الجزء 141 من واش طيبتي اليوم؟.؟؟؟؟؟ - الصفحة 47

ام و ابنة · 2015-08-30, 21:15

ام كاميليا الحمد لله اللي رجعت بخير اكيد توحشناك
اهلًا روضة وش راهو وليدك
ساجدة و ام افنان ماشي عوايدهم يغيبو هكذا
اسيا الله يبارك كلش متحوف و بالطبع بصحتكم يالفحلة

دائمة الشكر · 2015-08-30, 21:15

شكرًا اختي ام وابنة عندي هذي ابليكاسيون ههههه نجرب نحط وصفات لتروح النات تبهدلنا هههههه

دائمة الشكر · 2015-08-30, 21:16

اسيا بصحتكم

ام و ابنة · 2015-08-30, 21:19

ليزابيل وين راكي ياخي وليدك راهو لاباس؟؟
ام محمد تاج راني نشوفك بالرامكان تع التحلية في يدك هاتي نذوقو معاك خخخخ
ام ياسين نسيت البارح نقولك سنيوتك عمريلها الثقوب بفرينة او سميد مخلطين بالماء و يكون ثقيل قريب عجينة و بالشوية يتغلقولك الثقوب واحدهم من الايدام اللي يتكون فيهم مهما حاولت تغسلي مليح

ام و ابنة · 2015-08-30, 21:23

اقتباس:

المشاركة الأصلية كتبت بواسطة المعلمة الجديدة

صدقي و لا كدبي و الله كنتي في بالي و قلت كان تشوفها ام و ابنة ضرك تقول اليوم تعشات بكري بصح و الله ما تعشيت مزلت وجدت برك وعشيت الاولاد و انا وراجلي مازال

خخخ القلوب عند بعضاها

اقتباس:

المشاركة الأصلية كتبت بواسطة دائمة الشكر

شكرًا اختي ام وابنة عندي هذي ابليكاسيون ههههه نجرب نحط وصفات لتروح النات تبهدلنا هههههه

مليحة و الله تنفعك ما تنساينيش برك بدعوة الخير نهار تروح النت و تصيبي الوصفة الل تحبي

اقتباس:

المشاركة الأصلية كتبت بواسطة روضة 88

ام وابنة راني في حالة مع وليدي معرفتش وش نديرلو ظهري قتلني من الهزان انتاعه.

روضة وش بيه بالضبط هل يتفشش برك و يحوس عاليدين و لا حاجة تضرو

دائمة الشكر · 2015-08-30, 21:25

ام وابنة والله ندعي دائما بدعوة الخير لاخواتي في منتدى الجلفة تعلمت منهم بزاف حاجات ربي يحفظهم كامل ويحفظ ولادهم ويعطيهم راحت البال اللهم امين

ام سراج وملاك · 2015-08-30, 21:27

صح عشاكم حبيباتي شكرا لتعليقاتكم ودعواتكم لاخي ربي يخليكم كامل
ميزو مشكورة اختي
ام كاميليا على سلامتك اختي
ام وابنة لاصوص نتاع دوبارة متطيبش تجي وحدها نية والحمص والفول تطيبيهم عادي وتخليهم بالماء نتاعهم وكي تسقيهم حطي لصوص ناشفة فوق الحمص بالماء نتاعو اذا تحبي لبصل تقدري تضيفيه في دوبارة مقطع مكعبات الوصفة لي حطيتها مجربتها من قبل هيا دوبارة بسكرية متجيش بالبصل وساعات نضيفلها لبصل مقطع مكعبات نيء خطراه راجلي يحبو مع القارص مقطع شرائح وعلى فكرة الاخت لي نقلت الوصفة في وصفات حراير نقلها تكتب قدامها منقولة خطراه هزيتها من فايس بوك كي طلبتني رجاء حطيتهالها خطراه مجربتها من قبل وانا من طبعي منحبش نسرق وصفات الناس خطراه راهم يتعبو باش يحطوهم المهم اكتبي قدامها وصفة منقولة برك وخليها ثم بلاكش يجربوها خرين وتعجبهم خطراه راني مجربتها من قبل وزادت رجاء الاماني جربتها وعجبتها

الرجاء الاماني المجد · 2015-08-30, 21:28

ام وابنة مساء الخير نعم الحمص شمخيه ليلة قبل ونبعد في الصباح ديريه في الكيكوطة وديريلو الزيت وفلفل اكحل والثوم وانا زدتلو جابو دجاج ولاصوص ارحي الطماطم في الرحيوة لشريتها مشي بزاف وقطعي الفلفل دي مرسو صغار وثوم وطماطم مصبرة والكمون وزيت الزيتون والحشيشة وكي ايطيب الحمص خلي فيه الماء وحطي الحمص وضعي فوقو لاصوص وزينيه بالحشيشة وشويا زيت الزيتون وبصحتكا

ام و ابنة · 2015-08-30, 21:36

ربي يجازيكم خير الرجاء و ام سراج و ملاك
حقا ام سراج ياخي خطبتيني في بنتي لوليدك و لا راني غالطة

ساجده 82 · 2015-08-30, 21:37

سلام لبنات صحه عشاكم راني صفر مراجعة حتى يرقدو الاولاد ونقرعج عندي ضيفه نصرانيه تعالج بالطب البديل ماعندهاش مع الطبيب ههههه ورايحه نعشيها عدس من للشتاء مادرتو وفرحت قاتلي فيه لحديد وجابت معاها فاليزه ضرك نصورهالكم تاع معدات و قائمه تاع ممنوعات الاكل الله يستر غدوه يبدا راجلي هدا ايه وهذا لا المهه
بلاااااااااغ اخواتي اللي غي الغربه من قائمه الاشياء اللي اخبرتني ان المرغرين التي نشتريها على اساس نباتيه بالصح مخلطينها الخنزير ومايبلغوش

Mizou123 · 2015-08-30, 21:38

ام كاميليا بصحتكم العطلة.
اسيا يعطيك الصحة اختي كللللللش شباب.
ام و ابنة و الله حتى انا قلت شووووف ا سيدي المعلمة الجديدة راحا تتعشا بكرييييي و مبعد قلت اكيييييد غيرتها الجاجة سخوووونة و ريحتها تفحفح. ههههههه
صح عشااااكم كااااامل كاااامل

ام سراج وملاك · 2015-08-30, 21:40

Mizou123 · 2015-08-30, 21:41

روضة الحبيبة نسيت ما سلمتش عليك. سامحيني اختي واش راكي و واش بيه وليييييدك....؟
ساااااجدة اهليييين واش اخبارك....؟

ام سراج وملاك · 2015-08-30, 21:41

ههههههههه ام وابنة بنتك شاطرة ربي يبارك عجبتني وين تروحي تلقاي يديها بااينة فحلة كي مها اتهلاي في عروستي
روضة على سلامتك اختي توحشناك وليتي مطليش بزاف

ساجده 82 · 2015-08-30, 21:42

حقه اللي عندها سؤال تحطو راهي تجاوب على كل شئ هي داوي بالاعشاب وكنت نسول فيها على اسمهان