الجزء 171 من واش طيبتي اليوم�� كوزينة اللمة والمحبة والبساطة ����

[lyzzabel]

[كوثر التائبة]

حياة انا نطلع في التصاور والتريسيتي راحت هدا واين جات
تفضلي باروكي

[كوثر التائبة]

[lyzzabel]

صحة قهوتكم حبيباتي و مطرح ما يسري يمريي

رزييييقة يا عمريي راكي تتوحمي الف الف مبروووك ربي يثبتلك حملك و يكملك بالخيير و يرزقك مولود سليم معافى و العقوبا لقاااع لي متزالو يااارب
القاتو ايسبانيوول ما فيهش حاجة واعرة كي تشكلي العجينة اقسميها على ربعة ،، 3 كرات متساوية و وحدة صغيرة شوية هي لي تطحنيها باش تزيني بيها من فوق ،، و البلا ديري في تاع الكوشة تاع الكويزينيااغ هداك لكحل خخخ و اقلبيه علة فمه يعني العجينة حليها على ظهر البلا و طيبيها مباشرة بلا ما تنحيها و من الأحسن فرشي عليه ورق الزبدة و كلما تطيبي عجينة خليها تبرد و اقلبيها في بلا كبير و واسع باش ما تتهرسش و كملي هاكا مع البقية و كي تديري الكريمة بين الطبقاات خليه يبات طبعاا فالثلاجة غادي يطرا و يجي تحححححححفة ،، انا كنت معولة نعاودة مي الفرصة ما جااتش مع العلم انه يدي الوقت فالتحضيير و ربي يعاونك حنووونة


ام كاامي نسيت قبيلا باش نقولك ربي يشفي الامووورة ما تستهزييش بيها سيغت كي عندها الحمى انا تاني صفصووفي حبي مرضلي بالريح كان عنده سيمانتين ملي زاد بصح ما جاتهش الحمى و الحمد لله ديته لطبيب الأطفال و دروك راه مليح ،، ما تكتريلهاش الكسوة و الغطا باش ما يزيدوهاش الحمى و ربي يخليلك وردااتك ،، و تسلمي على الوصفات المصورة لي راكي تحطي فيهم

شكراا للي عجبهم طياابي عيوونكم الحلويين ربي يخليكم ،، و زقزووقتي هديك لوبيا طايبة فالفرن مع اللحم بعدما فورته غلطت كي حطيتها و كتبت صووتيي خخخخ ،، دك نكتبلك الوصفة قدام لا ينوض انووسي و يبدا الجهاد .

[كوثر التائبة]

ام ساجد اطباقك فن سورتو طريقة التقديم يعطيك الصحة
ام ابراهيم القاطو راهو يشهي تحفة ممكن الوصفة

[كوثر التائبة]

وهدا تطبيقي لروز بلجاج والطماطم تاع ام واليد روعة في البنة

[lyzzabel]

لوبيا خضرا مع لحم مفور

اولاا تبلت اللحم كل وحدة تدير التوابل لي تبغي حتى انا مشي دايما ندير نفس التواابل من غير الملح و الفلفل الأسود و الثوووم خخخ ،، زدت معاهم شوييية كمون و سكنجبير و عود قرفة و قطرات من الخل ،، مداري ندير تاني البصل رابي ولا مقطع رقيق سا ديبون يديا كيفاش يتمشو و ورقات رند ولا زعتر و لا موتااغد........
حطيت اللحم في كيس الشواء و حزمته و ثقبته و خليته يفور على مهله حتى يبقى يخصه شوية طيااب ،، قلعته
من جهة اخرى نقيت اللوبيا الخضرا و غسلتها و قطرتها خخخ و درت معاها بصلة صغيرة مقطعة رقيقة و تنجمي تديري الثوم انا ما درتهش خاطش كاين في لا صوص تاع اللحم ،، و ملح و فلفل اسود و ورقات رند و ضفت عليها اللحم المفور مع لا صوص تاعه في بلا زجاجي و غطيتهم بالألمنيوم ،، تنجمي تضيفي طريفات تاع زبدة ولا شوية زيت الزيتون من فوق ،، و خليت اللحم يكمل الطياب مع اللوبيا و يتحمر و الصلصة تعقد ،، البنة رهييييبة تققققتلللل يمييي

تنجمي تفوري اللوبيا مع اللحم انا ما قدنيش البلاص فالكسكاس امالا درتها هاكا و الف صحة و هنااا

[x ام رحاب x]

مبروك عليك هادا الجزء من الكوزينة يالفحلة والشاطرة ماتزعفيش مني كانت النات مقطوعة عندي وكنت عند امي مرضت بزاف رحت نجري عندها جيت غير نهار السبت
ارشيفك ماشاء الله كلش ايشهي وبروزونتابل تسلم ايدك حنونة انتضري مني الباروك غدوة ان شاء الله

[كوثر التائبة]

ليزبال واشراه مولودك الجديد وانتي ان شاء الله تكوني ريحتي
ام رحاب الف الحمد لله على سلامة الوالدة ربي يشفيها ويعافيها

[um alaa]

جيت قبيلات نحطلكم التاي النت هبلتني وااع

[x ام رحاب x]

اهلا وسهلا بليزاتي العزيزة واش راكي ووليداتي والبيبي واش راه وانت واش راكي حنونة والصحة توحشتك حبيبتي

[x ام رحاب x]

كوثر حبيبتي ربي يخليك حنونة واش راكي واش راهم وليداتك ربي يخليك على الدعوة
غدوة ان شاء الله راني لاهية

[ام نور الهدى 2014]

ياعمري زقزوقة بعتتلي سﻻد تبرد القلب يعطيك الف صحة و ربي يرزقك درية صالحة ان شاء الله
ام الوءة جارتي الحبيبة ﻻﻻ مش فوق البوشي امبعد نقولك وين سواسوا الكوناكسيو تمرض
ليزا يسلموووو حنونة مالغري مانيش ناكل ﻻ جاج ﻻ لحم لكن الجاجة تاعك تهبللل يسلمو و اكيد كي نزيد هاوديهالي باش ناكلها هههههه

[lyzzabel]

يا عمريييي شكون جاااات ميمتي الغااالية الحمد لله على سلاامتك و سلاامة لمييمة ربي يشفيها و يعافيها و يطول في عمرها ياااارب ،، الحمد لله رانا لاباس و انا تاني توحششششتك و حتى انا كنت غايبة على الكوزينة هبلتنا النت مخلصينها و قاطعينهالنا ،، وليداتك راهم يبوسو يديك في زوج منا و منا ،، ربي يحفظك و يخليك لينا يالحنييينة

ام الوووءة ياااي جبتيلي طنجي هداك ما نبغي و المشوك تحححفة يعطيك الصحة

كوثر يسال عليك الخيير حبيبتي الحمد لله رانا لاباس و نتيا يعطيك الصحة كلشي حطيتيه روووعة روووعة تسلم ايديييك

[ام سارة18]

صح عشاكم
حياة جبتلك تطبيقي انا زدت معها طون خفيفة تهبل