دورة " اللَّهُم بلغنـــــا رمضان 1438 لا فاقدين و لا مفقودين

[rowaida18]

لتكملة الأخطاء الشائعة في الوضوء













و اللي حبت ترجع لموضوع الوضوء مبسط تلقاه في الصفحة 43
و بالنسبة للأخطاء الشائعة اللي ذكرتها من قبل تلقاه في الصفحة 44

[rowaida18]

أخطاء شائعة في الوضوء
يجب تجنبهــــــــــــــــــــــــــا
لتصح صلاتـــــــنا...ااااااااااااا

[rowaida18]

و هذا موضوع التيمم

[ام تينة]

جزاك الله خيرا اختي رويدا

[rowaida18]

التيـــمـم

[rowaida18]

أختي أم البنين فيما يخص موضوع تعليم الأولاد الصلاة
أولادي دائما نبدأ نعلمهم كي يقفلو 7 سنوات كما وصانا نبينا صلى الله عليه و سلم و ما نضغطش كثير في هذه الفترة (7 سنوات) لأنها حاجة جديدة عليه و حتى اإذا نسى ما نلزموش باش يعوض الصلوات الفائتة
و ثم كل ما بدأ يكبر نبدأ نزير بالشوية و نذكرهم ...و نذكرهم ....وأحيانا أخرى نصلي معاهم ...و أحيانا نعيطلهم يصلو معايا.......و كل واحد من ولادك كيفاه.....
كاين اللي نشجعو بخرجات مع باباهم كاين اللي نشجعو بحلوى....... وكاين يكفيه غير تشجعيه....أو تذكريه......(علموهم على سبع)
و لاكن كي يوصلو عشر سنوات و هم ما زالو يتهاونو بالصلاة فطبقتلهم (واضربوهم على عشر)كما قال النبي صلى الله عليه و سلم ...
لأن في هذه المرحلة إذا تسامحتي معاهم ما رايحاش تفرى و أنوع أساليب العقاب ( ساعات نقرص.، ساعات بالبليغة،.........) و جابت معاهم نتيجة
لأنك إذا فاتتك هذه المرخلة و ما عاقبتيش رايحين يدخلو في سن المراهقة و يطوالو و يصبحو قدك بالطول و لا أكثر فمستحيل تستعملي هذه الطريقة معاهم.......
و صدقيني تبعي هدي النبي صلى الله عليه و سلم .....و راح تشوفي النتيجة المهم تبداي على 7 التعليم و التوجيه فقط بدون عنف
و كل ما أدى صلاتو أفرحي بيه ...عنقيه....شجعيه........استعملي كل الوسائل اللي تقدري عليها في هذه المدة و رايحة تشوفي.....بلا ما تنساي تدعيلهم التوفيق و السداد من الله عز و جل........

بالتوفيق...........................

أستغفر الله و أتوب إليه

[جهينة اليقين]

السلام عليكم حبيباتي شكرا رويدة على المجهودات
بالنسبة لشهر رمضان المبارك صدقوني هو الشهر الوحيد في السنة الي ارتاح فيه نفسيا والاخوات راهم يعرفو الضغوطات الي عندي
وهدفي دائما هو المحافظة على صحة عائلتي من ناحية الطبخ فاطبخ الشربة في الطين والطاجين فالاينوكس
عدم شراء العصائر والمشروبات الغازية وتعويضها بصناعتها في البيت
عدم استعمال قطع البنة جومبو في الشربة والاكتفاء بقطعة لحم طازجة والخضار والقصبر والمعدنوس
عدم الاكثار من المقليات وتعويضها الفرن عدم الاسراف والتبذير وذا درت زيادة نبعثو للجيران او الوالدين
كل البهارات نغسلها ونرحيها فالدار هذه فقط امثلة للاستعداد للشهر الفضيل

[جهينة اليقين]

وباش ما تزعفش ام تينة وتقول تاع كرشها اليك اهدافي الدينية
اول مشروع ال120 تاع ام تينة ربي يجازيها
ارضاء الوالدين وخدمتهما بما استطعت
المحافظة على العلاقة الجيدة مع الجيران واحتسابها لوجه الله وكذلك تلبي لهم اي طلبات او مساعدة
التصدق عدم الغيبة الابتعاد عن الجدال
المحافظة على صلاة التراويح في البيت والتهجد والختمة
كذلك اوصي اخواتي وبناتي الي عايشين مع لوسات او سلايف او عجايز وما يحبوش يعانوهم فالشغل يحتسبوه لوجه الله لان في رمضان الاجر مضاعف بحول الله

[ام تينة]

حياك الله حبيبتاي والغالية جهينة انت الاروع والله لن اقوووووووول لك الا

الحمد لله الذي رزقني اخوات متلكن بنكهة الجنة

ربي يثبتك ويثبتك ويثبتنا

[ام تينة]

حياك الله حبيبتاي والغالية جهينة انت الاروع والله لن اقوووووووول لك الا

الحمد لله الذي رزقني اخوات متلكن بنكهة الجنة

ربي يثبتك ويثبتك ويثبتنا

[ام شمسو محمد]

كيفاش تذوبي الجليد من اللحم

التذويب البطيء للجليد من اللحم يضمن الحصول على نفس طعم اللحم الطازج الشرط انو يكون في الثلاجة تحت درجة حرارة اقل من 4 درجات مئوية ....و بالتاكيد مش خارج الثلاجة تحت حرارة الغرفة او قرب مصدر حرارة وين تتكاثر البكتيريا .

ضعي اللحم اللي راح تذوبيه في وعاء داخل الثلاجة و غطيه بورق بلاستيكي باش تتجنبي التلوث مع الاطعمة الاخرى .

اذا كنتي مستعجلة و تحبي تذوبي اللحم بسرعة كاينة ثلاث طرق و لكن لازم تعرفي انو اللحم راح ينتج سائل احمر و بالتالي يفرغ من عصيرو اللي يطبخ فيه ويتحول للملمس اللين ..و يصبح جاف و طعمو اقل جودة ...

اغسلي يديك جيدا قبل اثناء و بعد لمس اللحم ....نظفي كذلك كل الاسطح و الاواني اللي كانو على تماس مع اللحم المجمد .


ديكونجلي في الميكرووند

و لكن الطريقة ممكن ما تكونش ناجحة تماما ...الطعم ناقص و الطياب يكون في السطح فقط مش عميق .

ديكونجلي اللحم تحت الماء :

هذي هي الطريقة الاسرع ..حطي اللحم في صلادي و كبي الما البارد على كل القطع بحيث تتاكدي من غمرها جميعا ...الما لازم يبقى بارد باش تتجنبي البكتيريا

ديكونجلي اللحم بالطبخ

كي يكون اللحم مفروم او مقطع قطع صغيرة للشربة ديريه مباشرة يطيب و زيدي وقت الطياب احسبي ذوبان الجليد .

رغم ذلك للحصول على طعم افضل من الاحسن ما تستعمليش هذي الطرق الا في حال ماكانش عندك الوقت .

[ام شمسو محمد]

المشاركة الأصلية كتبت بواسطة rowaida18

لأن في هذه المرحلة إذا تسامحتي معاهم ما رايحاش تفرى و أنوع أساليب العقاب ( ساعات نقرص.، ساعات بالبليغة،.........) و جابت معاهم نتيجة
لأنك إذا فاتتك هذه المرخلة و ما عاقبتيش رايحين يدخلو في سن المراهقة و يطوالو و يصبحو قدك بالطول و لا أكثر فمستحيل تستعملي هذه الطريقة معاهم.......

حبيبتي رويدا عجبني كلامك كل بصح هذي فوقهم....ههههه انا وليدي مهبلني على الصلاة عندو 9 سنين مزلت نهدر و نعيط و نتبع ...نخاف كون يخرج ما يصليش ...بصح مزلت ماقرصتش و ما ضربتش بالبليغة ....احييك على الاتباع المطلق لهدي خير الانام

[ام شمسو محمد]

حبيبتي جهينة طل القمر اهدافك فيها حكمة محددة بدقة و اسلوبك الصحي واعي رزقنا الله و اياك خيري الدارين .

[ام شمسو محمد]

حبيبتي ام تينة الدروس اللي حضرتيهملنا لو تجزئيهم لمقاطع و تعرضيهم على فترات كلما استوعبنا فقرة حطيلنا فقرة اخرى ...رجاءا حبيبتي

[رندة.]

مساء الخير
في حديثكم عن تعليم الصغار الصلاة ، اسلوب الترغيب يجيب نتيجة احسن بكثير.
بالنسبة للذكور ياريت ياخذوهم اباءهم معاهم للمسجد او يصلو معاهم جماعة في الدار، هاذي طريقة رااااائعة تعلمهم الالتزام.
والبنات نفس الشيء مع الام.