الجزء 182 من الكوزينة( ان شاء الله تكون فاتحة خير عليكم) - الصفحة 47

~~hamou0210~~ · 2017-10-10, 21:16

ابصحتكم ام يوسف للعلم راني ندخل باسم زوجي

أمنية غفران · 2017-10-10, 21:38

السلام عليكم و رحمة الله تعالى وبركاته

أخواتي الكريمات عضوات و زائرات و كواليسات كيراكم

دخلت نسلم عليكم و نرحب بلي كانون غائبات كيما سيليا و الجديدات معنا كيما حمو مرحبا بيكم جميعا بلا ما ننسى صحابات الكوزينة الفحلات ام فاطمة و اخواتها

ام يوسف قولي لي كيفاه درتي العبر نتاع الغريبية الكلاسيكية و بصحتك الغريبية الي تحصل في القرجومة هههههههههههه و الله يا حبيبة الأكل اذواق و حتى في الغريبية كاين الي يحبها تكون مقرمشة واش رايك امممممممممم

هي في البداية خلطي مليح الزيت مع السكر و العبر يكون مثلا كاس زيت مع كاس ماشي مليان سكر شوفي راني درت الوصفة في صورة للغريبية و ان شاء الله تجربيها حتى تخرج كيما راكي حابة بصح ننصحك استعملي كاس شاي ولا نتاع موطارد صغير هاكة باش ديري كمية قليلة

تفضلي الغريبية كاس زيت كاس ماشي مليان سكر و ثلاث كيسان فرينة هادا هو العبر الي معتامداته و العجينة تجيني طرية

و بالمناسبة أخواتي هاد الأيام مانيش نطيب راني ندخل الكوزينة في الليل برك باش ندير حاجة للقهوة كيما الليلة راني درت موسكوتشو بسيطة بمقادير مضبوظة و تكيلي بعلبة ياغورت تفضلو الوصفة في صورة و ان شاء الله تجربوها و تعجبكم و راني ما قطعتهاش مازالها سخونة

تفضلن

لا تنسونا من صالح دعائكن حبيباتي

في أمان الله

ام هدول · 2017-10-10, 21:46

مسا الخير بناويت،،،نساوين كيف الحال،،،،،
اولا نعزي اختنا ام ياسو ،،ربي يرحم الوالد ويصبركم عليه،،،،ان لله وان اايه راجعون
ام جوجو،،،بالشفا عايك من الزدره بلاك تبدل الجو وبرتي،،،ولمدربل دربلني،،،من بعداعطيني طريقتك،،،ومشكوره
ام يوسف اخيرا استمتعتي بلغريليه بصحتك حنونه زاش حزال ضرستك و الوالده
ام فواز،،،،،شوقتينا للصورك،،،
ام فاطمه ماشا الله كل صبع بصنعه ونحب نشزف مواضيعك،،،
سيليا بصحتك التحواس والتقلاش في فرنسا الصور رائعه،،،،،،
بيلسان واش راكي اليوم رحتي للطبيب ولا مازال
ام هديل يادره الوالده اليوم ان شالله تكون تحسنت

ام هدول · 2017-10-10, 21:52

ملوكهِِِِ،،،،واش نقولك اللوبيا بالزيتون تهببببببل،،،،وبنينه،،،بنينه ربي يعشلك ملاكك الصغير،،،وباباه ويحفضك ليهم،،،،،

ام هدول · 2017-10-10, 21:54

عشانا كسكس الشعير بالخضار ومدهون بزين الزيتون،،،امممم
ولا اروععععععع

ام هدول · 2017-10-10, 22:04

لبنات،،،هدا تطبيقي للبسبوسه بالكسكس،،،،روحو شوفوها في قسم التطبيقات ،،،،وقولولي رايكم
فضلا وليس امرا

سلامي للجميع خاصه امينه
. مغرقتنا بكرمها مع الوصفات،،،،،

أم فاطمه · 2017-10-10, 22:23

السلام عليكم لبنات
أهلا امينة واش ركي شكرا على وصفة الغروبية والمسكوتشو رائعين وانتي الاروع

ام. هدول الوبيا والكسكس تاع الشعير يشهي زوجي يحبه البسبوسة رايحا نشوفها انشاء الله شكرا على كلامك الطيب دائما تشجعني الله يخليك حبيبتي
تصبحو على خير

zokhrofa · 2017-10-10, 22:56

سلام لبنات حبيت برك نسلم عليكم كااااااااااااااااااااامل و نقوللكم توحشت طيابكم و كوزينتكم الزينة لكن للأسف بسيف لا يطلعولي الصور لذلك تقبلو مروري فقط لكي اقول تصبحن على خير

عشايا كان شربة التليتلي مممممممممممم بنة

أم يوسف2 · 2017-10-11, 04:36

امينة وشراكي توحشتك الغريبية السكر ماحبش قاع يذوب ودرت ثلاث كيسان ونصف فرينة وايييه صح خويا يحبها تقرمش خخخخخ هبلني
صحيتي على الوصفات
ام هدول بصحتكم وش طيبتي الضرسة تحبس وتولي ومع جهة تاع القراجم ماحبتش تتفش والوالدة عندها كونترول تدير سكانار دعواتكم
ام فاطمة زخرفة وشراكم حبيباتي

أم يوسف2 · 2017-10-11, 04:37

وحيوتة وين راهي مادخلتش

ام هدول · 2017-10-11, 06:41

اللهم صلي وسلم عاى سيدنا محمد وبارك عى ىسيدنا محمد وعاى اهله وصحبه اجمعين،،،،،
احلى صباح،،صباح الخير

أم فاطمه · 2017-10-11, 08:35

السلام عليكم صباح الخير واليسمين

جبتلكم باش تتقهواو تفضلو [

IMG]https://www.m5zn.com/newuploads/2017/10/11/jpg//dcf0f7448fc2b03.jpg[/IMG]

~~hamou0210~~ · 2017-10-11, 09:14

السلام عليكن ام يوسف راكي ناشطة راكي اتبكري الله يعونك

سحابة باردة · 2017-10-11, 09:45

صباح النور على الحراير
حيوتة البطاط مع الفلفل روعة حتى أنا جربتها والخبيزات لاكرام باتيسيار يشهو
فيفي بصحتكم راجعت بصح نسيت واش حطيتي هههه
أم جوجو المدربل يشهي يعطيك الصحة فكرتيني فيه كنت أديرو بزاف حقا طريقة تصويرك نفس طريقتي أهم حاجة تبان الصورة على الطبيعة وشابة فيف كاميرا الoppo علامة
سيليا العرضة عند أختك هايلة وبصحتك السفرية
أم هدول دوما مبدعة اللوبيا بزيتون خرجتلك علامة حتى أنا معولة نجربها
أم فاطمة الله يبارك كل صبع بصنعة خياطة وطيبات يعطيك الصحة
أم يوسف كيفك جبينا الغريبية دبري راسك هههه
أمنية حمد عسلامة بصحتكم الموسكوتشو
العائدات بعد غياب أم هديل وأم إسلام نقولهم مرحبا من جديد
بيسو ربي يشفيك
وهذو حبيبات كعك لزوم النشاط

Fifilondon · 2017-10-11, 12:03

سلام لبنات واش راكم ان شاء الله لاباس والله يعطيكم الصحة على ولش حطيتو كل شيء هايل الله يبارك الكل ماشاء الله.