبي الله الله.سحابة الله يبارك الماشطو و الكسرة يشهو يشهو.
ام يوسف بصختكم البغرير.
جنة اهلا اختي .
اللي نسيتها تسمحلي.
ا

طيور الجنان · 2017-12-20, 13:19

فطوري شطيطحة لحم و هذاك درتو لوليدي داه معاه.